Thursday, December 05, 2013

មេធាវី​លោក ជាម យៀប មិន​ចាប់​អារម្មណ៍​ការ​ថ្កោលទោស​របស់ HRW


RFA/Morm Moniroth
សំណុំ​រឿង​គ្រោះថ្នាក់​ចរាចរណ៍​ដែល​ពាក់ព័ន្ធ​នឹង​រថយន្ត​របស់ លោក ជាម យៀប ជា​សមាជិក​សភា​មក​ពី​គណបក្ស​ប្រជាជន​កម្ពុជា បុក​អ្នក​ធ្វើ​ដំណើរ​លើ​ដង​ផ្លូវ​ហើយ​រត់ ដែល​បណ្ដាល​ឲ្យ​ស្ត្រី​ជា​ប្រពន្ធ​មាន​ផ្ទៃ​ពោះ​ស្លាប់ និង​ប្ដី​រង​របួស​ធ្ងន់ ក្នុង​ស្រុក​កៀនស្វាយ ត្រូវ​បាន​អង្គការ​ឃ្លាំ​មើល​អន្តរជាតិ​កំពុង​យក​ចិត្ត​ទុក​ដាក់។

ដោយ ខែ សុណង RFA 2013-12-04

មេធាវី​លោក ជាម យៀប មិន​ចាប់​អារម្មណ៍​ចំពោះ​របាយការណ៍​ថ្កោលទោស​របស់​អង្គការ​ឃ្លាំ​មើល​អន្តរជាតិ ដែល​ថា លោក ជាម យៀប គួរ​តែ​ត្រូវ​ជាប់​ពន្ធនាគារ ៣​ឆ្នាំ ពាក់ព័ន្ធ​ទៅ​នឹង​ករណី​គ្រោះថ្នាក់​ចរាចរណ៍​បុក​ប្រជាពលរដ្ឋ​ឲ្យ​ស្លាប់​នោះ​ឡើយ។
អ្នក​តំណាង លោក ជាម យៀប និង​មេធាវី​របស់​លោក គឺ​លោក ការ សាវុត្ថ បាន​ថ្លែង​នៅ​ថ្ងៃ​ទី​៤ ធ្នូ ថា ការ​រិះគន់​របស់​អង្គការ​អន្តរជាតិ​មួយ​នេះ មិន​យោង​ទៅ​លើ​ស្ថានភាព​ជាក់ស្ដែង។ លោក​ថា លោក ជាម យៀប មិន​បាន​រត់​គេច​ចំពោះ​បញ្ហា​នេះ​ទេ។ ប៉ុន្តែ​លោក​ថា អ្នក​បើក​ម៉ូតូ​នោះ គឺ​ជា​អ្នក​បើកបរ​ខុស​ច្បាប់​ចរាចរណ៍​ទៅ​វិញ។
«សំឡេង»

នៅ​ក្នុង​ព័ត៌មាន​ដែល​ផ្សព្វផ្សាយ​លើ​គេហទំព័រ​របស់​ខ្លួន អង្គការ​ឃ្លាំ​មើល​សិទ្ធិ​មនុស្ស​អន្តរជាតិ មាន​មូលដ្ឋាន​នៅ​ទីក្រុង​ញីវយ៉ក សហរដ្ឋ​អាមេរិក យូមែន រ៉ៃត៍ វច្ឆ (Human Rights Watch = HRW) បាន​សម្ដែង​ការ​ព្រួយ​បារម្ភ​ថា អាជ្ញាធរ​កម្ពុជា អាច​នឹង​មិន​បើក​ការ​ស៊ើប​អង្កេត​លើ​ករណី​គ្រោះថ្នាក់​ចរាចរណ៍​នេះ ដោយសារ​ពាក់ព័ន្ធ​នឹង​មន្ត្រី​ជាន់​ខ្ពស់​គណបក្ស​កាន់​អំណាច។
អង្គការ​ដដែល​បាន​លើក​ឡើង​ថា ផ្អែក​តាម​ច្បាប់​ចរាចរណ៍​កម្ពុជា លោក ជាម យៀប អាច​មាន​ទោស​ជាប់​ពន្ធនាគារ​ដល់​ទៅ ៣​ឆ្នាំ ព្រោះ​ថា បើ​ទោះ​ជា លោក ជាម យៀប មិន​មែន​ជា​អ្នក​បើកបរ​ក្ដី គាត់​បាន​គេច​ចេញ​ពី​កន្លែង​កើត​ហេតុ​ដោយ​មិន​បាន​នាំ​យក​ជន​រងគ្រោះ​ទៅ​មន្ទីរពេទ្យ​ភ្លាមៗ ដែល​ក្រោយ​មក​បាន​ស្លាប់​ពេល​បញ្ជូន​ទៅ​កាន់​មន្ទីរពេទ្យ។

គ្រោះថ្នាក់​ចរាចរណ៍​ដែល​ពាក់ព័ន្ធ​នឹង​រថយន្ត​របស់ លោក ជាម យៀប បាន​កើត​ឡើង​កាល​ពី​ថ្ងៃ​សុក្រ ទី​២២ វិច្ឆិកា នៅ​ចំណុច​ស្ពាន​ព្រែក​យួន ស្រុក​កៀនស្វាយ ខេត្ត​កណ្ដាល បណ្ដាល​ឲ្យ​បុរស ឈ្មោះ មឿន ថា អាយុ ២៦​ឆ្នាំ​ជា​ប្ដី រង​របួស​ធ្ងន់ និង​ប្រពន្ធ ឈ្មោះ ពិន សុភា មាន​ផ្ទៃ​ពោះ ២​ខែ​ស្លាប់​នៅ​ពេល​បញ្ជូន​មក​ដល់​មន្ទីរពេទ្យ​កាល់ម៉ែត្រ។

នាយក​ប្រតិបត្តិ​ទទួល​បន្ទុក​កិច្ចការ​តំបន់​អាស៊ី របស់​អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វច្ឆ លោក ប្រ៊ែដ អាដាម (Brad Adams) បាន​និយាយ​ថា មូលហេតុ​មួយ​ដែល​ធ្វើ​អោយ​នីតិរដ្ឋ​នៅ​កម្ពុជា មិន​ត្រូវ​បាន​បង្កើត​ឡើង ក៏​ដោយសារ​តែ​អ្នក​មាន​លុយ និង​មាន​អំណាច តាម​ធម្មតា​ផ្ដល់​ប្រាក់​ទៅ​អោយ​ជន​រងគ្រោះ ឬ​ពេល​ខ្លះ​គំរាម​កំហែង​ពួក​គេ​អោយ​រក្សា​ការ​សម្ងាត់ និង​មិន​អោយ​សហការ​ជាមួយ​សមត្ថកិច្ច ក្នុង​ការ​ដំណើរ​ការ​ស៊ើប​អង្កេត​ជាដើម។

ទាក់ទង​បញ្ហា​នេះ អ្នកស្រី មឿន ស៊ីណា ជា​បង​ស្រី​របស់​ជន​រងគ្រោះ មឿន ថា បាន​បង្ហើប​ថា មេធាវី​ជា​អ្នក​តំណាង លោក ជាម យៀប បាន​ទៅ​បញ្ចុះ​បញ្ចូល​កុំ​ឲ្យ​គ្រួសារ​អ្នកស្រី​គិត​រឿង​វែង​ឆ្ងាយ ក្នុង​ន័យ​មិន​ចាំ​បាច់​ប្ដឹង​ផ្ដល់ ហើយ​សន្យា​ថា​នឹង​ចេញ​ថ្លៃ​ព្យាបាល​របួស​ទាំង​ស្រុង។

«សំឡេង»

នៅ​ក្នុង​ព័ត៌មាន​ដែល​ផ្សព្វផ្សាយ​របស់​អង្គការ​ដដែល លោក ប្រ៊ែដ អាដាម បាន​មាន​ប្រសាសន៍​ថា អ្នក​មាន​អំណាច និង​មាន​ទ្រព្យ​សម្បត្តិ​នៅ​ប្រទេស​កម្ពុជា ធ្លាប់​មាន​ប្រវត្តិ​ក្នុង​ការ​ពាក់ព័ន្ធ​នឹង​គ្រោះថ្នាក់​ចរាចរណ៍​បុក​ហើយ​រត់។ ប្រការ​នេះ បាន​ធ្វើ​អោយ​ប្រជាពលរដ្ឋ​ផ្ទុះ​កំហឹង​ជា​ញយ​ដង។ លោក​បន្ត​ថា អាជ្ញាធរ​កម្ពុជា គួរ​តែ​អនុវត្ត​ច្បាប់​ជា​ជាង​ការ​ការពារ​មន្ត្រី​ជាន់​ខ្ពស់​គណបក្ស​ប្រជាជន​កម្ពុជា។ ហើយ​ថា ប្រសិន​បើ​លោក​នាយក​រដ្ឋមន្ត្រី ហ៊ុន សែន ចង់​ដោះស្រាយ​បញ្ហា​សុវត្ថិភាព​លើ​ដង​ផ្លូវ និង​ចង់​បង្ហាញ​ថា លោក​ពិត​ជា​មាន​ឆន្ទៈ​បញ្ចប់​និទ្ទណ្ឌភាព​លើ​មន្ត្រី​ជាន់​ខ្ពស់​មែន​នោះ លោក ហ៊ុន សែន គួរ​ធានា​ថា ការ​ស៊ើប​អង្កេត​មួយ​ត្រូវ​បាន​បង្កើត​ឡើង ចំពោះ​ករណី​បុក​ហើយ​រត់ ដែល​ពាក់ព័ន្ធ​នឹង​រថយន្ត លោក ជាម យៀប នេះ។

សោកនាដកម្ម​គ្រោះថ្នាក់​ចរាចរណ៍​បាន​កើត​ឡើង​ជា​ញឹកញាប់ លោក​នាយក​រដ្ឋមន្ត្រី ហ៊ុន សែន បាន​ដាក់​ចេញ​នូវ​ពាក្យ​ស្លោក​មួយ​ថា ថ្ងៃ​នេះ​ថ្ងៃ​ស្អែក​កុំ​ឲ្យ​មាន​គ្រោះថ្នាក់​ចរាចរណ៍៕

7 comments:

Anonymous said...

if the victim was the brother or sister of Cheam Yeap lawyer he will think twice.

Anonymous said...

Look @ a face of a killer by hit & run!...What's amazing me is that he still hold higher office in Scamafia unreachable,thieves,thugs,killers,robbers,were roamed free while innocent putting in jail and getting killed like an animal in Proxy-Hanoi's dog regime.Please take a good look at this killer's face my compatriots!...

Kmenhwatt

Anonymous said...

អាជនខូចបុកគេហើយរត់ច្បាប់គឺចូលគុកមិនបាច់តវាច្រើនគឺត្រូវតែចូលគុកដាច់ខាត​ បើទោះបីអ្នកឯងព្រះក៏ដើយ។

Anonymous said...

Cheam Yeap's lawyer does not know the law.

1- it does not matter who is wrong, who is right ,accident is accident but Cheam Yeap is capable to stop his driver after knowing the accident happened, and he must remain at the scene but he was illegally taking off.

2-money compromise with victim 's family is a civil matter, but criminal matter is what he is guilty of and he must be prosecuted by the law of the people no matter how much he paid to the victims family.

elementary graduate.

Anonymous said...

មេធាវីរបស់ ចៀមយ៉ាប់ ជានរណាដែរ ? សុទ្ធតែ
ពួកបាវព្រាវអាយ៉ងយួនទាំងអស់ហ្នឹង សុទ្ធតែពួក
កុម្មុយនិស្តប្រើតែច្បាប់ព្រៃទាំងអស់ដូចតែគ្នា មានខុសគ្នាឯណា ? ។ ពួកនេះគ្រាន់តែសម្តែង
ឲគេមើលប៉ុណ្ណោះ មេធាវី​ និងចៅក្រមគ្រប់តុលា
ការសុទ្ធតែគ្នាវាទាំងអស់ ។ ឃាតករក៏វា​ ចោរក៍
វាប៉ូលិសក៏វា ចៅក្រមក៏ពួកវា តុលាការក៏ពួកវា អ្នកណាចាប់អន្កណា អ្នកណាកាត់ទោសអ្នក
ណា ? ។

អំពើអយុត្តិធម៌នៅកមព្ពុជានាបច្ចុប្បន្ននេះពិតជាធ្ងន់ធ្ងរ គ្មានអ្វីមកស្រោចស្រង់បាន ក្រៅពី
ធ្វើការផ្លាស់ប្តូរប៉ុណ្ណោះ ។ ដូច្នេះ សូមបងប្អូន
ជនរួមជាតិនាំគ្នាក្រោកឈរឡើងទាំងអស់គ្នា កាន់ដៃគ្នា រួបរួមគ្នាធ្វើការតវ៉ា ទាមទារ​ឲមាន
ការផ្លាស់ប្តូរឲបានជាដាច់ខាត ជាបន្ទាន់ ។ កុំទុកឲការឈឺចាប់របស់ប្រជាពលរដ្ឋខ្មែរមានទម្ងន់កាន់តែធ្ងន់ទៅ ៗ តទៅមុខទៀតមិនអាចទ្រាំ
បានឡើយ ។

Anonymous said...

ហ្នឹងឯងច្បាប់សម្រាប់តែអ្នកតូចគោរព ពួកអា
អស់ឯងត្រូវទាំងអស់ នេះមិនមែនស្រុកខ្មែរជា
ស្រុកអត់ច្បាប់ទេឬ?

Anonymous said...

HUN SEN regime must be finished otherwise Cambodian will be dangerous from Vietnam