នៅក្នុងកិច្ចប្រជុំនោះប្រជាពលរដ្ឋបានលើកសំណើចំនួន៣ចំនុចទៅកាន់អជ្ញាធររួមមានៈ
- សូមឲ្យអាជ្ញាធរបែកចែកឲ្យដាច់ស្រលះរវាងដីរបស់ប្រជាពលរដ្ឋនិងដីរបស់ក្រុមហ៊ុន
- សូមឲ្យអាជ្ញាធររក្សាដីព្រៃសហគមន៍ឲ្យនៅដដែលពីព្រោះប្រជាពលរដ្ឋសព្វថ្ងៃពឹងផ្អែកលើអនុផលព្រៃឈើ
- សូមកុំឲ្យក្រុមហ៊ុនជីកព្រំដី(ប្រឡាយ) ដែលប៉ះពាល់ដល់ដីស្រែរបស់ប្រជាពលរដ្ឋ
តបតាមសំណើទាំង៣ខាងលើ អភិបាលស្រុកថ្មពួក លោក ប្លែក វារីបាននិយាយថាៈ
- លោកនឹងចាត់ឲ្យអាជ្ញាធរចុះធ្វើអត្តសញ្ញាណកម្មដីក្នុងគោលបំណងបែកចែកឲ្យដាច់ស្រលះរវាងដីប្រជាពលរដ្ឋ និងដីក្រុមហ៊ុន ហើយប្រសិនបើដីរបស់ ប្រជាពលរដ្ឋស្ថិតនៅលើដីរបស់ក្រុមហ៊ុនអាជ្ញាធរនឹងធ្វើការផ្តល់ដីនៅកន្លែងផ្សេងជំនួសវិញ ពាក់ព័ន្ធនឹងសំណើទី២របស់ប្រជាពលរដ្ឋនោះពុំមានការឆ្លើយតបទេ
- ពាក់ព័ន្ធនឹងសំណើទី៣វិញលោកប្លែក វារីបាននិយាយថាការជីកប្រឡាយនេះគឺដើម្បីងាយស្រួលក្នុងការកំណត់ព្រំដីរបស់ក្រុមហ៊ុន
សូមបញ្ជាក់ផងដែរថា ប្រជាពលរដ្ឋចំនួនប្រាំបីភូមិរួមានភូមិធ្លក ភូមិគោកសំរោងខាងកើត ភូមិគោកសំរោងខាងលិចភូមិក្បាលទន្សង ភូមិបន្ទាយឆ្មារខាងលិច ស្ថិតនៅក្នុងឃុំ បន្ទាយឆ្មារ ស្រុកថ្មពួក ខេត្តបន្ទាយមានជ័យ និងភូមិរំដួលចាស់ ភូមិរំដួលថ្មីភូមិ ប្រាសាទសំរោង សិ្ថតនៅឃុំអំពិល ស្រុកបន្ទាយអំពិលខេត្តឧត្តរមានជ័យ ដែលពាក់ព័ន្ធនឹងដីសម្បទានសេដ្ឋកិច្ចដែលរដ្ឋាភិបាលបានផ្តល់ឲ្យទៅក្រុមហ៊ុនជាតិអភិវឌ្ឍ ចំនួន៦០០០ហិកតា នៅឆ្នំា២០០៩។
ព័ត៌មានបន្ថែមសូមទាក់ទង៖
-អ្នកស្រី សាញ់ វណ្ណា សកម្មជនដីធ្លីនៅភូមិធ្លក ឃុំបន្ទាយឆ្មារស្រុកថ្មពួក ខេត្តបន្ទាយមានជ័យ លេខទូរស័ព្ទ ០៩៧ ៥២១ ២៣៥១
- លោកពៅសុភាព សកម្មជនដីធ្លីនៅភូមិធ្លក ឃុំបន្ទាយឆ្មារ ស្រុកថ្មពួកខេត្តបន្ទាយមានជ័យ លេខទូរស័ព្ទ ០៨៨ ៧៧៨ ០០០៣/០៧៨២៣១ ៥៣៣
- លោកប្លែក វារី អភិបាលស្រុកថ្មពួក ខេត្តបន្ទាយមានជ័យ លេខទូរស័ព្ទ០១២ ៩៣៩ ៥៨៧
No comments:
Post a Comment