(ថ្ងៃទី 16 មិថុនា 2012, ម៉ោង 02:40:PM) | ដោយ: រតនា
ភ្នំពេញ: មន្ត្រីជាន់ខ្ពស់រាជរដ្ឋាភិបាលទទួលបន្ទុកកិច្ចការព្រំដែន បាននិយាយថា កិច្ចការបោះបង្គោលព្រំដែនគោករវាងប្រទេសវៀតណាម និងកម្ពុជា មកដល់ពេលនេះ បានជាង ៨០ភាគរយហើយ។ នៅថ្ងៃទី២៤ ខែមិថុនា ឆ្នាំ២០១២ ខាងមុខនេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃរាជរដ្ឋាភិបាលកម្ពុជា នឹងអញ្ជើញជាអធិបតីក្នុងពិធីសម្ពោធជាផ្លូវការលេខ៣១៤ ដែលឋិតនៅស្រុកកំពង់ត្រាច ខេត្តកំពត ជាប់ព្រំប្រទល់ខេត្តគៀងយ៉ាង ប្រទេសវៀតណាម។
លោក វ៉ា គឹមហុង ទេសរដ្ឋមន្ត្រីទទួលបន្ទុកគណៈកម្មាធិការកិច្ចការព្រំដែន បានឲ្យដឹងនៅព្រឹកថ្ងៃទី១៦ ខែមិថុនា ឆ្នាំ២០១២ បន្ទាប់ពីជូនដំណើរសម្ដេចនាយករដ្ឋមន្ត្រី ទៅចូលរួមកិច្ចប្រជុំ G20 នៅប្រទេសម៉ិចស៊ិចកូ ថា នៅថ្ងៃទី២៤ ខែមិថុនា ខាងមុខនេះ សម្ដេចតេជោនាយករដ្ឋមន្ត្រី នឹងអញ្ជើញជាអធិបតីសម្ពោធបង្គោលព្រំដែនគោកលេខ៣១៤ ឋិតនៅលកព្រែកចាក ស្រុកកំពង់ត្រាច ខេត្តកំពត។ លោកទេសរដ្ឋមន្ត្រីបានពន្យល់ថា បង្គោលព្រំដែនលេខ៣១៤ នៅលកព្រែកចាកនេះ មិនមែនជាបង្គោលព្រំដែនគោកចុងក្រោយរវាងប្រទេសកម្ពុជា និងវៀតណាមនោះទេ។
លោក វ៉ា គឹមហុង បានបន្ថែមថា ការបោះបង្គោលព្រំដែនគោករវាងប្រទេសវៀតណាម និងកម្ពុជា មកដល់ពេលនេះ បានចំនួនជាង ២៨០បង្គោលហើយ ក្នុងចំណោម ៣១៤បង្គោលព្រំដែនរវាងប្រទេសទាំងពីរ។ លោកបញ្ជាក់ថា “គ្រាន់តែ ការធ្វើបង្គោលព្រំដែនចំនួន ៣១៤បង្គោល អស់ទឹកប្រាក់ជាង ១៦លានដុល្លារ ដោយមិនទាន់គិតការចំណាយពីការដឹកចេញពីកន្លែងផលិតបង្គោល មកកាន់កន្លែងដាំបង្គោលព្រំដែនទេ នៃខេត្តទាំង៩របស់វៀតណាមនោះទេ។ គ្រឹះផ្ទះល្មមៗ មិនដល់គ្រឹះបង្គោលយើងទេ ដូច្នេះកុំថា គេទៅរំលោភយកកន្លែងហ្នឹង ហើយមានឯកសារត្រឹមត្រូវទាំងអស់ ស្របតាមនិយាមការណ៍ដែលយើងចុះហត្ថលេខាទ្វាភាគី មិនមែនដូចអ្នកខ្លះចេះតែនិយាយថា យើងឲ្យគេបោះអីនោះទេ។ យើងពិបាកនិយាយនឹងពួកគាត់”។
លោក វ៉ា គឹមហុង បានបញ្ជាក់ទៀតថា ការបោះបង្គោលព្រំដែនគោករវាងប្រទេសទាំងពីរ យោងទៅតាមឯកសាររបស់អណានិគមបារាំងដែលបន្សល់ទុកឲ្យ និងផែនទីស្របទៅតាមរដ្ឋធម្មនុញ្ញនៃប្រទេសកម្ពុជា គឺផែនទីខ្នាតមួយលើមួយរយពាន់ របស់ក្រុមភូមិសាស្ដ្រឥណ្ឌូចិន និងយោងតាមការសម្របសម្រួលរវាងព្រះមហាក្សត្រ ជាមួយអគ្គទេសាភិបាលកូសាំងស៊ីន នៅឆ្នាំ១៨៧៣ ដែលពេលនោះ បានបោះបង្គោលរវាងកម្ពុជា-កូសាំងស៊ីន បានចំនួន ១២៤បង្គោល ហើយបង្គោលខ្លះបន្សល់នៅដល់សព្វថ្ងៃ មិនបានរលុបបាត់រូបរាងអស់ទេ ទោះបីជានៅវៀតណាមក៏ដោយ។
លោកទេសរដ្ឋមន្ត្រី បានបញ្ជាក់បន្ថែមថា បង្គោលលេខ៣១៤ ដែលសម្ដេចតេជោហ៊ុន សែន គ្រោងនឹងទៅសម្ពោធនៅពេលខាងមុខនេះ គឺជាបង្គោលព្រំដែនដែលមានសារៈសំខាន់ក្នុងការកំណត់ព្រំដែនសមុទ្រ ពីព្រោះយើង(កម្ពុជា-វៀតណាម) បានឯកភាពគ្នាលើបង្គោលព្រំដែនគោលលេខ៣១៤ ដើម្បីឈានទៅដល់ការព្រមព្រៀងជាមួយគ្នា បោះបង្គោលព្រំដែនសមុទ្រ ដោយយកបង្គោលព្រំដែនគោក៣១៤ ធ្វើជាគោល។ ការបោះបង្គោលព្រំដែនសមុទ្រ កម្ពុជាយើងមានឯកសារដែលបារាំងបន្សល់ទុកឲ្យហៅថា ខ្សែទឹកប្រេវីយ៉េ ឆ្នាំ១៩៣៩ ដោយផ្ដើមចេញពីចំណុចបង្គោលព្រំដែនគោកលេខ៣១៤នេះ ដែលអ្នកបច្ចេកទេសបារាំងហៅថា មុំបី៕
1 comment:
ឲ្យអាយួន អាខ្មែរខ្ញុំយួនបោះបង្គោលទាំងនោះ
ទៅ តែខ្មែរអ្នកជាតិនិយម ថែមទាំងខ្មែរក្រោមពុំ
ទទួលដឹងឭឡើយ។
អាហ៊ុន សែន និង រដ្ឋាភិបាលអាហ៊ុន សែនជាខ្ញុំ
យួន។ ពួកវាបង្កើតព្រុំដែនជាលេះ តែដោយពិត
ដីខ្មែរទុកដូចជាដីយួន ព្រោះយួនមករស់នៅស្រុក
ខ្មែរ ៦,០០០,០០០ នាក់។
កងទ័ពយួន ២០,០០០នាក់លាក់នៅចំការកៅស៊ូ
យួនទាំង ៧ នៅស្រុកខ្មែរ ហើយដែលមាន
កំណត់ ៩៩ ឆ្នាំ។ មិនតែប៉ុណ្ណោះ ក្រុមសម្ងាត់
យួនមាន ២០,០០០នាក់ ប្រចាំសង្កាត់ ស្រុក
ខេត្ត និង ក្រុងភ្នំពេញ។ នេះឬ ប្រទេសកម្ពុជា
រាជាធិបតេយ្យ អព្យាក្រិត?
ខ្មែរអ្នកជាតិនិយម និង ខ្មែរក្រោមនឹងយកផែនទី
ជំនាន់បារាំងគ្រប់គ្រង ខ្មែរ យួន លាវជា
ភស្ដុតាង។
Post a Comment