កំពូលអ្នកវិភាគនយោបាយ ត្រូវបានវាយប្រហារតាមហ្វេសប៊ុក

22 ខែមិថុនា 2012
Originally posted at: http://khmersme.wordpress.com/2012/06/22/%E1%9E%80%E1%9F%86%E1%9E%96%E1%9E%BC%E1%9E%9B%E1%9E%A2%E1%9F%92%E1%9E%93%E1%9E%80%E1%9E%9C%E1%9E%B7%E1%9E%97%E1%9E%B6%E1%9E%82%E1%9E%93%E1%9E%99%E1%9F%84%E1%9E%94%E1%9E%B6%E1%9E%99-%E1%9E%8F%E1%9F%92/

កំពូងលអ្នកវិភាគនយោបាយខ្មែរមួយចំនួន ដែលក្នុងនោះ មានលោក សយ សុភាព លោកជុំ កុសល លោកឈឹមផលវរុណ និងលោកសោមឆាយ៉ា កាលពីម្សិលមិញ ត្រូវ ក្រុមអ្នកនិយមហ្វេសប៊ុក ធ្វើការវាយប្រហារចំៗថា ជាអ្នកនយោបាយអែបអប ឡេមឡឺម និង និយាយភូតកុហក គ្មានការពិតច្រើន។

ការលើកឡើងនេះ បានកើតឡើង បន្ទាប់ពីសារព័ត៌មានក្នុងស្រុកមួយចំនួ ចុះផ្សាយពីការកាត់ដី(ភូមិសម្តេចហេងសំរិន)ចំនួនពីរភូមិទៅឲ្យវៀតណាម ដែលអះអាង ដោយលោកវ៉ា គឹមហុង។ ពួកគេនិយាយថា ហេតុអ្វី ក៏អ្នកនយោបាយបោកប្រាសទាំងនេះ មិននាំគ្នានិយាយផង ពីបញ្ហាព្រំដែនខាងកើត? តែបើខាងលិចវិញ ឮអីបន្តិច មិនបានទេ តាំបង្កើតមូលនិធិបោកប្រាសគេ ប្រមូលលុយភ្លាម។ តែចំពោះព្រំដែនខាងកើត ទោះបីជាប្រជាពលរដ្ឋ ទូទាំងប្រទេស មានការខឹងសម្បារ ឬមិនគាំទ្រ សកម្មភាពប្តូរភូមិគ្នានេះក្តី ក៏អ្នកនយោបាយ បោកប្រាស់ដើម្បីលាភសក្ការៈនេះ មិនអើពើដែរ។ ពួកគេសួរថា តើពួកគេវិភាគនយោបាយ ដើម្បីបោកប្រាស់ ឬដើម្បី ជាតិប្រជាជនដែរ?។ ពួកគេ គួរតែលើកមកនិយាយដោយស្មោះត្រង់ពីមូលហេតុនៃការដោះដួរភូមិខ្មែរនេះ។ ហេតុអី ចាំបាច់ លាក់មុខដូចអណ្តើកក្នុងស្នូកធ្វើអី? ចេញក្បាល មកនិយាយខ្លះទៅ តែមិនត្រូវនិយាយការពារយួន ឬគណបក្សកាន់អំណាចទេ។


ក្រៅពីអ្នកនយោបាយ ដ៏ងប់ងុលទាំងបួនប្រាំនាក់នេះ អ្នករិះគន់នៅហ្វេសប៊ុក ក៏បានរិះគន់ប្រព័ន្ធផ្សព្វផ្សាយមួយចំនួនទៀត ដូចជាកាសែតរស្មីកម្ពុជា កាសែតកោះ សន្តិភាព និង កាសែតកម្ពុជាថ្មី រួមទាំង ទូរទស្សន៍ជាតិ ទូរទស្សន៍បាយ័ន ទូរទស្សន៍ស៊ីធីអ៊ិន និយាយរួម ស្ថានីយ៍ទូរទស្សន៍ទាំង៩ក្នុងប្រទេស មិនមាន ការផ្សព្វ ផ្សាយបញ្ហាដោះដូរភូមិ ឬកាត់ដីឲ្យយួននេះទេ។ វិទ្យុទាំងអស់ ក្រៅពីអាស៊ីសេរី វីអូអេ ១០៥មេហ្គាហឺត កាសែតឌឺខេមបូឌាដេលី និង ភ្នំពេញប៉ុស្ត ក៏ពួកគេមិនបាន ផ្សព្វផ្សាយរឿងនេះដែរ។

មើលទៅ វាជារឿងដ៏គួរឲ្យអស់សំណើច ដែលអ្នកនយោបាយខ្មែរ វិភាគងាកទៅតែម្ខាង មិនប្រកាន់ជំហរឯករាជ្យ។ ប៉ុន្តែ កត្តាទាំងនេះ ក៏ពិបាកបន្ទោសពួកគាត់ដែរ ព្រោះពួកគាត់ធ្វើទៅតាមទឹកលុយដែលគេទិញឧត្តមគតិ និង អាចមានការគំរាមកំហែងខ្លះផងដែរមើលទៅ។ ឱខ្មែរអើយ ថ្ងៃណា ទើបខ្មែរនាំគ្នាភ្ញាក់ខ្លួន? ស្រលាញ់ ជាតិខ្លួន ជាជាងស្រលាញ់លុយ និង លាភសក្ការៈនោះ?។