ធំទាំងកូន ធំទាំងឪ៖ អាកូនជាបងធំ អាឪជាប៉ូលិសថ្នាក់ធំ - Like fathers, like sons: both hot air heads

បងធំ មួយក្រុម ព្រួតវាយនិស្សិតខ្មែរ សញ្ជាតិអាមេរិក២នាក់ សន្លប់ធំ នៅភោជនីយដ្ឋាន Saint Tropez

Friday, 22 June 2012
ដោយៈយ៉ាន់ សុខរិទ្ធ
DAP news

Synopsis: 2 Cambodian-American students were severely beaten up by a group of thugs at the Saint Tropez Restaurant at around midnight on 22 June 2012. The two students were sitting next to table occupied by a group of thugs - who are well known sons of high-ranking police officers - who started to toss cups and bottles at them. When the two students who knew some of these thugs tried to talk to them, they were beaten up until they passed out. The thugs left the restaurant after the beating and nobody dare to intervene, not even the restaurant security, nor the police. That's the rule of jungle law in the Kingdom of Wonder!

ភ្នំពេញៈ និស្សិតខ្មែរ សញ្ជាតិអាមេរិក២រូប ត្រូវបានក្រុមបងធំ ប្រមាណ១០នាក់ ព្រួតគ្នាវាយ បណ្តាលឱ្យរងរបួសជាទម្ងន់ កាលពីវេលាម៉ោង ១២ រំលងអាធ្រាត្រ ឈានចូលថ្ងៃទី២២ ខែមិថុនា ឆ្នាំ២០១២ ខណៈដែលនិស្សិតទាំង២នាក់នេះ បានទៅលេងកម្សាន្ត នៅក្នុងភោជនីយដ្ឋាន សង់ត្រូប៉េស (Saint Tropez) សង្កាត់បឹងរាំង ខណ្ឌដូនពេញ រាជធានីភ្នំពេញ។

ប្រភពព័ត៌មានពីសាក្សី នៅកន្លែងកើតហេតុ បានឱ្យដឹងថា នៅវេលាកើតហេតុ ក្រុមបងធំ ដែលមានគ្នីគ្នា ប្រមាណ១០នាក់ ត្រូវបានគេដឹង សុទ្ធសឹងតែជា កូនមន្រ្តីនគរបាលថ្នាក់ធំ បានទៅអង្គុយផឹកស៊ី នៅតុមួយ ក្នុងហាងសង់ត្រូប៉េស ។ បន្ទាប់មកនិស្សិតខ្មែរសញ្ជាតិអាមេរិក ២នាក់ បានទៅផឹកស៊ី នៅតុមួយក្បែរ នោះដែរ ។ មួយសន្ទុះក្រោយមក ដោយឃើញតុ ខាងក្រុមបងធំមានគ្នីគ្នាច្រើន ស្រែកឡូឡា អ៊ូអរ រួមជាមួយសំឡេង សើចក្អាកក្អាយ របស់ស្រីស្នេហ៍របស់ពួកគេ ក្រុមនិស្សិត២នាក់ ក៏បានក្រឡេកមើល ទៅតុរបស់ពួកគេ ដោយសារតែ និស្សិតទាំង២នាក់នេះ ធ្លាប់ស្គាល់សមាជិក នៅក្នុងក្រុមបងធំនោះ ប៉ុន្តែភ្លាមៗនោះ បក្ខពួករបស់គេប៉ុន្មាននាក់ នៅក្រុមជាមួយគ្នានោះ ក៏បានគប់កែវ និងដបស្រា មកតុរបស់និស្សិតទាំង២នាក់ ។


សាក្សីបន្តថា ដោយឃើញ ក្រុមបងធំជាកូនមន្រ្តីនគរបាលធំៗ ចេះតែគប់កែវ និងដបស្រា សំដៅមក លើខ្លួន ដូចនោះ ដោយមិនចង់មានទំនាស់ អ្នកទាំង២ក៏បានដើរ សួរនាំក្នុងន័យសម្របសម្រួល ព្រោះកន្លងមកពួកគេក៏ធ្លាប់ស្គាល់គ្នាដែរ ប៉ុន្តែដល់ពេលដើរទៅដល់តុរបស់ពួកគេ ក្រុមបងធំទាំងនោះ ក៏នាំគ្នាព្រួតវាយ យ៉ាងសន្ធាប់ និងបានហៅបក្ខពួក របស់ខ្លួន មកទាត់ធាក់ និស្សិតទាំង២នាក់ រហូតដល់ សន្លប់ ។ ក្រោយកើតហេតុ ក្រុមបងធំ បាននាំគ្នាឡើងជិះរថយន្ត ទំនើបៗ ៣-៤គ្រឿង គេចខ្លួន ដោយសុវត្ថិភាព និងមិនមានសន្តិសុខ ឬសមត្ថកិច្ចណា ហ៊ានអន្តរគមនោះទេ។

តាមចម្លើយជនរងគ្រោះ បានអះអាងប្រាប់មជ្ឈមណ្ឌល ព័ត៌មានដើមអម្ពិលថា ចំពោះ ហេតុការណ៍នេះ ពួកគេកំពុងតែ រៀបចំសំណុំ ឯកសារ ដើម្បីប្តឹង បក្ខពួកបងធំ ដែលជា កូនមន្រ្តី នគរបាលថ្នាក់ធំទាំងនោះ ទៅកាន់សាលាដំបូងរាជធានីភ្នំពេញ នៅថ្ងៃចន្ទ ទី២៥ ខែមិថុនា ខាងមុខនេះ ដើម្បីទាមទារ រកយុត្តិធម៌ តាមផ្លូវច្បាប់ ៕