ផ្ទុះអាវុធ ជាង ១០​គ្រាប់ រវាង​សមត្ថកិច្ច និង​ក្រុម​ជួញដូរ​គ្រឿងញៀន របួស​ជនសង្ស័យ​ម្នាក់​

ផ្ទុះអាវុធ ជាង ១០​គ្រាប់ រវាង​សមត្ថកិច្ច និង​ក្រុម​ជួញដូរ​គ្រឿងញៀន របួស​ជនសង្ស័យ​ម្នាក់​ 

(ថ្ងៃទី 27 ធ្នូ 2012, ម៉ោង 02:57:PM) | ដោយ: វិសាល CEN

ភ្នំពេញ: សមត្ថកិច្ច​មន្ទីរ​ប្រឆាំង​គ្រឿងញៀន សហការ​ជាមួយ​សមត្ថកិច្ច​មូលដ្ឋាន ខណ្ឌចំការមន បាន​ចុះ​ឆែកឆេរ​ផ្ទះ​គ្មាន​លេខ​មួយកន្លែង ដែលមាន​ក្រុម​ជនសង្ស័យ​ជួញដូរ​គ្រឿងញៀន នៅ​ខាង​ក្នុងនោះ នាំ​ឲ្យ​ក្រុម​ជនសង្ស័យ និង​សមត្ថកិច្ច បាន​បាញ់​ដាក់គ្នា នៅ​រសៀល​ថ្ងៃទី​២៧ ខែធ្នូ ឆ្នាំ​២០១២ នៅ​ជិត​ស្ថានទូត​ចិន ក្នុង​រាជធានី​ភ្នំពេញ​។ ជនសង្ស័យ​ម្នាក់ រងរបួស​ជើង​។​ ​ហេតុការណ៍​ នេះ បានកើត​ឡើង កាលពី​វេលា​ម៉ោង ១ និង ៥០ នាទី រសៀល​ថ្ងៃទី​២៧ ខែធ្នូ ឆ្នាំ​២០១២ ស្ថិត​នៅផ្ទះ​គ្មាន​លេខ ក្នុង​សង្កាត់​ទួល​ស្វាយព្រៃ​ទី​១ ខណ្ឌចំការមន​ ជិតហាងម្លប់ស្វាយ៩៩។​

​សមត្ថកិច្ច​បាន​ឲ្យ​ដឹងថា នៅ​ខាង​ក្នុងផ្ទះ​នោះ មាន​មនុស្ស ៥ នាក់ ក្មេង​តូច​ម្នាក់​ សុទ្ធតែ ជនជាតិវៀតណាម។ ជនសង្ស័យ ឈ្មោះ កែវ សារឿន ត្រូវ​សមត្ថកិច្ច​បាញ់ ឲ្យ​របួស​ត្រង់​ជើងស្តាំ ក្រោយពី​បាន​បាញ់​តដៃ​គ្នា ជាមួយ​សមត្ថកិច្ច​ និងប្រពន្ធ ឈ្មោះ ពៅ បុប្ផា។

សមត្ថកិច្ច រកឃើញ គ្រឿងញៀន ជិតកន្លះ គីឡូក្រាម កាំភ្លើងពីរដើម ​នៅក្នុង​ផ្ទះ​នោះដែរ ក៏មាន​រថយន្ត​មួយ​គ្រឿ ម៉ាក Hummer ពាក់​ស្លាក​លេខ ខម​ភ ០២-២២៦៦។ ក្រោយមកសមត្ថកិច្ច បាននាំខ្លួន ក្រុមជនសង្ស័យ ទៅឆែកឆេរផ្ទះមួយកន្លែងទៀត លេខ៣៦ ក្រុមទី៣៣ ភូមិ១៣ សង្កាត់ទឹលល្អក់ទី៣ ខណ្ឌទួលគោក ដោយមានការ ចូលរួមពីលោក ហ៊ាង សុភ័ក្រ្ត ព្រះរាអាជ្ញារង រាជធានីភ្នំពេញ សមត្ថកិច្ចមន្ទីរ ប្រឆាំងគ្រឿងញៀន រួមទាំងសមត្ថកិច្ចមូលដ្ឋានផងដែរ។ សមត្ថកិច្ច ឆែកឆេរ រកឃើញ ម៉ាស៊ីន និងពុម្ព ផលិតគ្រឿងញៀន និងវត្ថុតាង សំរាប់ផលិតគ្រឿងញៀនមួយចំនួនទៀត៕​