នរណាខ្លះជាអ្នកលុបបំបាត់ពូជសាសន៍ខ្មែរ ?

០១ ធ្នូ ២០១២ ដោយ  ឆាំ  ឆានី

ខ្មែរគ្រប់រូបតែងតែគិតថាខ្លួនជាអ្នកស្រឡាញ់ជាតិសាសន៍របស់ខ្លួន ហើយមិនចង់ឲ្យជាតិ សាសន៍ របស់ខ្លួនបាត់បង់ឡើយ  ។  តែអ្វីដែលជាការកត់សម្គាល់នោះគឺ  ក្នុងសម័យ  បច្ចុប្បន្ន​មានខ្មែរ​យើង​មួយចំនួនមិនថាបណ្ឌិត កវី មន្ត្រី  ឬរាស្រ្តសាមញ្ញនោះទេ បានលុប បំបាត់​ជាតិ​សាស​ន៍​​​ឯង​ដោយចេតនាខ្លះ និងអចេតនាខ្លះ ។  ក្នុងន័យនេះខ្ញុំសូមធ្វើការកត់  សម្គាល់ត្រង់​ចំណុច​​តូច ​​មួយ​​តែ​ប៉ុណ្ណោះគឺ៖ ការដាក់ឈ្មោះឲ្យកូនប្រុសស្រី  ព្រោះខ្មែរ  មួយចំនួន ជាពិសេសអ្នករស់នៅក្រៅ​ប្រទេស​ និងក្នុងប្រទេសក៏មាន តែងតែនិយម  ដាក់ឈ្មោះឲ្យកូនប្រុសស្រីដោយ​យកឈ្មោះ​បរទេស​មកប្រើ ឩ. ដានីញែល   ឬគ្រី​ស្តូហ្វរ័ ជាដើម គឺជាឈ្មោះបរទេសសុទ្ធសាធ ។  ត្រង់ចំណុចនេះគឺ​អ្នក​ទាំង​នោះ​ប្រហែល  ជាភ្លេចគិតហើយថា  ថ្ងៃអនាគតទៅកូនចៅរបស់គេ  និងប្រើឈ្មោះ​ដែលគេ​បាន​ដាក់ឲ្យជាភាសារបទេសនោះ  ជានាមត្រកូលជំនួសឈ្មោះរបស់គេដែលជាឈ្មោះ​ខ្មែរ​មិន ខាន ។ ពេលនោះហើយដែលពូជសាសន៍ខ្មែរបានត្រូវសាបសូន្យបន្តិចម្តងៗដោយមិន​បាច់  ជនជាតិ​ណា​មកបំផ្លាញខ្មែរឡើយ  ។ ក្នុងទ្រីស្តីព្រះពុទ្ធសាសនា  ត្រង់ចំណុចទីបីនៃកាតព្វ កិច្ច​របស់​កូនប្រុសស្រី​ដែលត្រូវប្រតិបត្តិចំពោះឳពុកម្តាយបានចែងថា. កូនប្រុសស្រី   ត្រូវរក្សា​វង្ស​ត្រកូលកេរ​​​ដំណែល​របស់​ឪពុក​ម្តាយ ចុះបើពេលនេះ​យើង​ជា​​អ្នកលុបបំបាត់​វង្សត្រូវជាខ្មែររបស់ខ្លួន ដោយខ្លួនឯងហើយនោះ តើឲ្យកូនប្រុសស្រី  រក្សានូវពូជ​ពង្សវង្ស​ត្រកូលថាគេជាពូជខ្មែរតាមរបៀបណា ? បើសូម្បីតែឈ្មោះរបស់គេ មិនមែនជាខ្មែរផងនោះ ៕ (ត្រកូលសរជាតិ មាយាទសរពូជ)