តុលាការ​កំពូល​ប៉ាគីស្ថាន ចេញ​ដីកា ចាប់​ខ្លួន​នាយករដ្ឋ​មន្ត្រី​រ៉ាចា ពែរ៉េស ​អាស្រាហ្វ

 

 

 

 

 

 

 

ថ្ងៃទី​ 15 ខែមករា ឆ្នាំ2013, ម៉ោង 09:44 PM ប្រែសម្រួលៈ ស៊ុនហ្វាន

www.akt-media.com

ប៉ាគីស្ថាន (BBC): តុលាការ​កំពូល​ប៉ាគីស្ថាន បាន​ចេញ​ដីកា បញ្ជា​ឲ្យ​ចាប់​ខ្លួន​នាយករដ្ឋ​មន្ត្រី​រ៉ាចា ពេរ៉េស អាសា្រហ្វ(Raja Pervez Ashraf) និងមនុស្ស ១៥​នាក់​ទៀត ពីបទ​ចោទ​ប្រកាន់​នឹង​អំពើ​ពុករលួយ ដែល​ធ្វើ​ឲ្យ​មាន​ការ​ព្រួយ​បារម្ភ​ថា នឹងមាន​វិបត្តិ​នយោបាយ នៅ​រយៈ​ពេល​ប៉ុន្មាន​ខែ​ មុន​ការ​បោះ​ឆ្នោត។

លោកអាស្រាហ្វ បានបដិសេធចំពោះ​ការទទួលសំណូក លើគម្រោង​ថាមពល​អគ្គិសនី នៅពេលដែលលោក​កាន់តំណែង​ជារដ្ឋមន្ត្រីក្រសួង​ធនធាន​ទឹក      និងថាមពល នៅឆ្នាំ​២០១០។

តុលាការកំពូល បានចេញដីកា ថា លោកនាយករដ្ឋមន្ត្រី និងមនុស្ស១៥នាក់ទៀត បានបញ្ជាឲ្យចាប់ខ្លួន ក្នុងរយៈពេល២៤ម៉ោង ប៉ុន្តែបើតាមសម្តីមេធាវីរបស់លោក​នាយករដ្ឋមន្ត្រី​បានអះអាងថា គេអាច​ពន្យារ​ដីកាបាន។

ចំណាត់ការរបស់តុលាការ ធ្វើឡើងក្រោយពីមានស្ថានការណ៍វឹកវរមួយទៀត នៅក្រុងអីុស្លាម៉ាបាដ បន្ទាប់​ពីក្បួនយាត្រារាប់ពាន់នាក់ ដែលដឹកនាំដោយលោក​បណ្ឌិត​កាឌ្រី​(Qadri) ពីក្រុងឡាហ័រ បានមកបោះជំរំ នៅក្បែរវិមានរដ្ឋសភា ដើម្បីតវ៉ា។

មេដឹកនាំក្រុមតវ៉ារូបនេះ បាននិយាយថា លោកចង់ឲ្យយោថា និងតុលាការ បង្កើតរដ្ឋាភិបាលស្តីទីមួយ ដើម្បីត្រួតពិនិត្យមើលការបោះឆ្នោត។ ប៉ុន្តែរដ្ឋាភិបាល បានចោទ​ប្រកាន់​លោកថាប៉ុនប៉ងផ្អាកការបោះឆ្នោត ដែលនឹងប្រព្រិត្តិទៅនៅខែឧសភា ខាងមុខនេះ។

លោកអាស្រាហ្វ គ្រោងនឹងដឹកនាំគណបក្សប្រជាជនប៉ាគីស្ថាន (Pakistan People's Party / PPP )ចូលរួមការបោះឆ្នោតសាកល នៅខែឧសភា ខាងមុខនេះ។

ក្រុមអ្នកសង្កេតការណ៍ជាច្រើន យល់ថា ពួកគេរំពឹងថា ចំណាត់ការរបស់តុលាការនេះ គឺជាការប្រជែងអំណាចរវាងគណបក្សPPP ដែលដឹកនាំដោយរដ្ឋាភិបាល និងតុលាការ។