Monday, 21 January 2013 លាង ផាន់ណារ៉ា ភ្នំពេញប៉ុស្តិ៍
ភ្នំពេញៈ
ប្រជាពលរដ្ឋនៅសហគមន៍បុរីកីឡាដែលរងការឈូសឆាយផ្ទះសម្បែង
ដោយក្រុមហ៊ុនផានអ៊ីម៊ិចបាននាំគ្នាឈរតវ៉ានៅមុខក្រសួងមហាផ្ទៃ
ស្ថាប័នព្រឹទ្ធសភា និងគណបក្សប្រជាជនកម្ពុជា
ដើម្បីស្នើសុំការអន្តរាគមន៍ពីលោកជា ស៊ីម
ប្រធានគណបក្សប្រជាជានកម្ពុជា និងប្រធានព្រឹទ្ធសភា និងលោក ស ខេង
រដ្ឋមន្ត្រីក្រសួងមហាផ្ទៃ ជួយឲ្យរដ្ឋាភិបាលកម្ពុជាជម្រុញឲ្យ
ក្រុមហ៊ុនផានអ៊ីម៊ិច គោរពនូវកិច្ចសន្យាសាងសង់ឲ្យគ្រប់ចំនួន
១០អគារ។
សហគមន៍បុរីកីឡានៅសង្កាត់វាលវង់ ខណ្ឌមករា រាជធានីភ្នំពេញ
ត្រូវបានរាជរដ្ឋាភិបាលកម្ពុជាប្រគល់នូវដីសម្បទានសង្គមកិច្ចចំនួន
៤.៦០ហិចតា អភិវឌ្ឍន៍នៅហ្នឹងកន្លែង ហើយបានដោះដូចឲ្យក្រុមហ៊ុន
ផានអ៊ីម៊ិច ២.៦០ហិចតា នៅសល់ ២ហិចតាសម្រាប់សាងសង់អគារចំនួន
១០កម្ពស់ ៦ជាន់ជូនប្រជាពលរដ្ឋនៅសហគមន៍បុរីកីឡាជាថ្នូរដី
២.៦០ហិចតា ប៉ុន្តែ ក្រុមហ៊ុន ផានអ៊ីម៊ិច
មិនបានគោរពនូវកិច្ចសន្យាដែលបានចុះថ្ងៃ ០៥ ខែមករា ឆ្នាំ២០០៤។
យោងតាមលិខិតដាក់ជូនរដ្ឋមន្ត្រីក្រសួងមហាផ្ទៃ
និងប្រធានស្ថាប័នព្រឹទ្ធសភា និងគណបក្សប្រជាជនកម្ពុជា ចុះថ្ងៃទី២១
ខែមករានេះ ពលរដ្ឋបានរៀបរាប់ថា ក្រុមហ៊ុនផានអ៊ីម៊ិចបានសាងសង់ត្រឹមតែ
៨អគារ ប៉ុណ្ណោះ បណ្តាលឲ្យពលរដ្ឋសហគមន៍បុរីកីឡាខ្លះ
សព្វថ្ងៃរស់នៅលំបាកវេទនា ក្នុងតង់ក្បែរគំនរសម្រាម
និងគ្រួសាររស់នៅក្រោមជណ្តើរ និងមានការបោះសម្រាម
និងចោលកន្ទុយបារីមកពីខាងលើ។ ដោយសារ នៅថ្ងៃទី០៣ ខែមករា ឆ្នាំ ២០១២
ក្រុមហ៊ុនផានអ៊ីម៊ិចបានប្រើប្រាស់គ្រឿងចក្រដោយយកកងកម្លាំង
ចម្រុះ ប្រដាប់អាវុធមានឧស្ម័នបង្ហូរទឹកភ្នែក
ហើយយកមកឈូសកំទេចផ្ទះសម្បែង គ្មានប្រាប់ដំណឹងជាមុន
និងគ្មានដីកាពីតុលាការ។
ក្នុងពេលនោះដែរ ក្រុមប្រជាពលរដ្ឋសហគមន៍ផ្លូវលេខ ៣៤៧ ស្ថិតក្នុងភូមិ ៣
ផ្លូវ៣៤៧ សង្កាត់បឹងកក់ទី១ ខណ្ឌទួលគោក រាជធានីភ្នំពេញមានចំនួន
១៤គ្រួសារ ដែលកំពុងប្រឈមមុខនឹងការបាត់បង់លំនៅដ្ឋាន
ក៏បាននាំគ្នាមកតវ៉ានៅមុខស្ថាប័នព្រឹទ្ធសភា
និងគណបក្សប្រជាជនកម្ពុជា ដើម្បីស្នើឲ្យលោក ជា ស៊ីម ប្រធានព្រឹទ្ធសភា
និងប្រធានគណបក្សប្រជាជនកម្ពុជាជួយអន្តរាគមន៍បន្ទាន់
ដើម្បីជម្រុញនិងពន្លឿនឲ្យមានការដោះស្រាយបញ្ហាទំនាស់ដីធ្លី
ដ៏រ៉ាំងរ៉ៃដែលបានកើតឡើង និងអូសបន្លាយតាំងពីឆ្នាំ២០០៧រហូតមក
ដើម្បីឲ្យសហគមន៍នេះទទួលបានប័ណ្ណកម្មសិទ្ធិស្របច្បាប់។
សូមរង់ចាំអានព័ត៌មានពិស្តារក្នុងកាសែតភ្នំពេញប៉ុស្តិ៍
3 comments:
Chea Sim and his helpers are Ape men walking.
Chea Xim and the man on his right hand side both look real monkey.
khm need healty mantorun coutry notlik him goodby
Post a Comment