ព្រះឥន្ទ ដាក់បណ្តាសា លើស្ទូឌីយោ បម្រើការងារ គណបក្ស ស្រីលើកជើង ជិះជាន់ប្រជារាស្រ្ត?

អគ្គីភ័យបានឆាបឆេះ ស្ទូឌីយោ ស្ថានីយទូរទស្សន៍ស៊ីធីអិន

ថ្ងៃទី 24 កុម្ភៈ 2013 | ដោយ: វិសាល
Cambodia Express News

ភ្នំពេញ: អគ្គីភ័យបានឆាបឆេះស្ទូឌីយោស្ថានីយទូរទស្សន៍ស៊ីធីអិន នៅវេលាម៉ោង ១០ ព្រឹកថ្ងៃទី២៤ ខែកុម្ភៈ ឆ្នាំ២០១៣ ស្ថិតនៅផ្លូវជាតិលេខ៥ ភូមិក្រោលគោ សង្កាត់គីឡូម៉ែត្រលេខ៦ ខណ្ឌឫស្សីកែវ រាជធានីភ្នំពេញ។

បន្ទាប់ពីមានអន្តរាគមន៍ពីក្រុមរថយន្តពន្លត់អគ្គីភ័យរាជធានីភ្នំពេញ និងរថយន្តពន្លត់អគ្គីភ័យ របស់ស្ថាប័នពាក់ព័ន្ធ ប្រមាណជារយៈពេល ១៥ នាទីក្រោយមក ភ្លើងបានរលត់ទាំងស្រុងវិញ។ ក្នុងនោះមានរថយន្តរបស់អង្គភាពបង្ការ និងពន្លត់អគ្គីភ័យនគរបាលរាជធានីភ្នំពេញ ចំនួន ៦គ្រឿង និងរថយន្តរបស់ក្រុមហ៊ុនសូគីម៉ិច ២គ្រឿង ហើយប្រើប្រាស់ទឹកអស់ចំនួន ៤រថយន្ត។

ស្ទូឌីយោដែលឆេះនោះ ជាកន្លែងលេងហ្គេម មានបីប្រភេទ ដូចជា កន្លែងលេងហ្គេមជ្រែកជញ្ជាំង ហ្គេមតើអ្នកឆ្លាតជាងសិស្សថ្នាក់ទី៥ឬទេ និងកន្លែងលេងហ្គេមអ្នកនឹងក្លាយជាសេដ្ឋី។ សម្ភារៈនៅក្នុងកន្លែងលេងហ្គេមមានបីប្រភេទនោះត្រូវបានភ្លើងឆេះអស់ទាំងស្រុងតែម្តង។
ហេតុការណ៍នេះមិនមានមនុស្សរងគ្រោះថ្នាក់នោះទេ។ទោះជាយ៉ាងណាក៏ដោយ មិនទាន់មានសេចក្តីរាយការណ៍ពីសមត្ថកិច្ចជំនាញ នៃហេតុការណ៍នេះទេ ហើយទំហំនៃការខូចខាតក៏គេពុំទាន់ដឹងដែរ ពោលគឺស្ថិតក្នុងដំណាក់កាលស្រាវជ្រាវ៕