តើមានហេតុផលអ្វី ទៀតក្នុងជំនួបនោះ បានជាខំ ប្រកែកញ៉ាញ រឿង សម រង្ស៊ី ក្នុងការ បោះឆ្នោត? ឬក៏រឿង BHP Billitonផងដែរ?

លោកឧបនាយករដ្ឋមន្ត្រី ហោ ណាំហុង ទទួលជួបលោកស្រី Penny Richards ឯកអគ្គរដ្ឋទូតអូស្ត្រាលី ជិតផុតអាណត្តិ

ប្រមុខ​ការទូត​កម្ពុជា(ហោ-5ហុង) ​៖ ទោះ​គ្មាន​លោក សម រង្ស៊ី ក៏​ការបោះឆ្នោត ប្រព្រឹត្តដោយ​សេរី ​យុត្តិធម៌ និងប្រជាធិបតេយ្យ

ថ្ងៃទី 26 មីនា 2013 | ដោយ: រតនា

Cambodia Express News

ភ្នំពេញ: ក្នុងពេល​ទទួល​ជួប​ជាមួយ​ឯកអគ្គរដ្ឋទូត​អូស្ត្រាលីជិត​ផុត​អាណត្តិ នៅ​ព្រឹក​ថ្ងៃទី​ ២៦ ខែ​មីនា ឆ្នាំ​២០១៣ លោក​ឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេស​កម្ពុជា បាន​លើកឡើងបញ្ចាក់ពីការបោះឆ្នោតកោត​ថា ការបោះឆ្នោតជាតិ នៅ​ខែ​កក្កដា​ខាងមុខ នៅតែ​ប្រព្រឹត្ត​ទៅ​ដោយ​សេរី ត្រឹមត្រូវ ​យុត្តិធម៌ និងប្រជាធិបតេយ្យ បើទោះបីជា​មិន​មានវត្តមានរបស់​លោក សម រង្ស៊ី មេបក្សប្រឆាំង ចូលរួម​ក៏​ដោយ​។
ពាក់ព័ន្ធ​នឹង​ការបោះឆ្នោត​ជាតិ​នៅ​ខែ​កក្កដា​ខាង​មុខ លោក កុយ គួង ក៏បាន​លើក​ឡើង​​ថា ភាគី​ទាំងពីរ ក៏​បាន​ផ្លាស់ប្តូរ​យោបល់​គ្នា​ផងដែរ​។ ក្នុងនោះ​លោក​ឧបនាយក​រដ្ឋមន្ត្រី ហោ ណាំហុង បាន​លើកឡើង​ថា ការបោះឆ្នោត​នាពេល​ខាងមុខ​នេះ រដ្ឋាភិបាល​​សង្ឃឹមថា ការបោះឆ្នោត​នោះ ប្រព្រឹត្ត​ដោយ​សេរី យុត្តិធម៌ និង​ប្រជាធិប​តេយ្យ ដូច​ការ​បោះឆ្នោត​មុនៗ​ដែរ​។

​លោក កុយ គួង បាន​គូសបញ្ជាក់ថា "​ឯកឧត្តម​បាន​បញ្ជាក់​ហើយ​ថា កម្ពុជា​មាន​ការ​បោះឆ្នោត​តាំងពី​ឆ្នាំ​១៩៩៣ ដែលមាន​អ្នកសង្កេតការណ៍​បរទេស​ជាច្រើន និង​មាន​អ្នក​សង្កេតការណ៍​ជាតិ និង​អង្គការ​មិនមែន​រដ្ឋាភិបាល ព្រមទាំង​អ្នកសង្កេតការណ៍​តំណាង​​គណបក្ស​រាប់ពាន់​នាក់ គឺ​ថា​ទាំងអស់គ្នា បាន​ឯកភាព​ថា ការបោះឆ្នោត​នោះ ប្រព្រឹត្តទៅ​ដោយ​សេរី និង​យុត្តិធម៌​"​។
​លោក កុយ គួង បាន​គូសបញ្ជាក់ថា "​ហេតុដូច្នេះ​ហើយ រឿង​ការបោះឆ្នោត នៅពេល​ខាងមុខ​នេះ ថ្វីត្បិតតែ បើ​ទោះជា​គ្មាន​លោក​សម​រង្ស៊ី ចូលរួម ក៏​គណបក្ស​លោក​សម​រង្ស៊ី គណបក្ស​របស់​គាត់ ក៏​បន្ត​ដំណើរការ​ការងារ​នយោបាយ ហើយ​ចូលរួម​ក្នុង​ការបោះឆ្នោត​ជា​ដដែល​។ ដូច្នេះហើយ ជា​បុគ្គល គឺ​សម​រង្ស៊ី ស្ថិត​ក្នុង​ផ្លូវច្បាប់ មិនមែន​ស្ថិតក្នុង​ផ្នែក​នយោបាយ​ទេ​។ ដូច្នេះហើយ វា​អត់​ពាក់​ព័ន្ធ​ថា ការបោះឆ្នោត​នឹង​ថា ប្រព្រឹត្តទៅ​យ៉ាងណា​នោះ ពី​ព្រោះ​ការបោះឆ្នោត​ជា​សេរី សំខាន់​គណបក្ស​គ្រប់​និន្នាការ​នយោបាយ ចូលរួម​បោះឆ្នោត មិនមែន​ផ្តោតទៅលើ​តែ​បុគ្គល ដែល​ជា​ទណ្ឌិត​នោះទេ​"​។​
​លោក កុយ គួង បាន​គូសបញ្ជាក់ថា "​ឯកឧត្តម​ក៏​បាន​បញ្ជាក់​ហើយ​ថា បោះឆ្នោត​ខាងមុខនេះ យើង​សង្ឃឹមថា នឹង​មាន​សេរី យុត្តិធម៌ ហើយ​ត្រឹមត្រូវ ដូច​ការ​បោះឆ្នោត​មុនៗ​។ កម្ពុជា​មិនមែន​ទើបតែ​បោះឆ្នោត​ឆ្នាំ​២០១៣​ទេ គឺ​ច្រើន​មកហើយ តាំងពី​ឆ្នាំ​១៩៩៣ ជា​បន្តបន្ទាប់ រហូតមក​ដល់​នេះ​"។

​ជាមួយគ្នា​នោះ លោក​ប្រមុខ​ការទូត​កម្ពុជា ក៏​បាន​សម្តែង​ការព្រួយបារម្ភចំពោះ​វ័យ​ចាស់ជរា​របស់​អតីត​មេ​ខ្មែរក្រហម លោក នួន​ជា និង​លោក ខៀវ​សំផន​។ លោក​ក៏​បាន​ជំរុញ​ឲ្យ​សាលាក្តីពន្លឿន​នូវ​ដំណើរកាត់​ក្តី​ទៅ​លើ​អតីត​មេដឹកនាំ​ខ្មែរក្រហម ដែល​កំពុង​ជាប់​ឃុំឃាំង​ទាំងនោះ​។​
​ជាមួយគ្នា​នោះ លោកស្រី Penny Richards ឯកអគ្គរដ្ឋទូត​អូស្ត្រាលី ជិត​ផុត​អាណត្តិ ក៏​បាន​បង្ហាញ​ក្តីព្រួយបារម្ភលើ​ដំណើរការ​កាត់ទោស​អតីត​មេ​ខ្មែរក្រហម ដែល​មាន​វ័យ​ចាស់ជរា​។ លោកស្រី​ឯកអគ្គរដ្ឋទូត ក៏​បាន​សន្យាថា អូស្ត្រាលីនឹង​បន្ត​ផ្តល់​ជំនួយ​បន្ថែម​ទៀតដល់​សាលាក្តី​ខ្មែរក្រហម ខណៈ​ដែល​សាលាក្តី​សព្វថ្ងៃ​កំពុង​ប្រឈម​នឹង​វិបត្តិ​ថវិកា និង​វ័យ​ចាស់ជរា​របស់​ជន​ជាប់ចោទក្នុង​សំណុំរឿង​ ០០២៕​