ដោយ តាំង វីដា និង ពៅ មេត្តា
ថ្ងៃសៅរ៍ ទី30 មីនា ឆ្នាំ2013 ម៉ោង11:27 VOD
ថ្នាក់ដឹកនាំគណបក្សសង្គ្រោះជាតិ សន្យាពន្លឿននីតិវិធីស៊ើបអង្កេត
ករណីសោកនាដកម្មស្លាប់បាតុករ និងជនរងគ្រោះរាប់រយនាក់
ក្នុងព្រឹត្តការណ៍គប់គ្រាប់បែក មុខអតីតរដ្ឋសភា
ប្រសិនបើគណបក្សខ្លួនឈ្នះឆ្នោតក្នុងអាណត្តិថ្មីនេះ។
ការអះអាងបែបនេះ ធ្វើឡើងនៅព្រឹកថ្ងៃសៅរ៍ ទី៣០ ខែមីនានេះ
ក្នុងពីធីរំលឹកវិញ្ញាណក្ខន្ធបាតុករ ខួបលើកទី១៦
ដែលបានបាត់បង់ជីវិតដោយការគប់គ្រាប់បែក កាលពីថ្ងៃទី៣០ ខែមីនា
ឆ្នាំ ១៩៩៧ មុខអតីតមន្ទីររដ្ឋសភា។
ប្រធានគណបក្សសង្គ្រោះជាតិ លោក សម រង្ស៊ី
មានប្រសាសន៍តាមរយៈខ្សែវីដេអូខនហ្វើរិនថា
លោកនឹងពន្លឿនការស៊ើបអង្កេតឲ្យបានរហ័ស ករណីគប់គ្រាប់បែក
៤គ្រាប់ ទៅក្នុងចំណោមបាតុករធ្វើកូដកម្មអហិង្សា
មុខអតីតមន្ទីររដ្ឋសភា ខាងត្បូងព្រះបរមរាជវាំង ដើម្បីស្វែងរកមុខឃាតករ
យកមកផ្តន្ទាទោសតាមច្បាប់
បើគណបក្សរបស់លោកឈ្នះឆ្នោតក្នុងការជ្រើសរើសតំណាងរាស្ត្រអាណត្តិទី៥
នោះ។
ថ្លែងក្នុងពិធីរំលឹកវិញ្ញាណក្ខន្ធនេះ
អនុប្រធានគណបក្សសង្គ្រោះជាតិ លោក កឹម សុខា មានប្រសាសន៍ដែរថា
គណបក្សសង្គ្រោះជាតិ នឹងពន្លឿនសវនាការសាលាក្តីខ្មែរក្រហម
ព្រមទាំងស្វែងរកយុត្តិធម៌
ដោះស្រាយបញ្ហាពាក់ព័ន្ធនឹងសកម្មជនដីធ្លីបឹងកក់ អ្នកស្រី យ៉ោម
បុប្ផា ផងដែរ ក្នុងអាណត្តិថ្មីនេះ បើគណបក្សសង្គ្រោះជាតិឈ្នះឆ្នោត។
ពិធីរំលឹកខួបលើកទី១៦នេះ មានការចូលរួមពីប្រធានគណបក្សសមរង្ស៊ី
លោក គង់ គាំ អ្នកនាំពាក្យគណបក្សសង្គ្រោះជាតិ លោក ប៉ុល ហំ
និងថ្នាក់ដឹកនាំមួយចំនួន ព្រមទាំងអនុប្រធានគណបក្សសង្គ្រោះជាតិ លោក
កឹម សុខា ។
ហេតុការណ៍គប់គ្រាប់បែកនេះ បានធ្វើឲ្យបាតុករ ១៦នាក់ស្លាប់
និងប្រមាណ ២០០រយនាក់ រងរបួស។ បើទោះជាហេតុការណ៍នេះ កើតឡើង ១៦ឆ្នាំ
ហើយក៏ដោយ តែសមត្ថកិច្ចនៅតែមិនទាន់រកជនដៃដល់មកផ្តន្ទាទោស
តាមផ្លូវច្បាប់បាននៅឡើយទេ៕
1 comment:
ពីជាតិខ្មែរ ដល់សង្រ្គោះជាតិ ១៦ឆ្នាំកន្លងផុតតើ លោកប្រធានសមរង្ស៊ីបានជួយធ្វើអ្វីខ្លះដល់ក្រុម
គ្រួសារជនរងគ្រោះដែល ស្លាប់និងរបួស?ដោយសារឃាតកយង់ឃ្នងគប់គ្រាប់បែក ថ្ងៃ៣០ មិនា ១៩៩៧ ។ យើងគ្រប់គ្នាចាំមិនភ្លេចទេនូវលិខិតមួយសន្លឹក ដែលលោក សរសេរ ទាក់ទងរឿងគប់គ្រាប់បែក ៣០/៣/៩៧ លិខិតខែ០១ឆ្នាំ២០០៦ ។ គឹលោកសារភាពចំពោះជនសង្ស័យជាឃាតក និងសន្យាជាមួយជនសង្ស័យថាលោកឈប់ប្ដឹង
ផ្ដល់រឿងគប់គ្រាប់បែក ៣០ មិនាទៀតហើយ
រឿងនេះលោកនៅចាំទេ? បើលោកភ្លេចប្រយ័ត្ន រន្ទះបាញ់ព្រោះនៅស្រុកបារាំងក៏មានរន្ទះដែរ។
ពេលជិតរកសំឡេងឆ្នោតបោកប្រាស់រាស្រ្ដទៀត
ហើយ។ បងប្អូនប្រយ័ត្នចាំបោកសម រស្ស៊ី។
Post a Comment