Demonstration

A coalition of the Khmer Kampuchea Krom Buddhist and civil organizations and association will hold demonstration on October 13, B.E.2557 A.D.2013, 8:30AM - 12:00 Noon, in front of the Embassy of Vietnam to Cambodia, to seek justice for the Khmer Krom Buddhist monks and people in Kampuchea Krom, to request the release of two Khmer Buddhist monks and 7 people, and appeal to the domestic and international NGOs, the United Nations, the European Union, and foreign embassies in Cambodia to monitor the human rights situation in Kampuchea Krom.

អង្គការសមាគម ខ្មែរកម្ពុក្រោម នឹងធ្វើក្បួនបាតុកម្មមួយនៅថ្ងៃទី១៣ ខែតុលា ឆ្នាំ២០១៣ខាងមុខ នេះ នៅវេលាម៉ោង៨៖៣០នាទីព្រឹក រហូតដល់ម៉ោង ១២ ថ្ងៃត្រង់នៅមុខស្ថានទូតវៀតណាម រាជធានីភ្នំពេញ។

គោលបំណង៖

1. ដើម្បីស្វែងរកយុត្តិធម៌ប្រគេនព្រះសង្ឃ និងជូនពលរដ្ឋខ្មែរកម្ពុជាក្រោមនៅឯដែនដីកម្ពុជាក្រោម
(វៀតណាមខាងត្បូង)ដែលកំពុងត្រូវបានប្រឈមទៅនិងការរំលោភសិទ្ធិមនុស្សពីសំណាក់អាជ្ញាធរវៀតណាម។

2. ស្នើដល់រដ្ឋាភិបាលសាធារណរដ្ឋសង្គមនិយមវៀតណាមត្រូវដោះលែងព្រះសង្ឃ២ព្រះអង្គ និងពលរដ្ឋខ្មែរក្រោម៧នាក់ដែលតុលាការប្រជាជនវៀតណាមបានកាត់ទោសកាលពីព្រឹកថ្ងៃទី២៦ និងព្រឹកថ្ងៃទី២៧ខែកញ្ញា ឆ្នាំ២០១៣ ដើម្បីឱ្យពូកគាត់មានសេរីភាពឡើងវិញ។

3. សូមអំពាវនាវទៅដល់អង្គការសិទ្ធិមនុស្ស ជាតិ អន្តរជាតិ អង្គការសហប្រជាជាតិសហគមន៍អឺរ៉ុប អង្គទូតនានាប្រចាំព្រះរាជាណាចក្រកម្ពុជានិងប្រចាំនៅសាធារណរដ្ឋសង្គមនិយមវៀតណាម មេត្តាជួយតាមដាន ឃ្លាំមើលនិងអន្តរាគមន៍នូវរាល់អំពើរំលោភសិទ្ធិមនុស្សមកលើព្រះសង្ឃ
និងពលរដ្ឋខ្មែរកម្ពុជាក្រោម ដែលប្រព្រឹត្តដោយរដ្ឋអំណាចនិងរដ្ឋាភិបាលវៀតណាម៕
អាស្រ័យដូចបានថ្វាយប្រគេន និងជម្រាបជូនខាងលើ លេខាធិការដ្ឋានអង្គការសមាគម
ខ្មែរកម្ពុជាក្រោម យើងខ្ញុំ សូមអំពាវនាវដល់ព្រះតេជគុណ ឯកឧត្តម លោកជំទាវ លោក
លោកស្រី សប្បុរសជននានា ទាំងនៅក្នុង និងក្រៅប្រទេសមេត្តាចូលរួមឧបត្ថម្ភទាំងកម្លាំងកាយ ចិត្ត ស្មារតី និងជាសំភារៈ ថវិកាទៅតាមសទ្ធាជ្រះថ្លាដើម្បីឱ្យក្បួនបាតុកម្មយើងបាន ប្រព្រឹត្តទៅប្រកប ដោយជោគជ័យ៕