 |
| ៣១-តុលា-២០១៣៖ ខណ្ឌរដ្ឋបាលព្រៃឈើខេត្តរតនគិរី។ RFA/Ratha Visal |
ដោយ រដ្ឋា វិសាល RFA, 2013-11-01
ការចាប់ខ្លួននេះ ធ្វើឡើងកាលពីរាត្រីថ្ងៃទី៣០ ខែតុលា នៅតាមដងផ្លូវជាតិលេខ៧៨ ពីក្រុងបានលុង ទៅព្រំដែនប្រទេសវៀតណាម ចំណុចស្នាក់ការកងរាជអាវុធហត្ថស្រុកអូរយ៉ាដាវ។
អធិការប៉ូលិសស្រុកអូរយ៉ាដាវ លោក ម៉ា វិចិត្រ មានប្រសាសន៍បញ្ជាក់ថា លោក សេវ ញ៉ាន ត្រូវសមត្ថកិច្ចចាប់ខ្លួន ខណៈលោកប្រើប្រាស់រថយន្តទេសចរណ៍ធន់តូចផ្ទាល់ខ្លួន ដឹកជញ្ជូនឈើប្រណីតធ្នង់ ធ្វើដំណើរឆ្ពោះទៅតំបន់ព្រំដែនដោយគ្មានច្បាប់អនុញ្ញាត។
មន្ត្រីសម្របសម្រួលអង្គការការពារសិទ្ធិមនុស្សអាដហុក (Adhoc) លោក ឆាយ ធី រិះគន់ការបង្ក្រាបនេះថា ធ្វើឡើងក្នុងលក្ខណៈរើសអើងគណបក្សនយោបាយ និងអនុវត្តច្បាប់មិនស្មើភាព៖ «ការបង្ក្រាបនេះហាក់បីដូចគម្លាតឆ្ងាយមិនបានស្មើភាពគ្នាចំពោះមុខច្បាប់ឆ្ងាយណាស់។ នេះយើងយល់ថា គាត់ជាមេឃុំខាងបក្សប្រឆាំង។ កន្លងមក យើងឃើញហើយការបង្ក្រាបឈើជាហូរហែ មានទាំងសារព័ត៌មានទូរទស្សន៍ចុះផ្សាយ ឈើរបស់សមត្ថកិច្ច អ្នកមានលុយអ្នកមានអំណាចមួយចំនួន ហើយទ្រង់ទ្រាយធំ ឈើរាប់សិបម៉ែត្រគូប រហូតចូលបង្ក្រាបដល់ផ្ទះទៀត យើងអត់ឃើញចាប់បញ្ជូនខ្លួនម្ចាស់ផ្ទះណាមកផ្ដន្ទាទោសទៀត»។
នៅថ្ងៃព្រហស្បតិ៍ ទី៣១ ខែតុលា វិទ្យុអាស៊ីសេរី សង្កេតឃើញនៅខណ្ឌរដ្ឋបាលព្រៃឈើ និងតុលាការខេត្តរតនគិរី មានដាក់កងប៉ូលិសកងរាជអាវុធហត្ថយាមតឹងរ៉ឹងខុសថ្ងៃធម្មតា មិនអនុញ្ញាតឲ្យអ្នកសារព័ត៌មានចេញចូលយកព័ត៌មានឡើយ។
យ៉ាងនេះក្តី ព្រះរាជអាជ្ញារងតុលាការខេត្តរតនគិរី លោក ជា សុភ័ក្រ មានប្រសាសន៍បញ្ជាក់ថា លោក សេវ ញ៉ាន ត្រូវបានចោទប្រកាន់ថា ជាមន្ត្រីមូលដ្ឋានដឹកជញ្ជូនផលព្រៃឈើខុសច្បាប់ នឹងត្រូវសម្រេចឃុំខ្លួនបណ្ដោះអាសន្ននៅពន្ធនាគារ ដើម្បីបើកការស៊ើបអង្កេតបន្ត៕
2 comments:
ខណ្ឌរដ្ឋបាលព្រៃឈើខេត្តរតនគិរី IS A YOUN ORGANIZATION BEHIND CPP TO PROTECT FOREST FOR THEMSELVES FOR LOGGING TO SEND TO VIETNAM.
MADE IN CAMBODIA!
PRODUCT OF VIETNAM!
WELCOME TO NAMBODIA!
Post a Comment