ទំនួញយុទ្ធជនការពារព្រំដែន

ទឹកភ្នែកខ្ញុំស្រក់ព្រោះអាណិតយុទ្ធជនកំសត់របស់យើង

យុទ្ធជនដ៌ក្លាហានរបស់យើងដែលឈរជើងការពារទឹកដីពីចោរសៀមឈ្លានពានដែលរងពាំងគ្រាប់អាវុធសត្រូវសាមាន្យត្រូវបានមេដឹកសព្វថ្ងៃមិនយកចិត្តទុកដាក់ដោយអោយពួកគាត់រស់នៅបំពេញកាតព្វកិច្ចយ៉ាងលំបាកវេទនា។ពួកគាត់មិនត្រូវបានគេផ្គត់ផ្គង់សំលៀកបំពាក់កងទ័ព មុង ភួយ ទីជំរក អោយបានសមរម្យ ​ទឹក ម្ហូបអាហារគ្ រប់គ្រាន់ថ្ នាំពេទ្យ តាមតម្រូវការនិងប្រាក់ខែតិចតួចហើយបើកមិនទៀងទាត់។ ជាពិសេសពួកគាត់ត្រូវបានគេបំ­ពាក់អាវុធអោយចាស់ៗ​ជាញយៗយើងបានលឺការអំពាវនាវរបស់ពួកគាត់សុំម្ហូបអាហារ មុង ភួយ ទឹកស្អាត និងសម្ភារៈចាំបាច់ប្រចាំថ្ងៃជាច្រើនទៀត។​

ខុសពីក្រុមអង្គរក្សហ៊ុនសែនដែលមានប្រាក់ខែច្រើន រថយន្តទំនើប អាវុធទំនើប កន្លែងស្នាក់ នៅប្រណិត ដែលក្រុមនេះទុកសម្រាប់ កាប់សំលាប់តែខ្មែរគ្នាឯងតែប៉ុណ្ណោះ។

សង្ឃឹមថ្ងៃណាមួយពួកគាត់និងរួមជាមួយអ្នកស្នេហាជាតិពិតប្រាកដប្រឆាំងនិងមេដឹកនាំអគុណធម៌ ពុករលួយ និងគ្មានការទទួលខុសត្រូវសព្វថ្ងៃ។

ខ្ញុំជាកងទ័ព ចិត្តប្រកាន់ខ្ជាប់ កាតព្វកិច្ចការពារ ជាតិមាតុភូមិ មិនដែលរួញរា ដើម្បីរក្សា ជាតិបានគង់វង្ស។

ទោះភ្លៀងទោះផ្គរ គេងក្នុងលំហរ ខ្វះក្រៅខ្វះក្នុង ខ្វះខោខ្វះអាវ ខ្វះភួយខ្វះមុង ខ្វះគ្រប់ទាំងស្រុង នៅតែពុះពារ។

គ្រោះមានរាល់ថ្ងៃ ភ្លៀងផ្គរចង្រៃ ទឹកមានរោគា គ្រោះគ្មានថ្នាំពេទ្យ សត្រូវប្រហារ គ្រោះខ្វះអាហារ គ្រោះគេបំភ្លេច។

ឳ!ព្រះលោកអើយ សូមព្រះលោកជួយ សូមព្រះពន្លិច ពួកមេក្បត់ជាតិ សត្រូវកើតលិច អោយពួកគេខ្ទេច តាមកម្មវេរា។

ដោយៈ កុលបុត្រ (ខែ្មរ សុវណ្ណភូមិ)