 |
| លោករដ្ឋមន្ត្រី លឹម គានហោ បង្ហាញពីក្រាហ្វិកទឹកជំនន់នៅកម្ពុជា |
 |
២២-កញ្ញា-២០១១៖ អ្នកភូមិនៅតំបន់ប្រាសាទបន្ទាយស្រីខេត្តសៀមរាបភៀសខ្លួនរកទីទួលពេលទឹកជន់លិចភូមិ។ |
ស្ថានភាពទឹកជំនន់ធ្ងន់ធ្ងរ ប្រហាក់ប្រហែលនឹងជំនន់សហវត្សរ៍ កាលពីឆ្នាំ២០០០
ថ្ងៃ ព្រហស្បតិ៍ 22 កញ្ញា 2011
ដោយ លី ម៉េងហួរ
Radio France Internationale
Synopsis: Lim Kean Hor, the minister of Water Resources and Meteorology, indicated on 22 September that the water level in 2011 is similar to those during the 2000s. 56,000 hectares of the country are flooded. Kampong Thom saw the worst effect of the flooding.
រដ្ឋមន្ត្រីក្រសួងធនធានទឹក និងឧតុនិយម លោក លឹម គានហោ បានប្រកាសនៅថ្ងៃ២២កញ្ញានេះថា ស្ថានភាពទឹកជំនន់នៅឆ្នាំ២០១១ ពេលនេះ មានស្ថានភាពប្រហាក់ប្រហែលនឹងទឹកជំនន់សហវត្សរ៍ កាលពីឆ្នាំ២០០០។ ក្នុងនោះ ទឹកជំនន់ ដែលនឹងបន្តឡើងរហូតដល់ថ្ងៃ៣០កញ្ញា បានលិចលង់ផ្ទៃដីបង្កបង្កើនផលនៅទូទាំងប្រទេស ប្រមាណ ៥៦.០០០ ហិកតា។ នៅខេត្តកំពង់ធំ រងគ្រោះធ្ងន់ធ្ងរជាងគេ។
ក្នុងសន្និសីទកាសែត នៅព្រឹកមិញ លោក លឹម គានហោ រដ្ឋមន្ត្រីក្រសួងធនធានទឹក និងឧតុនិយម បានប្រកាសថា ក្នុងរយៈពេលប៉ុន្មានថ្ងៃនេះ កម្ពុជាបានទទួលឥទ្ធិពលសម្ពាធទាប បណ្តាលឲ្យមានភ្លៀងធ្លាក់គ្រប់ទីកន្លែង។ ទឹកភ្លៀង ក៏នឹងបន្តធ្លាក់រយៈពេលពីរ ឬបីថ្ងៃទៅមុខទៀត ដែលបណ្តាលឲ្យមានទឹកជំនន់តាមដងទន្លេមេគង្គ ទន្លេបាសាក់ និងនៅទន្លេសាប។
តារាងក្រាហ្វិក និងផែនទីទឹកលិច ព្រមទាំងខ្យល់ព្យុះ ដែលបានជះឥទ្ធិពលលើកម្ពុជា ត្រូវបានលោករដ្ឋមន្ត្រី លឹម គានហោ លើកបង្ហាញដល់អ្នកកាសែត។ នោះគឺនៅស្ថានីយ៍ឧតុនិយមក្នុងខេត្តស្ទឹងត្រែង ក្រចេះ កំពង់ចាម ចំណុចចតុមុខ-បាសាក់ អ្នកលឿង ព្រែកក្តាម និងនៅស្ថានីយ៍កោះខែលក្នុងខេត្តកណ្តាល ទឹកទន្លេបន្តកើនឡើងលើសពីកម្រិតប្រកាសអាសន្ន រហូតដល់ថ្ងៃទី៣០កញ្ញា ឆ្នាំ២០១១។ ពោលគឺទឹកទន្លេមេគង្គ ទន្លេបាសាក់ និងទន្លេសាប មានកម្រិតខ្ពស់ ប្រហាក់ប្រហែលនឹងទឹកជំនន់សហវត្សរ៍ កាលពីឆ្នាំ២០០០។
តាមលោករដ្ឋមន្ត្រី នៅថ្ងៃទី២២កញ្ញានេះ មន្ត្រីជំនាញរបស់លោក ត្រូវចុះគ្រប់មុខព្រួញទាំងអស់ ដើម្បីពិនិត្យ និងវាយតម្លៃពីផលប៉ះពាល់ ដោយសារទឹកជំនន់។ ជារបាយការណ៍បឋម ដីបង្កបង្កើនផល ៥៦.០០០ ហិកតា ត្រូវទឹកជន់ជោរ លិចលង់។ ក្នុងនោះ នៅខេត្តកំពង់ធំ ត្រូវទឹកលិច ត្រាំត្រែង និងធ្ងន់ធ្ងរជាងគេ ដោយសារតែទឹកភ្លៀងហូរពីខេត្តព្រះវិហារ តាមស្ទឹងសែន និងទឹកបឹងទន្លេសាប។
យ៉ាងណាក៏ដោយ លោករដ្ឋមន្ត្រី លឹម គានហោ មិនទាន់បង្ហាញពីតួលេខនៃការខូចខាតផលដំណាំ ពិសេសដំណាំស្រូវ ដោយសារតែទឹកជំនន់នាពេលនេះ នៅឡើយទេ។ ប៉ុន្តែលោករដ្ឋមន្ត្រី បានឲ្យដឹងថា ស្ថានភាពទឹកជំនន់នៅកម្ពុជាពេលនេះ មានលក្ខណៈល្អប្រសើរជាងប្រទេសថៃ។ ក្នុងនោះ កម្ពុជា មានផលប៉ះពាល់ទាបនៅឡើយ។
ដោយឡែកនៅតាមបណ្តាស្រុកជាប់មាត់ទន្លេមេគង្គក្នុងខេត្តស្ទឹងត្រែង ក្រចេះ កំពង់ចាម ជាពិសេសនៅខេត្តសៀមរាប ទឹកភ្លៀងបានឡើងលិចលង់ផ្ទះសម្បែង និងច្បារដំណាំ។ អាជ្ញាធរ និងកងទ័ព បានចេញធ្វើប្រតិបត្តិការសង្គ្រោះ ដោយទូក អូប័រ និងឧទ្ធម្ភាគចក្រ ជម្លៀសប្រជាជនរងគ្រោះទៅកាន់ទីទួលសុវត្ថិភាព។ នៅខេត្តសៀមរាប អ្នកទេសចរមួយក្រុម ក៏ត្រូវបានជម្លៀស ចេញពីប្រាសាទបន្ទាយស្រី ដោយសារតែទឹកភ្លៀងជន់លិច កាត់ផ្លូវជាតិលេខ៦៧ ផងដែរ៕
3 comments:
Natural disaster or man-made disaster?
ទឹកលេចនេះគឺបណ្តាលមកពីអាអ្នកដឹកនាំឡប់ភ្លីភ្លើកាប់អស់ព្រៃឈើខ្មែរ! ពួកអាអ្នកដឹកនាំកញ្ជៈយួន! ខ្មែរត្រូវតែដេញក្បាល់ពួកវាឱយចុៈពីអំណាច ទើបខ្មែរបានសុខសន្តិភាព។
មកពីលោក លឹម គានចេះពេក ពេលទឺកជំនន់
មកដល់ លោករត់ទៅពួនឯណា?
Post a Comment