Cambodia begs to borrow US$500 millions each year [-$1/2 billion in yearly debt for Khmer children to pay back to the Chinese ... courtesy of Hun Xen]

Hun Xen's meeting with Wen Jiabao (Photo: Xinhua)

កម្ពុជាសុំខ្ចីចិន៥០០លានដុល្លារក្នុងមួយឆ្នាំ ៗ

សុក្រ 21 តុលា 2011
ដោយ លាង ដឺលុច
Radio France Internationale

Synopsis: After leading the Cambodian delegation to the Nanning meeting in China and following his return back to Phnom Penh in the afternoon on 21 October, the Chinese leaders provided an aid of US$1.5 million for flood victims. At the same time, Cambodia also asked to borrow US$500 million (half a billion) from China for each year.

លោកនាយករដ្ឋមន្ត្រី ហ៊ុន សែន បានដឹកនាំប្រតិភូរដ្ឋាភិបាលត្រឡប់ពីទីក្រុងណាន់នីងប្រទេសចិន មកដល់ភ្នំពេញវិញហើយ នៅល្ងាចថ្ងៃសុក្រទី២១តុលានេះ។ ការជួបគ្នាជាមួយថ្នាក់ដឹកនាំចិន រដ្ឋាភិបាលកម្ពុជាបានទទួលជំនួយ១លាន៥សែនដុល្លារថែមទៀត ដើម្បីជួយសង្គ្រោះពលរដ្ឋខ្លួនដែលកំពុងរងគ្រោះដោយទឹកជំនន់។ ទន្ទឹមគ្នានេះ កម្ពុជាក៏បានស្នើសុំកម្ចី ចិន៥០០លានដុល្លារក្នុងមួយឆ្នាំៗ។

មិនខុសពីសព្វដងឡើយ។ ទស្សនកិច្ចនៅប្រទេសចិន ប្រតិភូកម្ពុជាតែងត្រឡប់មកវិញជាមួយជំនួយ។ នៅថ្ងៃនេះក្រោយពីបញ្ចប់ទស្សនកិច្ចនៅក្នុងទីក្រុងណាន់នីងជាទស្សនកិច្ច ដើម្បីបើកសម្ភោធពិពណ៌ចិនអាស៊ាន លោក ចម ប្រសិទ្ធ រដ្ឋមន្ត្រីពាណិជ្ជកម្មបានប្រាប់អ្នកសារព័ត៌មាននៅឯអាកាសយានដ្ឋានអន្តរជាតិភ្នំពេញថា លោកនាយករដ្ឋមន្ត្រីចិន វេន ជាប៉ាវ បានប្រកាសផ្តល់ជំនួយមនុស្សធម៌១លាន៥សែនដុល្លារទៀត ដើម្បីជួយប្រជាជនកម្ពុជាអ្នករងគ្រោះដោយទឹកជំនន់។
ជំនួយនេះត្រូវបានរាប់បន្ថែមពីលើជំនួយចិនចំនួន៨លានដុល្លារដែលត្រូវបានដឹកមកដល់កម្ពុជាកាលពីថ្ងៃសៅរ៍សប្តាហ៍មុន។

យោងតាមលោករដ្ឋមន្ត្រីពាណិជ្ជកម្មដដែល នៅក្នុងជំនួបជាមួយប្រមុខរដ្ឋាភិបាលចិន លោកនាយករដ្ឋមន្ត្រី ហ៊ុន សែន បានស្នើសុំខ្ចីចិន៥០០លានដុល្លារក្នុងមួយឆ្នាំៗ ដើម្បីកម្ពុជាអាចកសាងហេដ្ឋារចនាសម្ព័ន្ធផ្លូវថ្នល់ ប្រព័ន្ធធារាសាស្ត្រ និងជួសជុលផ្លូវថ្នល់ដែលត្រូវបំផ្លាញដោយទឹកជំនន់។

មិនទាន់មានចម្លើយបែបណាពីប្រទេសចិននៅឡើយទេ ចំពោះសំណើរបស់កម្ពុជាមួយនេះ។ ក្រៅពីនេះលោកនាយករដ្ឋមន្ត្រីកម្ពុជាបានអរគុណចិន ដែលបានផ្តល់ការគាំទ្របេក្ខភាពកម្ពុជាជាសមាជិកមិនអចិន្ត្រៃយ៍នៃក្រុមប្រឹក្សាសន្តិសុខអង្គការសហប្រជាជាតិ៕