 |
| ប្រជាជនខ្មែរដើរក្បួននៅថ្ងៃទិវាសិទ្ធិមនុស្ស១០ធ្នូ ២០១១ RFI/សុវណ្ណរ៉ា |
ឯករាជ្យភាពតុលាការនៅតែជាសេចក្តីស្រេកឃ្លានរបស់ពលរដ្ឋខ្មែរ
សៅរ៍ 10 ធ្នូ 2011
ដោយ ប៉ែន បូណា
RFI
The International Human Rights Day was celebrated in great pomp on 10 December 2011 in Phnom Penh. This year’s theme was: “Independent judicial system and freedom of expression form the basis for social justice and human rights respect.” The theme reflects the fact that “justice” and freedom of expression are what human beings need, especially Cambodians. Why are justice and freedom of expression what human beings need?
ទិវាសិទ្ធិមនុស្សអន្តរជាតិ ថ្ងៃ១០ធ្នូ ឆ្នាំ២០១១នេះត្រូវបានប្រារព្ធធ្វើជាទ្រង់ទ្រាយធំ នៅរាជធានីភ្នំពេញ ក្រោមប្រធានបទ "ប្រព័ន្ធតុលាការឯករាជ្យ និងសេរីភាពក្នុងការបញ្ចេញមតិ គឺជាមូលដ្ឋានគ្រឹះនៃយុត្តិធម៌សង្គម និងការគោរពសិទ្ធិមនុស្ស"។ ប្រធានបទនេះចង់ឆ្លុះបញ្ចាំងឲ្យឃើញថា «យុត្តិធម៌» និងការសម្តែងមតិដោយសេរី គឺជាសេចក្តីត្រូវការមិនអាចខ្វះបានរបស់មនុស្ស ជាពិសេសរបស់ពលរដ្ឋខ្មែរ។ តើហេតុអ្វីបានជាយុត្តិធម៌ និងសេរីភាពសម្តែងមតិជាសេចក្តីស្រេកឃ្លានរបស់មនុស្ស?
វាហាក់ដូចជាមិនមែនជារឿងចៃដន្យទេដែលការប្រារព្ធខួបទី៦៣នៃទិវាសិទ្ធិមនុស្សអន្តរជាតិឆ្នាំនេះត្រូវបានរៀបចំឡើងដោយផ្តោតលើ« ឯករាជភាពនៃប្រព័ន្ធតុលាការ និងសេរីភាពបញ្ចេញមតិ» ។ មនុស្សប្រមាណ ៤.០០០ នាក់មកពីស្ថាប័នចម្រុះទាំងស្ថាប័នជាតិ អន្តរជាតិ សង្គមស៊ីវិល តំណាងស្ថានទូតបរទេស និងសិស្ស និស្សិត ព្រមទាំងព្រះរាជតំណាងព្រះមហាក្សត្រ និងលោក ស៊ូយ៉ា ស៊ូប៊ែឌី អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្ស ប្រចាំកម្ពុជាផងបានចូលរួម។ វត្តមានចម្រុះស្ថាប័ននៅក្នុងទិវាសិទ្ធិមនុស្សឆ្នាំនេះបានបញ្ជាក់ឲ្យឃើញថា ទាំងអស់គ្នាសស្រាក់សស្រាំក្នុងការគាំទ្រទិវាសិទ្ធិមនុស្ស និង ជាពិសេសគាំទ្រប្រធានបទស្តី«ឯករាជភាពរបស់តុលាការ» និងសេរីភាពសម្តែងមតិដោយគ្មានការរារាំង។
ពិតហើយថា ប្រព័ន្ធយុត្តិធម៌នៅកម្ពុជាត្រូវបានទទួលស្គាល់ជាទូទៅថា មិនទាន់បំពេញតួនាទីត្រឹមត្រូវដើម្បីបុព្វហេតុយុត្តិធម៌នៅឡើយ។ ភាពលម្អៀងទាំង៤យ៉ាងគឺ លម្អៀងដោយស្រឡាញ់ ដោយស្អប់ ដោយខ្លាច និងដោយមិនដឹង នៅតែរួមរឹតតុលាការមិនអាចដោះខ្លួនបាននៅឡើយ។ នេះជាហេតុផលនៃការរិះគន់ ហើយដែលរដ្ឋាភិបាលដាក់ចេញនូវកំណែទម្រង់ប្រព័ន្ធយុត្តិធម៌ជាអាទិភាពមួយរបស់ខ្លួន។ នៅពេលដែលប្រព័ន្ធយុត្តិធម៌លម្អៀងទៅរកគូភាគីម្ខាងដែលជាទូទៅជាអ្នកមានអំណាច និងមានប្រាក់ ពេលនោះអ្នកក្រីក្រគ្មានទីពឹងនឹងទទួលរងគ្រោះដោយមិនអាចចៀសផុតឡើយ។ ភាពលម្អៀងនេះទៀតសោត ក៏ជាការបើកឱកាសឲ្យអ្នកមានឥទ្ធិពលឆ្លៀតប្រើប្រាស់តុលាការដើម្បីបំពានទៅលើអ្នកទន់ខ្សោយ។ នេះជាដើមចមដែលជំរុញឲ្យសកម្មជនសិទ្ធិមនុស្ស និងប្រជាពលរដ្ឋ ជាទូទៅនៅតែស្រែកទាមទារចង់បានតុលាការមួយដែលមានឯករាជភាពពិតប្រាកដ ពីព្រោះយុត្តិធម៌សង្គមគឺជាសេចក្តីស្រេកឃ្លានរបស់មនុស្សទូទៅ ជាពិសេសប្រជាពលរដ្ឋកម្ពុជាដែលធ្លាប់បានហែលឆ្លងកាត់អំពើឃោរឃៅ ការកាប់សម្លាប់ដោយអយុត្តិធម៌ជាច្រើនកាលពីក្នុងអតីតកាល គួរតែមានឱកាសបានទទួលយុត្តិធម៌ពេញលេញមួយនៅក្នុងបរិបទដែលប្រទេសជាតិស្ថិតក្នុងដំណាក់កាលសន្តិភាព និងប្រជាធិបតេយ្យ។
ងាកទៅមើលសេរីភាពសម្តែងមតិវិញ សេរីភាពនេះក៏នៅតែជាប្រធានបទក្តៅមួយដែរ។ កាលពីក្នុងសម័យប៉ុល ពត ប្រជាពលរដ្ឋខ្មែរត្រូវបានរបបដឹកនាំខ្មែរក្រហមតម្រូវឲ្យដាំដើមគ ពោលគឺគ្មានអ្នកណាមានសិទ្ធិបញ្ចេញមតិ តវ៉ាជាមួយអង្គការបានឡើយ។ ការតវ៉ាកាលពីសម័យនោះមានន័យស្មើនឹងស្លាប់។ ប៉ុន្តែ រយៈពេលជិតពីរទសវត្សរ៍ចុងក្រោយនេះ ប្រទេសកម្ពុជាបានស្គាល់លទ្ធិប្រជាធិបតេយ្យសេរី។ ក៏ប៉ុន្តែ ពាក្យថា«សេរីភាព» ជាពិសេសសេរីភាពសម្តែងមតិរិះគន់រដ្ឋាភិបាលនៅតែជាចំណោទដែលមិនទាន់ត្រូវបានដោះស្រាយនៅឡើយ។ ជាក់ស្តែង នៅពេលដែលលោកសម រង្ស៊ី ដកតម្រុយបង្គោលព្រំដែនក្នុងស្រុកចន្ទ្រា ខេត្តស្វាយរៀង ក្រោមហេតុផលថាបង្គោលព្រំដែននោះត្រូវបានបោះចូលជ្រៅក្នុងទឹកដីខ្មែរ តើវាជាសេរី ភាព ឬជាការបំពានច្បាប់? នៅពេលដែលសកម្មជនបក្សប្រឆាំងបំផុស ប្រជាពលរដ្ឋអំពីបញ្ហាព្រំដែន ឬក៏នៅពេលដែលក្រុមប្រឆាំងបាចខិត្តប័ណ្ណជេរប្រមាថមេដឹកនាំជាតិ តើជាសេរីភាពខាងនយោបាយរបស់ពួក គេ ឬជាទង្វើខុសច្បាប់? សំណួរទាំងនេះឆ្លុះបញ្ចាំងពីបញ្ហាដែលកំពុងតែកើតមានដ៏ចម្រួងចម្រាសនៅកម្ពុជាបច្ចុប្បន្ន។ នៅពេលដែលបក្សប្រឆាំងបកស្រាយថា ជាសេរីភាព រដ្ឋាភិបាលបានយកវិធានការច្បាប់មកអនុវត្តដើម្បីចាប់អ្នកប្រព្រឹត្តផ្តន្ទាទោស។
បញ្ហាទាំងនេះក៏បានសបញ្ជាក់អំពីសារៈសំខាន់នៃឯករាជភាពរបស់តុលាការជាចាំបាច់ពីព្រោះតុលាការគឺជាអ្នកកាត់សេចក្តី។ ប្រសិនបើស្ថាប័នតុលាការលម្អៀង យុត្តិធម៌នឹងមិនអាចរកឃើញឡើយ។ ក្នុងន័យនេះហើយបានជាទិវាសិទ្ធិមនុស្សឆ្នាំនេះបានភ្ជាប់សេរីភាពសម្តែងមតិទៅនឹងភាពឯករាជ្យរបស់ប្រព័ន្ធតុលាការ។ និយាយជារួម ការធ្វើឲ្យប្រព័ន្ធតុលាការឯករាជ្យ និងប្រកបដោយវិជ្ជាជីវៈខ្ពស់ គឺជាការស្រេកឃ្លានរបស់សង្គមកម្ពុជាទាំងមូល ពីព្រោះវាជាកត្តាស្លាប់រស់សម្រាប់ដោះស្រាយបញ្ហាចាក់ស្រេះក្នុងសង្គមខ្មែរបច្ចុប្បន្ន៕
5 comments:
Ah Hun Sen must respect Human Right in Cambodia and must allowed all Cambodian the freedom of speech and freedom of demonstration. Cambodia is not belong to your family or your group,it is belong to all Khmer people, you hear that ah kwak traitor.
FREEDOM!!!!!!!!!!!! NO COMMUNIST VIETS!
Who gives a rat ass...
All of you dumb and stupid Khmer are going to be Viet's slave for the rest of your miserable life anyway...
Ça nous est égal, car tous les ignorants et stupides Khmers ne seriont que l'esclave des Viets, inévitablement et indubitablement, point final!
PLEASE WRITE LETTERS TO THE U.S. PRESIDENT OBAMA,SENATE AND CONGRESS INCLUDING THE EUROPEAN UNIONS AND UN ABOUT THE COMMUNIST VIETNAM.
I WILL DO MY PART TO HELP OUT.
PLEASE KHMER PEOPLE, HELP EACH OTHERS AND SUPPORT EACH OTHERS.
USA
Ms. Soap,
Your Vietcong pushed and misled King Sihanouk to accept and create very bad Foreign Policy with Vietcong/Vietnam before or during the Vietnam war. That was why it caused the major damages to Cambodia and it allowed the Vietcong to cheat and take advantages of the wars until Khmer became weaker and weaker.
If King Sihanouk did not listen to your Vietcong and feel sorry about your Vietcong by manipulating Khmer King, Sihanouk will get along with Lon Nol and this King would not have become a stupid King ever since. Now, the King is feeling guilty and stupid because of your Vietcong's manipulation.
You need to know how bad and evil Vietcong is because of Pham Van Dong and Ho Chi Minn. Just look at it and understand something about your Vietcong
You are a stupid girl coming from Vietcong into Srok Khmer.
Khmer Yeoung!
Post a Comment