 |
| មេធាវីបក្សប្រឆាំង លោក ជូង ជូងី បានដាក់ពាក្យបណ្ដឹងទៅរដ្ឋមន្ត្រីក្រសួងយុត្តិធម៌ ប្ដឹងមន្ត្រីតុលាការខេត្តកណ្ដាល ៣រូប |
ថ្ងៃទី 2 មីនា 2012
ដោយ : រតនា
CEN
Synopsis: SRP Lawyer Choung Chou-ngy filed a lawsuit with the minister of Justice against 3 Kandal provincial court officials: (1) Lim Sokuntha, a jugde at the Kandal provincial court, (2) Vong Bunvisoth, the deputy prosecutor at the Kandal provincial cout, and (3) Sum Bora, a clerk for the Kandal provincial court. The trio is accused of colluding to falsify a document to send Meas Peng – a client of Choung Chou-ngy – to jail temporarily and also for issuing false summons order against Meas Peng.
ភ្នំពេញ: មេធាវីបក្សប្រឆាំង លោក ជូង ជូងី បានដាក់ពាក្យបណ្ដឹងទៅរដ្ឋមន្ត្រីក្រសួងយុត្តិធម៌ ប្ដឹងមន្ត្រីតុលាការខេត្តកណ្ដាល ៣រូប រួមមាន លោក លឹម សុគន្ថា ចៅក្រមសាលាដំបូងខេត្តកណ្ដាល លោក វង្ស ប៊ុនវិសុទ្ធ ព្រះរាជអាជ្ញារងអមសាលាដំបូងខេត្តកណ្ដាល និងលោក ស៊ុម បូរ៉ា ក្រឡាបញ្ជីសាលាដំបូងខេត្តកណ្ដាល ពីករណីឃុបឃិតគ្នា ធ្វើដីកាសម្រេចឃុំខ្លួនឈ្មោះ មាស ប៉េង បណ្ដោះអាសន្ន និងធ្វើដីកាបង្គាប់ឲ្យឃុំខ្លួនឈ្មោះ មាស ប៉េង ក្លែងបន្លំ បំភ្លៃ បំភាន់ការពិត។
យោងតាមពាក្យបណ្ដឹងរបស់លោក ជូង ជូងី ចុះថ្ងៃទី១៤ ខែវិច្ឆិកា ឆ្នាំ២០១១ ដែល CEN ទទួលបាននៅថ្ងៃទី២ ខែមីនា ឆ្នាំ២០១២ បានលើកឡើងថា កាលពីថ្ងៃទី២២ ខែកញ្ញា ឆ្នាំ២០១១ ជនត្រូវចោទឈ្មោះ មាស ប៉េង បានចូលខ្លួនទៅឆ្លើយបំភ្លឺនៅចំពោះមុខលោក លឹម សុគន្ថា ជាចៅក្រមស៊ើបសួរសាលាដំបូងខេត្តកណ្ដាល ដោយមានលោក (ជូង ជូងី) ជាមេធាវីការពារសិទ្ធិ អមទៅជាមួយផង។ ពេលចាប់ផ្លើមសួរយកចម្លើយ មាស ប៉េង លោកបានទាមទារឲ្យមានតំណាងអយ្យការចូលរួមក្នុងការយកចម្លើយ តែលោក វង្ស ប៊ុនវិសុទ្ធ បានចូលរួមស្ដាប់ចម្លើយបានមួយរយៈពេលខ្លី ក៏ចាកចេញពីបន្ទប់ចៅក្រមស៊ើបសួរ មិនបានចូលរួមស្ដាប់ចម្លើយឈ្មោះ មាស ប៉េង រហូតដល់ចប់ទេ។ ក្រោយពីសួរចម្លើយរួច លោកចៅក្រម លឹម សុគន្ថា បានអនុញ្ញាតឲ្យឈ្មោះ មាស ប៉េង ត្រឡប់ទៅផ្ទះវិញជាធម្មតា ហើយតម្រូវឲ្យឈ្មោះ មាស ប៉េង ចូលទៅឆ្លើយបំភ្លឺនៅថ្ងៃទី២៣ ខែកញ្ញា ឆ្នាំ២០១១ មួយលើកទៀត។
នៅថ្ងៃទី២៣ ខែកញ្ញា ឆ្នាំ២០១១ ឈ្មោះ មាស ប៉េង ក៏បានចូលខ្លួនទៅឆ្លើយបំភ្លឺនៅចំពោះមុខលោក លឹម សុគន្ថា ម្ដងទៀត ប៉ុន្តែពេលនោះ មិនមានតំណាងអយ្យការ លោក វង្ស ប៊ុនវិសុទ្ធ ចូលរួមស្ដាប់ចម្លើយលោក មាស ប៉េង ទេ។
ក្រោយពីសួរចម្លើយឈ្មោះ មេស ប៉េង ចប់ ម៉ោងជិត ១២ ថ្ងៃត្រង់ ឈ្មោះ មាស ប៉េង ត្រូវបានសមត្ថកិច្ចនាំខ្លួនទៅពន្ធនាគារ ពេលនោះលោក (ជូង ជូងី) បានទាមទាររកដីកាសម្រេចឃុំខ្លួនបណ្ដោះអាសន្ន ពីលោក លឹម សុគន្ថា តែលោក លឹម សុគន្ថា មិនមានដីកាសម្រេចឃុំខ្លួនបណ្ដោះអាសន្ន បង្ហាញលោកទេ។ លោកបានទាមទាររកដីកាសម្រេចឃុំខ្លួន មាស ប៉េង ជាច្រើនលើក តែលោក លឹម សុគន្ថា នៅតែមិនមានដីកាសម្រេចឃុំខ្លួន មាស ប៉េង បង្ហាញលោកដែរ។
ដោយសង្កេតឃើញថា មិនមានដីកាសម្រេចឃុំខ្លួនបណ្ដោះអាសន្ន លោកក៏បានធ្វើដំណើរទៅពន្ធនាគារខេត្តកណ្ដាល ចូលជួបមន្ត្រីពន្ធនាគារ សួររកដីកាបង្គាប់ឲ្យឃុំខ្លួន។ មិនមានមន្ត្រីពន្ធនាគារណាម្នាក់បង្ហាញដីកាបង្គាប់ឲ្យឃុំខ្លួន។ លោកក៏បានតវ៉ាថា កាលណាមិនមានដីកាបង្គាប់ឲ្យឃុំខ្លួនពីតុលាការទេ ពន្ធនាគារមិនអាចឃុំខ្លួន មាស ប៉េង បានទេ។ ពេលនោះលោកក៏បាននាំ មាស ប៉េង ចេញពីពន្ធនាគារ ប៉ុន្តែត្រូវបានមន្ត្រីស្នងការដ្ឋានខេត្តកណ្ដាល ខាឃាំងមិនឲ្យលោកនាំ មាស ប៉េង ចាកចេញពីពន្ធនាគារ។
ប្រហែល ១០ នាទីក្រោយមក ឃើញបុរសម្នាក់ តាមការកត់សម្គាល់របស់លោក គឺជំនួយការក្រឡាបញ្ជី ស៊ុម បូរ៉ា កាន់សឺមីមួយចូលទៅពន្ធនាគារ ពេលនោះមន្ត្រីស្នងការដ្ឋានខេត្តកណ្ដាលដែលនាំខ្លួន មាស ប៉េង ទៅពន្ធនាគារ បានចេញទៅបាត់ ទុក មាស ប៉េង នៅក្នុងបន្ទប់ពន្ធនាគារ លោកក៏បានសុំឯកសារនោះមើល ឃើញមានឯកសារមិនទាន់ចុះហត្ថលេខា និងមិនទាន់បោះត្រាតុលាការ ពេលនោះមន្ត្រីពន្ធនាគារបានលាន់មាត់ថា “មិនទាន់ចុះហត្ថលេខា និងមិនទាន់បោះត្រាតុលាការផង!”។
ពាក្យបណ្ដឹងបានឲ្យដឹងទៀតថា លោកក៏បានទាមទារឯកសារនោះមើលឲ្យបានច្បាស់ ថាតើជាឯកសារអ្វី? តែបុរសនោះមិនបានបង្ហាញឯកសារឲ្យបានច្បាស់ទេ ក៏ឆ្មូលឯកសារនោះចោលទៅ។ ឃើញដូចនោះ មន្ត្រីពន្ធនាគារក៏ដើរចេញបាត់អស់។ ពេលនោះ លោកក៏បានហៅ មាស ប៉េង ចេញពីពន្ធនាគារឲ្យទៅផ្ទះវិញ។
លោក លឹម សុគន្ថា មិនបានយកដីកាសម្រេច ឬដីកាបង្គាប់ឲ្យឃុំខ្លួន មាស ប៉េង ទៅអនុវត្តនៅពន្ធនាគារទេ ហើយលោក វង្ស ប៊ុនវិសុទ្ធ ក៏មិនបានទៅអនុវត្តដីកានៅពន្ធនាគារដែរ សូម្បីតែលោកក្រឡាបញ្ជី ស៊ុម បូរ៉ា ក៏មិនបានយកដីកាទៅអនុវត្តនៅពន្ធនាគារឡើយ គឺលោក លឹម សុគន្ថា ប្រើបុគ្គលដែលគ្មានតួនាទីច្បាស់លាស់ជាមន្ត្រីតុលាការ ទៅអនុវត្តការឃុំខ្លួន មាស ប៉េង នៅពន្ធនាគារ។
បន្ទាប់ពីហេតុការណ៍បានកើតឡើងរួច លោក លឹម សុគន្ថា លោក វង្ស ប៊ុនវិសុទ្ធ និងលោក ស៊ុម បូរ៉ា បានឃុបឃិតគ្នា ធ្វើដីកាសម្រេចឃុំខ្លួនបណ្ដោះអាសន្ន និងធ្វើដីកាបង្គាប់ឲ្យឃុំខ្លួនបណ្ដោះអាសន្ន ក្លែងបន្លំ បំភ្លៃ បំភាន់ការពិត ហើយចោទប្រកាន់ទាំងបំពាន មួលបង្កាច់ ទំលាក់កំហុសដោយទុច្ចរិតថា មេធាវីដណ្ដើមដីកាបង្គាប់ឲ្យឃុំខ្លួនពីមន្ត្រីកាន់ដីកា បណ្ដាលឲ្យរហែកដីកាមួយសន្លឹក។
ពាក្យបណ្ដឹងឲ្យដឹងទៀតថា លោក លឹម សុគន្ថា មិនបានទៅពន្ធនាគារទាល់តែសោះ ហើយពេលដែលមន្ត្រីស្នងការដ្ឋានខេត្តកណ្ដាលនាំខ្លួន មាស ប៉េង ទៅដល់ពន្ធនាគារ ក៏មិនមានដីកាបង្គាប់ឲ្យឃុំខ្លួន មាស ប៉េង ប្រគល់ឲ្យមន្ត្រីពន្ធនាគារនោះដែរ ប៉ុន្តែបែរជាលោក លឹម សុគន្ថា ប្រឌិតរឿង ចោទប្រកាន់ទាំងបំពាន មួលបង្កាច់ ទំលាក់កំហុសដោយទុច្ចរិត ក្លែងបន្លំ បំភ្លៃ បំភាន់ការពិតថា មេធាវីដណ្ដើមដីកាបង្គាប់ឲ្យឃុំខ្លួនរហែកមួយសន្លឹក។
ពាក្យបណ្ដឹងលោក ជូង ជូងី បញ្ជាក់ថា “ពេលសមត្ថកិច្ចនាំខ្លួន មាស ប៉េង ទៅពន្ធនាគារ ខ្ញុំបាទជាមេធាវី បានទាមទាររកដីកាសម្រេចឃុំខ្លួន មាស ប៉េង ជាច្រើនលើក តែលោក លឹម សុគន្ថា មិនមានដីកាសម្រេចឃុំខ្លួន មាស ប៉េង បង្ហាញខ្ញុំបាទជាមេធាវីការពារសិទ្ធិឲ្យលោក មាស ប៉េង ទេ។ ពេលខ្ញុំបាទជាមេធាវីទៅដល់ពន្ធនាគារ បានទាមទាររកដីកាបង្គាប់ឲ្យឃុំខ្លួន មាស ប៉េង ពីមន្ត្រីពន្ធនាគារ ប៉ុន្តែមន្ត្រីពន្ធនាគារក៏មិនមានដីកាបង្គាប់ឲ្យឃុំខ្លួន មាស ប៉េង បង្ហាញដល់ខ្ញុំជាមេធាវីដែរ គឺមន្ត្រីស្នងការដ្ឋានខេត្តកណ្ដាល ចាប់ខ្លួន មាស ប៉េង ពីតុលាការបញ្ជូនទៅពន្ធនាគារ ដោយគ្មានដីកា។ មន្ត្រីពន្ធនាគារទទួលយក មាស ប៉េង ពីមន្ត្រីស្នងការដ្ឋានខេត្តកណ្ដាលចូលក្នុងពន្ធនាការ ដោយគ្មានដីកា។ គ្មានមន្ត្រីតុលាការណាម្នាក់ យកដីកាសម្រេចរបស់តុលាការ ទៅអនុវត្តនៅពន្ធនាគារឡើយ គឺលោកចៅក្រម លឹម សុគន្ថា លោកតំណាងអយ្យការ វង្ស ប៊ុនវិសុទ្ធ និងលោកក្រឡាបញ្ជី ស៊ុម បូរ៉ា មិនបានទៅពន្ធនាគារទាល់តែសោះ”។
បណ្ដឹងបន្ថែមថា ក្រោយពីហេតុការណ៍កើតឡើងរួច ទើបលោក លឹម សុគន្ថា លោក វង្ស ប៊ុនវិសុទ្ធ និងលោក ស៊ុម បូរ៉ា ឃុបឃិតគ្នា ធ្វើដីកាសម្រេចឃុំខ្លួនបណ្ដោះអាសន្ន ដែលមានចំនួន ៣ ទំព័រ ចុះថា សំណុំរឿងព្រហ្មទណ្ឌលេខ៤៦៥ អ.ក ចុះថ្ងៃទី២០ ខែឧសភា ឆ្នាំ២០១០ ធ្វើនៅកណ្ដាល ថ្ងៃទី២៣ ខែកញ្ញា ឆ្នាំ២០១ និងធ្វើដីកាបង្គាប់ឲ្យឃុំខ្លួនបណ្ដោះអាសន្នថា ឈ្មោះ មាស ប៉េង ត្រូវបានចាប់ខ្លួននៅថ្ងៃទី២២ ខែកញ្ញា ឆ្នាំ២០១១។
បណ្ដឹងលោក ជូង ជូងី បានជម្រាបលោករដ្ឋមន្ត្រីក្រសួងយុត្តិធម៌ថា សំណុំរឿងព្រហ្មទណ្ឌលេខ៤៦៥ អ.ក ពាក់ព័ន្ធនឹងកូនក្ដីលោក ឈ្មោះ មាស ប៉េង គឺចុះថ្ងៃទី២០ ខែឧសភា ឆ្នាំ២០១១ មិនមែនចុះថ្ងៃទី២០ ខែឧសភា ឆ្នាំ២០១០ ដូចការចុះកាលបរិច្ឆេទរបស់លោក លឹម សុគន្ថា នៅក្នុងដីកាសម្រេចឃុំខ្លួនបណ្ដោះអាសន្ននោះឡើយ។
នៅក្នុងដីកាសម្រេចឃុំខ្លួនបណ្ដោះអាសន្ន លោក លឹម សុគន្ថា យល់ឃើញទាំងបំពានថា ឈ្មោះ មាស ប៉េង ត្រូវជាប់ចោទពីបទ អ្នកផ្ដើមគំនិតប្រើអំពើហិង្សាដោយចេតនា ទៅលើអ្នកកាន់កាប់អចលវត្ថុដោយសុចរិត តាមមាត្រា២៨ នៃក្រមព្រហ្មទណ្ឌ ដែលបទចោទប្រកាន់ ជាបទមជ្ឈិម ហើយច្បាប់កំណត់ឲ្យផ្ដន្ទាទោសដាក់ពន្ធនាគារស្មើ ឬលើសពីមួយឆ្នាំ។ តាមមាត្រា២៥៣ នៃច្បាប់ភូមិបាល បទចោទប្រកាន់នេះ ត្រូវផ្តន្ទាទោសស្មើ ឬលើសពីប្រាំមួយខែទេ មិនមែនត្រូវផ្ដន្ទាទោសស្មើ ឬលើសពីមួយឆ្នាំ ដូចការលើកឡើងរបស់លោក លឹម សុគន្ថា នោះឡើយ។
នៅក្នុងដីកាសម្រេចឃុំខ្លួនបណ្ដោះអាសន្ន លោក លឹម សុគន្ថា បានចុះកាលបរិច្ឆេទ “កណ្ដាល ថ្ងៃទី២៣ ខែកញ្ញា ឆ្នាំ២០១”។ លេខ២៣ មានស្នាមកែលេខ៣ គឺមិនប្រក្រតី ហើយឆ្នាំដាក់២០១ ខុសទៅនឹងការពិតទាំងស្រុង។ តើដីកាសម្រេចនេះ ធ្វើនៅថ្ងៃទី២៣ មែន ឬយ៉ាងណា? ប្រសិនបើធ្វើនៅថ្ងៃទី២៣មែន ហេតុអ្វីបានជាមានស្នាមកែលេខ៣? តើដីកាសម្រេចនេះធ្វើនៅពេលណា? ហេតុអ្វីបានជានៅពេលនាំជនត្រូវចោទ មាស ប៉េង ពីតុលាការ ទៅពន្ធនាគារ លោកជាមេធាវីបានទាមទាររកដីកាសម្រេចឃុំខ្លួនបណ្ដោះអាសន្ន មិនមាន?
នៅក្នុងដីកាសម្រេចឃុំខ្លួនបណ្ដោះអាសន្ន ក្រឡាបញ្ជី ស៊ុម បូរ៉ា ចារថា បានទទួលអនុវត្ត។ ប៉ុន្តែមិនមានវត្តមានលោក ស៊ុម បូរ៉ា យកដីកាសម្រេចរបស់លោក លឹម សុគន្ថា ទៅអនុវត្តនៅពន្ធនាគារទេ។ លោក ស៊ុម បូរ៉ា ចារថា បានជូនដំណឹងដល់ជនត្រូវចោទឈ្មោះ មាស ប៉េង រួចហើយ និងចារថា បានជូនដំណឹងដល់មេធាវីជនត្រូវចោទឈ្មោះ ជូង ជូងី រួចហើយ។ តើលោក ស៊ុម បូរ៉ា ជូនដំណឹងលោក មាស ប៉េង នៅពេលណា? ហើយជូនដំណឹងដល់លោក ជាមេធាវីនៅពេលណា? ហេតុអ្វីបានជាក្រោយពេលនាំខ្លួនឈ្មោះ មាស ប៉េង ទៅពន្ធនាគារ លោកជាមេធាវីទាមទាររកដីកាសម្រេចឃុំខ្លួន មិនមាន?
ចំណែកលោក វង្ស ប៊ុនវិសុទ្ធ វិញ តាំងពីពេលព្រឹក រហូតដល់សមត្ថកិច្ចនាំខ្លួនឈ្មោះ មាស ប៉េង ទៅពន្ធនាគារ មិនមានវត្តមានលោក វង្ស ប៊ុនវិសុទ្ធ ចូលរួមស្ដាប់ចម្លើយ មាស ប៉េង ទាល់តែសោះ ហេតុអ្វីក៏មានហត្ថលេខាលោក វង្ស ប៊ុនវិសុទ្ធ ចារថា បានទទួលដំណឹងរួចហើយ? តើលោក វង្ស ប៊ុនវិសុទ្ធ បានទទួលដំណឹងពីពេលណា?
ចំពោះដីកាបង្គាប់ឲ្យឃុំខ្លួនបណ្ដោះអាសន្នវិញ លោក លឹម សុគន្ថា ចុះកាលបរិច្ឆេទ “កណ្ដាល ថ្ងៃទី២៣ ខែកញ្ញា ឆ្នាំ២០១១” និងយោងដីកាសម្រេចឃុំលេខ១៦៩១ ដកសឃខ ចុះថ្ងៃទី២៣ ខែកញ្ញា ឆ្នាំ២០១១ និងថា លោក មាស ប៉េង ត្រូវបានចាប់ខ្លួននៅថ្ងៃទី២២ ខែកញ្ញា ឆ្នាំ២០១១ គឺបំផ្លើសការពិត។ បើដីកានេះធ្វើត្រឹមត្រូវនៅថ្ងៃទី២៣ មែន ហេតុអ្វីបានជាមានស្នាមកែលេខ៣? ហើយនៅថ្ងៃទី២២ ខែកញ្ញា ឆ្នាំ២០១១ ក្រោយពីសួរយកចម្លើយរូច មាស ប៉េង ត្រឡប់ទៅផ្ទះវិញជាធម្មតា មិនមានការចាប់ខ្លួន មាស ប៉េង ទេ ហេតុអ្វីក៏លោក លឹម សុគន្ថា ថា ត្រូវបានចាប់ខ្លួននៅថ្ងៃទី២២ ខែកញ្ញា ឆ្នាំ២០១១?
ពាក្យបណ្ដឹងលោក ជូង ជូងី បានលើកឡើងថា លោក លឹម សុគន្ថា លោក វង្ស ប៊ុនវិសុទ្ធ និងលោក ស៊ុម បូរ៉ា បានឃុបឃិតគ្នាធ្វើដីកាសម្រេចឃុំខ្លួនបណ្ដោះអាសន្ន និងធ្វើដីកាបង្គាប់ឲ្យឃុំខ្លួនបណ្ដោះអាសន្ន ក្លែងបន្លំ បំភ្លៃ បំភាន់ការពិត បំផ្លាញយុត្តិធម៌សង្គម បំផ្លាញគោលនយោបាយកំណែទម្រង់ប្រព័ន្ធតុលាការកម្ពុជា ដែលជាគោលនយោបាយចតុកោណរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
បណ្ដឹងលោក ជូង ជូងី បានសូមឲ្យរដ្ឋមន្ត្រីក្រសួងយុត្តិធម៌ធ្វើការស្រាវជ្រាវ ស៊ើបអង្កេតឲ្យឃើញការពិត និងដាក់វិន័យយ៉ាងតឹងរ៉ឹងបំផុតចំពោះ លោក លឹម សុគន្ថា លោក វង្ស ប៊ុនវិសុទ្ធ និងលោក ស៊ុម បូរ៉ា ដើម្បីជាគំរូដល់ចៅក្រម តំណាងអយ្យការ និងក្រឡាបញ្ជីដទៃទៀត៕
4 comments:
That right, we will use the jungle laws against ah Chkae and his gang. SRP needs to stand their ground and not be bullied. Let's send ah CPP chkae to hell, using the real rules of law. Time is changing SRP is starting to stand up!! First it was ah Chkae. Hour Bandit. Let's see if Cambodia can free ourself!
i think that we can fight with cpp if we want complain must use weapon if we u by court no hope for fair judge
យុត្តិធម៌ ah yuon vietcong ?
DAM JEK TOV KhMeR euil !!!!!
Lawyer Choung Chou-ngy please go and get them. You should know that you fight for yourself and your children
Post a Comment