 |
| Prostitutes outside a brothel |
ថ្ងៃទី 22 មេសា 2012
ដោយ: សុផល
CEN
ភ្នំពេញ: នៅក្នុងទីក្រុងភ្នំពេញមានកន្លែងរកស៊ីជួញដូរផ្លូវភេទច្រើនរីកស្គុះស្គាយដូចផ្សិត ហើយក៏គ្មានអាជ្ញាធរណាធ្វើការបង្ក្រាបឲ្យមានប្រសិទ្ធភាពនោះទេ។ រីឯទីតាំងខ្លះគេរកស៊ីលួចលាក់តាមគ្រប់រូបភាពដែលមានធ្វើទៅបាន។ ដោយមានការផ្សំគំនិតពីសំណាក់មន្ត្រីមូលដ្ឋាន ជាខ្នងបង្អែកដើម្បីជួយការពារដល់ពួកនាងៗដោយដាក់ខែ សំរាប់ឆ្នាំងបាយរបស់ពួកគេ។ ការរកស៊ីមានខ្សែសង្វាក់បែបនេះមិនងាយអ្នកណាបំបែកបានឡើយ។
តាមការសង្កេតជាទូទៅស្រី្តភាគច្រើនដែលចូលចិត្តរកស៊ីរបរអត់ដើមនេះ ជាកូនអ្នកក្រីក្រមកពីជនបទ ពុំបានរៀនសូត្រជ្រៅជ្រះខ្ពង់ខ្ពស់ ហើយស្ម័គ្រចិត្តប្រកបមុខរបរនេះដោយខ្លួនឯង។ ម្យ៉ាងទៀតស្ត្រីខ្លះបានចាញ់បោកមេខ្យល់ដែលបោកយកមកពីជនបទដោយថា មករកការងារធ្វើនៅភ្នំពេញ ឬក៏ទៅធ្វើការតាមរោងចក្រ ឬហាងធំៗ។ ខ្លះត្រូវគេមេខ្យល់បោកយកទៅលក់ឲ្យតាៗ ក្នុងតំលៃសមរម្យ ឬលក់បន្តគ្នាពីថៅកែបនមួយទៅថៅកែផ្ទះបនមួយដូចសត្វធាតុ។
ស្ត្រីរកស៊ីផ្លូវភេទជួញដូរ មានគ្រប់រូបភាពដូចជា រកស៊ីនៅតាមផ្ទះបនដោយចំហ និងលួចលាក់ តាមហាងកាហ្វេ ខារ៉ាអូខេតូចធំ ផ្ទះកោសជប់ម៉ាស្សា ផ្ទះសំណាក់ ផ្ទះម៉ាស្សាធំៗ ក្នុងនោះមានបរទេសផងដែរ ក្រៅពីនោះក៏មានហាងកាត់សក់ និងនៅតាមដងផ្លូវសាធារណៈធំៗឈរផ្តុំគ្នានៅពេលយប់។
ប្រភពព័ត៌មានដែលអាចជឿជាក់បានបង្ហើបឲ្យដឹងថា តំលៃក្នុងការរួមរ័ក្សជាមួយក្រុមនាងៗដូចដែលបានរៀបរាប់ខាងលើនេះ ដោយក្រុមមនុស្សដែលចូលចិត្តរឿងម្ហូបក្រៅផ្ទះនេះ គឺតំលៃខុសគ្នាទាំងអស់។ បើនិយាយតាមហាងកាហ្វេធម្មតាតំលៃ៥ដុល្លារឬក៏២០០០០រៀល រីឯតំលៃតាមផ្ទះបនវិញមិនសូវជាខុសគ្នាប៉ុន្មានទេ។
ដោយឡែកក្រុមនាងរកស៊ីតាមដងផ្លូវសាធារណៈវិញ គេអាចចរចាគ្នាបានតំលៃថ្លៃជាងតាមផ្ទះបន និងហាងកាហ្វេ តំលៃទាបបំផុតពី១៥ដុល្លាររហូតទៅដល់២០ដុល្លារ ក្នុង១យប់ រីឯតំលៃចេញផ្ទះសំណាក់លើភាគីភ្ញៀវជាអ្នកចេញ ក៏ប៉ុន្តែក្រុមនាងៗខាងលើភាគច្រើនភ្ញៀវតែមិនសូវចូលចិត្តនិងជឿទុកចិត្តបានទេ។ ក្រោយពីបានលុយហើយ ពេលខ្លះរករឿងភ្ញៀវអុកឡុកបង្កបញ្ហាមិនព្រមដេកជាមួយភ្ញៀវ ឬក៏ប្តឹងប៉ូលិសឲ្យចាប់ភ្ញៀវទៀតក៏មានដែរ ហើយក្រុមនាងខាងលើនេះល្បិចខ្ពស់ណាស់ ហើយពិសពុលទៀតផង។ រឿងអាក្រក់មួយទៀត គឺលោតពីលើម៉ូតូរត់ចោលភ្ញៀវ តែបើភ្ញៀវហ៊ានសួរនាំសើរើ ច្បាស់ជាត្រូវក្រុមបងធំរបស់នាងៗស្វាគមន៍ហើយ ចែកផ្លូវគ្នាបាត់ស្រមោល។
ប្រភពនោះបានបញ្ជាក់ថា បើនិយាយពីរឿងផ្ទះកោសជប់ម៉ាស្សាវិញ ក៏មិនធម្មតាដែរ។ឲ្យតែប្រហែសលួចម៉ត់តែម្តងពេលភ្ញៀវផ្កាប់មុខម៉ាស្សា រហូតដល់មានប្តឹងផ្តល់ដល់សមត្ថកិច្ចទៀតផង ទើបបានលុយកាក់ខ្លះមកវិញ តែមិនបានទាំងអស់នោះទេ។ ស្រីម៉ាស្សាខ្លះរួមរ័ក្សជាមួយភ្ញៀវហើយព្រឹកឡើងប្តឹងប៉ូលិសចាប់ខ្លួនតែម្តង។ ដោយចោទថា ចាប់នាងរំលោភ។ កន្លែងកោសជប់ម៉ាស្សា ប្តឹងយកលុយចាយលេងចែកគ្នាជាមួយប៉ូលិស ស្រីខ្លះរកឃើញមុខរបរនេះរកស៊ីទៅវាកាក់កប ថ្ងៃក្រោយគេរកស៊ីបែបនេះតទៅទៀត។ និយាយរឿងជាក់ស្តែងប៉ូលិស២នាក់អស់លុយ៦០០ដុល្លារ ស្ទើរតែមិនរួចខ្លួនទៀត ហើយគំរាមបញ្ជូនទាំងគ្រូពេទ្យម្នាក់ផងដែរជាប់ចោទពីបទរំលោភអស់១០០០ដុល្លារ បានសំរានក្នុងទ្រុងអស់រយៈពេល១យប់ ដោយសាររឿងស្រីចោទថា រំលោភ។
ជុំវិញរឿងរ៉ាវខាងលើនេះ វាសុទ្ធតែជារឿងស្មុគស្មាញជាងគេទាំងអស់ប្រកបដោយគ្រោះថ្នាក់បំផុត ហើយវាបានធ្វើឲ្យប៉ះពាល់ដល់កិតិ្តយសទៀតផង។ ស្ត្រីរកស៊ីតាមផ្ទះសំណាក់ ហាងម៉ាស្សាធំៗឬសណ្ឋាគាធំៗវិញ មានតំលៃពី២០ដុល្លារ ៣០ដុល្លារ រហូតដល់៥០ដុល្លារ តែមួយសិច។ ចំណែកនាងអស់ទាំងនេះ មិនបង្កឲ្យមានការលំបាកដល់អស់លោកអ្នកមានៗទាំងនោះទេ។ ពីព្រោះគេមានកងសន្តិសុខ ឬក៏កងអង្គរក្សការពារ និងមានវិន័យច្បាស់លាស់ មិនឲ្យភ្ញៀវទាស់ចិត្ត។ នាងៗខ្លះមានសំណាងគេក្លាយទៅជាស្រីកំណាន់របស់តាៗផងដែរ រហូតពេលខ្លះបានលុយធ្វើផ្ទះសំបែងឲ្យឪពុកម្តាយដែលជាអ្នកក្រីក្រនៅឯស្រុកកំណើត៕
1 comment:
របបអាខ្វាក់ ហ៊ុន សែន គឺជារបបរំលាយពូជសាសន៍ខ្មែរតែម្តង! ព្រោះពួកវាសុខចិត្តធ្វើជាកញ្ជៈដាច់ថ្លៃអោយពួកយួនហាណូយ!
Post a Comment