ពួកអា លី​ហូវ គោះកែវស្រា ពោរពេញ ដោយឈាម នឹកគុណ ចោរ

សម្តេចក្រុមព្រះ នរោត្តម រណប្ញទ្ធិ និង លោក ញ៉ឹក ប៊ុនឆៃ ជួបប្រជុំគ្នា ឯកភាពរួមជ្រក ក្រោមគណបក្ស ហ៊្វុនស៊ិនប៉ិចតែមួយ

Thursday, 24 May 2012
ដោយ ៖ សយ សុភាព
DAP-News

ម្ទេសផ្លោក បានមានព្រះបន្ទូល ទៀតថា នេះជាថ្ងៃ ប្រវត្តិសាស្រ្ត ដែលសម្តេច តេជោ ហ៊ុន សែន បានចូលរួម ចំណែក ប្រមែប្រមូល អ្នករា(រ៉ាច់អៀក) ជានិយម

ភ្នំពេញ៖ សម្តេចក្រុមព្រះ នរោត្តម រណប្ញទ្ធិ ប្រធានគណបក្ស នរោត្តម រណប្ញទ្ធិ និង លោក ញឹក ប៊ុនឆៃ ប្រធានប្រតិបត្តិគណបក្ស ហ៊្វុនស៊ិនប៉ិច បានជួបប្រជុំគ្នា នៅវិមានសន្តិភាព រាជធានីភ្នំពេញ ជាលក្ខណៈ គ្រួសារ និងជាអ្នករាជានិយម ហើយបានឯកភាពគ្នា ថានឹងរួមចូលដំបូលតែមួយ ជ្រកក្រោមគណបក្ស ហ៊្វុនស៊ិនប៉ិច ដើម្បីប្រកួតប្រជែងស្វែងរកការគាំទ្រសម្រាប់ការបោះឆ្នោតសកលនាឆ្នាំ២០១៣ ។

យោងតាមព័ត៌មានពីមន្រ្តីជាន់ខ្ពស់ របស់គណបក្សទាំងពីរ បានឲ្យមជ្ឈមណ្ឌលព័ត៌មានដើមអម្ពិលដឹងថា មេដឹកនាំកំពូលទាំងពីរ បានជួបជុំគ្នា ប្រកបដោយលក្ខណៈគ្រួសារ និងទទួលបាននូវលទ្ធផលវិជ្ជមាន បំផុត ដែលគណបក្សទាំងពីរអាចរកច្រកចេញរួមគ្នា ដែលគណបក្សនេះគ្រោងនឹងប្រើប្រាស់ ស្លាកសញ្ញា គណបក្សហ៊្វុនស៊ិនប៉ិចតែមួយ ក្រោយការបោះឆ្នោត ក្រុមប្រឹក្សាឃុំ-សង្កាត់ ។

នេះជាលើកទី១ ដែលសម្តេចក្រុមព្រះ ប្រធានគណបក្ស នរោត្តម រណប្ញទ្ធិ និង លោក ញ៉ឹក ប៊ុនឆៃ មន្រ្តី ជាន់ខ្ពស់ គណបក្ស ហ៊្វុនស៊ិនប៉ិច បានជួបប្រជុំគ្នា ហើយរកដោះស្រាយបញ្ចប់បញ្ហារួបរួមជាមួយគ្នាវិញ បន្ទាប់ពីបែកបាក់គ្នា អស់រយៈពេលជាច្រើនឆ្នាំកន្លងមកនេះ ។

ការជួបប្រជុំគ្នាជាផ្លូវការនេះ ភាគីទាំងពីរគ្រោងនឹងចុះហត្ថលេខា ដោយមានការចូលរួមជាសាក្សីពីភាគី ទាំងពីរ ម្ខាងចំនួន ១០នាក់ ដែលគណបក្ស នរោត្តម រណប្ញទ្ធិ ដឹកនាំដោយ សម្តេចក្រុមព្រះ នរោត្តម រណប្ញទ្ធិ និង គណបក្ស ហ៊្វុនស៊ិនប៉ិច ដឹកនាំដោយលោក ញឹក ប៊ុនឆៃ បានចុះហត្ថលេខាលើលិខិតឯក ភាពទាំងទ្វេភាគី ដើម្បីរួមបញ្ចូលទៅជាគណបក្សតែមួយ ។


ការជួបជុំគ្នានៅពេលនេះ គឺជាការត្រួសត្រាយផ្លូវមួយដល់ សមាជិក និងអ្នកគាំទ្រ ឈានទៅរកការបោះ ឆ្នោតគាំទ្រគ្នាទៅវិញទៅមក ហើយក្នុងនោះសម្តេចក្រុមព្រះ នរោត្តម រណប្ញទ្ធិ ធ្វើជាប្រធាន លោក ញ៉ឹក ប៊ុនឆៃ ជាអនុប្រធាន ។

សម្តេចក្រុមព្រះ នរោត្តម រណឬទ្ធិ បានមានព្រះបន្ទួលអរគុណសម្តេច នាយករដ្ឋមន្ត្រី ហ៊ុន សែន យ៉ាងស្ម័គ្រស្មោះ និងជ្រាលជ្រៅបំផុត ដែល អនុញ្ញាតឲ្យគណបក្សទាំងពីរ ចុះហត្ថលេខាលើកិច្ចព្រមព្រៀង បង្រួបបង្រួមគ្នា។ សម្តេចក្រុមព្រះ បានមានព្រះបន្ទូលទៀតថា ក្រោយពីគណបក្សទាំងពីរបង្រួបបង្រួមគ្នា គឺព្រះអង្គប្រកាន់យកគោលនយោបាយ អ្នករាជានិយម អ្នកសីហនុនិយម ដើម្បីជាកម្លាំងមួយ ជួយកសាង និងអភិវឌ្ឍន៍ប្រទេសជាតិ ដោយបញ្ចប់ការលើកឡើង និងចង្អុលអ្នកនេះខុស អ្នកនេះត្រូវ។

សម្តេចក្រុមព្រះ បានមានព្រះបន្ទូលទៀតថា នេះជាថ្ងៃប្រវត្តិសាស្រ្ត ដែលសម្តេច តេជោ ហ៊ុន សែន បានចូលរួមចំណែកប្រមែប្រមូល អ្នករា(រ៉ាច់អៀក) ជានិយម ហើយព្រះអង្គមានជំនឿយ៉ាងខ្លាំង ថាការបង្រួបបង្រួមគ្នាលើក នេះនឹងមិនបែកបាក់ទៀតឡើយ។ សម្តេចក្រុមព្រះបានមានព្រះបន្ទូលបន្តថា ក្រោយពីពិធីចុះហត្ថលេខា នេះ លោកនឹងតែងតាំង តំណាងរបស់ខ្លួន ចូលរួមការបោះឆ្នោតជ្រើសរើសក្រុមប្រឹក្សាឃុំ-សង្កាត់ មាន ន័យថា បើឃុំគណបក្សហ៊្វុន ស៊ិនប៉ិច ខ្លាំង នោះគណបក្សនរោត្តមរណឬទ្ធិ នឹងប្រមូលសមាជិករបស់ខ្លួន បោះឆ្នោតជូនគណបក្សហ៊្វុនស៊ិនប៉ិច។

លោក ញឹក ប៊ុនឆៃ ប្រធានប្រតិបត្តិគណបក្សហ៊្វុនស៊ិនប៉ិច បានមានប្រសាសន៍ថា នេះគឺជាថ្ងៃប្រវត្តិ សាស្រ្ត ដែលគណបក្សទាំងពីរ បានរួមបញ្ចូលគ្នា ហើយលោកសប្បាយចិត្តក្នុងរួបរួមគ្នាកសាងប្រទេស ជាតិ។

គេរំពឹងថា គណបក្សនេះនឹងខ្លាំង អាចនឹងទទួលបានអាសនៈច្រើន សម្រាប់ការបោះឆ្នោតសកលឆ្នាំ ២០១៣ តែទោះជាយ៉ាងណាគេនៅតែជឿថា គណបក្សប្រជាជនកម្ពុជា នៅតែជាគណបក្សនាំមុខគេ ហើយសម្តេចតេជោ ហ៊ុន សែន នៅតែជានាយករដមន្រ្តី នៃព្រះរាជាណាចក្រកម្ពុជា។