សម្តេចតេជោ ក្លាយជាឧបករណ៍(បុរស)ឃោសនាស្រាបៀរ [នាយករដ្ឋមន្រ្តី ឡង់សេ?]

15 ខែ​ឧសភា 2012
Originally posted at: http://khmersme.wordpress.com/2012/05/15/%E1%9E%9F%E1%9E%98%E1%9F%92%E1%9E%8F%E1%9F%81%E1%9E%85%E1%9E%8F%E1%9F%81%E1%9E%87%E1%9F%84-%E1%9E%80%E1%9F%92%E1%9E%9B%E1%9E%B6%E1%9E%99%E1%9E%87%E1%9E%B6%E1%9E%A7%E1%9E%94%E1%9E%80%E1%9E%9A%E1%9E%8E/

ធ្លាប់តែឃើញបុរស ឬស្រ្តីធ្វើការ បម្រើការ ឃោសនាស្រាបៀរ តែ ឥឡូវ នេះ សូម្បីតែ នាយករដ្ឋមន្រ្តី ក៏ក្លាយ ជាបុរស ផ្សព្វផ្សាយ ស្រាបៀរ ឲ្យ ក្រុមហ៊ុន ផលិតស្រាបៀរ ដែរ។

ពិតជារឿងដ៏អស្ចារ្យ និង ដ៏កម្រមួយ ដែលប្រហែលគ្រប់រូបនៃមេដឹកនាំលើពិភពលោក គ្មាន នាយករដ្ឋមន្រ្តី ឬប្រធានាធិបតីណា អាចធ្វើបានដូចសម្តេចតេជោនាយករដ្ឋមន្រ្តីហ៊ុនសែន។

ប្រហែលមានតែសម្តេចហ៊ុន សែនទេ ដែលបានទទួលយល់ព្រមទទួលនូវសំណូមពរពី បណ្តា ក្រុមហ៊ុនផលិតស្រាបៀរ ហើយព្យាយាមអំពាវនាវឲ្យពលរដ្ឋកម្ពុជា ពិសារ(ផឹក)ស្រាបៀរ ដែលមើលទៅ គឺជាការធ្វើខុសពីវិន័យ នៃព្រះពុទ្ធសាសនា ដែលទូន្មានទស្សនិកជនរបស់ខ្លួនថា ការបរិភោគគ្រឿងស្រវឹង គឺជាការប្រព្រឹត្តអំពើអបាយមុខមួយ ក្នុងចំណោមអំពើអបាយមុខទាំងបី គឺ ស្រី ស្រា និង ល្បែងពាលា ជាពិសេសគឺខុសនឹងច្បាប់ចរាចរផ្លូវគោក ដែលហាមមិនឲ្យអ្នកបើកបរយានយន្តទាំងអស់បើកបរនៅពេលខ្លួនកំពុងស្រវឹង ឬថា បើបើបរ សូមកុំពិសារគ្រឿងស្រវឹង និង បើស្រវឹងកុំបើកបរ ។

គេមិនបានដឹងថា ការឡើងថ្លែងសុន្ទរកថាម្តងៗ សម្តេចនឹងទទួលបាននូវជំនូនលើកទឹកចិត្តប៉ុន្មានពីម្ចាស់ក្រុមហ៊ុន ឬគ្រឹះស្ថានសិក្សានោះទេ ប៉ុន្តែ ព័ត៌មានពីមនុស្សស្និទ្ធសម្តេច បានឲ្យ ដឹងថា យ៉ាងហោចណាស់ក៏ គេត្រូវចំណាយពី១០ ទៅ១៥ម៉ឺនដុល្លារដែរ ដើម្បីអញ្ជើញសម្តេច ឲ្យចូលរួមជាកិត្តិយស ក្នុងការចែកសញ្ញាប័ត្រ ឬធ្វើអ្វីមួយ។


សុន្ទរកថា សម្តេចកាលពីម្សិលមិញ សម្តេចបានពន្យល់ថា ការទទួលទានស្រាបៀរមួយកំប៉ុង គឺមានន័យថា ជួយរកចំណូលឲ្យរដ្ឋ បានមួយផ្នែកធំ មិនមែនរកចំណូលឲ្យក្រុមហ៊ុនទេ ព្រោះ រដ្ឋបានដកហូតពន្ធអាករពីក្រុមហ៊ុនស្រាបៀរចំនួន១០ភាគរយពីតម្លៃសរុបរបស់ស្រាបៀរមួយកំប៉ុង។

បើមិនបានគិត បញ្ហានេះ មិនជាអ្វីទេ ប៉ុន្តែបើគិតបន្តិច គេពិតជាឃើញថា នាយករដ្ឋមន្រ្តីកម្ពុជា កំពុងក្លាយជាឧបករណ៍ឃោសនាស្រាបៀរឲ្យក្រុមហ៊ុនផលិតស្រាបៀរនៅកម្ពុជា ហើយវាក៏បង្ហាញ់កាន់តែច្បាស់ថា ចំណូលរបស់រដ្ឋ គ្មានអ្វីក្រៅពីការលក់គ្រឿងស្រវឹងឲ្យ ប្រជាជនឯង។បំពុលប្រជាជនឯង ដែលជាទូទៅ គ្រូពេទ្យបានហាមឃាត់ ការទទួលទានគ្រឿងស្រវឹងច្រើន គឺបណ្តាលឲ្យខូចសុខភាព។

វាជារឿង ដ៏គួរឲ្យអស់សំណើច និង ហួសចិត្តខ្លាំងណាស់ដែរ ដែលរាជរដ្ឋាភិបាល តែងតែ អួតក្តែងៗថា ចំណូលពន្ធ ឬសេដ្ឋកិច្ចកម្ពុជា មានការកើនឡើង តែគេមិនដឹងថា ចំណូលទាំង នោះបានមកពីណា ?ហើយដោយសារអ្វី។តែឥឡូវគេដឹងច្បាស់ហើយថា ចំណូលរដ្ឋ គឺបាន មកពីការបំផ្លាញសុខភាពប្រជាជនឯង។

គេធ្លាប់តែឃើញបុរស ឬស្រ្តីធ្វើការបម្រើការឃោសនាស្រាបៀរ តែឥឡូវនេះ សូម្បីតែនាយករដ្ឋមន្រ្តី ក៏ក្លាយជាបុរសផ្សព្វផ្សាយស្រាបៀរឲ្យក្រុមហ៊ុនផលិតស្រាបៀរដែរ។

មតិរិះគន់មួយចំនួនបានលើកឡើងថា ក្នុងនាមជាអ្នកដឹកនាំពេលខ្លះមិនគួរធ្វើអ្វី ដែលបង្ហាញពីការចង់បានហួសហេតុ ឬថា ជាការមិនចេះគិតមុខក្រោយ ខាតឬចំណេញឡើយ។