ដោយ មឿង ទុម 2012-06-09
ពលរដ្ឋខ្មែរអាមេរិករស់នៅតំបន់ជុំវិញរដ្ឋធានី វ៉ាស៊ីនតោន (Washington D.C) គ្រោងជួបជុំគ្នាធ្វើបាតុកម្ម នៅថ្ងៃអង្គារ ទី១២ ខែមិថុនា ដើម្បីប្រឆាំងនឹងដំណើរទស្សនកិច្ចរបស់លោក ហោ ណាំហុង រដ្ឋមន្ត្រីក្រសួងការបរទេស នៅសហរដ្ឋអាមេរិក។
លោក ហោ ណាំហុង គ្រោងនឹងជួបមន្ត្រីការបរទេសសហរដ្ឋអាមេរិក សមាជិកព្រឹទ្ធសភា និងជំនួយការប្រធានាធិបតីសហរដ្ឋអាមេរិក ប៉ុន្តែនៅមិនទាន់មានព័ត៌មានលំអិតពីប្រធានបទ ដែលនឹងលើកមកពិភាក្សាគ្នានោះទេ។
តំណាងក្រុមអ្នករៀបចំបាតុកម្ម លោក ម៉ៃឃើល ដួង (Micheal Duong) មានប្រសាសន៍ថា ពួកគាត់នឹងដឹកនាំប្រតិភូចំនួន ១០រូប ទៅជួបជំនួយការនៃរដ្ឋលេខាធិការក្រសួងការបរទេសសហរដ្ឋអាមេរិក ទទួលបន្ទុកផ្នែកសិទ្ធិមនុស្សប្រចាំតំបន់អាស៊ីអាគ្នេយ៍ ដើម្បីជំទាស់នឹងវត្តមានលោក ហោ ណាំហុង។ លោកបន្តថា ការតវ៉ានេះ ដើម្បីសម្ដែងការមិនពេញចិត្តចំពោះរដ្ឋាភិបាល ពីការរំលោភសិទ្ធិមនុស្ស។
លោក ម៉ៃឃើល ដួង៖ «វត្តមានរបស់ ហោ ណាំហុង ដែលជាអតីតខ្មែរក្រហម និងជាអតីតមេគុកបឹងត្របែក បានធ្វើឲ្យខ្មែរអាមេរិកាំង មិនសប្បាយចិត្ត រួមគ្នាគ្រោងធ្វើបាតុកម្ម និងជួបអនុរដ្ឋលេខាធិការនៃក្រសួងការបរទេសសហរដ្ឋអាមេរិក។ នៅថ្ងៃទី១២ ខាងមុខនេះ យើងមាន ២កម្មវិធី ទី១ នៅពេលព្រឹក ជំនួយការនៃរដ្ឋលេខាធិការក្រសួងការបរទេស (Assistant of Secretary of State) គាត់នឹងជួបគណៈប្រតិភូរបស់យើងមួយចំនួន។ យើងមានភស្តុតាងជាច្រើន បង្ហាញទៅក្រសួងការបរទេស អំពីទង្វើរបស់រដ្ឋាភិបាលដែលរំលោភសិទ្ធិមនុស្ស និងសម្លាប់មនុស្សក្រៅប្រព័ន្ធតុលាការ។ល។»
លោក ម៉ៃឃើល ដួង បានឲ្យដឹងបន្ថែមថា បន្ទាប់ពីជួបនឹងមន្ត្រីក្រសួងការបរទេសរួចហើយ បាតុករនឹងរួមគ្នាធ្វើបាតុកម្មអហិង្សានៅមុខក្រសួងការបរទេស។
លោក ម៉ៃឃើល ដួង៖ «យើងធ្វើបាតុកម្មនៅមុខការិយាល័យក្រសួងការ បរទេស នៅលើផ្លូវ ២២ និង ស៊ី។ យើងនឹងទៅជួបជុំ ខ្មែរមកពីតំបន់ផ្សេងក៏មកជួបជុំដែរ ដើម្បីទាមទារជួយការពារសិទ្ធិរបស់ប្រជាពលរដ្ឋ ដូចជាអ្នកនៅតំបន់បឹងកក់ និងបុរីកីឡា ជាដើម ដែលរាជរដ្ឋាភិបាល ហ៊ុន សែន ប្លន់យកដីគេ ហើយចាប់គេដាក់គុកទៀត។ នេះជាទង្វើអមនុស្សធម៌ និងយុងឃ្នង បន្ទាប់ពីរបបខ្មែរក្រហម»។
ក្រសួងការបរទេសកម្ពុជា កាលពីថ្ងៃសុក្រ ម្សិលមិញ បានចេញសេចក្តីប្រកាសព័ត៌មាន បានឲ្យដឹងថា លោក ហោ ណាំហុង ក្នុងឋានៈជាប្រធានអាស៊ានសម្រាប់ឆ្នាំ២០១២ នឹងជួបរដ្ឋមន្ត្រីក្រសួងការបរទេសសហរដ្ឋអាមេរិក លោកស្រី ហីលឡារី ក្លីនតុន(Hillary Clinton) និងមន្ត្រីអាមេរិកមួយចំនួនទៀត។
សេចក្តីប្រកាសព័ត៌មាន មិនបានបញ្ជាក់លំអិតពីដំណើរទស្សនកិច្ចនោះទេ។ លោក គុជ ច័ន្ទលី ជាអ្នកវិភាគឯករាជ្យនៅរដ្ឋម៉ារីឡិន (Maryland) ដែលនឹងចូលរួមតវ៉ាវត្តមាន លោក ហោ ណាំហុង មានប្រសាសន៍ថា សហរដ្ឋអាមេរិកចង់ឃើញនូវជំហររបស់ពលរដ្ឋអាមេរិកាំង ថាតើពួកគេយល់យ៉ាងណា ចំពោះការគ្រប់គ្រងកម្ពុជា របស់រដ្ឋាភិបាល លោក ហ៊ុន សែន។
លោក គុជ ច័ន្ទលី៖ «យើងមិនស្វាគមន៍វត្តមានរបស់លោក ហោ ណាំហុង មកសហរដ្ឋអាមេរិកនេះទេ។ យើងមិនចង់ឲ្យអតីតមេខ្មែរក្រហម មកជួបមន្ត្រីក្រសួងការបរទេសអាមេរិកទេ។ ព្រោះវាអាចមានឥទ្ធិពលលើគោលនយោបាយអន្តរជាតិរបស់សហរដ្ឋអាមេរិក ទៅខាងប្រទេសខ្មែរយើង។ ដូច្នេះហើយ បើមានខ្មែរយើងនៅទីនេះ រួបរួមគ្នាបង្ហាញនូវជំហរមិនគាំទ្រតំណាងរដ្ឋាភិបាលខ្មែរនៅ ភ្នំពេញនោះ សហរដ្ឋអាមេរិកគេនឹងរៀបចំគោលនយោបាយអន្តរជាតិរបស់គេចំពោះខ្មែរ អាស្រ័យទៅតាមជំហរនយោបាយរបស់ខ្មែរអាមេរិកាំងនៅសហរដ្ឋអាមេរិកនេះ ដែរ»។
ក្រៅពីជួបនឹងមន្ត្រីសំខាន់ៗរបស់សហរដ្ឋអាមេរិក លោក ហោ ណាំហុង ក៏គ្រោងនឹងថ្លែងសន្ទរកថាស្តីអំពីការអភិវឌ្ឍនៅកម្ពុជា និងទំនាក់ទំនងសហរដ្ឋអាមេរិក នៅមជ្ឈមណ្ឌលយុទ្ធសាស្ត្រអន្តរជាតិ នៅរដ្ឋធានីវ៉ាស៊ីនតោន៕
8 comments:
ឈ្មោះ វាសរសេរបែបនេះ បានត្រូវ
ម៉ាច្គ កុល (ច ជើង គ) ឬក៏ហៅវាថា អា ម៉ាច្គ (Mike) ទៅបានហើយ។
ការពិតទៅអាមេរិក គួរតែសង្រ្គោះពលរដ្ឋខ្មែរឱ្យចាក
ផុតរបបផ្ដាច់ការហ៊ុនសែន ដែលបាននិងកំពុងព្យា
យាមសម្លាប់ជាតិខ្លួន លើកដម្កើងជាតិសាសន៍ដទៃ។
សូមខ្មែរទូទាំងសហរដ្ឋអាមេរិក និង ពិភពលោក
ក្រោកឈរឡើងធ្វើបាតុកម្មគ្រប់និន្នាការនយោ-
បាយរបស់ជនផ្ដាច់ការនៅភ្នំពេញ។
*ត្រូវទាក់ទងខ្មែរពីកន្លែងទៅកន្លែងមួយទៀត។
*ក្រុមនិមួយត្រូវទទួលខុសត្រូវ ក្នុងការជួយគ្នា
ទៅវិញទៅមក។
*បំពេញភារកិច្ចឲ្យបានគត់មត់ល្អ។
សូមឲ្យការធ្វើបាតុកម្ម ដែលបានធ្វើឡើងនេះ
ឲ្យបានសុខសាន្ត និង ជោគជ័យ!
Ah Hor Mam Lhong is Ah Kantorb's name.
Ah Hor Mam Lhong is Ah Kantorb.
Our Country is Cambodia.
So Cambodia is under Ah kantorb's control.
Ah Kwack,
You still have one eye. Why you cannot see that ?
You go straight to hell when you ngorp Taihorng.
ថ្វីត្បិតតែកាយខ្ញុំនៅឯនាយម្ខាង តែចិត្តខ្ញុំសូម
ចូលរួមចំណែកជាមួយបងប្អូនខ្មែរអាមេរិកនៅ
ឯទីក្រុងវ៉ាស៊ិនតោន ដើម្បីរួមធ្វើបាតុកម្មប្រឆាំង
វត្តមានហោណាំហុងមកកាន់អាមេរិកនាសប្តាហ៍
ក្រោយ ដោយថ្កោលទោសយ៉ាងធ្ងន់ស្ដីពីការ
រំលោភសិទ្ធិមកលើប្រជាពលរដ្ឋខ្មែរ ដូចមាន
តំបន់បឹងកក់ បុរីកីឡាជាដើម...។
បរាជ័យទាំងស្រុងគម្រោងឈ្លានពានរបស់បន
ហាណូយដើម្បីលេបបំបាត់កម្ពុជា!
ជ័យោវីរភាពដ៏អង់អាចក្លាហាននៃកម្លាំងរួបរួម
នៃពលរដ្ឋខ្មែរគ្រប់ទីឋានតំបន់៕
Mike(Miachael) is a good kid/young man!
At naturalization, the name Mike(Michael) was suggested while keeping his last name as "Duong" for simplicity and there are advantages to anglicize the first name here in America, among other things Americans are not that patient to learn to pronounce the first name like that of Mike - "Sovanraingsey/សុវណ្ណរង្សី"!
Mike had a heart transplant and must be taking all kinds of medications on a daily basis for the rest of his life in order to survive...
Yet, he has the courage to think and care about other Khmers back home and his homeland Cambodia...that's probably why he is doing what he has been doing...
If one cannot give him credit, why does one want to tear him apart with all kinds of allegations and insinuations???
Yes, Mike was born, raised an brought up in Khmer-Krom family in Phnom Penh. He is not Vietnamese/(Yuon) as one has alluded to.
If one cannot help him to help others, please do not destroy one Khmer like Mike!!!
raised and brought up***
4:39 AM
Khmer-American near DC should join. Show this Yuon-Cong Hor Nam Hong that we are not stopping our voice to reclaim our land.
Michael Duong is a kid? I am 34, and I was born in KID Camp -don't know much about Cambodia until recently I started to hear about Yuon did to Khmers. I am scared of deportation, really. But my parents got US citizenship and I was automatically US citizen.
Thanks man.
Post a Comment