ការប៉ុនប៉ងចាប់ខ្លួនលោក រ៉ុង ឈុន ត្រូវខកខាន

Rong Chhun, president of the Cambodian Confederation of Unions, speaks to striking workers outside the Tai Yang Enterprise Co factory in Kandal province yesterday. Photograph: Heng Chivoan/Phnom Penh Post

ដោយ. ឆាំ ឆានី ០៣ កក្កដា ២០១២

អាជ្ញាធរប៉ូលីសស្រុកអង្គស្នួល និងប៉ូលីសខេត្តកណ្តាល បានបញ្ឈប់ការប៉ុនប៉ងចាប់ខ្លួនលោក រ៉ុង ឈុន ប្រធានសហភាពសហជីពកម្ពុជា នៅរសៀលថ្ងៃទី០៣ ខែកក្កដា ឆ្នាំ២០១២ នេះ ។
ដោយហេតុថា បន្ទាប់ពីបាន​ទទួលដំណឹងស្តីពីការចាប់ខ្លួនលោក រ៉ុង ឈុន ភ្លាម តំណាងកម្មក​រនៅ​រោង​ចក្រ​តៃយាន១ តៃយាន២ និង ខេមវែល បានប្រកាសដំណឹងនេះទៅកម្មករទាំងអស់​ឲ្យនាំគ្នា​ជួយ​ការ​ពារ​លោក រ៉ុង ឈុន ប្រសិនបើមានការចាប់ខ្លួនមែន ហើយភ្លាមៗនោះកម្មករក្នុងរោងចក្រទាំងអស់​ក៏បាននាំ​គ្នាមក​ចូលរួម​ធ្វើ​កូដ​កម្ម​កាន់តែច្រើន​ឡើងៗ ។
ដោយពិនិត្យឃើញ ការរួមកម្លាំងរបស់​កម្មករក្នុង​ការការពារ​ដល់លោក រ៉ុង ឈុន និងខ្លាចមានបញ្ហាធ្ងន់​ធ្ង​រ​ដល់រោងចក្រ​ព្រោះតែកំហឹងកម្មករ ទើបអាជ្ញាធរផ្អាកការប៉ុនប៉ងចាប់ខ្លួនលោក រ៉ុង ឈុន ។ បើទោះ​ជា​ការប៉ុនប៉ងចាប់ខ្លួនមិនបានសម្រេចក្តី តែការព្យាយាមទិញទឹកចិត្តតំណាងកម្មករពីសំណាក់ក្រុមហ៊ុន រហូតមកដល់ពេលនេះមិនទាន់ត្រូវបានបញ្ចប់ទេ ទោះជាការព្យាយាមទិញទឹក​ចិត្តនេះមិន​ទទួល​បាន​ជោគជ័យក្តី ។
ចំពោះលទ្ឋផលនៃការចរចាររវាងសហជីព តំណាងកម្មករ ជាមួយក្រុមហ៊ុន និងក្រសួងការងារនៅមិន ទាន់ទទួលបានលទ្ឋផលឡើយ នៅថ្ងៃទី០៣ ខែកក្កដា ឆ្នាំ២០១២ នេះ ៕