Sunday, July 29, 2012

ក្រឡាប់ចាក់៖ ជា មុន្នី ចុះចូលហ៊ុន សែន ហើយយកលុយពីមេដឹកនាំរបបបាត ដៃប្រលាក់ឈាមសម្លាប់ បងប្រុសខ្លួនមកកសាងរូបសំណាកថែមទៀត (យើងត្រូវការយុត្តិធម៌ជាងរូបសំណាកថ្មនេះ)


 A man holds a portrait of Chea Vichea, former president of the Free Trade Union of the Workers of Cambodia, to mark the fourth anniversary of his death in Phnom Penh January 22, 2008. Vichea was shot dead at a news stand in central Phnom Penh in January 2004.REUTERS/Chor Sokunthea
រូបសំណាក​លោក ជា វិជ្ជា ត្រូវបាន​ចាប់ផ្ដើម​ឆ្លាក់​ហើយ​

(ថ្ងៃទី 29 កក្កដា 2012, ម៉ោង 11:52:AM) | ដោយ: លីនណា
ប្រភព៖ CEN


ភ្នំពេញ: ​រូបសំណាក់​លោក ជា វិជ្ជា អតីត​ប្រធាន​សហជីព​សេរី​កម្មករ នៃ​ព្រះរាជាណាចក្រ​កម្ពុជា ត្រូវបាន​ចាប់ផ្ដើម​ឆ្លាក់​កាលពី​ថ្ងៃទី​២៨ ខែកក្កដា ឆ្នាំ​២០១២ បន្ទាប់ពី​ឯកភាពគ្នា​តាមរយៈ​ក្រុមការ ងារ​សហជីព​សេរី​កម្មករ និង​មន្ត្រី​សាលា​រាជធានី​ភ្នំពេញ​រួចមក​។​

​លោក ជា មុនី ប្រធាន​សហជីព​សេរី​កម្មករ នៃ​ព្រះរាជណាចក្រ​កម្ពុជា ហើយក៏​ជា​ប្អូនប្រុស​បង្កើត​របស់លោក ជា វិជ្ជា បាន​ប្រាប់​ឲ្យ​ដឹង​នៅ​ថ្ងៃទី​២៩ ខែកក្កដា​នេះ​ថា ក្រុមការងារ​សហជីព និង​មន្ត្រី​សាលា​រាជធានី​ភ្នំពេញ បាន​ពិភាក្សា​ក្នុងការ​សាងសង់​រូបសំណាក​លោក ជា វិជ្ជា ហើយ​ឥឡូវនេះ រូបសំណាក​ត្រូវបាន​ចាប់ផ្ដើម​ឆ្លាក់​កាលពី​ម្សិលមិញ​។ លោក​បញ្ជាក់ថា “​រូបសំណាក​នេះ ឆ្លាក់​អំពី​ថ្មភក់ ពណ៌​ខៀវ ដែល​យក​ពី​ភ្នំ​ត្បែងមានជ័យ ខេត្តព្រះវិហារ តែ​ទម្រាំ​ចេញ​រូបរាង​ត្រូវ​ប្រើ​រយៈពេល​យូរ ហើយ​រូបសំណាក​ត្រូវដាក់​នៅ​កែវ​ខាងលិច​ឈៀង​ខាងជើង​នៃ​វត្ត​លង្ការ ជាទី​ដែល​លោក ជា វិជ្ជា ត្រូវ​ខ្មាន់កាំភ្លើង​បាញ់សម្លាប់​”​។​

​សូមជម្រាបថា ការពិភាក្សា​ការងារ​សាងសង់​រូបសំណាក លោក ជា វិជ្ជា នេះ គឺ​បន្ទាប់ពី​ចំណារ​របស់​សម្ដេចនាយក​រដ្ឋមន្ត្រី ហ៊ុន សែន កាលពី​ថ្ងៃទី​៣១ ខែ​ធ្នុ ឆ្នាំ​២០១២ ឲ្យ​សាងសង់​រូបសំណាក​លោក ជា វិជ្ជា តប​តាម​សំណើសុំ​របស់លោក ជា មុនី ដើម្បី​កសាង​រូបសំណាក​វីរបុរស នៃ​សហជីព​សេរី​កម្មករ នៃ​ព្រះរាជាណាចក្រ​កម្ពុជា​៕ K​

1 comment:

Anonymous said...

ខ្មែរគោរព រូបចម្លាក់ជា វិជ្ជា តែខ្មែរមិនគោរព
ចរិតជា មុនីទេ។ ខ្មែរឲ្យតម្លៃទៅជា វិជ្ជា តែមិន
មែនជា មុនី ដែលជាប្អូនអកត្តញ្ញូនោះទេ៕