Thursday, 04 October 2012
សឿង វុទ្ធី
The Phnom Penh Post
ព្រះពុទ្ធសម្ដែងថា អ្នកធ្វើអាក្រក់ មិនមែនអាក្រក់ដោយធម្មជាតិឡើយ គឺគេធ្វើអាក្រក់ដោយសារអវិជ្ជា។ទាក់ទងនឹងសំណួរថា តើព្រះសង្ឃដែលប្រើហ្វេសប៊ុក ខុសនឹងវិន័យរបស់ព្រះសម្មាសម្ពុទ្ធដែរឬទេ? ដែលអាត្មា បានឃើញសារព័ត៌មានភ្នំពេញ ប៉ុស្តិ៍ បានបង្ហោះតាមអ៊ីនធឺណិត កាលពីថ្ងៃទី ២ ខែតុលា ២០១២។ អាត្មាភាពសូមឆ្លើយតបវិញថា ព្រះសង្ឃដែលចេះប្រើហ្វេសប៊ុក មិនខុសវិន័យទេ ព្រោះគ្មានពុទ្ធបញ្ញត្តិហាម ហើយក៏គ្មានពុទ្ធានុញ្ញាត ដែរ។
ដូច្នេះព្រះសង្ឃ អាចប្រើហ្វេសប៊ុក ឬអ៊ីនធឺណិតបាន តែគប្បីប្រើក្នុងគោលបំណងល្អ ដើម្បីផលប្រយោជន៍ ក្នុងការទំនាក់ទំនងឬផ្សព្វផ្សាយធម៌វិន័យ របស់ព្រះសម្ពុទ្ធ ទូទាំងសកលលោក ស្របតាមសម័យទំនើបបច្ចុប្បន្ន។ ផ្ទុយទៅវិញ បើលោកប្រើផ្តេសផ្តាស់ វាជារឿងមួយខុសនឹងក្រមសីលធម៌ប៉ុណ្ណោះ។ សង្គមគប្បីមើលឃើញព្រះសង្ឃ តាមផ្លូវវិជ្ជមានផង។
ព្រះសង្ឃ បានធ្វើឲ្យមានប្រយោជន៍ជាច្រើន ដល់សង្គមដូចជាការជួយនិស្សិតក្រីក្រ ឬនិស្សិតដែលនៅឆ្ងាយៗ ឲ្យមកស្នាក់នៅវត្ត ដើម្បីបន្តការសិក្សារៀនសូត្រនៅតាមខេត្ត ឬភ្នំពេញជាដើម។ រឿងដែលព្រះសង្ឃធ្វើជាគ្រូស្រោចទឹកឬគ្រូមន្ត អាគម....ថ្វីដ្បិតតែជួយបញ្ហារបស់សង្គមមនុស្សខ្លះក៏ពិតមែន តែវាជារឿងខុសនឹងវិន័យរបស់ព្រះសម្ពុទ្ធ ត្រង់អនេសនៈ២១ ដោយពិត ប៉ុន្តែត្រូវបានប្រជាជនខ្មែរយើងមួយចំនួនធំ ដែលជាអ្នកមិនចេះវិន័យរបស់ពុទ្ធសាសនាច្បាស់លាស់ យល់ថា វាជារឿងត្រឹមត្រូវ ដែលព្រះសង្ឃ គួរធ្វើទៅវិញ។ ចំពោះព្រះសង្ឃ ជាអ្នកស្រោចទឹក ឬគ្រូមន្តអាគមវិញ អង្គខ្លះ លោកពិតជាដឹងថា ធ្វើអញ្ចឹងខុស នឹងធម៌វិន័យដែរ ប៉ុន្តែដោយបានលាភសក្ការ....លោកក៏ចេះតែធ្វើទៅ។ រីឯព្រះសង្ឃសម័យមុន ជាក់ស្តែងសម័យសម្តេចព្រះសង្ឃរាជជួនណាតលោកភាគច្រើន ខំរៀនសូត្រនិងប្រតិបត្តិតាមធម៌វិន័យ ហើយថែមទាំងបង្កើតក្បួនខ្នាតជាច្រើន សម្រាប់អ្នកជំនាន់ក្រោយ។
ព្រះសង្ឃសម័យឥឡូវ ថ្វីដ្បិតតែព្រះសង្ឃខ្លះ ប្រព្រឹត្តខុសធម៌វិន័យក៏ពិតមែន តែក៏មានព្រះសង្ឃជាច្រើន លោកបានខិតខំរៀនសូត្រចេះទាំងពុទ្ធសាសនានិងវិទ្យាសាស្រ្ត ដូចជាចេះប្រើកុំព្យូទ័រ ចេះប្រើអ៊ីនធឺណិតជាដើម....រហូតដល់ចេះបង្កើតក្បួនដីកាជា អក្សរកុំព្យូទ័រ វាយបានយ៉ាងឆាប់រហ័សទៀតផង។ ប៉ុន្តែព្រះសង្ឃប្រភេទនេះ បែរជាមានអ្នកខ្លះរិះគន់លោកទៅវិញថា លោករៀនវិជ្ជាសាស្រ្ត...ប្រើកុំព្យូទ័រ...ប្រើទូស័ព្ទទំនើបៗ។ល។
នេះជាការច្រណែន របស់អ្នកខ្លះមិនដឹង ឬក៏គេមិនចង់ឲ្យលោកសង្ឃចេះដូចខ្លួន? ឬចង់ទុកឲ្យលោកសង្ឃ នៅល្ងង់ខ្លៅនៅក្នុងសង្គមខ្មែរ ហើយមិនអាចធ្វើអ្វីកើត?
តាមពិតទៅសាសនា មិនអាចខ្វះវិទ្យាសាស្រ្តបានទេ។ ដូចលោក អលប៊ឺតអាញស្តាញថា៖ វិទ្យាសាស្រ្ត គ្មានសាសនា គឺខ្វាក់សាសនាខ្វះវិទ្យាសាស្រ្តគឺពិការ។ដូច្នេះសម្រាប់ព្រះសង្ឃ សម័យទំនើប សីលធម៌គប្បីខ្ពស់ឬខ្លាំងឯវិន័យ ក៏គប្បីឲ្យតឹងរ៉ឹង បើពុំនោះទេ ពុទ្ធសាសនា មិនអាចតាំងនៅបានយូរអង្វែងឡើយ ព្រោះគ្មានអ្នកចង់បួសទៀត។
យើង កុំឃើញភិក្ខុអង្គណាមួយធ្វើខុស ហើយដាក់កំហុសទៅលើពុទ្ធសាសនា។ ត្រូវចេះបែងចែករឿងបុគ្គលឬរឿងសាធារណៈផង។ ពេលដើមឈើផ្ដល់ម្លប់តូចយើងមិនគប្បីស្តីបន្ទោសដើមឈើនោះ ឬកាត់មែកវាចោល ថែមទៀតឡើយ។ ផ្ទុយទៅវិញយើងគប្បីថែទាំវា ដាក់ជី ស្រោចទឹក ទើបវាលូតលាស់បានខ្ពស់ ហើយផ្តល់ម្លប់បានធំ អាចឲ្យយើងជ្រកពីក្រៅបានត្រជាក់ត្រជុំ។
ក្នុងន័យនេះ បានសេចក្តីថា បើយើងឃើញភិក្ខុអង្គណាមួយ ធ្វើខុស យើងជាពុទ្ធបរិស័ទដូចគ្នា ត្រូវចេះអប់រំគ្នាទៅវិញទៅមកដើម្បីចៀសវាងការភាន់ច្រឡំ ឬការខុសឆ្គងទាំងសងខាង។
ព្រះពុទ្ធសម្ដែងថា អ្នកធ្វើអាក្រក់ មិនមែនអាក្រក់ដោយធម្មជាតិឡើយ គឺគេធ្វើអាក្រក់ដោយសារអវិជ្ជា។ ដូច្នេះគេត្រូវការអប់រំឬណែនាំ។ ទាក់ទងរឿងព្រះសង្ឃសម័យឥឡូវនេះ ក៏មិនខុសរឿងក្នុងសម័យពុទ្ធកាលដែរ។ សម័យពុទ្ធកាល មានព្រាហ្មណ៍ជាគហបតីម្នាក់ មកពិតទូលព្រះពុទ្ធថាព្រះអង្គបង្កើតសាសនាព្រះអង្គឡើងធ្វើអ្វី ព្រោះបើបង្កើតឡើងច្បាស់ជាមានពួកភិក្ខុអ្នកទ្រុស្តសីល ធ្វើឲ្យខូចដល់សាសនារបស់ព្រះអង្គ។ គ្រានោះព្រះពុទ្ធត្រាស់សួរព្រាហ្មណ៍នោះថា នៅពេលអ្នកធ្វើស្រែ អ្នកដឹងថា នឹងមានស្មៅចង្រៃដុះឡើងក្នុងសំណាបឬសន្ទូងនោះ។ បើដឹងដូចនេះតើអ្នកមិនបាច់ធ្វើស្រែឬ?
ព្រាហ្មណ៍នោះឆ្លើយថា ត្រូវតែធ្វើបើមិនធ្វើ ច្បាស់ជាគ្មានអ្វីហូបទេ។ ដូច្នេះដើម្បីកុំឲ្យមានកំហុសឆ្គងនិងបញ្ហា ក្នុងសង្គមសង្ឃខ្មែរ យើងត្រូវលើកទឹកចិត្តឲ្យលោកសង្ឃខិតខំរៀនសូត្រ និងឧបត្ថម្ភអ្នករៀន៕
ពីអាត្មាភាព សឿង វុទ្ធី
សាស្រ្តាចារ្យ ពុទ្ធិកសាកលវិទ្យាល័យព្រះសីហនុរាជ
10 comments:
ព្រះភិក្ខុ ចូលហ្វេសប៊ុក អាចខុសវិន័យផង មិនខុស
ផង ព្រោះសេចក្តីល្អនិងអាក្រក់ស្ថិតនៅក្នុងចិត្ត មិន
អាចមើលឃើញដឹងឮបានទេ ។ អ្វីទាំងឡាយវាស្ថិត
នៅលើចិត្តរបស់បុគ្គលទាំងស្រុង៕
What about Youtube...LOL?
បើលោកសង្ឃឱបស្រីហើយក្តមិនខឹង ឱបតាមចិត្ត បើមើលហ្វេសបុ៊កកុំហួសជុលទៅមើលរឿងអាសអាភាស មើលតាមចិត្ត ។
តើនរណាជាអ្នកឃាត់ចិត្ត ?
ជន ៩.០០ ភីអឹម និយាយខឹតលើពេកហើយ
កុំយក ពាក្យ បើ និង ឧបមា មកបណ្ដាលឱ្យ
កើតហេតុនោះ។ យើងអាចនិយាយបានថា
បើ ឬ ឧបមា លោកឯងត្រូវគេបាញ់សម្លាប់..!!
ស្តាប់សំដីកូនចៅព្រះ អ្នកលេង ព្រៃផ្សៃ ? ខ្មែរក្រហម & ខ្មែហាណូយកើតចេញពីលោកសង្ឃច្រើនជាងគេ
សម្លាប់មិនប៉ប្រិចភ្នែក ឧ.មាន អាចារ្យមាន(សឺង ង៉ុកមិញ) & តាម៉ុកជាដើម ។ លោកឯងច្រឡំមើលរឿងឃាតកម្ម
ឃោឃៅច្រើនពេក តាមហ្វេសបុ៊ក ..
ក្នុងនាមខ្ញុំជាអ្នកកាន់ព្រះពុទ្ធសាសនា តពីដូនតាមក ខ្ញុំមានមតិមួយប្លែកពីព្រះតេជគុណសាស្ត្រាចារ្យ :
ព្រះសង្ឃដែលចូលខ្លួនទៅរំងាប់ចិត្ត តាមគន្លងព្រះពុទ្ធ ក៏ចេញពីបថុច្ចជនដែរហើយក៏ពុំបានក្រៀវដូចអាមាត្យដែរ ហេតុនេះទើបមាន
ធម្មវិន័យសំរាប់ព្រះសង្ឃរំងាប់ចិត្ត ក្នុងតណ្ហា (ចំណង់) ។ 9 pmក៏មានយោបល់ត្រូវម្យាងដែរតាមអត្តន័យ គ្រាន់តែគាត់និយាយ
ត្រង់ៗពេក មិនចេះរៀបពាក្យ ។
ព្រោះតែយល់ថាកាមតណ្ហាមានឥទ្ធិពលខ្លាំងណាស់ទើបមានសង្ឃវិន័យ មិនឲប៉ះពាល់រាងកាយភេទផ្សេង ទោះបីចាស់ឬក្មេង ខ្ាច
ក្រែងទប់ចិត្តមិនជាប់ នាំរាងកាយឲប្រព្រឹត្តផ្តេសផ្តាស ។ ឯរឿងហ្វេសប៊ុកវិញ គឺជាផ្នែកមួយក្នុងការទំនាក់ទំនងសង្គម ដែលកំពុងពេញ
និយមក្នុងចំណោមក្មេងៗពេញវ័យ ដែលគេនិយមយកមកផ្សព្វផ្សាយរឿងអាស្រូវច្រើនដូចជាឃាតកម្ម ប្លន់ បាញ់សម្លាប់ឃោឃៅ
ជាពសេសរឿងអាស្រូវផ្លូវភេទ ដែលមានក្មេងស្ទាវខ្លះនាំគ្នាថតតាមផ្ទះសំណាក់យកមកបង្ហោះជាសាធារណ: ។ នៅស្រុកជឿនលឿន
គេចាត់ទុកអិនធើណិត ជាគ្រឿងញៀន នឹងអាចឲមនុស្សភ្លេចស្មារតី មានអ្នកខ្លះចំណាយលុយបន្ថែមលើប្រាក់បង់ប្រចាំខែ ក៏ព្រោះ
តែទប់ចិត្តមិនបានចង់ឃើញអ្វីដែលគេហាម ឬ សង្គមយល់ថាមិនល្អ ។
នៅក្នុងន័យនេះ ព្រះសង្ឃគួរតែមានការត្រួតពិនត្យក្នុងទីអារាម ។ ព្រះសង្ឃគួរមើលតែវុឹបសាយ សំរាប់ការសឹក្សាជ្រាវក្នុងផ្លូវសាសនា
ក្នុុងបណ្ណាល័យសាធារណ:របស់វត្ត ។ ប៉ុន្តែខ្ញុំយល់ថា ព្រះសង្ឃដែលមានទូរស័ព្វ ឬ ឧបករណ៍ទំនើប ច្បាស់ជានៅសឹងក្នុងមុង មើល
អិនធើណិតផ្ទាល់អាត្មា មិនទៅបណ្ណាល័យទេ ហើយវិន័យសង្ឃនឹងកាន់តែធូររលុង យូរៗទៅក៏មានអ្នកយល់ថា បើលោកសង្ឃមើល
ហ្វេសបុ៊កបាន លោកសង្ឃក៏អាចយកប្រពន្ធបានដែរ ..
ការពិតដូចព្រះតេជគុណសឿង វុទ្ធីមានសង្ឃដីការនោះត្រឹមត្រូវហើយ ពីព្រោះមិនមានបញ្ញតិពីព្រះពុទ្ធ ។ ប៉ុន្តែពាក្យនេះគឺគ្រាន់តែជាលេសសំរាប់លុបលាង ចំពោះអំពើដែលព្រះសង្ឃខ្លះបានធ្វើ ទាំងមិនមានទំនុកចិត្តខ្លួនឯងថាត្រូវនោះផង ។ តេជគុណសាស្រ្តាចារ្យភ្លេចគិតថា នៅក្នុងសម័យពុទ្ធកាល មិនមានកុំព្យូទ័រ ទូរសព្ទ ឬអ៊ិនធឹណិតទេ ប៉ុន្តែបើមានវិញប្រហែលជាព្រះពុទ្ធអង្គមិនអនុញ្ញាត ឲ្យព្រះសង្ឃខ្លះប្រព្រឹត្តិបែបនេះដែរ ប្រហែលតេជគុណសាស្រ្តាចារ្យភ្លេចគិតពីរឿងសំពត់សាដក និងចូលវស្សាហើយមើលទៅ ។ ប៉ុន្តែព្រះពុទ្ធទ្រង់បានបញ្ញតិថា ព្រះសង្ឃមិនគួរទៅកន្លែងដែលមិនគួរទៅ ដូចជាកន្លែងសាធារណខ្លះៗជាដើម ។ តាមខ្ញុំបានឃើញ មានព្រះសង្ឃខ្លះទៅប្រើ Facebook នៅក្នុងហាងការហ្វេ ហើយគង់គងកន្ទាក់ខ្លាឆាន់គោជល់ធ្វើព្រងើយ ។ Facebook ជាកន្លែងដែលមានសព្វយ៉ាង ស្រីស្អាត ស្រីស្រាត ។ល។ និង ។ល។ តើនេះជាកន្លែងព្រះសង្ឃ ដែលជាស្រែបុណ្យ ទៅឬទេ ។ ព្រះសង្ឃជាភេទមួយដែលខ្ពង់ខ្ពស់ ពីគ្រហស្ថ ត្រូវធ្វើខ្លួនឲ្យសមរម្យ បើមិនដូច្នោះទេ កឺគ្រាន់តែជាមនុស្សម្នាក់ដែលកោរសក់ លាក់ខ្លួននៅពីក្រោយសំពត់ពណ៌លឿងតែប៉ុណ្ណោះ ហើយតម្លៃពុទ្ធសាសនាក៏ចុះអន់ថយដែរ ដោយសារតែការ "មិនមាននៅក្នុងព្រះពុទ្ធបញ្ញតិ" ។
ត្រង់ហ្នឹងហើយដែលខ្ញុំបាទបានលើកឡើងពីខាងដើម
ថា មិនខុសវិន៍យ ហើយក៏ខុសវិន័យផងដែរ។
ព្រះភិក្ខុអង្គណាដែលខំព្យាយាមដោយសេចក្តីពិត
ដើម្បីស្វែងរកសច្ចៈធម៌ នោះពិតជាមិខុសវិន័យ
ទេ ផ្ទុយទៅវិញ បើស្វែងរកតែផ្លូវអាក្រក់ដែល
កំពុងសម្បូរណ៍ក្នុងប្រព័ន្ធទាំងឡាយនោះវាពិត
ជាខុសវិន័យដោយជាក់។វាគ្រាន់តែប៉ុណ្ណឹងតើ!
មានអ្វីទាក់ទងទៅនឹងសាសនា គឺជារឿងបុគ្គល
ជាអ្នកប្រព្រឹត្តិ។បើនិយាយថាបុគ្គលនោះមិន
ចេះរៀបពាក្យ ក៏ពុំត្រឹមត្រូវដែរ អ្នក៏យល់
ដឹងដែរពាក្យ ឱបថើប ក្តខឹងឬមិនខឹង មិនគួរ
ត្រូវបានយកលាតត្រដាងក្នុទីនេះឡើយ ពិតជា
អសីលធម៌មែន!!!គួរឱ្យសោកស្ដាយជាពន់ពេក។
ទទួលយល់ព្រមថា តណ្ហា រាគៈ ពិតជាកិលេស
ពិបាកសម្រាប់បុថុជ្ជន ចៀសវាង តែគួរធ្វយ៉ាង
ណាដើម្បីរក្សាភាពសមរម្យនិងថ្លៃថ្នូរសម្រាប់
ពូជសាសន៍ខ្មែរ៕
Oh For Pete's Sake.
Today is 2012 AD. But 500 BC, during prince Gautama later Buddha's time, India-Nepal were poor backward countries.
What I am trying to say is today 2012 AD, people are living in a modern technology, and so what is wrong if monks use Facebook to communicate with their community?
It is up to the persons either they are monks or laymen, if they are wicked people, they will be tempted by evils, with or without Facebook.
If prince Gotama then Buddha is here today Buddha would use Facebook to communicate with people the same. Buddha was a married man, who had sex and had many women before, but just that Buddha did not commit such evil acts when he became Buddha, which means Buddha broke no rules. Monks can do the same even if they use Facebook.
We use electronic such as phone, e-mail view computer or talking to each others face to face via satellite everyday, I see nothing wrong.
Sadly that Buddhist monks this day are 99% evils. Today becoming monks in Cambodia is to find way to survive.
There are too many temples and too many monks, they are populated in a small poor nation while the majority of the people are too poor and they cannot even feed themselves and their families.
They did not become monks because their hearts but because their stomachs need food to eat and shelters to stay.
អ្នកមានការយល់ដឹងតិច រមែងមានការប្រកាន់ច្រើន,ខ្វះមេត្តា និងការអធ្យាស្រ័យ។
Post a Comment