លោកស្រី Najid Tun Razad ភរិយានាយករដ្ឋមន្ត្រីម៉ាឡេស៊ី លោក Najib Razak។ រូបថត Reuters
Monday, 26 November 2012 Claire Knox
www.postkhmer.com
ភ្នំពេញៈ
បន្ទាប់ពីបានអនុម័តដ៏ចម្រូងចម្រាសលើសេចក្តីប្រកាសស្តីពីសិទិ្ធ
មនុស្សអាស៊ាន ភរិយារបស់លោកនាយករដ្ឋមន្រ្តី ម៉ាឡេស៊ី Najid Tun Razak
កាលពីចុងសប្តាហ៍មុន បានចេញមុខការពារ ការទទូចរបស់ម៉ាឡេស៊ី
លើការសិក្សាប្រការ «សីលធម៌សាធារណៈ» ក្នុងសេចក្តីប្រកាស
ដែលក្រុមអង្គការសិទិ្ធមនុស្ស បានចាត់ទុកថា
ជាប្រការរើសអើងប្រឆាំងនឹងស្រ្តី និងក្រុមភេទភាគតិច។
ក្នុងបទ
សម្ភាសផ្តាច់មុខជាមួយនឹង ភ្នំពេញ ប៉ុស្តិ៍ លោកស្រី Datin Seri Paduka
Rosmah Mansor បានថ្លែងថា ប្រកាសនេះ ជាអ្វីដែលម៉ាឡេស៊ី «មិន
ឬមិនគួរសម្រុះសម្រួល ... លើបញ្ហាសីលធម៌សាធារណៈឡើយ»។
លោកស្រី
បានបន្ថែមថា៖ «ចំពោះខ្ញុំ តើអ្វីជាសិទិ្ធមនុស្ស?
[សិទិ្ធមនុស្ស]ជាសិទិ្ធរបស់បុគ្គល ផ្អែកលើអ្វីដែលអ្នកជឿជាក់លើ
ផ្អែកលើវប្បធម៌ និងសាសនារបស់អ្នក។ អ្នកចង់ទទួលស្គាល់
[សិទិ្ធមនុស្សភេទទី ៣] អ្នកគិតថា នោះគឺត្រឹមត្រូវ
អ្នកមិនចង់គោរពតាមគម្ពីរសាសនាគ្រិស្ត
ខ្ញុំមិនមែនថ្កោលទោសនោះទេ ខ្ញុំក៏មិនវិនិច្ឆ័យអ្វីដែរ។ ប៉ុន្តែ
នេះជារបៀបដែលយើងចង់គ្រប់គ្រងប្រទេស។ ផ្អែកលើ ... សីលធម៌ខ្ពស់»។
លោកស្រី បន្តថា៖ «អ្នកដឹងទេថា តើហេតុអ្វី កើតមានមេរោគអេដស៍
និងជំងឺអេដស៍។ ឥឡូវនេះ ចំនួនប្រជាជនឈឺចាប់ដោយសារមេរោគអេដស៍
មានចំនួនច្រើនគួរឲ្យភ័យខ្លាច។ តើនេះជាអ្វីដែលអ្នកចង់បានឬ?
តើអ្នកចង់អនុវត្តករណីនេះ ... ឬអ្នកចង់ទប់ស្កាត់វា
គឺនេះជារបៀបដែលយើងទាំងអស់គ្នា គួររស់នៅ»។
កាលពីខែកញ្ញា
កាសែត Sin Chew Daily និងប្រព័ន្ធផ្សព្វផ្សាយបរទេសដទៃទៀត ដូចជា
Huffington Post បានរាយការណ៍ថា ក្រសួងអប់រំម៉ាឡេស៊ី បានគាំទ្រ
គោលការណ៍ណែនាំ សម្រាប់ឪពុកម្តាយ កំណត់រកកូនភេទទី ៣
គឺជាការអះអាងដែលរដ្ឋាភិបាលម៉ាឡេស៊ី បានច្រានចោលយ៉ាងខ្លាំង។
ប៉ុន្តែ លោកស្រី Rosmah អះអាងថា៖ «អ្នកត្រូវក្តិចត្រួយ
[នៃការស្រឡាញ់ភេទដូចគ្នា]»។ «ប្រសិនបើអ្នកមិនធ្វើវាទេ
នៅពេលដល់ពេលធ្វើ ហើយអ្នកត្រូវបញ្ឈប់ [ការស្រឡាញ់ភេទដូចគ្នា]
អ្នកនឹងដឹងថា វាហួសពេលហើយ»។ ការលើកឡើងរបស់លោកស្រី
បានធ្វើឲ្យអង្គការសិទិ្ធមនុស្សនៅអាស៊ីអាគ្នេយ៍ខឹងសម្បាយ៉ាង
ខ្លាំង។
សេចក្តីប្រកាស ឬ AHRD ត្រូវបានចុះហត្ថលេខា កាលពីថ្ងៃទី
១៨ ខែវិច្ឆិកា នៅថ្ងៃបើកកិច្ចប្រជុំកំពូលអាស៊ានលើកទី ២១ ប៉ុន្តែ
ឯកសារនេះ មិនត្រូវបានផ្សព្វផ្សាយភ្លាមៗ ដល់សាធារណជន
ឬអង្គការសិទិ្ធមនុស្សទេ។
លោកបណ្ឌិត Yuval Ginbar
ទីប្រឹក្សាច្បាប់ និងអ្នកជំនាញអាស៊ាន
នៅអង្គការលើកលែងទោសអន្តរជាតិ បានប្រាប់ភ្នំពេញ ប៉ុស្តិ៍ ថា
គោលការណ៍ទូទៅបី ក្នុងសេចក្តីប្រកាស ក្នុងនោះគឺប្រការ
«សីលធម៌សាធារណៈ» ប៉ះពាល់ធ្ងន់ធ្ងរ ដល់ការការពារសិទិ្ធមនុស្ស។
អង្គការ
Southeast Asia Women's Caucus on ASEAN បានប្រកាសកាលពីខែកញ្ញាថា
សីលធម៌សាធារណៈមិនត្រូវបានកំណត់និយមន័យ
ក្នុងបទដ្ឋានសិទិ្ធមនុស្សអន្តរជាតិទេ ហើយការបកស្រាយប្រការនេះ
ក្នុងជីវិតរស់នៅប្រចាំថ្ងៃ អាចផ្អែកលើរបបសាសនា វប្បធម៌
និងនយោបាយ។
លោកស្រី Ivy Josiah នាយកប្រតិបតិ្ត នៃអង្គការ Women's
Aid Organisation នៃប្រទេសម៉ាឡេស៊ី បានថ្លែងថា វាជា«ការខកចិត្ត
ដែលឮថា គ្រូបង្រៀន ត្រូវបានលើកទឹកចិត្ត ឲ្យស្វែងរកសញ្ញាថា
តើអ្នកណា ជាមនុស្សភេទទី ៣
នេះគឺជាការគាំទ្រឲ្យមានការស្អប់ខ្ពើម»។
ទន្ទឹមនឹងនេះ លោក
អ៊ូ វីរៈ ប្រធានមជ្ឈមណ្ឌលសិទិ្ធមនុស្សកម្ពុជា
បានចាត់ទុកការអត្ថាធិប្បាយ របស់លោកស្រី Rosmah ថា «អាក្រក់»។
លោកបន្តថា៖ «វាជាឆ្នាំ ២០១២ ហើយ។ ទាំងនេះ ជាការអះអាងមិនពិត
និងរើសអើង ប្រឆាំងនឹងមនុស្សស្រឡាញ់ភេទដូចគ្នា ដែលថា មេរោគអេដស៍
កើតឡើងដោយសារការស្រឡាញ់ភេទដូចគ្នា។ ពិភពលោកដឹងថា
នេះមិនពិតទេ»។ លោកអ៊ូ វីរៈ និយាយថា៖«ការដែលស្រ្តីទី ១
នៃប្រទេសសេដ្ឋកិច្ចជឿនលឿន អះអាងបែបនេះគឺជា...រឿងសោកស្តាយ។
នេះបញ្ជាក់ច្បាស់ អំពីការភ័យខ្លាចរបស់យើង អំពីសេចក្តីប្រកាស
គឺប្រការទាំងនេះ ត្រូវបានដាក់បញ្ចូល ដើម្បីផ្តល់លេស ដល់រដ្ឋាភិបាល
កុំឲ្យគោរពតាមគោលការណ៍សិទិ្ធមនុស្សជាសកល»។
លោក Ginbar
បានថ្លែងថា ស្រ្តី និងក្រុមភេទទី ៣ ភាគតិច
នឹងស្ថិតក្នុងគ្រោះថ្នាក់ ទទួលរងការរើសអើង
ហើយអាកប្បកិរិយារបស់ពួកគេ ត្រូវចាត់ទុកជាបទល្មើស។
«ទោះជាយ៉ាងណា AHRD គ្រាន់តែជាសេចក្តីប្រកាសនយោបាយ
ហើយខ្លឹមសាររបស់វា
ធ្វើឲ្យវាពុំសូវមានសារៈសំខាន់ខ្លាំងនោះទេ»។
លោកបានបន្ថែមថា៖«សញ្ញាបត្របណ្ឌិតរបស់ខ្ញុំ
គឺលើមុខវិជ្ជាច្បាប់ ដូច្នេះ ខ្ញុំមិនមែនជាគ្រូពេទ្យទេ។ ប៉ុន្តែ
មេរោគអេដស៍/ជំងឺអេដស៍ចម្លងដោយការស្រឡាញ់ភេទដូចគ្នាផង
និងដោយការស្រឡាញ់ភេទផ្ទុយគ្នាផងដែរ។ ការបន្ទោសបុរសភេទទី ៣
ឆ្លុះបញ្ជាំងភាពល្ងង់ខ្លៅ»។
លោកស្រី Thilaga Sulathireh
មកពីអង្គការ ASEAN LGBT Caucus បានថ្លែងថា
ទស្សនៈរបស់ម៉ាឡេស៊ីលើសីលធម៌សាធារណៈ និងការស្រឡាញ់ភេទដូចគ្នា
គឺជាទស្សនៈចាស់គំរឹល ហើយបណ្តាលមកពី កត្តានយោបាយនិងសេដ្ឋកិច្ច។
លោកស្រីបន្ថែមថា៖
«សមាជិកភាពក្នុងក្រុមប្រឹក្សាសិទិ្ធមនុស្សរបស់ម៉ាឡេស៊ីគួរ
លុបចោល ដោយសារម៉ាឡេស៊ី ជំរុញឲ្យគេស្អប់សហគមន៍ភេទទី ៣
ជាក្រុមដែលបាត់បង់អំណាចដោយសារការរើសអើងជាលក្ខណៈប្រព័ន្ធ
គាំទ្រដោយរដ្ឋាភិបាល»។
ស្ថានទូតម៉ាឡេស៊ី មិនបានឆ្លើយតបនឹងសំណើសុំការអត្ថាធិប្បាយភ្លាមៗឡើយ៕ TK
1 comment:
Madame Najid cannot smile much because her many times of facelift does not allow her to.
Post a Comment