គ្រាន់តែរឿងកំប៉ិចកំប៉ុកតម្លៃប្រេងសាំងគ្រប់ គ្រងមិនបានផង តើដឹកនាំប្រទេសរបៀបម៉េចទៅ សែន ?
(ថ្ងៃទី 24 វិច្ឆិកា 2012, ម៉ោង 12:03:PM) | ដោយ: លី សិលា
ភ្នំពេញ:
រាជរដ្ឋាភិបាល
មិនអាចគ្រប់គ្រងតម្លៃប្រេងសាំងបានទេ ខណៈដែលរាជរដ្ឋាភិបាល
បន្តចំណាយជាង ២០ លានដុល្លារ ក្នុងមួយខែៗ ដើម្បីទប់ កុំឲ្យប្រេងសាំង
ឡើងថ្លៃខ្ពស់ជាងពេលសព្វថ្ងៃ។
នេះបើតាមមន្ត្រីជាន់ខ្ពស់រដ្ឋាភិបាល។
លោក គាត ឈន់ ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងយ៉ាងដូច្នេះ ទៅកាន់អ្នកកាសែត ក្រោយពីជួបប្រជុំនឹងគណៈកម្មការជំនាញរដ្ឋសភា ពិភាក្សាលើសេចក្តីព្រាងច្បាប់ ស្តីពី ការគ្រប់គ្រងហិរញ្ញវត្ថុ ឆ្នាំ២០១៣ ឬច្បាប់ថវិកាជាតិ ឆ្នាំ២០១២ កាលពីព្រឹកថ្ងៃទី២៣ ខែវិច្ឆិកា ឆ្នាំ២០១២ នៅរដ្ឋសភា។
លោក គាត ឈន់ ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានថ្លែងយ៉ាងដូច្នេះ ទៅកាន់អ្នកកាសែត ក្រោយពីជួបប្រជុំនឹងគណៈកម្មការជំនាញរដ្ឋសភា ពិភាក្សាលើសេចក្តីព្រាងច្បាប់ ស្តីពី ការគ្រប់គ្រងហិរញ្ញវត្ថុ ឆ្នាំ២០១៣ ឬច្បាប់ថវិកាជាតិ ឆ្នាំ២០១២ កាលពីព្រឹកថ្ងៃទី២៣ ខែវិច្ឆិកា ឆ្នាំ២០១២ នៅរដ្ឋសភា។
លោកឧបនាយករដ្ឋមន្ត្រី គាត ឈន់ បានមានប្រសាសន៍ថា "អ្វីដែលយើងគ្រប់គ្រងមិនបាន គឺថ្លៃប្រេង។ យើងខ្ញុំតាមរាល់សប្តាហ៍ ហើយចរចារាល់សប្តាហ៍ ឲ្យចុះ ឲ្យចុះ!។ ប៉ុន្តែយើងសេដ្ឋកិច្ចទីផ្សារ បង្ខំគេឲ្យចុះ គឺយើងមានហេតុផល។ ឧបមាថា យើងឃើញតម្លៃនាំចូលមកចុះ យើងថា លោកឯងត្រូវតែចុះ ពីព្រោះលោកឯង ប្រើស្តុកអស់ហើយ។ ប្រើស្តុកអាថ្លៃ គេក៏ចុះតាម។ ដល់វាឡើងវិញ ឥឡូវដូចសប្តាហ៍កន្លងទៅ វាឡើងវិញ ដល់អីចឹង ពួកថ្លៃប្រេង នាំចូល វាឡើង ៣%។ តម្លៃគយ ឃើញថា ឡើង ៣%។ តែគាត់ប្រើអាស្តុកចាស់ មិនទាន់អស់ គាត់មិនទាន់តម្លើងថ្លៃប្រេងលក់ចេញទេ"។
លោក ឧបនាយករដ្ឋមន្ត្រី គាត ឈន់ បានគូសបញ្ជាក់ថា "អ្វីដែលយើងគ្រប់គ្រងមិនបាន គឺតម្លៃប្រេង។ ឯតម្លៃស្បៀង គឺរាល់ថ្ងៃដោយយើងមានសកលភាវូបនីយកម្ម វាមានឡើង វាមានចុះ តាមគ្នា។ ដូចនៅ សហរដ្ឋអាមេរិក មានពោតពីរយ៉ាង។ ពោតម្យ៉ាងសម្រាប់អាហារ។ ពោតម្យ៉ាងទៀត សម្រាប់ ធ្វើស្រា ដើម្បីលាយជាមួយសាំង ធ្វើប្រេងឥន្ធនៈចាក់ឡាន។ ដល់ពោតឡើងថ្លៃទៅ អ្វីក៏ឡើងទាំងអស់"។
ជាមួយគ្នានោះ លោកឧបនាយករដ្ឋមន្ត្រី គាត ឈន់ បានលើកឡើងថា "រាជរដ្ឋាភិបាល ត្រូវគ្រប់គ្រងលើអតិផរណា ( ទំនិញឡើងថ្លៃ ) ឲ្យក្រោម ៥% ហើយនៅឆ្នាំ២០១២នេះ អតិផរណា មានកម្រិតត្រឹមតែ ២,៨% នៅឆ្នាំ២០១២។
នេះជាលទ្ធផលបានមកពីនយោបាយមួយដ៏សំខាន់ ដែលសម្តេចតេជោ លោកធ្វើ គឺបដិវត្តជលផល។ ត្រីចុះថ្លៃ ទាញសាច់ជ្រូក ចុះដែរ ហើយអ្វីហូបចុក ក៏ចុះដែរ"។
យ៉ាងណាក៏ដោយ លោកឧបនាយករដ្ឋមន្ត្រី គាត ឈន់ បានមានប្រសាសន៍ថា "ជោគជ័យរបស់កម្ពុជា គឺនៅពេលវិបត្តហិរញ្ញវត្ថុពេញទំហឹង យើងគ្រប់គ្រងបាន។ តែវាឆ្លងតែអតិផរណាបន្តិចបន្តួច។ ជោគជ័យរបស់យើង តាមរយៈការបង្កើនទុនតាមធានាពាណិជ្ជ ជាដើម"។
ចំពោះបញ្ហា តម្លៃប្រេងសាំង នាពេលបច្ចុប្បន្ន ក៏ត្រូវបានសមាជិកសភាមកពីគណបក្សប្រជាជនកម្ពុជា លោក ជាម យៀប ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម របស់រដ្ឋសភា បានលើកឡើងថា រាជរដ្ឋាភិបាល បានចំណាយលុយជាង ២០ លានដុល្លារ ក្នុងមួយខែៗ លើបញ្ហាប្រេងសាំង បើមិនដូច្នោះទេ ប្រេងសាំង នឹងត្រូវឡើងថ្លៃខ្ពស់ជាងសព្វថ្ងៃទៅទៀត។
ក្នុងវេទិកាយុវជន ស្តីពី "ការយល់ដឹងរបស់យុវជន ទៅលើកាលានុវត្តភាពរបស់កម្ពុជា ក្នុងការធានាពីតម្លាភាព ចំណូលពីវិស័យឧស្សាហកម្ម និស្សារណកម្ម" កាលពីព្រឹកថ្ងៃទី២២ ខែវិច្ឆិកា ឆ្នាំ២០១២ នៅវិទ្យាស្ថានជាតិអប់រំ ជិតវិមានឯករាជ្យ ក្នុងរាជធានីភ្នំពេញ លោកតំណាងរាស្ត្រ ជាម យៀប បានមានប្រសាសន៍ថា "បើតាមតម្លៃប្រេងបច្ចុប្បន្ន គឺនៅកម្ពុជាយើង ប្រេងសាំង ស៊ុបពែរ នឹងអាចឡើងដល់ ២,៨ ដុល្លារ ក្នុងមួយលីត្រ តែឥឡូវយើងលក់តែ ១,៣៥ ដុល្លារទេ។ រដ្ឋាភិបាល បានបញ្ចេញលុយជាង ២០ លានដុល្លារ ក្នុងមួយខែៗ ដើម្បីទប់លើការឡើងថ្លៃប្រេង លើទីផ្សារ ដើម្បីរំលែកទុក្ខក្រីក្ររបស់ប្រជាជនយើង"។
ជាមួយនឹង ប្រសាសន៍ដូច្នេះ លោក ជាម យៀប បានបន្ថែមថា បើសិនជា ប្រទេសកម្ពុជា ទទួលបានប្រេង ពីសមុទ្រមក ក៏តម្លៃប្រេងសាំង សព្វថ្ងៃ អាចចុះថ្លៃតែបន្តិចបន្តួចប៉ុណ្ណោះ។ ដំបូងឡើយ ការរុករកប្រេង គ្រោងនឹងបូមយកនៅចុងឆ្នាំ២០១២នេះ តែត្រូវបានក្រុមហ៊ុនប្រេងអាមេរិក Chevron បានពន្យារពេល រហូតដល់ឆ្នាំ២០១៦ ខណៈដែលការសិក្សារុករក និងខួបអណ្តូងប្រេង បានធ្វើឡើង ចាប់តាំងពីឆ្នាំ២០០៤។
លោកតំណាងរាស្ត្រ ជាម យៀប បានពន្យល់ពីហេតុផល ដែលតម្លៃប្រេង អាចចុះទាបតិចតួច នៅពេលកម្ពុជា បានបូមប្រេងដោយខ្លួនឯង នោះគឺមកពីតម្រូវការប្រើប្រាស់ប្រេងសាំង របស់សហគ្រាសរោងចក្រ មានច្រើនជាងតម្រូវការរបស់ប្រជាពលរដ្ឋ។
លោក ជាម យៀប បានថ្លែងថា "នៅកម្ពុជា មានសហគ្រាសធុនតូច និងមធ្យម ចំនួន ៥៤៨ រោងចក្រ សហគ្រាស ដែលកំពុងធ្វើអាជីវកម្ម ហើយមានសហគ្រាសតូចៗ មានជាង ២ ម៉ឺនទៀត ដែលកំពុងប្រើប្រាស់ប្រេងឥន្ធនៈ។ សព្វថ្ងៃ យើងនាំចូលប្រេង ១០០%។ អីចឹងបើប្រៀបធៀបនឹងកសិករយើង ដែលកំពុងប្រើប្រេង សព្វថ្ងៃ និងសហគ្រាសរោងចក្រ គឺសហគ្រាសរោងចក្រ ប្រើប្រាស់ប្រេងច្រើនជាង រហូតដល់ ៧៥%។ ដូច្នេះបើសិនជា យើងចុះថ្លៃទៅ គឺសហគ្រាសរោងចក្រ ជាអ្នកសប្បាយចិត្ត"។
លោក ជាម យៀប បានបន្ថែមថា "អីចឹងយើងសុខចិត្ត យកលុយពីសហគ្រាសរោងចក្រ ដើម្បីយកមកជួយ ដល់ប្រជាពលរដ្ឋក្រីក្រយើងវិញ"។
សូមបញ្ជាក់ថា គិតត្រឹមថ្ងៃទី២៣ ខែវិច្ឆិកា ឆ្នាំ២០១២ តម្លៃប្រេងសាំង នៅតាមស្ថានីយប្រេងឥន្ធនៈនានា នៅភ្នំពេញ គឺប្រេងសាំង ស៊ុបពែរ មួយលីត្រ ថ្លៃ ៥.៥៥០ រៀល, ប្រេងសាំង ធម្មតា មួយលីត្រ ថ្លៃ ៥.៣៥០ រៀល និងប្រេងម៉ាសូត មួយលីត្រ ថ្លៃ ៥.១០០ រៀល។
ចំណែកតម្លៃប្រេងឆៅ លើទីផ្សារអន្តរជាតិ នៅថ្ងៃទី២៣វិច្ឆិកា ឆ្នាំ២០១២ មានតម្លៃ ៨៨.២៦ ដុល្លារ ក្នុងមួយបារ៉ែល ( Barrel )។ ១ បារ៉ែល ស្មើនឹង ១៥៨.៩៩ លីត្រ៕
1 comment:
The Gaz price is hight because of general corruption: under state the real quantity, bribe the officials......If you go to the station and to fill 30liters, OK....
But if you 30liters Cylinder to fill it.....No they refuse...
The way way for Electricity, Water.....សីលើក្បាលប្រជារាស្ត្រ......
The Gaz sation owner have bribed a lot of Dollars to get their permission to get the licence.
and they make the deal to supply
Fuel, Rice.. to the Police and Military ....They become millionnaire......AH, AH....
Post a Comment