«កុំថាអីចឹង» (ដោយ​ អ៊ុម ហាក់)

កុំថាអីចឹង

(ដោយ អ៊ុម ហាក់)

ថ្ងៃទី២៣ ​វិច្ឆិកា ២០១២

    កាលពីដើមខែវិច្ឆិកា២០១២ រដ្ធាភិបាលខ្មែរ បានទទួលទាំងរថក្រោះ ទាំងយានយន្តពាស

ដែកដឹកនាំទ័ពចំនួនជិត២០០គ្រឿងទិញពីប្រទេសអ៊ូក្រែន បែបស្ងៀមស្ងាត់មិនមាននរណា ដឹង

មុនផងទេ។

   លោក ទា​ បាញ់ រដ្ធមន្រ្តីក្រសួងការពារជាតិបានមានប្រសាសន៍ប្រាប់អ្នកសារពត៌មានថា« ខ្ញុំគិត     ​     ថារថក្រោះ ១០០ទៅ២០០​ មិនមែនច្រើនឯណា។​ ក្នុងកិច្ចប្រតិបត្តិការយោធាយើងមាន សមត្ថភាព ​                                           ​​     គ្រប់គ្រាន់នឹងការពារបូរណភាពទឹកដីរបស់យើង »។ មកដល់ករណីនេះ គេអាចឆ្ងល់ថា តើលោក

ឧត្តមសេនីយ៍ជឿលើសំដីរបស់ខ្លួនឯងមែនឬ?  សំនួរមួយសួរថាតើការទិញរថក្រោះនឹងយានយន្ត                                                                       

ពាសដែកទាំងនេះពិតជាធ្វើឲ្យកងទ័ពជាតិមានសមត្ថភាពគ្រប់គ្រាន់នឹងការពារបូរណភាពទឹកដី

ពិតមែនឬ?​ ​តើអាចមានបំណងអ្វីផ្សេងទៀតឬទេ?។ ខ្ញុំសូមអនុញ្ញាតិសិក្សាតាមដោយសមត្ថភាព

ទន់ខ្សោយដូចតទៅ។

   អ្នកវិភាគមួយចំនួនឲ្យយោបល់ថា រថក្រោះនឹងយានយន្តពាសដែកទាំងនេះ លោកហ៊ុន​សែន

ទិញមកក្នុងវត្ថុបំណងបង្រ្កាបពលរដ្ធបះបោរប្រឆាំងនឹងរដ្ធបាលលោកដែលអាចនឹងផ្ទុះឡើងជា

យថាហេតុ។ ការពិត វាមានការអាក់អន់ស្រពន់ចិត្ត ការក្តៅក្រហាយនឹងរដ្ធាភិបាលលោក ហ៊ុន

សែន ក្នុងកំរិតមួយដែលគួរឲ្យព្រួយបារម្ភអីចឹងមែនហើយ តែនឹងចំណាយលុយទៅទិញរថក្រោះ

នឹងយានយន្តពាសដែករាប់រយគ្រឿងគ្រាន់តែដើមបីទប់ទល់នឹងការបះបោរដោយសន្តិវិធីរបស់

ពលរដ្ធខ្មែរនោះវាដូចជាមិនសមហេតុផលទាល់តែសោះ។ ខ្ញុំមានជំនឿថា បើពលរដ្ធខ្មែរងើប

ឡើងប្រឆាំងនឹងរដ្ធាភិបាលមែននោះ លោកហ៊ុន សែន ប្រើតែរថក្រោះធុន​ តេ៥៥ ( T 55 ) ជិត

១០០គ្រឿងដែលលោកបានទិញកាលពីមិនយូរប៉ុន្មានមុននេះមកបង្រ្កាបវាគ្រប់គ្រាន់ណាស់ទៅ

ហើយ លើកលែងតែរថក្រោះទាំងនោះខូចប្រើការលែងកើត។ យោងតាមការសិក្សាជំហានទីមួយ

នេះ គេអាចកំណត់បានថា រថក្រោះ​ នឹងយានយន្តដែលគេទើបបានទទួលនេះមិនមែនសំរាប់ទប់

ទល់នឹងការបះបោរដោយសន្តិវិធីនៃពលរដ្ធស៊ីវីលខ្មែរនោះឡើយ។ អីចឹងតើគេទិញមកធ្វើអ្វី? សូម

អនុញ្ញាតិធ្វើការសិក្សាដូចតទៅ។

   ដំបូងឡើយយើងគួរស្គាល់រថក្រោះទាំងនោះ ព្រមទាំងសមត្ថភាពត្រួសៗរបស់វាសិន។ អ្នក

ឯកទេសខាងសព្វាវុធម្នាក់បានឲ្យដឹងថា គឺជារថក្រោះធុនស្រាលធុន BMP2 ឫ BMP3 ( Soviet

Amphibious  Infantry Fighting  Vehicle ) ផលិតដោយប្រទេសរុស្ស៊ី បើកបរលើផ្លូវថ្នល់ល្បឿន

អតិបរមា៧២គម/ ម៉ោង ក្រៅផ្លូវថ្នល់ល្បឿន៤៥គម/​ ម៉ោង ក្នុងទឹកល្បឿន១០គម/​ម៉ោង។ ចម្ងាយ

អតិ​បរមាបរបានប្រវែង៦០០គម.។ អាវុធចំបងរបស់រថក្រោះនេះគឺកាំភ្លើងធំខ្នាត១០០មីលីម៉ែត្រ

អាចប្រដាប់បន្ថែមដោយប្រព័ន្ធបាញ់កាំជ្រួច​ ប្រព័ន្ធបាញ់គ្រាប់បែក​ ( Grenade launcher ) តាម

តែអ្នកទិញបញ្ជា។ រថក្រោះនេះនៅមានអាវុធបន្ទាប់បន្សំថែមទៀតគឺ កាំភ្លើងយន្តធុន៧.៦២មម ពីរ

ដើម នឹងកាំភ្លើងយន្តធុន៥.៤៥មម មួយដើមទៀត។ រថក្រោះធុននេះនៅមានប្រើក្នុងប្រទេស ជា

ច្រើនក្នុងលោក ជាពិសេសប្រទេសសង្គមនិយមរួមទាំងប្រទេសយួនផង។ លក្ខណរបស់រដ្ធក្រោះ

មានច្រើនទៀតដែលខ្ញុំមិនអាចដឹងដល់ផងដែរ។ ការលើកយកលក្ខណ:បច្ចេកទេសខ្លះមកលាត

ត្រដាងនៅពេលនេះគ្រាន់តែចង់ស្វែងរកការពិតក្នុងរឿងទិញសម្ភារទាំងនេះតែប៉ុននោះ។ រដ្ធមន្រ្តី

ក្រសួងការពារជាតិលោក​ទា បាញ់ បានមានប្រសាសន៍ថាសម្ភារទាំងនេះធ្វើឲ្យកងទ័ពខ្មែរ «​មានស

មត្ថភាពគ្រប់គ្រាន់ក្នុងការការពារបូរណភាពទឹកដីខ្មែរ​»។ សំនួរថាការពារបូរណភាពទឹកដីទល់នឹង

នរណា? ទល់នឹងយួន? ដូចជាអត់ទេ ព្រោះ

ឮតែលោក​ ហ៊ុន សែន និយាយជារឿយៗថា ព្រំដែន

ខ្មែរ យួន​ ជាព្រំដែនសន្តិភាព ព្រំដែនមិត្តភាព ព្រំដែនសហប្រតិបត្តិការណ៍ ព្រំដែនអភិវឌ្ឍន៍​ ឬព្រំ

ដែនប្រវត្តិសាស្រ្ត...ជាអាទិ៍។ អីចឹងមានតែការពារបូរណភាពទឹកដីទល់នឹងសៀមនៅប៉ែកខាងលិច

។ ក្រៅពីវិបត្តិព្រំដែននៅដំបន់ប្រាសាទព្រះវិហារ ខ្ញុំដូចជាមើលមិនឃើញថានឹងមានបញ្ហាធំនាំឲ្យ

សៀមលើកទ័ពគគ្រិកគគ្រេងចូលវាយលុកស្រុកខ្មែរ ដូចយួនបានធ្វើកាលពីថ្ងៃទី​ ២៥ធ្នូ ១៩៧៨

នោះឡើយ។ ឧបមាថាស្ថានការណ៍វាធ្លាក់ដល់ថ្នាក់សៀមបររថក្រោះរបស់គេចូលលុកលុយស្រុក

ខ្មែរ តើយើងសង្ឃឹមថាអាចយករថក្រោះដែលទើបទទួលថ្មីៗនេះទៅទប់ទល់នឹងគេបានផលថ្នាក់

ណា? បើលើកយកតែសមត្ថភាពនៃសម្ភារមកប្រៀបគ្នា យើងឃើញថាចាញ់ប្រៀបសៀមឆ្ងាយ។

អ្នកឯកទេសសព្វាវុធបានឲ្យដឹងទៀតថារថក្រោះដែលសៀមមានគឺ ១- មកពីខាងប្លុកកុម្មុយនិស្ត

មាន: T-55, T-72, T-80, T84, រហូតT90។ ២- មកពីប្លុកលោកសេរីមាន: Abraham M-1, M-1A1,

រហូត M-1A2។ នេះគ្រាន់តែប្រៀបធៀបកម្លាំងទ័ពជើងគោកប៉ុននោះ មិនបានរៀបរាប់អំពីទ័ពអា

កាស នឹងទ័ពនាវី ដែលយើងខ្សោយជាងគេក្នុងតំបន់។ ដើមបីកុំឲ្យគេជេរទាន់ ខ្ញុំក៏សូមអនុញ្ញាតិ

បញ្ជាក់ថាមានសម្ភារល្អមិនពិតជានាំទៅរកជោកជ័យជាស្វ័យប្រវត្តនោះទេ មានន័យថាបើសៀម

សំរេចចិត្តលើកទ័ពមកឈ្លានពានស្រុកខ្មែរដូចដែលយួនបានធ្វើកាលពីថ្ងៃ ២៥ធ្នួ ១៩៧៨នោះ

សៀមមិនប្រាកដជាបានទទួលជោកជ័យនោះឡើយ។ ស្ថិតក្នុងរង្វង់សមត្ថភាពសម្ភារដដែល​ តើ

គេអាចជឿបានទេថា ការចំណាយប្រាក់សន្ធឹកសន្ធាប់ទៅទិញរថក្រោះទាំងនេះដើមបីការពារឯក

រាជ្យភាព អធិបតេយ្យភាព បុរណភាពទឹកដី មែនឫ? តើលោកហ៊ុន សែន មានលាក់សន្លិកបៀខ្លះ

ក្នុងដៃអាវឬទេ? មុននឹងពិចារណាតទៅមុខទៀត យើងចាំបាច់ត្រូវព្រមព្រៀងគ្នាថា បើគ្រាន់តែ

បង្រ្កាបបាតុកម្មស៊ីវីល ឥតអាវុធនោះ រថក្រោះធុន T-55 ជិត១០០គ្រឿងទិញពីឆ្នាំទៅនោះ វាគ្រប់

គ្រាន់ណាស់ទៅហើយ បើវាមិនទាន់ខូចប្រើប្រាសលែងកើតទៅហើយទេ។ លុះព្រមព្រៀងគ្នាអី

ចឹងហើយ យើងអាចសួរថា បើរថក្រោះដែលយើងទើបទទួលនេះមានប្រសិទ្ធិភាពស្តួចស្តើងទល់

នឹងប្រទេសជិតខាង តើគេទិញវាមកធ្វើអ្វី? មុននឹងសន្និដ្ធានយ៉ាងណាៗ នឹងជៀសវាងកុំឲ្យខុស

ឆ្ងាយពេក យើងគួរក្រឡេកក្រោយសិក្សាអំពីព្រឹត្តិការណ៍មិនទាន់ចាស់ខ្លះដែលបានកើតឡើង

នៅស្រុកខ្មែរ។

‌- ឆ្នាំ២០០៥នាសម័យសន្ធិសញ្ញាបំពេញបន្ថែមទៅលើកិច្ចព្រមព្រៀងទាំងឡាយរវាងសាធារណ

រដ្ធប្រជាធិបតេយ្យវៀត ណាម នឹងរាជាណាចក្រកម្ពុជា។ ពេលសន្ធិសញ្ញានោះទៅដល់រដ្ធ

សភា លោកហេង សំរិន ប្រធានរដ្ធសភាធ្លាក់ខ្លួនឈឺធ្វើការ​មិនកើត លោកអនុប្រធានទី១ មកពី

បក្ស ប្រជាជនក៏ឈឺទៀត នៅសល់តែលោកឧត្តមសេនីយញ៉ឹក ប៊ុនឆាយ អនុប្រធានទីពីរ

មកពីបក្សហ៊្វុន ស៊ិនប៉ិច ប្រកបដោយសុខភាពល្អក៏បានចុះហត្ថលេខាផ្តល់សច្ចាប័នទៅលើ

សន្ធិសញ្ញាបំពេញបន្ថែមនោះទៅ។

- សន្ធិសញ្ញានេះត្រូវបញ្ជូនទៅព្រឹទ្ធសភាដើមបីសុំសច្ចាប័នជាបន្ត។ លោក ជា​ ស៊ីម ប្រធានព្រឹទ្ធ

សភាមានការរារែកក្នុងការផ្តល់សច្ចាប័នលើសន្ធិសញ្ញានេះ តែត្រូវលោកហ៊ុន សែន បញ្ជាឲ្យក្រុម

អង្គរក្សព័ទ្ធគេហដ្ធាន ធ្វើឲ្យលោកឈឺរត់ទៅព្យាបាលនៅស្រុកសៀម។ អនុប្រធានទីមួយក៏ឈឺ

ទៀត នៅសល់តែអនុប្រធានទីពីរមកពីគណបក្សហ៊្វុន ស៊ិនប៉ិចគឺ ទ្រង់ស៊ីសវត្តិ ជីវន្តមុនីរក្សដែល

បានចុះហត្ថលេខាផ្តល់សច្ចាប័នឲ្យសន្ធិសញ្ញាបំពេញបន្ថែមតទៅទៀត។

- ដើមបីឲ្យសន្ធិសញ្ញាបំពេញបន្ថែមនេះមានសុពលភាពស្របច្បាប់ មហាក្សត្រខ្មែរក៏ត្រូវផ្តល់សច្ចា

ប័នផងដែរ។ ដំបូងឡើយស្តេចខ្មែរក៏មានការរារែកដែរ តែលោកហ៊ុន សែន បានគំរាមថាបើស្តេច

មិនស៊ីញ៉េទេ លោកនឹងកែប្រែរដ្ធធម្មនុញ្ញទៅជារបបសាធារណរដ្ធវិញ។ ស្តេចឪ ស្តេចម៉ែ​ ស្តេច

កូន ចុះចាញ់ហ៊ុន សែន ស្តេចកូនក៏សុខចិត្តស៊ីញ៉េទៅ បើមិនដូចនោះទេឲ្យម្ចាស់ម៉ែទៅជ្រកនៅ

ឯណាបន្ទាប់ពីស្តេចឪលាចាកលោកទៅ?។

- ក្រោយជោកជ័យសន្ធិសញ្ញាបំពេញបន្ថែមឆ្នាំ២០០៥មក គេបានឃើញលោកហ៊ុន សែន កាច់

ធ្មុងលោក ជា ស៊ីម នឹងលោក ហេង សំរិន ដោយដកអង្គរក្សរបស់លោកទាំងពីរទាំងអស់ ទុកឲ្យ

តែត្រិម១០០នាក់រៀងខ្លួន។ គេគួរចងចាំថាក្នុងជួរបក្ស លោកជា ស៊ីម នឹងលោកហេង សំរិន ជានា

យចៅហ្វាយរបស់លោកហ៊ុន ​សែន ជារៀងដរាបមក។ តើលោកជា ស៊ីម ឬលោកហេង សំរិន

 បំភ្លេចអំពើទាំងនេះបានឬយ៉ាងណា?។

     - លោកហ៊ុន សែន បានដកតំណែងនាយអគ្គសេនាធិការកងយោធពលខេមរភូមិន្រ្ទ លោកឧត្តម

សេនីយ៍ កែ គីមយ៉ាន ដែលជាអ្នកស្និតនឹងលោកជា ស៊ីម ចេញពីតំណែង ហើយលើកភូឈួយ

ដែលស្និតនឹងខ្លួនជំនួសវិញ។ លោកកែ គីមយ៉ាន ត្រូវតែងតាំងជាមេបញ្ជាការបង្រាបគ្រឿងញៀ

ន ក្រោមបញ្ជាការលោកស ខេង រដ្ធមន្រ្តីក្រសួងមហាផ្ទៃដែលជាអ្នកស្និតនឹងលោកជា ស៊ីមដែរ។

- អ្នកស្និតនឹងលោកជា ស៊ីម ឬលោកហេង សំរិន ថ្នាក់ឧត្តមមន្រ្តី ឬឧត្តមសេនីយ៍ ក៏បានត្រូវចាប់

ខ្លួនដាក់ពន្ធនាគារមួយចំនួនផងដែរ។ អ្នកខ្លះទៀតត្រូវគេអះអាងថាធ្វើអត្តឃាត។

- មិនគ្រាន់តែមានការដកតំណែងមន្រ្តីគ្រាក់ៗដែលស្និតនឹងលោក ជា ស៊ីម នឹងលោក ហេង​ សំ

រិន ប៉ុននោះទេ គេក៏ឃើញលោកហ៊ុន សែន តំឡើងឋានន្តរសក្តិដល់កូនប្រុសពីរនាក់ឲ្យកាន់តំ

ណែងអគ្គបញ្ជាការរង ១- ខាងអគ្គសេនាធិការកងទ័ពជាតិ នឹងកងពលអង្គរក្សរបស់លោក ២-

ខាងក្រសួងសន្តិសុខជាតិ។ ឃើញថាផ្នែកប្រដាប់អាវុធនៅលើកណ្តាប់ដៃលោកហ៊ុន សែនទាំង

ស្រុងទាំងខាងកងទ័ព ទាំងខាងស៊ីវីល នេះមិននិយាយអំពីក្រសួងខ្លាញ់ដទៃដែលអាចប្រមូល

ប្រាក់ដុល្លារជូនលោកចាយវាយធ្វើនយោបាយប្រជាភិថុតិនោះផងទេ។

      -  ពីសំបុកចាប ដីក្រហម បូរីកីឡា​ ទៅបឹងកក់ ការវាយដំច្រំធាក់ប្រជាពលរដ្ធស្លូតត្រង់ ការចាប់    

      ចងជនឥតទោសទៅដាក់គុក ការធ្វើឃាតបំបិតមាត់    ការដកតំណែងមន្រ្តីជាន់ខ្ពស់ស៊ីវីល នឹង

      យោធាមួយចំនួនក្នុងជួរបក្ស លោកហ៊ុន សែន ពិតជាបានធ្វើឲ្យទាំងមជ្ឈដ្ធានស៊ីវីល ទាំងយោ  

      ធា មានការអាក់អន់ស្រពន់ចិត្តមិនតិចឡើយ។ ដល់អីចឹងទៅលោកមើលឃើញសុទ្ធតែសត្រូវ

      នៅជុំវិញខ្លួនលោក មិនខុសអ្វីពីបងធំ សាឡុតស ហៅប៉ុល ពត នោះឡើយ។ ស្មានមើលទៅ

      លោកហ៊ុន សែន ប្រហែលរងាខ្លាំង លោកអាចនឹងស្រម៉ៃឃើញថា ថ្ងៃណាមួយអង្គរក្សរបស់

      លោកក្បត់ហើយកាត់កលោកទៅថ្វាយ​ (?) ដូចអរជូនខេត្តត្បូងឃ្មុំកាត់ក្បាលហ្លួងព្រះស្តេច

      កន ទៅថ្វាយស្តេចអង្គច័ន្ទកាលពីអតីត។ កវី​ សំ​វិជ្ជា ធ្លាប់បានសរសេរអំពីលោក ហ៊ុន សែនថា

      «​ ខ្លាំងតែខ្លាច »។ លោកហ៊ុន សែនខ្លាំងមែនឬ? មិនប្រាកដ់ទេ។ លោកហ៊ុន​ សែន ខ្លាចមែនឬ?

      ប្រាកដ់ណាស់។ ភស្តុតាង លោកហ៊ុន សែន មានអង្គរក្សដល់ទៅមួយកងពល ( ខ្ទង់៧ ០០០

       នាក់  ) ទៅណាមកណាម្តងៗ អង្គរក្សរបស់លោកតែងតែទៅដកអាវុធពីអាជ្ញាធរដែនដី មុន

       នឹងលោកអញ្ជើញទៅ។ ប៉ុននឹងហើយលោកហ៊ុន សែន នៅតែរងាត្រូវរកភួយក្រាសៗមក

       ដណ្តប់ថែមទៀត លោកលើកតែងតាំងកូនរបស់លោកគឺ ហ៊ុន ម៉ាណែត នឹង ហ៊ុន ម៉ាណា

       ឲ្យក្តាប់អំណាចទាហាន នឹងអំណាចប៉ូលីសថែមទៀត។ បាត់ខ្លាចហើយឬនៅ? ជាជនផ្តាច់

       ការ ជាជនជិះខ្លា កាន់តែខ្លាំង កាន់តែខ្លាច កាន់តែខ្លាច​ឧក្រិដ្ធកម្មកាន់តែខ្លាំង ឧក្រិដ្ធកម្មកាន់

      តែខ្លាំងសត្រូវកាន់តែច្រើន នាំឪ្យកាន់តែខ្លាច....ដូចកង់រទេះ វិលទៅវិលមក កិនតែអាចម៍មួយ

    ​   ដុំហ្នឹងម្តងហើយម្តងទៀតគ្មានទីបញ្ចប់ឡើយ។

           នៅទីបញ្ចប់ បើរថក្រោះទាំងឡាយដែលលោកហ៊ុន សែន ទិញមកថ្មីៗនេះមិនមានសមត្ថ

       ភាពទប់ទល់ជាមួយអ្នកជិតខាងបានទេ សួរថាតើលោកទិញមកធ្វើអ្វី? យោងទៅលើការសិ

       ក្សាត្រួសៗខាងលើ ខ្ញុំសង្ស័យថាលោកហ៊ុន សែន មានបើធុំខ្លិនអ្វីម្យ៉ាង ( ខ្លិនផាឌិប? ) ទើប

       បញ្ជាទិញ « អាតេះតង់ » ទាំងនេះត្រិមតែដើមបីការពារអំណាចរបស់លោក ការពារគ្រួសារ

       នឹងបក្សពួករបស់លោក ទល់នឹងបាតុកម្មស៊ីវីលដោយសន្តិវិធី ឬការបះបោរក្តៅយោធា ឬក៏

       រដ្ធប្រហារយោធាជាយថាហេតុ ក្នុងន័យផ្ទេរអំណាចតទៅកូន-ចៅ បង្កើតសន្តតិវង្ស ហ៊ុន

       ត្រួតត្រាលើពលរដ្ធខ្មែរ ទោះជាអស់ស្រុកទៅហើយក្តី???

           នេះជាមតិស្តួចស្តើងផ្ទាល់របស់ខ្ញុំ សូមស្វាគមន៍មតិផ្សេងគ្រប់យ៉ាង៕