កម្ពុជាក្រោមការដឹកនាំរបស់ ហ៊ុន សែន ពិតជារីកចំរើនច្រើនឡើងៗ រួមមាន ៖
១.បំណុលជំពាក់បរទេស គ្មានលទ្ធភាពសងតែខ្ចីកាន់តែច្រើនឡើងៗ ។
២.ពលរដ្ឋខែ្មរគ្មានការងារធ្វើ ហើយបង្ខំចិត្តចាកចេញក្រៅប្រទេស ដើម្បីរកការងារកាន់ តែច្រើនឡើងៗ ។
៣.និស្សិតដែលបានបញ្ចប់ការសិក្សា ហើយគ្មានការងារកាន់តែច្រើនឡើងៗ
៤.ពលរដ្ឋបាត់បង់ដីធ្លី ផ្ទះសម្បែងកាន់ហើយថែមទាំងជាប់គុក ព្រោះតែហ៊ានតវ៉ាការរំលោភបំពាន មានកាន់តែច្រើនឡើងៗ ។
៥.អំពើរពុករលួយកាន់តែច្រើនឡើងៗ ។
៦.ក្រុមបងតូច បងធំ ដែលជាក្រុមជនពាលជួញដូរ និងប្រើគ្រឿងញៀន កាន់តែច្រើនឡើងៗ ។
៧.យួនមករស់នៅ ក្នុងស្រុកខ្មែរកាន់តែច្រើនឡើងៗ ។
៨.ការកាប់បំផ្លាញព្រៃឈើ កាន់តែច្រើនឡើងៗ។
៩.ទឹកដីតាមព្រំដែន បានកាត់ទៅឲ្យយួនកាន់តែ ច្រើនឡើងៗ ។ល។ និង ។ល។
ទាំងនេះជាសមិទ្ធិផលខ្លះៗដែល ហ៊ុន សែន បានដឹកនាំប្រទេស ។
.jpg)
ដោយ ទេព សុរ៉ាវី 2012-12-06 RFA
សភាជាតិកម្ពុជា បានបន្តសម័យប្រជុំរដ្ឋសភាលើកទី៩ នីតិកាលទី៤
នៅថ្ងៃទី៦ ខែធ្នូ ឆ្នាំ២០១២។ របៀបវារៈនៃកិច្ចប្រជុំនោះ
គឺសមាជិករដ្ឋសភា ពិភាក្សា
និងសួរដេញដោលលើសេចក្តីព្រាងច្បាប់ស្ដីពីហិរញ្ញវត្ថុ
សម្រាប់ការគ្រប់គ្រងឆ្នាំ២០១៣ ដែលមានទឹកប្រាក់ចំណាយប្រមាណ
៣ពាន់លានដុល្លារ។
សមាជិករដ្ឋសភា ៨៣រូប ក្នុងចំណោមសមាជិករដ្ឋសភា ៩៨រូប
ដែលមានវត្តមាននៅក្នុងកិច្ចប្រជុំរដ្ឋសភា នៅថ្ងៃទី៦ ខែធ្នូ
ឆ្នាំ២០១២ បានលើកដៃអនុម័តលើជំពូកទី១
ក្នុងសេចក្តីព្រាងច្បាប់ស្ដីពីហិរញ្ញវត្ថុសម្រាប់គ្រប់គ្រងឆ្នាំ
២០១៣។
សេចក្តីព្រាងច្បាប់ថវិកាជាតិឆ្នាំ២០១៣ ដែលមាន ៦ជំពូក ១៨មាត្រា
បានកំណត់ការចំណាយជាង ១២លានលានរៀល ឬប្រហាក់ប្រហែល
៣ពាន់លានដុល្លារអាមេរិក ក្នុងនោះប្រមាណ ៨០%
បានមកពីការខ្ចីបុលពីបរទេស។ សេចក្តីព្រាងច្បាប់នេះ
នឹងត្រូវរដ្ឋសភាបើកកិច្ចប្រជុំពិភាក្សានៅព្រឹកថ្ងៃសុក្រ ទី៧
ខែធ្នូ បន្តទៀត។
ក្នុងកិច្ចប្រជុំរដ្ឋសភា សមាជិករដ្ឋសភាគណបក្ស សម រង្ស៊ី លោក សុន
ឆ័យ និងលោក យឹម សុវណ្ណ
បានស្នើសុំឲ្យរដ្ឋសភាតម្រូវឲ្យរដ្ឋាភិបាលកាត់បន្ថយនូវការខ្ចី
បំណុលបរទេសពី ៦០០លានអេស.ដេ.អ៊ែរ (SDR) ឬជាង ៩០០លានដុល្លារអាមេរិក
មកនៅត្រឹម ១៣០លានអេស.ដេ.អ៊ែរ
ដោយរដ្ឋាភិបាលត្រូវបង្កើនប្រសិទ្ធភាពនៃការប្រមូលពន្ធ។
សមាជិករដ្ឋសភាទាំង ២រូបនេះបង្ហាញថា
ប្រភពចំណូលរបស់រដ្ឋាភិបាលបានមកពីការប្រមូលពន្ធលើដីសម្បទាន
សេដ្ឋកិច្ច ដោយដំឡើងពន្ធចំនួន ៧០ដុល្លារក្នុងមួយហិកតារ។
ពន្ធលើការនាំចូលប្រេង ពន្ធលើកាស៊ីណូ
ដោយបង្កើតច្បាប់គ្រប់គ្រងកាស៊ីណូ និងបនល្បែង បង្កើនការយកពន្ធគយ
និងចំណូលពីអ្នកទេសចរបរទេសនៅអង្គរវត្ត៖ «ខ្ញុំចង់ផ្ដោតទៅលើ
ក្រុមហ៊ុនឯកជន ក្រុមហ៊ុនបរទេសជាង ១០០ក្រុមហ៊ុន ទៅ ២០០ក្រុមហ៊ុន
កាន់កាប់ដីជាង ២លាន ៧សែនហិកតារ ទៅ ៣លានហិកតារ
នៅក្នុងប្រទេសកម្ពុជា យើងអាចយកបាន ៧០ដុល្លារ ដោយផ្អែកទៅលើអី
ប្រជាពលរដ្ឋទូទាំងប្រទេសអ្នកដែលគ្មានដីស្រែចម្ការ
ដែលគាត់ទៅជួយពីគេក្នុងមួយឆ្នាំពី ១០០ ទៅ ១៥០ដុល្លារ
រកតែដីជួលគ្មាន។ ទន្ទឹមនឹងនោះ រដ្ឋយកដីទៅជួយឲ្យបរទេសតែ ៥ទៅ
៧ដុល្លារ ក្នុងមួយឆ្នាំ។ (លោក សុន ឆ័យ) យល់ថា
បើល្បែងស៊ីសងមិនអាចបិទបាន
ហើយយើងក៏ដឹងដែរថាល្បែងស៊ីសងប៉ះពាល់ដល់បញ្ហាសង្គមធ្ងន់ធ្ងរ
ល្បែងស៊ីសងធ្វើឲ្យមនុស្សបាក់បែក
ដូច្នេះការដាក់ពន្ធទៅលើវិស័យនេះ
គឺជាការមួយដែលយើងត្រូវតែធ្វើ ប៉ុន្តែជាអកុសល តួលេខនៅឆ្នាំ២០១៣
យើងឃើញថា ការប្រមូលលើវិស័យកាស៊ីណូ បានប្រមាណតែ ២០លានដុល្លារ»។
ទោះជាមានការស្នើសុំពីគណបក្សប្រឆាំងក៏ដោយ
ក៏តំណាងរាជរដ្ឋាភិបាលដែលចូលមកការពារសេចក្តីព្រាងច្បាប់ថវិកា
ជាតិឆ្នាំ២០១៣ ដឹកនាំដោយលោកឧបនាយករដ្ឋមន្ត្រី គាត ឈន់
រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដែលមានគណៈប្រតិភូចំនួន
៤០រូប មកអមជាមួយផងនោះ
មិនបានកែប្រែលើសេចក្តីព្រាងច្បាប់ថវិកាជាតិនោះទេ។
លោក គាត ឈន់ បានអានសេចក្តីថ្លែងហេតុរបស់នាយករដ្ឋមន្ត្រី ហ៊ុន សែន
ដែលបានផ្ញើជូនរដ្ឋសភា ដោយសង្កត់ធ្ងន់ថា
សេចក្តីព្រាងច្បាប់ថវិកាជាតិឆ្នាំ២០១៣
នឹងបន្តផ្តល់អាទិភាពដល់ការបង្កើន
និងលើកកម្ពស់គុណភាពសេវាកម្មនៅក្នុងវិស័យសង្គមកិច្ច វិស័យអប់រំ
សុខាភិបាល ការកសាងធនធានមនុស្ស និងសំណាញ់សុវត្ថិភាពសង្គម
រួមទាំងការបន្តអនុវត្តន៍គោលនយោបាយផ្តល់ដីសម្បទានសង្គមកិច្ច
ដល់គ្រួសារអតីតកងកម្លាំងប្រដាប់អាវុធ
និងការបន្តជំរុញការអនុវត្តសកម្មភាពថ្មីលើគោលនយោបាយចាស់នៃកំណែ
ទម្រង់ការគ្រប់គ្រងដីធ្លី។
លោក គាត ឈន់ បន្តថា ច្បាប់ថវិកាឆ្នាំថ្មីនេះ
ក៏ដើម្បីធានាដល់ការរៀបចំការបោះឆ្នោតតំណាងរាស្ត្រ
និងការបន្តជំរុញការអនុវត្តច្បាប់ស្ដីពីការគ្រប់គ្រងរដ្ឋបាល
រាជធានី ខេត្ត ក្រុង ស្រុក ខណ្ឌ
និងបន្តពង្រឹងការអនុវត្តលទ្ធិប្រជាធិបតេយ្យ និងនីតិរដ្ឋនៅកម្ពុជា។
ច្បាប់នេះ ក៏មានការកំណែទម្រង់រដ្ឋបាលសាធារណៈ
កំណែទម្រង់ការគ្រប់គ្រងហិរញ្ញវត្ថុសាធារណៈ ប្រព័ន្ធយុត្តិធម៌
ការប្រឆាំងអំពើពុករលួយ
ការអនុវត្តបន្តគោលនយោបាយដំឡើងប្រាក់បៀវត្សមូលដ្ឋានជូនមន្ត្រី
រាជការស៊ីវិល និងកងកម្លាំងប្រដាប់អាវុធ ២០%។ល។
នាយករដ្ឋមន្ត្រី ហ៊ុន សែន
ថ្លែងនៅក្នុងពិធីសម្ពោធឲ្យប្រើប្រាស់ផ្លូវ៧៨ ពីចំណុចអូរពងមាន់
ខេត្តស្ទឹងត្រែង ទៅក្រុងបានលុង ខេត្តរតនគិរី នៅថ្ងៃទី៦ ខែធ្នូ
ដោយសង្ឃឹមថាសេចក្តីព្រាងច្បាប់ថវិកាជាតិឆ្នាំ២០១៣
និងអាចអនុម័តបានដោយយោងតាមកូរ៉ុមសមាជិកគណបក្សប្រជាជនមានច្រើន
តែទោះជាយ៉ាងណា
លោកថាសេចក្តីព្រាងនោះក៏ត្រូវមានការដេញដោលពីគណបក្សប្រឆាំងដែរ៖
«ពិបាកជាងគេ គឺថវិកាជាតិហ្នឹងឯង បើអនុម័តច្បាប់ថវិកាមិនបាន គឺអត់លុយ ប៉ុន្តែរដ្ឋាភិបាលមានសិទ្ធិចាយ ១ភាគ១០»។
យ៉ាងណាក្តី គណៈកម្មការសេដ្ឋកិច្ចហិរញ្ញវត្ថុធនាគារ និងសវនកម្ម
យល់ឃើញថា សេចក្តីព្រាងច្បាប់នេះបានរៀបចំឡើងដោយគោរពតាមច្បាប់
និងលិខិតបទដ្ឋានដែលនៅជាធរមាន។
សេចក្តីព្រាងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ
២០១៣ ត្រៀមចាយថវិកាចំនួនជាង ១២លានលានរៀល (១២.០៩៥.០៧៣,៣លានរៀល)
ឬប្រហាក់ប្រហែល ៣ពាន់លានដុល្លារ ដែលកើនឡើង ១២,៣២%
ធៀបនឹងច្បាប់ស្ដីពីហិរញ្ញវត្ថុសម្រាប់ការគ្រប់គ្រងឆ្នាំ២០១២
ដែលស្មើនឹង ១៩,១២% នៃផលិតផលសរុបក្នុងស្រុក (ផ.ស.ស)។
កាលពីឆ្នាំ២០១២ ថវិកាជាតិមានចំនួនជាង ២ពាន់លានដុល្លារ
(២.៦៩២លានដុល្លារ) កើន ១៣% កាលពីឆ្នាំ២០១១៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
No comments:
Post a Comment