ហ៊ុន សែន ក្រោយថ្ងៃ៧ មករា ១៩៧៩

ដោយ. ឆាំ ឆានី ២០ ធ្នូ ២០១២ 
ហ៊ុន សែន កើតនៅថ្ងៃទី៤ ខែមេសា ឆ្នាំ១៩៥១ នៅឃុំពាមកោះស្នា ស្រុកស្ទឹងត្រង់ ខេត្តំពង់ចាម  ឳពុកឈ្មោះ ហ៊ុន នាង ម្តាយឈ្មោះ ឌី ប៉ុក  មានបងប្អូន៦នាក់ ។ ហ៊ុន សែន ជាកូនទី៣ ក្នុង​គ្រួសារ​កសិករ  ហ៊ុន សែន រៀនបានត្រឹមតែថ្នាក់ទី៤ នៅវិទ្យាល័យឥន្ទ្រទេវី ក្រុងភ្នំពេញ ។ ក្រោយថ្ងៃ៧ មករា ឆ្នាំ១៩៧៩ យួនបានលើកបន្តុបឲ្យធ្វើជារដ្ឋមន្ត្រី ក្រសួងការបរទេស ដល់ថ្ងៃទី២ កក្កដា ១៩៨១ ។ ដោយមើលឃើញថា ហ៊ុន សែន ជាមនុស្សដែលអាចបំរើនយោបាយ​ឈ្លាន​ពានរបស់ខ្លួនបាន យួនបានលើកបន្តុបឲ្យធ្វើជា នាយករដ្ឋមន្តី្រនៅថ្ងៃទី២៤ មករា ១៩៨៥  ។  ឆ្នាំ១៩៩៣ បោះឆ្នោត​ចាញ់ ទ្រង់ រណរិទ្ធិ តែមិនព្រមចាញ់ ឡាំប៉ាទាល់តែបានធ្វើជានាយក​រដ្ឋ​មន្ត្រីទី២ ដល់ឆ្នាំ១៩៩៧ ប្លន់​ដំណែង​ដោយ​បង្ហូរឈាមបានសម្រេច និងធ្វើជានាយករដ្ឋមន្ត្រីរហូត បន្តរបន្ទាប់មក បើទោះជាមាន​ការបោះឆ្នោតក៏ ហ៊ុន សែន ឈ្នះ ព្រោះ ហ៊ុន សែន បានទិញទឹកចិត្ត គំរាម និងសម្លាប់​ ព្រម​ទាំង​លើកបន្តុប គណកម្មាធិការរៀបចំការបោះឆ្នោតឲ្យលួចបន្លំ  មិនមែន​ឈ្នះឆ្នោតដោយ ប្រជាពរដ្ឋ​បោះឆ្នោតឲ្យ​ឡើយ ។

សមិទ្ធិផលខ្លះៗដែល ហ៊ុន សែន បានធ្វើក្រោយថ្ងៃ៧ មករា ១៩៧៩ មកដល់​បច្ចុប្បន្នរួមមាន៖

១. ក្លាយពីក្មេងរៀនបានត្រឹមតែថ្នាក់ទី៤  មកធ្វើជារដ្ឋមន្ត្រីការបរទេស  រួចធ្វើជា នាយក​រដ្ឋមន្ត្រីពុក​​រលួយកេងប្រវញ្ជ័ប្រាក់ជំនួយ និងលក់ទ្រព្យសម្បត្តិជាតិ យកធ្វើ ជាមហា​សេដ្ឋីតពូជ ។

 

២.អនុញ្ញាតឲ្យយួនបង្ខិតព្រំដែន និងបញ្ជួនជនជាតិយួនមករស់នៅក្នុងស្រុកខ្មែរ ដោយសេរី 

៣. កោះត្រល់កេរខ្មែរដែល ហ៊ុន សែន កាត់ឲ្យយួនតាមសន្ធិសញ្ញាខុសច្បាប់២០០៥

៤.អ្នកស្រី មាស ស្រី ត្រូវបាន ហ៊ុន សែន ចាប់ដាក់គុក ព្រោះតែហ៊ានតវ៉ារឿង ហ៊ុន សែន កាត់​ដី​ឲ្យ​យួនទៅយួន 

៥.ប្រជាពលរដ្ឋម្ចាស់ដីរាប់សែននាក់រងនូវអំពើអយុត្តិធម៌ដោយ ហ៊ុន សែន បណ្តេញ ចេញ​ពីលំនៅដ្ឋាន ឈួសបំផ្លាញផ្ទះ និងប្លន់ដីយក​ឲ្យ​ឈ្មួញទុច្ចរិត ។

៦.ប្រើលោកសង្ឃក្លែងក្លាយ    និងកម្លាំងប៉ូលីស     បង្ក្រាបដោយហឹង្សាមកលើ  បាតុករ និង​ព្រះ​​  សង្ស​​​ដែល​ធ្វើបាតុកម្មអហិង្សាទាមទារនូវសិទ្ធិសេរីភាព ។