+01.jpg) |
| ត្រូវបិទផ្លូវ ដើម្បីធ្វើរោងការកូនអ្នកមានប្រាក់មានអំណាចម្នាក់ ទោះបីមានការកកស្ទះយ៉ាងណាក៏មិនខ្វល់ដែរ |
+02.jpg) |
| សន្តិសុខឈរបិទផ្លូវ ដើម្បីហែជំនួនគ្រឿងបណ្តាការកូនអ្នកមាននៅក្រុងបាត់ដំបង |
+03.jpg) |
| តាមផ្លូវឡាអេ ដែលជាផ្លូវឯកទិស បានកកស្ទះទាំងព្រឹកព្រលឹម |
ថ្ងៃទី 19 មករា 2013 | ដោយ: មង្គល
Cambodia Express News
បាត់ដំបង: តាមផ្លូវឡាអេ ដែលជាផ្លូវឯកទិស បានកកស្ទះទាំងព្រឹកព្រលឹម កាលពីព្រឹកថ្ងៃទី១៩ ខែមករា ឆ្នាំ២០១៣ ដោយរថយន្តតូចធំធ្វើចរាចរទៅមក ព្រោះប៉ូលិសក្រុងបាត់ដំបង បង្វែរទិសឲ្យអ្នកធ្វើដំណើរ ទាំងឡាន និងទាំងម៉ូតូ ធ្វើដំណើរទីមក បញ្ច្រាសទិសគ្នា។ មូលហេតុ មកពីប៉ូលិស បិទកំណាត់ផ្លូវលេខបី ជូនអ្នកមាន ធ្វើរោងការកូន ដោយមិនខ្វល់ពីការលំបាក ឬប៉ះពាល់ដល់សិទ្ធិសាធារណៈឡើយ។
ប្រជាពលរដ្ឋនៅក្បែររោងពិធីការកូនរបស់អ្នកមាននោះ បាននិយាយថា កំណាត់ផ្លូវលេខបី ពីផ្សាណាត់ ដល់ផ្លូវកាត់ទទឹងជាប់នឹងវត្តពិភិទ្ធារាម បានបិទមិនឲ្យមានឡានម៉ូតូ ធ្វើដំណើរតាំងពីព្រឹកព្រលឹមមកម្លេះ។ លើផ្លូវនោះ គេធ្វើរោងការហើយ ជាព្រឹកគេលើកជំនួនផង។
កំណាត់ផ្លូវ ដែលបិទ សម្រាប់ធ្វើរោងការនោះ គាត់ឮគេនិយាយតៗគ្នាថា សុំពីអាជ្ញាធរក្រុងបាត់ដំបង និងលោកអធិការប៉ូលិសក្រុងបាត់ដំបង ក្នុងតម្លៃប្រហែលជា ៤លានរៀលឯណោះ មិនគិតពីកម្លាំងសមត្ថកិច្ច ដែលមកឈរយាមកាម ឬហូបចុកទេ។
ពលរដ្ឋម្នាក់ ដែលធ្វើដំណើរតាមដងផ្លូវឡាអេ ដែលកកស្ទះនិយាយថា មានប្រាក់ធ្វើពិធីការកូនប្រុសស្រី និងជុំជួបលេងសប្បាយធំដុំបែបនេះ គួរតែជួលសណ្ឋាគារ ឬកន្លែងស្រឡះ ធ្វើវិញងាយស្រួលជាង ហើយធូរថ្លៃជាងទិញបិទផ្លូវ ពីអ្នកមានអំណាច និងជួលសមត្ថកិច្ចយាមទៀត។ ប៉ុន្តែពួកគេអ្នកមានប្រាក់ ចូលចិត្តធ្វើឲ្យអស្ចារបែបនេះ គឺគ្មាននរណាធ្វើដូចទេ។
ពាក់ព័ន្ធការបិទផ្លូវសាធារណៈ ធ្វើរោងពិធីជប់លៀងនេះ មន្ត្រីថ្នាក់ខេត្តម្នាក់ ដែលចូលនិវត្តន៍ បានរិះគន់ថា វាជាធម្មតាទៅហើយ ដែលអាជ្ញាធរក្រុងបាត់ដំបង និងប៉ូលិសយកផ្លូវធ្វើអាជីវកម្មរកប្រាក់បានយ៉ាងស្រួល ហើយដាក់កម្លាំងជួយសម្រួលចរាចរថែមទៀតបែបនេះ។ ឥឡូវនេះ ស្រាប់តែបិទផ្លូវឡាអេ កកស្ទះឡានម៉ូតូ មានចរាចរទាំងទៅទាំងមក បានដែលធ្វើឲ្យខូចរបៀបរៀបរយ និងបំពានផ្លាកសញ្ញាមិនគោរពច្បាប់ចរាចរ ព្រោះសមត្ថកិច្ចខ្លួនឯង ទៅជួយឈរយាមសម្រួលចរាចរឲ្យថែមទៀត។
អ្នកច្បាប់ម្នាក់ សុំមិនឲ្យបញ្ចេញឈ្មោះ បាននិយាយថា ទង្វើរនេះ គឺរំលោភសិទ្ធិមនុស្សប៉ះពាល់ដល់សាធារណជន។ អាជ្ញាធរសមត្ថកិច្ច គួរមានផែនការបែបណា សម្រាប់ផ្លូវសាធារណៈ ឬមួយឃើញតែផលប្រយោជន៍ផ្ទាល់ខ្លួន មិនរវល់ដល់ការប៉ះពាល់សិទ្ធិអ្នកដទៃ។ ជាធម្មតាតែងតែឃើញអ្នកមានប្រាក់ ធ្វើរោងបុណ្យ រោងការ បិទផ្លូវ នៅក្នុងក្រុងបាត់ដំបង ឬធ្វើម្ហូបលើសួនច្បារ ក៏មិនដែលឃើញមានអាជ្ញាធរ ឬសមត្ថកិច្ចទប់ស្កាត់ ហាក់ដូចត្រូវគ្នាទាំងអស់តែម្ដង៕
2 comments:
THat is the idot and dumb stupid of rich people in Cambodia.
They are not rich,they are thieves stole from the poor to enrich themselves,with connection of its clans Cpp Hun sen.You called that RICH!? I called them "chor=thieves" All these robberhood were not rich by god ways.
Post a Comment