លុបចោលការចោទប្រកាន់លើលោក សម រង្ស៊ី និងត្រូវដោះលែងលោក ម៉ម សូណង់ដូ...

.............................
21/02/2013 By. Chham chhany

លោក សម រង្ស៊ី ប្រធានគណបក្សសង្គ្រោះជាតិ

លោក ម៉ម សូណង់ដូ ប្រធានវិទ្យុសំបុកឃ្មំ

លោក សម រង្ស៊ី ប្រធានគណបក្ស សម រង្ស៊ី និងជាតំណាងរាស្រ្តមណ្ឌលកំពង់ចាម ដែលបច្ចុប្បន្នជា ប្រធានគណបក្សសង្គ្រោះជាតិ កំពុងនិរទេសខ្លួនមកក្រៅប្រទេស បន្ទាប់ពីតុលាការក្នុងប្រទេស កម្ពុជាចោទប្រកាន់ថា លោកបានប្រព្រិត្តនូវបទឧក្រិដ្ឋ ក្នុងការដកបង្គោលតម្រុយព្រំដែន កម្ពុជា វៀតណាម នៅខេត្តស្វាយរៀង ព្រមទាំងចោទ ប្រកាន់ជាច្រើនករណីទៀត ហើយ​បាន​កាត់ទោស​ឲ្យលោក​ជាប់ពន្ធនាគារជាង១០ឆ្នាំ  ការចោទប្រកាន់និងកាត់ទោសនេះ ត្រូវបានមជ្ឃដ្ឋានជាតិ និងអន្តរជាតិហៅថាជារឿង នយោបាយ  ។

ប្រតិកម្មចំពោះការលើកឡើងរបស់មជ្ឃដ្ឋានជាតិ និងអន្តរជាតិ រដ្ឋាភិបាលលោក ហ៊ុន សែន តែងតែ បដិសេធន៍ ហើយអះអាងថាគឺជាការពង្រឹងនិតិរដ្ឋក្នុងប្រទេសកម្ពុជា ឬក៏ថា រដ្ឋាភិបាលមិនអាចលួក ដៃចូលក្នុងការសម្រេចរបស់តុលាការជាដើម ។

ករណីលោក សម រង្ស៊ី  ត្រូវបានអ្នកតាមដាន​ស្ថានការ នយោបាយលើកជាសំនួរថា បើលោក សម រង្ស៊ី  ដក បង្គោលតម្រុយព្រំដែនពិតជាខុស ហើយត្រូវតែមានទោស មែននោះ ចុះហេតុអ្វីរដ្ឋាភិ​បាលនិងតុលាការ ក្នុងប្រទេស កម្ពុជា មិនធ្វើការ​ចោទប្រកាន់ និងកាត់ទោស ភាគីវៀត ណាម ដែលបានដកដង្គោល  តម្រុយព្រំដែនចោល​អស់​ជា ច្រើន បន្ទាប់ពីលោក សម រង្ស៊ី ដកបានប៉ុន្មាន​ថ្ងៃនោះផង ? 

ចំពោះលោក ម៉ម សូណង់ដូ វិញ  រដ្ឋាភិបាល និងតុលាការក្នុងប្រទេសកម្ពុជា បានចោទប្រកាន់ថា លោកបានកង្កើតកម្លាំងអបគមចង់ផ្តួលរំលំរដ្ឋាភិបាល ។ ការចោទប្រកាន់ នេះតុលាការសំអាងត្រឹម តែថាកូនចៅក្រោមឱវាទរបស់លោក ម៉ម សូណង់ដូ ជាអ្នកចង់ផ្តួលរំលំរដ្ឋាភិបាល ដូច្នេះលោក ម៉ម សូណង់ដូ ត្រូវតែមានទោស ។

តាមការកត់សម្គាល់ រឿងកូនចៅក្រោមឱវាទអនុវត្តន៍ការងារខុសពីគោលការណ៍ មិនមែន មានតែ សមាគមលោក ម៉ម សូណង់ដូ មួយទេ គឺមានច្រើនណាស់ ហើយជាដំណោះ ស្រាយគេមិនដែល ឃើញរបៀបកូនចៅធ្វើខុសចាប់មេដាក់គុក ដូចករណីលោក ម៉ម សូណង់ដូ នេះឡើយ ។

ផ្ទុយទៅវិញ ប្រសិនបើរដ្ឋាភិបាល និងតុលាការ ត្រូវតែអនុវត្តន៍នូវរបៀបដែល មិនគិត ពីច្បាប់ ហើយត្រូវតែធ្វើឲ្យបានដាច់ខាតគឺអ្នកក្រោមឱវាទធ្វើខុសចាប់មេដឹកនាំដាក់ គុកនោះ  គេគួរតែចា​ប់ ខ្លួនលោក ហ៊ុន សែន ហេង សំរិន ជា ស៊ីម ដាក់គុកតាំងពីយូរណាស់មកហើយ ព្រោះមន្ត្រីក្រោម ឱវាទរបស់លោក ​ហ៊ុន សែន ហេង សំរិន ជា ស៊ីម  ច្រើនណាស់ដែលកំពុងប្រព្រិត្តបំពានច្បាប់ ហើយក៏មានអ្នកមួយចំនួន កំពុងតែ រង់ចាំលោក លោក ​ហ៊ុន សែន ហេង សំរិន ជា ស៊ីម នៅក្នុងពន្ធនាគារសព្វ​ថ្ងៃ៕