ខៀវ កាញារីទ្ធ(នាយវីស្គី) ៖ គណបក្ស កាន់អំណាច ត្រូវការ គណបក្សប្រឆាំង ជានិច្ច សម្រាប់ធ្វើជា កញ្ចក់ឆ្លុះបញ្ចាំង (sic! សិច!)

Tuesday, 19 February 2013 
ដោយ ៖ ដើមអម្ពិល(DAP)

ភ្នំពេញៈអ្នកនាំពាក្យរាជរដ្ឋាភិបាលកម្ពុជានិងជារដ្ឋមន្រ្តីក្រសួងព័ត៌មានលោកខៀវកាញារីទ្ធបានថ្លែងនៅព្រឹកថ្ងៃទី១៩ ខែកុម្ភៈ ឆ្នាំ២០១៣ថា រាជរដ្ឋាភិបាល គាំទ្រឲ្យមានបក្សប្រឆាំង ដើម្បីធ្វើការប្រកួតប្រជែងគ្នា ជាអ្វីដែលលោកចាត់ ទុកថាជា កញ្ចក់សម្រាប់ឆ្លុះបញ្ចាំង អំពីសកម្មភាពរាជរដ្ឋាភិបាលផងដែរ។

លោក ខៀវ កាញារីទ្ធ បានមានប្រសាសន៍ប្រាប់ ក្រុមអ្នកសារព័ត៌មាន បន្ទាប់ពីបញ្ចប់សន្និសីទសារព័ត៌មានមួយ ដើម្បីពង្រឹងក្រមសីលធម៌របស់ អ្នកសារព័ត៌មាន នៅទីស្តីការក្រសួងថា «យើងទទូលស្គាល់តួនាទី របស់គណបក្សប្រឆាំង ប្រសិនបើពុំមានបក្សប្រឆាំងទេគណបក្សកាន់អំណាចនឹងជិះសេះលែងដៃ យើងអាច និយាយគ្នាបានតើ មិនចាំបាច់ប្រើពាក្យ រហូតដល់ចោរក្បត់ជាតិលក់ទឹកដី ចោរលួចជាតិអី វាអាក្រក់មើលណាស់»។

 ជាមួយគ្នានោះដែរលោក ខៀវ ការញារីទ្ធ ក៏បានបដិសេដចំពោះអ្នកបកស្រាយមួយ ចំនួនដែលតែង តែចោទប្រកាន់ រាជរដ្ឋាភិបាល ថាមិនទទូល ឬក៏ចាប់ដៃជាមួយ គណបក្សប្រឆាំង ក៏ប៉ុន្តែផ្ទុយទៅវិញទេ ដែល គណបក្ស ប្រឆាំង បានបដិសេធ ហើយគណបក្សប្រឆាំង បែរជា ជេរប្រមាណ គណបក្ស កាន់អំណាច ថា ជាក្រុមក្បត់ជាតិ និង លក់ក្បាល ឲ្យគេ ជាដើមនោះ។

 លោក ខៀវ កាញារីទ្ធ បានបន្តទៀតថា «គណបក្សប្រឆាំងចោទមន្រ្តីរបស់គណបក្សប្រជាជនជាជនក្បត់ជាតិ ជាចោរ លួចជាតិ។ អញ្ចឹងចេះ មកចង់ចាប់ ដៃជាមួយ ធ្វើអីបើពួកអាហ្នឹងវាក្បត់ជាតិ ហើយ កុំចាប់ មានតែចង់ក្បត់ ជាតិ ដែរ... ហើយថា គេមិន អាចចាប់ដៃ បានបើជេរ គេរហូត អីចឹងអ្នកណា អាចចាប់កើត»។

បើទោះបីជាលោកខៀវ កាញារីទ្ធមិនបានបញ្ចេញឈ្មោះថាគណបក្សប្រឆាំងនោះថា

ជាអ្នកណាក៏ដោយក៏គេអាចដឹងថាលោកសំដៅទៅលើលោកសម រង្ស៊ីដែលបច្ចុប្បន្នកំពុង

គេចខ្លួន ពីអំណាចយុត្ថាធិការកម្ពុជា ក្នុងករណីរឿងដកតម្រុយបង្គោល ព្រំដែនកម្ពុជា-វៀតណាម កាលពីកំឡុងខែតុលា ឆ្នាំ២០០៩កន្លងទៅ។

លោក សម រង្ស៊ី ត្រូវបានតុលាការក្រុងភ្នំពេញកាត់ទោស ឲ្យជាប់ពន្ធធនាគារចំនួន១២ឆ្នាំ ហើយបន្ថយមកនៅត្រឹមតែ១០ឆ្នាំវិញ និងពិន័យជាប្រាក់ជិត មួយរយលាន រៀល ពីបទដកតម្រុយបង្គោលព្រំដែនលេខ១៨៥ នៅស្រុកចន្ទ្រា ខេត្តស្វាយរៀង និងចោទប្រកាន់ពីបទខ្លែងបន្លំផែនទី។

តែយ៉ាងណាក៏ដោយ មន្រ្តីគណបក្សប្រឆាំងចាត់ទុកថា ករណីលោកសម រង្ស៊ីគឺជាករណីនយោបាយសុទ្ធសាធ ហើយការបិទផ្លូវមិនឲ្យលោក សម រង្ស៊ី វិលមកស្រុក វិញ ដោយខ្លាចប្រជាប្រិយរបស់លោក សម រង្ស៊ី។

ជាមួយនឹងការលើកឡើងខាងលើនេះផងដែរ លោក ខៀវ កាញារីទ្ធ ក៏បានបញ្ជាក់អំពីគោលជំហរ របស់គណបក្សប្រជាជនកម្ពុជាថា គណបក្សហ៊្វុនស៊ិនប៉ិច ជាដៃ គូរបស់គណបក្សកាន់អំណាច របស់លោកដដែល ក្នុងជួររាជរដ្ឋាភិបាលតែងតែ មានមន្រ្តីគណបក្សហ៊្វុនស៊ិនប៉ិច ជាប់រហូតតាំងពីថ្នាក់ស្រុក ថ្នាក់ខេត្ត ហើយគណបក្ស ប្រជាជន តែងតែបន់ឲ្យគណបក្សដៃគូមូយនេះ មានសំឡេងកាន់តែច្រើនផងដែរ៕