http://www.youtube.com/watch?v=B9khC0h0Rn4&feature=youtu.be
ដោយ សួន សុផលមុនី្ន
2013-03-08 RFA
ពួកគាត់ អះអាងថា ការរៃអង្គាសលុយនោះ
បានធ្វើឲ្យអ្នកភូមិក្រីក្រជួបការលំបាក
ហើយអ្នកខ្លះបានរត់ទៅខ្ចីលុយគេ ដើម្បីយកទៅប្រគល់ឲ្យមេភូមិ។
អ្នកភូមិអូរស្ងួត ឃុំតាសាញ ស្រុកសំឡូត ខេត្តបាត់ដំបង
កំពុងរអ៊ូរទាំចំពោះការកំណត់របស់អាជ្ញាធរមូលដ្ឋាន
ដែលតម្រូវឲ្យពួកគាត់រៃអង្គាសលុយគ្នា
ដើម្បីយកទៅធ្វើម្ហូបអាហារជូនក្រុមនិស្សិតស្ម័គ្រចិត្តរបស់លោក
នាយករដ្ឋមន្ត្រី ហ៊ុន សែន និងមន្ត្រីជំនាញពាក់ព័ន្ធ
ដែលកំពុងចុះទៅវាស់វែងដីធ្លីជូនប្រជាពលរដ្ឋនៅតំបន់នោះ។
ប្រជាពលរដ្ឋឈ្មោះ ហេង សុមាលី រស់នៅភូមិអូរស្ងួត និយាយថា
អាជ្ញាធរភូមិឃុំបានយកថវិកាពីប្រជាពលរដ្ឋក្នុងមួយគ្រួសារ
១៥.០០០រៀល ដោយពួកគាត់ប្រាប់ថា
លុយនោះគឺយកទៅផ្គត់ផ្គង់ស្បៀងអាហារជូនយុវជនស្ម័គ្រចិត្តចុះ
វាស់វែងដីធ្លី។ បញ្ហានេះ ពួកគាត់យល់ថា
ជាការអនុវត្តផ្ទុយពីគោលការណ៍ណែនាំរបស់នាយករដ្ឋមន្ត្រី៖ «ប៉ុន្តែ
លោក ហ៊ុន សែន ហ្នឹង
មិនដែលឲ្យយុវជនរបស់គាត់ហ្នឹងដាច់ស្បៀងអាហារទេ
គឺឃើញអំណោយមកទាំងឡាន មិនឲ្យគាត់ខ្វះហូបចុកទេ។
អ្នកដើរយកលុយហ្នឹង គឺអាជ្ញាធរភូមិឃុំយកគ្រប់គ្រួសារ។
គាត់និយាយទៀតថា បើគ្រួសារណាមិនឲ្យ គឺអត់វាស់ដីឲ្យទេ
ហើយឃើញប្រជាពលរដ្ឋខ្លះគាត់ស្ទើរតែគ្មានអង្ករញ៉ាំផង
ហើយយកអ៊ីចឹងទៅ គាត់ទៅខ្ចីគេលិច ខ្ចីគេកើត យកទៅឲ្យ»។
អ្នកភូមិម្នាក់ទៀតឈ្មោះ ប៉ាក ខូយ អាយុ ៣៩ឆ្នាំ បន្ថែមថា
អាជ្ញាធរភូមិបានចុះទៅរៃអង្គាសលុយពីគ្រួសារគាត់
ដោយពួកគេទារលុយចំនួន ២ម៉ឺនរៀល ប៉ុន្តែដោយសារគ្រួសារគាត់អត់លុយ
បានប្រគល់ឲ្យតែ ១ម៉ឺន ៥ពាន់រៀល។ លុយនោះ
គេយកទៅទិញម្ហូបឲ្យក្រុមអ្នកចុះទៅវាស់វែងដី៖ «ខ្ញុំឆ្ងល់ថា
គ្រួសារគេផ្សេងជួនកាល ៥.០០០រៀលអ៊ីចឹងទៅ គេមុនៗយក ៥.០០០រៀល
ដល់សារក្រោយយក ២ម៉ឺន ១៥.០០០រៀល ហើយខ្ញុំសួរបញ្ជាក់ទៅ
គេថាមកពីយើងដីច្រើន ខ្ញុំថាដីច្រើនដីតិចអី
ខ្ញុំធ្វើតែពីរប្លង់ ចែកកូនមួយប្លង់ទៅ
ខ្ញុំទុកខ្លួនឯងមួយប្លង់។ អ៊ីចឹង ខ្ញុំឆ្ងល់សួរទៅគេ
គេថាធ្វើពីរប្លង់វាអស់ពីរម៉ឺនរៀលអ៊ីចឹងហើយ
ខ្លះគេធ្វើបីទៅបួនប្រាំប្លង់ គេអស់ ៥.០០០រៀល»។
ក្រុមអ្នកភូមិ អះអាងថា
និស្សិតដែលគាត់ចុះទៅវាស់វែងដីធ្លីជូនប្រជាពលរដ្ឋនោះ
គឺលោកនាយករដ្ឋមន្ត្រី ហ៊ុន សែន
បានផ្គត់ផ្គង់ស្បៀងអាហារគ្រប់គ្រាន់ទាំងអស់
មិនឲ្យក្រុមនិស្សិតខ្វះខាតនោះទេ។ ម្យ៉ាងវិញ
ហាមមិនឲ្យទៅរៃអង្គាសលុយពីប្រជាពលរដ្ឋនោះដែរ
ប៉ុន្តែក្រុមអាជ្ញាធរមូលដ្ឋានបានអនុវត្តផ្ទុយពីគោលការណ៍ណែនាំ៖ «តាំង
ពីដូនសេះ តាសាញ បែរជារៃអង្គាសលុយអ៊ីចឹងទៅវិញ
ខ្ញុំមានការងឿងឆ្ងល់ខ្លាំងណាស់។ អ៊ីចឹងបានថា សុំឲ្យអាស៊ីសេរី
ហ្នឹង ផ្សព្វផ្សាយបន្តិច ដើម្បីឲ្យដល់នាយករដ្ឋមន្ត្រី ហ៊ុន សែន
ហ្នឹងដោះស្រាយកន្លែងហ្នឹងឲ្យបាន។
តាមគោលការណ៍របស់សម្ដេចនាយករដ្ឋមន្ត្រី គាត់ថាធ្វើមិនឲ្យពុករលួយ
តែបែរជានៅតែអ៊ីចឹងដដែលនេះ»។
មេឃុំតាសាញ លោក ជន ផេង បញ្ជាក់ថា
អាជ្ញាធរមូលដ្ឋានរៃអង្គាសលុយនោះមានពិតប្រាកដមែន។ លោកថា
នេះគោលការណ៍របស់អាជ្ញាធរដែលចង់ឲ្យអ្នកភូមិមានភាពជិតស្និទ្ធ
ជាមួយក្រុមនិស្សិត។
អាជ្ញាធរមូលដ្ឋានសុំប្រជាពលរដ្ឋឲ្យជួយទាំងថវិកា
និងការធ្វើម្ហូបអាហារផ្ដល់ឲ្យនិស្សិត
រួមទាំងក្រុមការងារចម្រុះមានគ្នាជាង ៣០នាក់
ដែលកំពុងស្នាក់នៅក្នុងសាលាឃុំតាសាញ។ លោកបន្តថា
ក្រុមនិស្សិតចុះទៅវាស់វែងដីជូនប្រជាពលរដ្ឋនោះ
គឺពួកគាត់ពុំបានសំណូមពរទេ
ហើយការធ្វើដូច្នេះក៏ពុំមែនជាបទបញ្ជារបស់លោកនាយករដ្ឋមន្ត្រី
នោះទេ ប៉ុន្តែករណីនេះ អាជ្ញាធរមូលដ្ឋានបានប្រជុំឯកភាពគ្នា។
លោក ជន ផេង៖ «ខ្ញុំគិតថា មកដល់មូលដ្ឋានហើយ
ខ្ញុំក៏ប្រជុំមេឃុំពិគ្រោះគ្នា
ហើយប្រជុំប្រជាពលរដ្ឋគ្រប់ភូមិទាំងអស់ យើងទៅវាស់ដល់ក្រុមណា
គឺក្រុមហ្នឹងទទួលបន្ទុកធ្វើបាយទទួលគាត់
អត់មានត្រឡប់មកកន្លែងទេ
អ៊ីចឹងយើងចង់ឲ្យប្រជាពលរដ្ឋហ្នឹងស្គាល់ថា ការចង់បានរបស់យើង
ឲ្យចេះរាក់ទាក់សាមគ្គីគ្នាទៅវិញទៅមកនេះ
ជាទិសដៅគឺខ្ញុំមិនបដិសេធទេ នេះជាគម្រោងការរបស់ភូមិ ហើយនិងឃុំ
បានពិគ្រោះគ្នា មិនមែនជារឿងនិស្សិតដែលគាត់មានគម្រោងទេ
ជារឿងរបស់មូលដ្ឋាន ដើម្បីឲ្យប្រជាពលរដ្ឋមានភាពជិតស្និទ្ធនឹងគ្នា»។
លោកបន្តថា
រហូតមកដល់ពេលនេះក្រុមនិស្សិតបានវាស់វែងដីចប់សព្វគ្រប់បាន
ចំនួនបីភូមិ នៅសល់បួនភូមិទៀត ក្នុងឃុំតាសាញ
នៅពុំទាន់បានចុះវាស់វែងហើយ។
ទាក់ទងការរៃអង្គាសលុយពីអ្នកភូមិនេះ
មន្ត្រីអង្គការសិទ្ធិមនុស្សលីកាដូ (Licadho) លោក ហេង សាយហុង យល់ថា
អាជ្ញាធរមូលដ្ឋានកំពុងអនុវត្តប្រាសចាកពីគោលនយោបាយចាស់សកម្មភាព
ថ្មីរបស់លោកនាយករដ្ឋមន្ត្រី ហ៊ុន សែន។
ការចាប់បង្ខំឲ្យប្រជាពលរដ្ឋបង់លុយ ហើយអ្នកមិនបង់លុយ
គេមិនវាស់ដីឲ្យនោះ គឺជារឿងមិនត្រឹមត្រូវ៖ «ក្នុងនាមជា
អាជ្ញាធរមូលដ្ឋាន មិនបម្រើផលប្រយោជន៍ប្រជាពលរដ្ឋទេ
សុទ្ធតែជាមនុស្សដុតឲ្យខ្លោចរូតឲ្យឆៅ ព្រោះថា
បើយើងមិនជួយចូកជួយចែវ កុំយកជើងរាទឹក
ពីព្រោះសកម្មភាពរបស់សម្ដេចមានការល្បីខ្ទរខ្ទារសម្បើមណាស់គ្រប់
កន្លែង
ផ្ដល់ជូនឲ្យក្រុមនិស្សិតចុះវាស់វែងផ្ដល់កម្មសិទ្ធិឲ្យ
ប្រជារាស្ត្រទូទាំងប្រទេស
ហើយអត់មានកម្មវិធីអីឲ្យទៅរៃអង្គាសពីប្រជាពលរដ្ឋ
ជំរិតទារប្រាក់ពីប្រជាពលរដ្ឋដើម្បីយកលុយកាក់ហ្នឹងដាំបាយធ្វើ
ម្ហូបឲ្យនិស្សិតទេ»។
ក្រុមមន្ត្រីអង្គការសង្គមស៊ីវិល កត់សម្គាល់ថា
ករណីរៃអង្គាសលុយពីអ្នកភូមិដើម្បីយកទៅជួយឧបត្ថម្ភដល់ក្រុម
ការងារចុះវាស់វែងដីធ្លី
ជាពិសេសសម្រាប់ក្រុមនិស្សិតស្ម័គ្រចិត្តដែលរៀបចំឡើងដោយលោក ហ៊ុន
សែន នេះ បានកើតមានស្ទើរគ្រប់ទីកន្លែងនៅភូមិ ឃុំ ស្រុក
ក្នុងខេត្តនានាទូទាំងប្រទេសកម្ពុជា។
អាជ្ញាធរមូលដ្ឋាន ត្រូវបានគេមើលឃើញថា ជាអ្នកផ្ដួចផ្ដើមគំនិត
ហើយតម្រូវប្រជាពលរដ្ឋដែលមានឈ្មោះក្នុងការទទួលបានដីសម្បទានសង្គម
កិច្ចនោះ រៃអង្គាសលុយគ្នាជាហូរហែ។ បញ្ហានេះ
ពួកគេចាត់ទុកថាជាការអនុវត្តផ្ទុយពីសេចក្ដីណែនាំរបស់លោក ហ៊ុន
សែន ហើយបានបង្កការលំបាកដល់អ្នកភូមិក្រីក្រថែមទៀត៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
6 comments:
នេះជាគំនិតរបស់ពួកមេឃុំ មេភូមិ ចង់ផ្គាប់ចិត្ត
ហ៊ុន សែន ក្រែងគេរក្សាឈ្មោះឲ្យបន្តដំណែង
នៅខែឧសភាខាងមុខ ព្រោះដំណែងអស់នោះគឺ
ហ៊ុន សែនជាអ្នកសម្រេច មិនមែនដូចពាក្យពោល
របស់មេភូមិ មេឃុំនោះទេ របៀបហុតឈាមអង្គាម
ឆ្អឹងរបស់ពួកអស់នោះមិនបញ្ជាក់ថាស្រឡាញ់រាស្ត្រ
ខ្លួនឯងតាមគោលការលទ្ធិប្រជាធិបតេយ្យនោះ
ឡើយ ជាការចង់រក្សាមុខដំណែងពួកគេប៉ុណ្ណោះ។
យកលេសថាទំនាក់ទំនងល្អជាមួយនិសិ្សត តែការពិតជាទង្វើបិទបាំងភាពពុករលួយទេ អ្នកដែលគេបញ្ជូនមកធ្វើការ គេមានប្រាក់ខែគេហើយ បើរាស្ត្រតែអង្ករច្រកឆ្នាំងមិនបានផង នៅតែរឹតកគ្នាថែមទៀត សុទ្ធអ្នកធ្វើការអែបអបនឹអត់ភ្នែកមែន៕
4:53កែកំហុសខ្លះ យកលេសថាទំនាក់ទំនងល្អជាមួយនិសិ្សត តែការពិតជាទង្វើបិទបាំងភាពពុករលួយទេ អ្នកដែលគេបញ្ជូនមកធ្វើការ គេមានប្រាក់ខែគេហើយ បើរាស្ត្ររកតែអង្ករច្រកឆ្នាំងមិនបានផង នៅតែរឹតកគ្នាថែមទៀត សុទ្ធអ្នកធ្វើការអែបអបនឹងអត់ភ្នែកមែន៕
change change and change and it must be now or never. NATO is comming to town very soon. Say goodbye to the Hun Dynasty. This dynasty has blood in their hands.
ក្ដៅក្រហាយ ចោរយួនវាប្លន់ប្រជាជនខ្មែរគ្មាន
ថ្ងៃណាឈប់ទេបើមិនប្លន់វាលួច បើមិនលួចវាប្លន់!
ក្ដៅក្រហាយណាស់ មិនយូរវាគង់រលាយរលត់
ហើយខ្មែរយើងនឹងបានសុខក្សេមក្សាន្ត មានសេចក្ដីសាមគ្គីពិតស្អិតរមួតដោយបាន
ឯករាជ្យពិត យើងជាម្ចាស់ស្រុក មានអនាគត
ភ្ឡឺស្វាង!
No job to go to. So AH HUN SEN Vietcong slave send these Cambodian students on vacation to prevent them from protesting...ahahhah
It is kind of nice to go on vacation when you no job!
Post a Comment