KI Media: លោកកឹមសុខាប្រដូចលោកហ៊ុនសែនទៅនឹង«ធ្យូង»ដែលធ្វើឲ្យប្រឡាក់និងរលាក

Monday, May 13, 2013

លោកកឹមសុខាប្រដូចលោកហ៊ុនសែនទៅនឹង«ធ្យូង»ដែលធ្វើឲ្យប្រឡាក់និងរលាក

Monday, 13 May 2013
មាស សុខជា
ភ្នំពេញប៉ុស្តិ៍

ភ្នំពេញៈ លោក កឹម សុខា ប្រធានស្តីទីគណបក្សសង្គ្រោះជាតិ បានចាត់ទុកការបន្តវាយប្រហាររបស់លោកនាយករដ្ឋមន្ត្រីហ៊ុន សែន មកលើគណបក្សប្រឆាំងរបស់លោកថាជាយុទ្ធសាស្ត្រលាបពណ៌ដដែលៗ ដើម្បីបំបែកបំបាក់គណបក្សប្រឆាំងនិងបានប្រដូចលោកហ៊ុន សែនទៅនឹង«ធ្យូង» ថា នៅពេលត្រជាក់ធ្វើឲ្យប្រឡាក់ ហើយនៅពេលដែលក្តៅ ធ្វើឲ្យរលាក។

ដោយអបអរសាទរគណបក្សប្រឆាំង ដែលបានសម្រេចចិត្តចុះឈ្មោះចូលរួមក្នុងការបោះឆ្នោត នាខែកក្កដា ខាងមុខ លោក ហ៊ុន សែន បានឆ្លៀតយកពេលវេលា ធ្វើការដៀមដាមដាក់មេដឹកនាំគណបក្សប្រឆាំងនៅក្នុងពិធីមួយ នៅខេត្តកំពង់ឆ្នាំង កាលពីថ្ងៃសៅរ៍ថា ជាសិស្សរបស់លោក និងជាអ្នកនយោបាយមិនឆ្លាត។ បើទោះបីជាលោកហ៊ុន សែន ថ្លែងមិនចំឈ្មោះមេដឹកនាំគណបក្សប្រឆាំងក៏ដោយក៏គ្រប់គ្នាដឹងថា សំដៅទៅលើលោក សម រង្ស៊ី និងលោក កឹម សុខា ប្រធាន និងអនុប្រធានគណបក្សសង្គ្រោះជាតិ។ លោក នាយករដ្ឋមន្ត្រីហ៊ុន សែន បានបញ្ជាក់ថា៖ «ពីមុន គេគំរាមមិនចូលរួមក្នុងការបោះឆ្នោត។ ឥឡូវនេះ បញ្ជាក់ច្បាស់ថា គាត់ចូលរួមសូមអបអរសាទរ»។ ជាមួយនឹងការអបអរនេះ លោក ហ៊ុន សែន បានឆ្លៀតឱកាសវាយប្រហារលោក កឹម សុខា ដោយប្រើពាក្យ «ប្អូន» ដែលលោកថ្លែងថា លោកឆ្លើយតបនឹងលោក កឹម សុខា ដែលនិយាយថា គណបក្សប្រជាជនកម្ពុជាជ្រើសរើសរូបលោក គឺហ៊ុន សែនជាបេក្ខជននាយករដ្ឋមន្រ្តី ដោយសារគ្មានធនធានមនុស្ស និងថា លោក ហ៊ុន សែន តែងនិយាយខុសក្នុងតួនាទីរបស់ខ្លួនជានាយករដ្ឋមន្រ្តី។

លោក ហ៊ុន សែន បានមានប្រសាសន៍ថា៖ «ប្អូនកំពុងរកចំណុចខ្សោយរបស់គណបក្សកាន់អំណាច នៃរាជរដ្ឋាភិបាលដើម្បីវាយប្រហារដូច្នេះប្រសិនបើ ហ៊ុន សែន និយាយខុសហេតុអ្វីលោកប្អូនកុំឲ្យនិយាយទៀត? សូមប្រាប់លោកប្អូនការធ្វើនយោបាយកុំល្ងង់ខ្លៅពេក! ត្រូវឆ្លាតវៃ! ធ្លាប់សិក្សាពីបងដែរ! បើហ៊ុន សែននិយាយខុសទុកឲ្យនិយាយទៅ! .... ព្រោះកំហុសរបស់ហ៊ុន សែនជាការចំណេញសំឡេងឆ្នោត របស់គណបក្សប្អូន»។

ម្យ៉ាងទៀត លោក ហ៊ុន សែន ក៏បានលើកឡើងផងដែរដោយអះអាងថា គណបក្សសង្គ្រោះជាតិមានបញ្ហាផ្ទៃក្នុងក្នុងការដាក់ឈ្មោះបេក្ខជនក្នុងខេត្តមួយចំនួន សម្រាប់ការបោះឆ្នោតថ្ងៃទី២៨ ខែកក្កដា និងថា លោក កឹម សុខា មិនអាចគ្រប់គ្រងគណបក្សប្រឆាំងដែលបង្កើតថ្មីនៅពេលបញ្ហាកំពុងកើតឡើងបែបនេះបានទេ។

ទោះជាយ៉ាងណា លោក កឹម សុខា គ្មានការបារម្ភ ចំពោះការលើកឡើងរបស់លោក ហ៊ុន សែន នេះឡើយដោយបានហៅការថ្លែងរបស់លោកហ៊ុន សែនថា

ជាល្បែងដដែលៗដើម្បីបំបែកបំបាក់គណបក្សប្រឆាំងបំបែកបំបាក់ខ្មែរអ្នកស្នេហាជាតិមិនបំរើបរទេសនិងថា កលល្បិចរបស់លោក ហ៊ុន សែន បែបនេះ ត្រូវបានប្រជាពលរដ្នខ្មែរបានដឹងច្បាស់អស់ហើយ។ លោក កឹម សុខា បានប្រៀបធៀបលោកហ៊ុន សែនយ៉ាងដូច្នេះថា៖«គាត់ដូចធ្យូង។ បើគាត់ត្រជាក់ធ្វើឲ្យយើងប្រឡាក់ កង្វក់។ ពេលក្តៅ ធ្វើឲ្យយើងរលាក។ បក្ខពួកខ្មែរក្រហមគឺដូចធ្យូង។ ពេលធ្វើត្រជាក់ជាមួយយើងវាធ្វើឲ្យយើងខូចឈ្មោះ ដូច្នេះ អ្វីដែលគាត់និយាយវាជាកលល្បិចរបស់បក្ខពួកខ្មែរក្រហម។ ខ្មែរក្រហមចេញកលល្បិចនេះពេលខ្មែរក្រហមជាប់គាំង...ពេលគាត់ (ហ៊ុន សែន) ឃើញថា គាត់ចាញ់»។ លោកកឹម សុខា បានគូសបញ្ជាក់ទៀតថា៖«នោះជាមូលហេតុដែលគាត់ (ហ៊ុន សែន) ប្រើកលល្បិចចាស់មកលាបពណ៌ខ្ញុំពីព្រោះទិសដៅខ្ញុំគឺផ្លាស់ប្តូរនាយករដ្ឋមន្រ្តី ផ្លាស់ប្តូរមេដឹកនាំខ្មែរ»។

ទាក់ទងនឹងការចោទប្រកាន់របស់លោក ហ៊ុន សែន ដែលថា លោក កឹម សុខា ល្ងង់ក្នុងការធ្វើនយោបាយ លោក សុខា បានចំអកដាក់វិញថា លោក ហ៊ុន សែន ខ្លាំងខាងធ្វើនយោបាយ ប៉ុន្តែខ្លាំងខាងប្រើកលល្បិចអាក្រក់ដើម្បីយកឈ្នះគូប្រជែង។ លោក កឹម សុខា បានលើកឡើងថា៖ «ខ្ញុំល្ងង់ក្នុងការប្រើកលល្បិចអាក្រក់ តែខ្ញុំធ្វើត្រឹមត្រូវតាមច្បាប់។ បើលោក ហ៊ុន សែន ធ្វើត្រឹមត្រូវតាមច្បាប់មិនអាចឈ្នះខ្ញុំទេ។ អ្នកនយោបាយពូកែអី បានតែខាងដើរបំបែកបំបាក់អ្នកដទៃទៀត មិនហ៊ានមាន គ.ជ.ប ឯករាជ្យ មិនហ៊ានឲ្យគេប្រើទូរទស្សន៍ដូចខ្លួនធ្វើនយោបាយគ្មានសមធម៌។ នេះមានន័យថា អ្នកនយោបាយគ្មានតម្លៃ»។ ចំពោះបញ្ហាផ្ទៃក្នុងរបស់គណបក្សសង្គ្រោះជាតិ លោក កឹម សុខា បានប្រាប់លោក ហ៊ុន សែន ថា សូមលោកនាយករដ្ឋមន្រ្តីត្រូវយកតួនាទីរបស់ខ្លួនជានាយករដ្ឋមន្រ្តីមកគិតអំពីទុក្ខលំបាករបស់ប្រជាជនការចាប់យកដីធ្លី និងការបម្រើប្រជាជនឲ្យបានត្រឹមត្រូវជាជាងគិតពីបញ្ហាផ្ទៃក្នុងរបស់គណបក្សសង្គ្រោះជាតិ ដែលត្រូវទុកឲ្យគណបក្សសង្គ្រោះជាតិរៀបចំកិច្ចការរបស់ខ្លួន។

ទាក់ទងនឹងការមិនដាក់ឈ្មោះលោក សម រង្ស៊ី ប្រធានគណបក្សសង្គ្រោះជាតិទៅ គ.ជ.បដើម្បីឈរឈ្មោះជាបេក្ខជនតំណាងរាស្រ្ត លោក យ៉ែម បុញ្ញឫទិ្ធ បានបញ្ជាក់ថា គណបក្សនេះបានសម្រេចមិនដាក់ឈ្មោះ លោក សម រង្ស៊ី ទៅ គ.ជ.ប សម្រាប់ការបោះឆ្នោតនៅខែកក្កដា ខាងមុខព្រោះឈ្មោះរបស់គាត់ត្រូវបានលុបចេញពីឃុំសង្កាត់ហើយគណបក្សមិនអាចរកលិខិតបញ្ជាក់ពីឃុំសង្កាត់ដើម្បីផ្ញើទៅគ.ជ.បបានទេ។ លោកបន្តថា៖ «ទោះជាយ៉ាងណាយើងនៅតែរក្សាឈ្មោះគាត់ជាបេក្ខជននាយករដ្ឋមន្រ្តីដដែល។ប្រសិនបើការបោះឆ្នោតដោយត្រឹមត្រូវយើងមុខជាឈ្នះហើយអ្វីៗនឹងប្រែប្រួលគឺយើងនឹងធ្វើវិសោធនកម្មដើម្បីឲ្យគាត់ធ្វើជានាយករដ្ឋមន្រ្តី»៕

10 comments:

Anonymous said...: យើងឃើញពន្លឺភ្លើងទៀន កាន់តែច្បាស់ឡើងៗ
លោក អនុប្រធានគណបក្សនឹងក្លាយជាប្រ
ធាននៃណបក្សមិនដឹងជាសង្រ្គោះជាតិណា?
នៅពេលនោះ លោកប្រធាននីរទេស នឹងគ្មាន
សិទ្ធិអ្វីទាំងអស់៕; 5:48 PM
Anonymous said...: បក្សប្រឆាំងមិនមែនសង្រ្គោះខ្មែរទេគឺពិតជាជួយសង្រ្គោះយួនទៅវិញទេ...តើមូលហេតុអ្វីបានជាខ្ញុំនិយាយយ៉ាងដូច្នេះក៏ព្រោះគណបក្សប្រឆាំងមួយនេះបំពុលអោយពលរដ្ឋខ្មែរចូលរួមការបោះឆ្នោតនាពេលខាងមុខនេះ...ពីព្រោះការបោះឆ្នោតវាមិនអាចផ្លាស់ប្តូររបបអាយ៉ងយួនបច្ចុប្បន្នបានជាដាច់ខាត..!; 6:54 PM
yim pisal said...:     ល្បែងនិងល្បិចត្រូវដើរទន្ទឹមគ្នា ចុះអ្នកនយោបាយខ្មែរវិញ?
    ល្បិចតែជាមួយជនជាតិឯង ជាមួយសាសន៍ដ៍ទៃបង្ហាញណាស់នូវភាពស្មោះត្រង់បែបល្ងង់ឱយ
   គេមើលងាយដល់ប្រទេសជាតិទាំងមូល។
    ល្បែងដែលគ្មានសុច្ចរិតយុត្តិធ៌ម បំរើប្រយោជន៍បុគ្គលគ្មានចំរើនដល់សង្គមជាតិ តើយើង
  រួមគ្នាលេងល្បែងនេះដើម្បីអ្វី?
    បើគេពិតជាមើលឃើញនូវគ្រោះថ្នាក់ប្រទេសជាតិមែន ធ្វើអ្វីៗដើម្បីជាតិមែន ម្លេះគេមិន
  ហែកហួរគ្នាបង្ហាញនូវភាពខ្វះសាមគ្គីធ៌មរវាងខ្មែរនិងខ្មែរឡើយដើម្បីឱយសត្រូវរួមរបស់ជាតិអាចឈ្លាត
  លូកកកូរកកាយផ្ទៃក្នុងប្រទេសយើងបាន។
    ចំណែកយើងដែលជាប្រជាពលរដ្ឋ ជាជនសាមញ្ញ តើយើងគួរធ្វើអ្វីខ្លះក្នុងនាមជាកុលបុត្រ
  ខ្មែរ? ឬក៍បណ្តោយឱយវាសនាប្រទេសជាតិយើងធ្លាក់ក្នុងស្ថានភាពបែបនេះ?
       យឹម ពិសាល; 7:49 PM
Anonymous said...: ត្រូវតែដូធ្យូងស្អុយចេញ ព្រោះវាពុលដល់រាស្រ្ត។; 7:54 PM
Anonymous said...: ត្រូវតែដូធ្យូង CPP+CNRP ចេញ !; 8:15 PM
Anonymous said...: CNRP & CPP គឺមួយដំបរ និង បួន !
ត្រូវតែប្តូរ ឲ្យអស់ទើបខ្មែរ និង ជាតិខ្មែរ រស់
CNRP & CPP is the same 2+2 = 1+3
Raingsi-Sokha-Penn Sovann-Kong Koam - Mu socHua-Chea Sim- Hun Sen- Heng Samrin
We have to change all before to late.; 9:40 PM
Unknown said...: និយាយមិនដឹងក្បាលកន្ទុយ កោតតែចេះមកពប្រដៅគេដែរ ល្ងង់១០គត់
មិនដឹងផ្លូវឈ្នះ ជេរគេទាំងទទឹងទិស ឪអាឡប់
មិនគួរមកComment !ទីនេះទេអាស្វាព្រៃ។; 9:49 PM
Anonymous said...: If Khmers are still stupid and dumb of killing each other, Khmers will have nothing and nothing.; 10:10 PM
Anonymous said...: អាយ៉ៃឆ្លើយឆ្លងហែកហួរគ្នារវាងសមរង្ស៊ី-កឹម សុខា

http://kohsantepheapdaily.com.kh/article/70222.html
___________________________________

ដឹងទេ?
អាខា-អាស៊ី ,
ខ្មែរគ្នាឯង ឬ ខ្មែរខាងយួន?
__________________________________

ខ្មែរមឹនដែលឈ្លោះគ្នាឯងទេ។; 1:16 AM
Anonymous said...: ត្រូវណាស់!....មិនបោះឆ្នោត!
គឺខ្មែរយើងឈ្នះ ពួកអាយ៉ង CPPបរទេស ដោយមិនបាច់បោះឆ្នោត(ច្បាប់ធម្មជាតិ)។
_________________________________
*មិនតស៊ូដោយប្រើអាវុធ,
*មិនធ្វើបាតុកម្មប្រឆាំងនិងការត្រួតត្រារបស់បរទេស,
_________________________________
បើមិនបោះ,
គឺរាជរដ្ឋាភិបាលអាយ៉ងបរទេសត្រូវចប់ជាស្ថាពរ,
ហ៊ុន សែនក៏អស់អំណាចដែរ។
__________________________________
*** អំណាចពលរដ្ឋខ្មែរបានដាក់ពាក្យបណ្តឹងនៅ
ICC តុលាកាឧក្រិដ្ឋកម្មអន្តរជាតិ
នៅប្រទេសហូឡង់,ប្ដឹងអាយួន ហ៊ុន សែន
រួចរាល់អស់ហើយ,កាលពីថ្ងៃទី២២ ខែមិថុនា
ឆ្នាំ២០១២ ដោយឈរលើច្បាប់ជាតិ និងច្បាប់អន្តរជាតិ !
________________________________
....តែបើអាខ្វាក់ហ៊ុន សែនប្រើអំពើហឹង្សា
នោះ គេនឹងមានលេសអូស កអាចោរហ៊ុន សែន
យកទៅកាត់ទោសនៅតុលាកាឧក្រិដ្ឋកម្មអន្តរជាតិ។
ពេលនោះទាំងអន្តរជាតិ-ខ្មែរទូទាំងពិភពលោក-រួមតុលាកាឧក្រិដ្ឋកម្មអន្តរជាតិICC
ក៏គេមិនមើលនិងភ្នែកដែរ
ទាំងក្នុង-ទាំងក្រៅស្រុកខ្មែរ។
__________________________________
អន្តរជាតិក៏គេមិនទទូលស្តាល់
រដ្ឋាភិបាលដែលគ្មានអ្នកទៅបោះឆ្នោតដែរ។
__________________________________

*** ពេលនោះខ្មែរបោះឆ្នោតខ្មែរនិងខ្មែរ
ឡើងវិញសារជាថ្មី ដោយគ្មានវត្តមានយួន,

*** ពេលនោះខ្មែរយើងត្រូវយកកិច្ចព្រមព្រៀង-
Paris ២៣.តុលា.១៩៩១(ច្បាប់អន្តរជាតិ)
មកប្រើឡើងវិញសារជាថ្មី................
ហើយអន្តរជាតិគេនឹងជូយធ្វើអន្តរាគមន៍ជាមួយខ្មែរយើងផងដែរ។; 1:27 AM

KI Media

Donate to the National Rescue Foundation

Universal Declaration of Human Rights (Khmer, edited by Ms. Theary C. Seng)

Inspirational Books in Khmer

HEROES

From Dictatorship to Democracy

NOTE

Small Khmer Businesses

RECENT POSTS

FLASH POINTS

NEWS IN ENGLISH

NEWS IN KHMER

KHMER KROM NEWS

Monday, May 13, 2013

លោកកឹមសុខាប្រដូចលោកហ៊ុនសែនទៅនឹង«ធ្យូង»ដែលធ្វើឲ្យប្រឡាក់និងរលាក

10 comments:

NEW BOOKS

SUBSCRIBE TO KI-Media via e-mail

TRAITORS? (ZEROS)

Breaking News

Link List

READING INTEREST

BLOG ARCHIVE

30 Days Pageviews

No. of readers

KI Media

Donate to the National Rescue Foundation

Universal Declaration of Human Rights (Khmer, edited by Ms. Theary C. Seng)

Inspirational Books in Khmer

HEROES

From Dictatorship to Democracy

NOTE

Small Khmer Businesses

RECENT POSTS

FLASH POINTS

NEWS IN ENGLISH

NEWS IN KHMER

KHMER KROM NEWS

Monday, May 13, 2013

លោក​កឹម​សុខា​ប្រដូច​លោក​ហ៊ុន​សែន​ទៅ​នឹង​«ធ្យូង»​ដែល​ធ្វើ​ឲ្យ​ប្រឡាក់​និង​រលាក

10 comments:

NEW BOOKS

SUBSCRIBE TO KI-Media via e-mail

TRAITORS? (ZEROS)

Breaking News

Link List

READING INTEREST

BLOG ARCHIVE

30 Days Pageviews

No. of readers

លោកកឹមសុខាប្រដូចលោកហ៊ុនសែនទៅនឹង«ធ្យូង»ដែលធ្វើឲ្យប្រឡាក់និងរលាក