អ្នកភូមិ​បឹងកក់​ទាមទារ​ឲ្យ​ដោះលែង​អ្នកស្រី យ៉ោ​ម បុ​ប្ជា និងដុតរូបសំណាកតំណាងក្រសួង អយុត្តិធម៌​

ថ្ងៃទី 6 ឧសភា 2013 | ដោយ: រតនា 

Cambodia Express News

ភ្នំពេញ: ​នៅ​ព្រឹក​ថ្ងៃទី​៦ ខែឧសភា ឆ្នាំ​២០១៣ នេះ អ្នកភូមិ​បឹងកក់​ប្រមាណ ៥០ នាក់ បានមក​ប្រមូល​ផ្តុំគ្នា នៅខាងមុខ​ក្រសួងយុត្តិធម៌ ទាមទារ​ឲ្យ​មានការ​ដោះលែង​អ្នកស្រី យោ​ម បុ​ប្ជា សកម្មជន​ដីធ្លី​បឹងកក់​។ ជាមួយគ្នា​នោះ ពួក​អ្នកភូមិ ក៏បាន​ធ្វើ​ពិធី​តាមបែប​សាសនា អុជ​ទៀន ធូប និង​លែង​ចាប និង

​ដុត​រូបសំណាក់​អគារក្រសួង​យុត្តិធម៌ ព្រមទាំង​ដាក់​បណ្តាសា​មន្ត្រី​ខិលខូច បម្រើការ​នៅក្នុង​ស្ថាប័ន​នេះ អោយ​ជួប​សេចក្តី​អន្តរាយ​។ ​

បន្ទាប់មក ក្រុម​អ្នកភូមិ បាន​យក​ញ្ញត្តិ​តវ៉ា​ទៅ​ប្រគល់ជូន​លោក​អង្គ វង្ស វ​ឌ្ឍ​នា រដ្ឋមន្ត្រី​ក្រសួងយុត្តិធម៌ សូម​អន្តរាគមន៍ ដើម្បី​ឲ្យ​មានការ​ដោះលែង​អ្នកស្រី យោ​ម បុ​ប្ជា ដែលជា​សកម្មជន​ដីធ្លី​ក្នុង​សហគមន៍​បឹងកក់ ចេញពី​ពន្ធនាគារ​ព្រៃ​ស​។​
​នៅក្នុង​ញ្ញត្តិ​នោះ បាន​បញ្ជាក់ថា​៖ អ្នកស្រី យោ​ម បុ​ប្ជា បាន​ជាប់ពន្ធនាគា​រយ៉ា​ង​អយុត្តិធម៌  អស់​រយៈពេល ៨​ខែ​មកហើយ ដោយ​ការកាត់ក្តី​របស់​សាលាដំបូង​រាជធានី​ភ្នំពេញ​។ អ្នកស្រី​ត្រូវបាន​សមត្ថកិច្ច​ឯកសណ្ឋាន​ស៊ីវិល ចាប់ខ្លួន​កាលពី​ខែសីហា ឆ្នាំ​២០១២៕​