កម្មករណាហ្គាវើល ធ្វើកូដកម្មទាមទារឲ្យថៅកែ គោរពច្បាប់ការងារជាលើកទី៣

ពាក់ពន្ធ័និងកាស៊ីណូណាហ្គា នេះកន្លងមកមានពត៌មានក្នុងស្រុក ជាច្រើន បាន​ចុះ​ផ្សាយ​ថា មន្ត្រី ជាន់ខ្ពស់ក្នុងរដ្ឋាភិបាលរួមមាន លោក ហ៊ុន សែន លោក សុខ អាន និងអតីតអគ្គស្នង​ការនគរបាល​ជាតិ លោក ហុក ឡង់ឌី ក៏មានភាគហ៊ុន​យ៉ាង​ច្រើន​ជាមួយកាស៊ីណូនេះដែរ ។ ចំណែកភាគហ៊ុនរបស់លោក ហុក ឡង់ឌី ក៏ត្រូវបានបន្ត​ឲ្យកូនបង្កើតរបស់លោកគឺលោក ឌី វិជ្ជា បច្ចុប្បន្នជាកូនប្រសារលោក ហ៊ុន សែន កាន់កាប់បន្ទាប់ពីលោក ហុក ឡង់ឌី ស្លាប់ទៅ ។

http://www.youtube.com/watch?v=s_qOSa6P0nQ&feature=youtu.be 

អាជ្ញាធរក្រុងភ្នំពេញបង្រ្កាកូដកម្មរបស់កម្មករ ណាហ្គា កន្លងមក

ដោយៈ ឆាំ ឆានី ២៤ មិថុនា ២០១៣

កម្មករជាងមួយពាន់នាក់ របស់កាស៊ីណូណាហ្គា បាននាំគ្នាធ្វើកូដកម្មជាលើកទី៣ នៅថ្ងៃ ទី២៤ ខែមិថុនា ឆ្នាំ២០១៣នេះ ។

ស្រីពៅ ( ឈ្មោះហៅក្រៅ ) ដែលជាតំណាងកម្មករ បានឲ្យដឹងថា នៅថ្ងៃនេះអាជ្ញាធរ ក្រុងភ្នំពេញ មិនបានបង្រ្កាបកម្មករដូចសព្វដងទេ តែអាជ្ញាធរក៏មិនឲ្យកម្មករធ្វើកូដកម្ម នៅកន្លែងលើសួន ដូចមុនដែរ ។ ដូច្នេះហើយកម្មករបាននាំគ្នាតវ៉ានៅជាប់របង កាស៊ីណូ ណាហ្គា តែម្តង ។ ស្រីពៅ បានបញ្ជាក់ថា មូលហេតុដែលកម្មករធ្វើកូដកម្មនេះគឺទីមួយ សុំឲ្យតំឡើងប្រាក់ខែ ១៥០ ដុល្លារ ក្នុងមួយខែ និងទី២ សុំឲ្យថៅកែផ្តល់នូវសុវត្ថិភាព ការងារ គឺជាបុគ្គលិកពេញសិទ្ធិ ដោយហេតុថា កម្មករជាច្រើនបានបំរើការពី ៨ ទៅ១០ ឆ្នាំហើយ តែមិនទាន់បានជាប់​ជា​បុគ្គលិក​ពេញ​សិទ្ធិទេ ។

ស្រីពៅ បន្តថា កូដកម្មនេះបានធ្វើបីលើកមកហើយ ហើយក៏ធ្លាប់មានការជជែកដោះ​ស្រាយ ជាមួយ​ភាគីថៅកែ និងក្រសួងផងដែរ តែពុំមានលទ្ធផល ព្រោះភាគីថៅមិនបាន និយាយអ្វីក្រៅពីឲ្យកម្មករ ចូលធ្វើការ បើមិនចូលធ្វើការ ភាគីថៅកែនិងបណ្តេញចេញ ជាក់ស្តែងនៅថ្ងៃនេះថៅកែបាន បញ្ឈប់កម្មករជាង៣០០នាក់ ហើយ ។

ទោះជារងនៅការបង្រាបយ៉ាងឃោរឃៅពីសំណាក់អាជ្ញាធរក្រុងភ្នំពេញនាពេលកន្លងក្តី ស្រីពៅ​បាន​ប្តេជ្ញាថា និងរួមកម្លាំងគ្នាតស៊ូទាមទាររហូតបានទទួលដំណោះស្រាយសមរម្យ បើទោះជា ឈរក្រោមកំដៅថ្ងៃ និងដំណក់ទឹកភ្លៀងក៏ដោយ ។

ពាក់ពន្ធ័និងកាស៊ីណូណាហ្គា នេះ កន្លងមកមានពត៌មានក្នុងស្រុកជាច្រើន បានចុះផ្សាយថា មន្ត្រី ជាន់ខ្ពស់ក្នុងរដ្ឋាភិបាលរួមមាន លោក ហ៊ុន សែន លោក សុខ អាន និងអតីតអគ្គស្នង​ការនគរបាល​ជាតិ លោក ហុក ឡង់ឌី ក៏មានភាគហ៊ុនយ៉ាងច្រើនជាមួយកាស៊ីណូនេះដែរ ។ ចំណែកភាគហ៊ុនរបស់លោក ហុក ឡង់ឌី ក៏ត្រូវបានបន្តឲ្យកូនបង្កើតរបស់លោក គឺលោក ឌី វិជ្ជា បច្ចុប្បន្នជាកូនប្រសារលោក ហ៊ុន សែន កាន់កាប់បន្ទាប់ពីលោក ហុក ឡង់ឌី ស្លាប់ទៅ ។

តាមការកត់សម្គាល់ ជម្លោះរវាងកម្មករ និងថៅរោងចក្រទូទាំងកម្ពុជា គឺភាគច្រើនបំផុតកម្មករ តែង តែទាមទារឲ្យភាគីថៅកែគោរពច្បាប់ការងារ បើទោះជាកម្ពុជាមានក្រសួងជាអ្នកឃ្លាំមើលដំណើរ ការរកស៊ីរបស់ថៅកែក្រុមហ៊ុនក្តី តែការឃ្លាំមើលនោះហាក់ដូចជាគ្មានប្រសិទ្ធិភាព ផ្ទុយទៅវិញ​យើងតែងតែសង្កេតឃើញឥរិយាបទរបស់មន្ត្រីក្រសួង ទៅជាអ្នកជួយបង្ខំគំរាមកម្មករឲ្យទទួលយក លក្ខន្ធ័ពីនិយោជកទៅវិញ ។ កត្តានេះបានធ្វើឲ្យមជ្ឈដ្ឋានជាច្រើនរិះគន់ថា គឺបណ្តាលមកពីមន្ត្រី​ពាក់ពន្ធ័បានទទួលលាភសក្ការៈ ឬថាមកពីពួកថៅកែអាងខ្នងដោយខ្លួនបានរួមចំណែកជាមួយអ្នក មានអំណាចក្នុងការរកស៊ី ដូចករណីកាស៊ីណូ ណាហ្គា នេះជាដើម៕