ដោយ ម៉ម មុនីរតន៍ 2013-06-05 RFA
បញ្ហានេះ ពួកគាត់ស្នើសុំឲ្យលោកនាយករដ្ឋមន្ត្រី ហ៊ុន សែន
ជួយដោះស្រាយ
ដើម្បីឲ្យពួកគេបានប្រកបអាជីវកម្មលើដីនោះដូចធម្មតាវិញ។
ទន្ទឹមនឹងនេះ អតីតមេប៉ុស្តិ៍បរយ៉ាខា ម្នាក់
ត្រូវគេបញ្ឈប់ពីតួនាទីភ្លាមៗដែរ
ព្រោះតែមានជាប់ពាក់ព័ន្ធនឹងកំហុសមួយដែលត្រូវគេរកឃើញថា
លោកបានឈឺឆ្អាលពីបូរណភាពទឹកដីនៅតាមព្រំដែន រវាងកម្ពុជា និងថៃ។
ក្រុមប្រឹក្សាឃ្លាំមើលកម្ពុជា
ស្នើឲ្យប្រមុខរដ្ឋាភិបាលធ្វើអន្តរាគមន៍បន្ទាន់មួយ
ចំពោះករណីទាហានថៃ
បំពានកាន់កាប់ជាថ្មីបន្តទៀតលើដីចម្ការរបស់កសិករខ្មែរ
នៅតាមព្រំដែន ដែលស្ថិតក្នុងអធិបតេយ្យរបស់កម្ពុជា នៅខេត្តប៉ៃលិន
ចំនួន ១២ហិកតារ។
លិខិតចុះថ្ងៃទី៥ មិថុនា របស់ក្រុមប្រឹក្សាឃ្លាំមើលកម្ពុជា
ដែលផ្ញើទៅលោកនាយករដ្ឋមន្ត្រី ហ៊ុន សែន
ដើម្បីស្នើសុំកិច្ចអន្តរាគមន៍ ឲ្យដឹងថា
ដីចម្ការរបស់ប្រជាពលរដ្ឋខ្មែរ ៣គ្រួសារ សរុបចំនួន ១២ហិកតារ
ក្នុងភូមិសាស្ត្រឡាក់៦៧ នៃសង្កាត់បរយ៉ាខា ក្រុងប៉ៃលិន ខេត្តប៉ៃលិន
ត្រូវបានទាហានថៃ បំពានយក។ ហើយទាហានថៃ
មិនឲ្យពលរដ្ឋខ្មែរបង្កបង្កើតផលឡើយ ចាប់តាំងពីថ្ងៃទី៦ មេសា
កន្លងទៅ។ លិខិតបន្តថា ក្នុងនោះក៏មានគ្រួសារលោក មួន ទឹម ហៅ ញ៉ន
អតីតមេប៉ុស្តិ៍វរព្រំដែន៨២១ ប្រចាំនៅចំណុចបរថ្មី
ក៏ត្រូវបាត់បង់ទៅប្រទេសថៃ ដែរ។
បន្ថែមលើសេចក្ដីថ្លែងការណ៍នេះ លោក រ៉ុង ឈុន
សមាជិកក្រុមប្រឹក្សាឃ្លាំមើលកម្ពុជា និយាយថា
តាមការចុះអង្កេតរបស់ថ្នាក់ដឹកនាំនៃក្រុមប្រឹក្សាឃ្លាំមើល
កម្ពុជា កាលពីថ្ងៃទី២៥ ឧសភា រកឃើញថា ទឹកដីរបស់កម្ពុជា
មានចំណុចផ្សេងទៀតបានបាត់បង់ទៅប្រទេសថៃ
ក្នុងដំណាក់កាលចុងក្រោយនេះ។ លោកបន្តថា
បើប្រមុខរដ្ឋាភិបាលមិនចាត់វិធានការទេ
ក្នុងនាមក្រុមប្រឹក្សាឃ្លាំមើលកម្ពុជា
នឹងទាមទារបន្តទៀតទៅអន្តរជាតិ៖ «ហើយបើសិនជារដ្ឋាភិបាលគ្មាន
សមត្ថភាពទេ យើងនិយាយប្រាប់គ្នាឲ្យត្រង់ទៅថា អូរ!
ថាយើងអត់មានសមត្ថភាពទេ ក្នុងការពារបូរណភាពទឹកដីទាំងលិច
ទាំងកើតហ្នឹង សូមឲ្យអស់លោកជួយផង។
យើងលើកបញ្ហាហ្នឹងដាក់ជូនទៅប្រទេសម្ចាស់ហត្ថលេខី
ស្ដីពីកិច្ចព្រមព្រៀងក្រុងប៉ារីស ស្ដីពីបញ្ហាកម្ពុជា ថ្ងៃ២៣តុលា
ឆ្នាំ៩១ ហ្នឹងទៅ»។
ចំណែកពលរដ្ឋដែលថ្លែងសុំមិនបញ្ចេញឈ្មោះ នៅសង្កាត់បរយ៉ាខា
អះអាងថា កម្ពុជា នឹងត្រូវបាត់បង់ទឹកដីបន្ថែមលើសពីអ្វីដែលទាហានថៃ
ចូលកាន់កាប់ថ្មីៗនេះទៅទៀត៖ «ដីខ្ញុំទាំងអីហ្នឹងណា ដីខ្ញុំ
១០ហិកតារ នៅហ្នឹងអ្ហា។ គេយកដែរហ្នឹង ពួកថៃ វាមកយក។
ដីហ្នឹងបើវាកាត់យកហ្នឹងឡាក់៦៧ ប្រហែលជា ១.០០០ហិកតារអីហ្នឹង។
ប្រហែលជា ១.០០០ហិកតារណោះមែនតិចណា។
គេចាប់ខ្ញុំយកទៅដាក់គុកទៀតណោះ ដោយសារអារឿងហ្នឹង ដីហ្នឹងឯង»។
ក៏ប៉ុន្តែ មេបញ្ជាការរងវរព្រំដែន៨២១ ប្រចាំសង្កាត់បរយ៉ាខា លោក
អែម ជាតិ និយាយថា កម្ពុជា
មិនបានបាត់បង់ទឹកដីដូចការរកឃើញរបស់ក្រុមប្រឹក្សាឃ្លាំមើល
កម្ពុជា និងដូចអ្វីដែលពលរដ្ឋអះអាងនោះឡើយ៖ «អត់ទេ»។
ពាក់ព័ន្ធនឹងបញ្ហានេះ កាលពីថ្ងៃទី២៦ ខែមីនា
អតីតមេប៉ុស្តិ៍បរថ្មី លោក មួន ទឹម ត្រូវស្នងការប៉ូលិសខេត្តប៉ៃលិន
សម្រេចបញ្ឈប់ពីតួនាទី និងបន្តដាក់ទណ្ឌកម្មឲ្យចុះហត្ថលេខាចំនួន
៤ដងក្នុងមួយថ្ងៃ គិតមកដល់ថ្ងៃទី៥ មិថុនា។ ការដាក់ទណ្ឌកម្មនេះ
ត្រូវអង្គភាពវរព្រំដែន៨២១ រកឃើញថា
លោកមានកំហុសព្រោះតែការពារសុវត្ថិភាពអ្នកយកព័ត៌មានវិទ្យុ
អាស៊ីសេរី ៣នាក់ ចុះពិនិត្យបង្គោលឡាក៦៤
នៅជាប់ខ្សែបន្ទាត់ព្រំដែនកម្ពុជា-ថៃ ក្នុងចំណុចភូមិសាស្ត្រអូរអែម
នៃសង្កាត់បរយ៉ាខា ក្រុងប៉ៃលិន កាលពីចុងខែមីនា កន្លងទៅ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
2 comments:
វាសមនឹងឈ្មោះដែល លោក សមរាង្ស៊ី
បានដាក់ឱ្យ ថាហ៊ុនសែន ជាជនក្បត់ជាតិ
កាត់ដីឱ្យ អាយួន និង អាសៀម៕
Kim n Sam អាមោក
មិនពេញចិត្ដ ការដឹកនាំ ឬគ្មាន សង្ឃឹម បានអង្គុយក្នុងសភា
ដោយ ៖ នាយខ្វែក
ភ្នំពេញ ៖ សាម ស៊ុនឌឿន សមា ជិកជាន់ខ្ពស់ នៃគណបក្សសង្គ្រោះជាតិ និង ជាបេក្ខភាពឈរឈ្មោះ តំណាងរាស្ដ្រមណ្ឌល ភ្នំពេញលេខរៀងទី៨ បានប្រកាសលាឈប់ ពីបេក្ខភាពយ៉ាងប្រញាប់ប្រញាល់ និងគួរឱ្យ ភ្ញាក់ផ្អើល ខណៈការបោះឆ្នោតកាន់តែខិត ជិតចូលមកដល់ ។
សាម ស៊ុនឌឿន បានលើកឡើង ថា ការមិនពេញចិត្ដចំពោះការដឹកនាំរបស់ ថ្នាក់ដឹកនាំរបស់គណបក្សសង្គ្រោះជាតិគឺជា មូលហេតុនៃការលាឈប់នេះ ។ ចំណែក យឹម សុវណ្ណ ដែលជាមនុស្សសំខាន់ មួយរូបរបស់គណបក្សសង្គ្រោះជាតិ ស្និទ្ធិ នឹង សម រង្ស៊ី ហើយជាបេក្ខ ជនតំណាងរាស្ដ្រ មណ្ឌលភ្នំពេញលេខរៀង ទី២ បានធ្វើការអះអាងថា មូលហេតុដែល សាម ស៊ុនឌឿន លាឈប់ដោយសារ តែគាត់មិនមានមធ្យោបាយដើម្បីបង់ប្រាក់ សម្រាប់ឃោសនាបោះឆ្នោត ជ្រើសតាំង តំណាងរាស្ដ្រអាណត្ដិទី៥ តែប៉ុណ្ណោះ
Post a Comment