បក្ស​សង្គ្រោះ​ជាតិ​ព្រមា​ន​ធ្វើ​មហាបាតុកម្ម​ទូ​ទាំង​ប្រទេស​

បក្ស​សង្គ្រោះ​ជាតិ​ព្រមា​ន​ធ្វើ​មហាបាតុកម្ម​ទូ​ទាំង​ប្រទេស​ 

 Wednesday, 31 July 2013

មាស​ សុខជា

ភ្នំពេញប៉ុស្តិ៍

លោក សម រង្ស៊ី ធ្វើសន្និសីទបដិសេធលទ្ធ​ផល​បោះ​ឆ្នោត​បណ្តោះ​អាសន្ន​របស់ គ.ជ.ប និង​គណបក្ស​ប្រជាជន​កម្ពុជា។ រូបថត ផា លីណា

ភ្នំ​ពេញៈ លោក ​សម រង្ស៊ី ប្រធាន​គណបក្ស​សង្គ្រោះ​ជាតិ ​បាន​ថ្លែង​កាល​ពី​ម្សិលមិញ​ថា ​បាតុកម្ម​ធំ​ទូទាំង​ប្រទេសនឹង​​ជា​ជម្រើស​ចុង​ក្រោយ​សម្រាប់​​គណបក្ស​ ប្រឆាំង ប្រសិន​បើ​​​គ្មាន​ការ​​បំពេញ​តាម​សំណើ​បង្កើត​គណៈកម្មការ​ចម្រុះ​​​ដើម្បី​ ពិនិត្យ​​​ភាព​មិន​ប្រក្រតី​នៃ​ការ​បោះ​ឆ្នោត​ទេ​នោះ​។ ​

​វីដេអូ ​ដែល​បាន​បង្ហោះ​​​​នៅ​លើ​គេហ​ទំព័រ​​​​​​​ ដែល​​​មាន​សម្ព័ន្ធ​នឹង​គណបក្ស​ប្រឆាំង កាល​ពី​យប់​មិញ បាន​បង្ហាញ​​​​​លោក សម រង្ស៊ី និង​លោកកឹម សុខា បាន​ប្រាប់​អ្នក​គាំទ្រ​នៅការិយាល័យ​របស់​ខ្លួន​ ក្នុង​​ខណ្ឌ​មាន​ជ័យ​ថា ​គណៈ ​កម្មាធិការ​​ជាតិ​រៀប​ចំ​ការ​បោះ​ឆ្នោត​ត្រូវ​តែ​​កែ​តម្រូវ​កំហុស​នៃ​ការ​ បោះ​ឆ្នោត​​កាល​​ថ្ងៃ​អាទិត្យ បើ​មិន​ដូច្នោះ​ទេ​​​ប្រជា​ជន​នឹង​ធ្វើ​បាតុក​ម្ម។

​លោក​​ថ្លែង​ថា៖ «​ពិភព ​លោក​​ដឹង​ថា គណបក្ស​សង្គ្រោះជាតិ​ឈ្នះ​។ នៅ​ពេល​អ្នក​ត្រឡប់​ទៅ​ផ្ទះ​វិញ សូម​ប្រើ​ហ្វេស​ប៊ុក​ ប្រាប់​យុវជន និង​ប្រជា​ជន​ខ្មែរ​ទាំង​មូលថា យើង​នឹង​ធ្វើ​បាតុកម្ម​ធំ​»។

​លោក យឹម សុវណ្ណ អ្នក​នាំ​ពាក្យ​​គណបក្ស​សង្គ្រោះ​ជាតិ បាន​ថ្លែង​កាល​ពី​ម្សិលមិញ​ថា​ ​ប្រសិន​បើ​គ្មា​ន​ការ​ពិនិត្យ​​លទ្ធ​ផល​នៃ​ការ​បោះ-​ឆ្នោត​ដែល​គណបក្ស​​លោក ​បាន​ច្រាន​ចោល​ទេ​នោះ ​ការ​ធ្វើ​បាតុកម្ម​នឹង​ជា​ជម្រើសចុងក្រោយ​មួយ​។ ​លោក​ថ្លែង​ថា៖«​យើង​សូម​អំពាវ​នាវ​ដល់​អ្នក​រាល់​គ្នា​ឲ្យ​រក្សា​ភាព​ស្ងៀម​ស្ងា​ត់ ហើយ​ទុក​ឲ្យ​យើង​រក​​មធ្យោ​បាយ​ដើម្បី​ដោះ​ស្រាយ​បញ្ហា​នេះ​»។

​លោក ផៃ ស៊ីផាន អ្នក​នាំ​ពាក្យ​នៃ​ទី​ស្ដី​ការ​គណៈរដ្ឋ​មន្ត្រី​ បាន​ថ្លែង​ថា វា​ជា​សិទិ្ធ​របស់​ប្រជា​ជន ​ក្នុង​ការ​ធ្វើ​បាតុកម្ម ប៉ុន្តែលោក​បាន​បន្ថែម​ថា ការ​បង្កើ​ត​គណៈកម្មការ​ណា​មួយគឺ​អា​ស្រ័យ​​ទៅ​លើ​ គ.ជ.​ប ឬ​ក្រុម​ប្រឹក្សា​ធម្ម​នុញ្ញ មិន​មែន​រដ្ឋាភិបាល​ទេ​។

ប៉ុន្តែ ​លោក​ទេព នីថា អគ្គ​លេខាធិការ​ គ.ជ.​ប​ បាន​​ថ្លែង​កាល​ពី​ថ្ងៃ​ចន្ទ​ថា ការ​បង្កើត​គណៈកម្មា​ធិការ​ស៊ើប​អង្កេត​ពី​​ការ​បោះ​ឆ្នោត​គឺ​ហួស​ពី​សមត្ថ​ កិច្ច​របស់​ គ.ជ.​ប។

​លោក ​ស្រី មូរ សុខហួរ ​តំណាង​រាស្រ្ត​គណបក្ស​សង្គ្រោះ​ជាតិ បាន​ថ្លែង​កាល​ពី​ម្សិលមិញ​ថា ​អ្នក​បោះ​ឆ្នោត​ ត្រូវ​បាន​អញ្ជើញ​ឲ្យ​មក​ទី​ស្នាក់​ការ​​​របស់​គណបក្ស​នា​​ព្រឹក​​ថ្ងៃ​ពុធ​ នេះ ដើម្បី​ដាក់​ពាក្យ​បណ្តឹង ហើយ​លោក​ ស្រី​ លើក​ទឹក​ចិត្ត​​ប្រជា​ជន​​ យក​ឯក​សារ​បោះ​ឆ្នោត​​​ជា​​ភ័ស្តុ​តាង​បង្ហាញ​អំពីភាព​មិន​ប្រក្រតី។

លោក​សម រង្ស៊ី កាល​ពី​ម្សិល​មិញ​ បាន​ទៅ​គោរព​វិញ្ញាណ​ក្ខន្ធអ្នក​ស្លាប់​ ដោយ​ការ​គប់​គ្រាប់​បែក​នៅ​មុខ​អតី​ត​រដ្ឋ​សភា។

 

មហាវិថីសំខាន់ៗ នៅម្តុំវិមានឯករាជ្យ ត្រូវបានបិទចរាចរណ៍ ចាប់​តាំង​ពី​ថ្ងៃ​បោះ​ឆ្នោត​៕ TK ​

រាយ​ការណ៍​បន្ថែមដោយ KEVI N PONNIAH