ចោរប្រកាសទទួល និងដោះស្រាយបណ្តឹងជូនជនរងគ្រោះ

គ.ជ.ប ទទួលពាក្យបណ្តឹងពីថ្ងៃទី២ដល់ថ្ងៃទី៦ខែសីហា
ដោយ៖ ពៅ មេត្តា | ថ្ងៃព្រហស្បតិ ទី1 ខែសីហា ឆ្នាំ2013 | 1 ម៉ោង មុន VOD
គណៈកម្មាធិការជាតិរៀបចំការបោះឆ្នោត គ.ជ.ប ប្រកាសឲ្យគណបក្សនយោបាយ និងភាគីពាក់ព័ន្ធ ដាក់ពាក្យបណ្តឹងទៅគណៈកម្មការរាជធានីខេត្ត រៀបចំការបោះឆ្នោត ចាប់ពី ថ្ងៃទី០២ ដល់ថ្ងៃទី០៦ ខែសីហា ដើម្បីស្រាវជ្រាវដោះស្រាយ។
តាមសេចក្តីប្រកាសព័ត៌មានរបស់ គ.ជ.ប ចេញផ្សាយនៅថ្ងៃទី៣១ខែកក្កដា បានលើកឡើងថា គ.ជ.ប ទទួលស្គាល់របាយការណ៍ស្តីពីភាពមិនប្រក្រតីនៃការបោះឆ្នោតរបស់គណបក្សនយោបាយដែលប្រកួតប្រជែង និងភាគីពាក់ព័ន្ធ។ សេចក្តីប្រកាសព័ត៌មានបញ្ជាក់ថា គ.ជ.ប នឹងយកបញ្ហាដែលភាគីរកឃើញទៅពិនិត្យស្រាវជ្រាវ និងចាត់វិធានការឲ្យបានម៉ត់ចត់ ក្រោមការចូលរួមពីគណបក្សនយោបាយប្រកួតប្រជែង អ្នកអង្កេតការណ៍ជាតិ និងអន្តរជាតិ។

ក្រោយការបោះឆ្នោតថ្ងៃទី២៨ខែកក្កដា គណបក្សប្រឆាំង និងអង្គការសង្គមស៊ីវិល រកឃើញ ភាពមិនប្រក្រតីមួយចំនួន ដូចជា អ្នកបាត់ឈ្មោះបោះឆ្នោត១លានសែននាក់ ទឹកខ្មៅជ្រលក់ដៃលាងជ្រះ ឈ្មោះស្ទួន អ្នកបន្លំបោះឆ្នោតច្រើនដង ឬហិង្សាពេលបោះឆ្នោតជាដើម៕

សរសេរមកកាន់លោក ពៅ មេត្តា តាមរយៈ minpov@vodhotnews.com