ស្នាមមេដៃពលរដ្ឋជាង ២០ម៉ឺននាក់ នឹងដាក់ថ្វាយព្រះមហាក្សត្រ នៅព្រឹកនេះ

......................................
ដោយ៖ ពៅ មេត្តា | ថ្ងៃសៅរ៍ ទី21 ខែកញ្ញា ឆ្នាំ2013 | 4 ម៉ោង មុន VOD
ស្នាមមេដៃប្រជាពលរដ្ឋម្ចាស់ឆ្នោត ជាង២០ម៉ឺន នឹងដាក់ថ្វាយព្រះមហាក្សត្រដំបូងនៅព្រឹកថ្ងៃនេះ ដើម្បីស្នើព្រះមហាក្សត្រ ពន្យារពេលប្រជុំសភាដំបូងដែលគ្រោងនឹងធ្វើ នៅថ្ងៃទី២៣ខែកញ្ញានេះ។
តាមសេចក្តីជូនដំណឹងរបស់តំណាងប្រជាពលរដ្ឋម្ចាស់ឆ្នោត បានឲ្យដឹងថា នឹងមានការជួបប្រជុំគ្នានៅម៉ោង១០ព្រឹក នៅសួនច្បារមុខរដ្ឋសភាចាស់ ក្បែរព្រះបរមរាជវាំង បន្ទាប់មកពួកគេនឹងយកស្នាមមេដៃ ចំនួន២សែន៥ម៉ឺន៣ពាន់១២៧ ដាក់ថ្វាយព្រះមហាក្សត្រ។
លោក សោម ចន្ទថុក តំណាងប្រជាពលរដ្ឋថ្លែងថា ស្នាមមេដៃចំនួនជាង២០ម៉ឺននេះ ប្រមូលក្នុងរាជធានីភ្នំពេញ និងនៅតាមខេត្តនានានៅក្បែរភ្នំពេញ។ លោកបញ្ជាក់ថា ស្នាមមេដៃ នឹងត្រូវប្រមូលពីតាមបណ្តាខេត្តនានាដាក់ថ្វាយព្រះមហាក្សត្រ ជាបន្តបន្ទាប់ទៀត។
លោក សោម ចន្ទថុក តំណាងពលរដ្ឋ
តាមគម្រោង មន្ត្រីគណបក្សសង្គ្រោះជាតិ នឹងប្រមូលស្នាមមេដៃនៅទូទាំងប្រទេសឲ្យបានរាប់លាន ដើម្បីដាក់ថ្វាយព្រះមហាក្សត្រនៅរសៀលនេះ ស្នើឲ្យព្រះអង្គពន្យារពេលប្រជុំសភាដំបូង រង់ចាំការដោះស្រាយភាពមិនប្រក្រតីនៅពេលបោះឆ្នោតជាមុនសិន៕