ពលរដ្ឋ​ខ្មែរ​អាមេរិកាំង​ជាង​១​ពាន់​នាក់​តវ៉ា​ទាមទារ​យុត្តិធម៌​​ពី​​ការ​បោះ​ឆ្នោត

Love it! North Carolina, South Carolina, Georgia - most of my wonderful friends and meditation students are there. 

១៩-តុលា-២០១៣៖ ពលរដ្ឋ​ខ្មែរ​នៅ​សហរដ្ឋ​អាមេរិក ធ្វើ​បាតុកម្ម​ទាមទារ​យុត្តិធម៌​នៃ​លទ្ធផល​បោះ​ឆ្នោត​នៅ​កម្ពុជា។ RFA/Taing Sarada

ប្រជាពលរដ្ឋ​អាមេរិកាំង ជាង ១​ពាន់​នាក់ មក​ពី​រដ្ឋ North Carolina, South Carolina, Georgia កាល​ពី​ថ្ងៃ​សៅរ៍ ទី​១៩ ខែ​តុលា បាន​នាំ​គ្នា​ធ្វើ​បាតុកម្ម​ដើម្បី​ទាមទារ​រក​យុត្តិធម៌​នៃ​លទ្ធផល​បោះ​ឆ្នោត កាល​ពី​ថ្ងៃ​២៨ ខែ​កក្កដា កន្លង​មក​នេះ។

ពលរដ្ឋ​ខ្មែរ​នៅ​ក្រៅ​ប្រទេស​ផ្សេង​ទៀត​គ្រោង​ធ្វើ​បាតុកម្ម​នៅ​ថ្ងៃ​ទី​២៥

ប្រជាពលរដ្ឋ​ខ្មែរ​នៅ​តាម​បណ្ដា​រដ្ឋ​ជា​ច្រើន​ក្នុង​សហរដ្ឋអាមេរិក រួម​មាន​មក​ពី​រដ្ឋ Pennsylvania និង​មក​ពី​ប្រទេស​កាណាដា ប្រមាណ​ជាង ១​ពាន់​នាក់ គ្រោង​ជួប​ជុំ​គ្នា​ធ្វើ​បាតុកម្ម នៅ​ថ្ងៃ​សុក្រ ទី​២៥ ខែ​តុលា ចាប់​ពី​ម៉ោង ៧​ព្រឹក ដល់​ម៉ោង ៣​រសៀល នៅ​មុខ​ទីស្នាក់ការ​ធំ​របស់​អង្គការ​សហប្រជាជាតិ នៅ​បុរី​ញីវយ៉ក (New York) ដើម្បី​ទាមទារ​ឲ្យ​អង្គការ​អន្តរជាតិ​មួយ​នេះ ជំរុញ​ឲ្យ​រដ្ឋាភិបាល​កម្ពុជា​បច្ចុប្បន្ន គោរព​និង​អនុវត្ត​តាម​សន្ធិសញ្ញា​សន្តិភាព​ទីក្រុង​ប៉ារីស ថ្ងៃ​២៣ ខែ​តុលា ឆ្នាំ​១៩៩១។


អនុ​ប្រធាន​គណបក្ស​សង្គ្រោះ​ជាតិ ប្រចាំ​នៅ​ទ្វីប​អាមេរិក​ខាង​ជើង លោក សេង សារ៉ន បាន​មាន​ប្រសាសន៍​បញ្ជាក់​ថា ក្រៅ​ពី​ការ​តវ៉ា និង​ដាក់​ញត្តិ​ដែល​ចុះ​ហត្ថលេខា និង​ផ្ដិត​មេដៃ​ដោយ​ពលរដ្ឋ​ដើម្បី​ទាមទារ​ឲ្យ អ.ស.ប ជំរុញ​ឲ្យ​រដ្ឋាភិបាល​កម្ពុជា បង្កើត​គណៈកម្មការ​ចម្រុះ​ឯករាជ្យ​មួយ ត្រួត​ពិនិត្យ​ភាព​មិន​ប្រក្រតី​នៃ​ការ​បោះ​ឆ្នោត។

ចំណែក​ប្រជាពលរដ្ឋ​ខ្មែរ​អាមេរិកាំង រស់​នៅ​ក្នុង​រដ្ឋ​កាលីហ្វ័រញ៉ា និង​នៅ​រដ្ឋ​មួយ​ចំនួន​ទៀត​នៅ​តំបន់​ផ្នែក​ខាង​កើត (East Coast) នៃ​សហរដ្ឋអាមេរិក ដែល​មិន​អាច​មក​ចូល​រួម​ធ្វើ​កូដកម្ម​តវ៉ា​នៅ​មុខ​ទីស្នាក់ការ អ.ស.ប បាន ក៏​គ្រោង​ប្រមូល​ផ្ដុំ​គ្នា​ធ្វើ​បាតុកម្ម​នៅ​ថ្ងៃ​ជាមួយ​គ្នា​នេះ ដើម្បី​តវ៉ា​សុំ​ឲ្យ​រដ្ឋាភិបាល​សហរដ្ឋអាមេរិក និង អ.ស.ប ជួយ​ធ្វើ​អន្តរាគមន៍​ដោះស្រាយ​វិបត្តិ​នយោបាយ​នៅ​កម្ពុជា។

ប្រធាន​សាខា​គណបក្ស​សង្គ្រោះ​ជាតិ នៅ​តំបន់​ខាង​ត្បូង​រដ្ឋ​កាលីហ្វ័រញ៉ា លោក គា រី បាន​មាន​ប្រសាសន៍​ថា ការ​តវ៉ា​នឹង​ធ្វើ​នៅ​ថ្ងៃ​សុក្រ ទី​២៥ តុលា ប៉ុន្តែ​ធ្វើ​នៅ​កន្លែង​២​ខុស​គ្នា។

លោក គា រី បន្ត​ថា ក្នុង​កូដកម្ម​ទាំង ២​កន្លែង​នោះ នឹង​មាន​ប្រជាពលរដ្ឋ​ខ្មែរ​ចូល​រួម​ប្រមាណ​ជាង ១​ពាន់​នាក់ ពីព្រោះ​រដ្ឋ​កាលីហ្វ័រញ៉ា មាន​ប្រជាពលរដ្ឋ​ខ្មែរ​រស់​នៅ​ច្រើន​ជាង​គេ​ក្នុង​បណ្ដា​រដ្ឋ​ទាំង​អស់​នៅ​សហរដ្ឋអាមេរិក៕