 |
| ក្បួនបាតុករដែលដឹកនាំដោយលោក សម រង្ស៊ី ប្រធាន គណបក្សសង្គ្រោះជាតិ ប្រឈមជាមួយនឹងក្រុម សមត្ថកិច្ចនៅមុខវាំង។ RFI/Siv Chana |
កិច្ចពិភាក្សារវាងតំណាងគណបក្សសង្គ្រោះជាតិ និងសាលារាជធានីភ្នំពេញបានបញ្ចប់ហើយនៅរសៀលថ្ងៃអង្គារ។ ជាកិច្ចពិភាក្សាស្តីអំពីការកំណត់ចំនួនអ្នកចូលរួមហែញត្តិដែលជាស្នាមមេដៃទៅបណ្តាស្ថានទូតនានា និងការកំណត់តម្រាយផ្លូវសម្រាប់ការហែក្បួន។ គណបក្សសង្គ្រោះជាតិបានសម្រេចហែញត្តិជាមួយចំនួនមនុស្សចូលរួមចំនួន៥ពាន់នាក់ ខណៈសាលារាជធានីបានស្នើអោយមានអ្នកហែតែ១ពាន់នាក់។
គ្មានការព្រមព្រៀងគ្នារវាងគណបក្សសង្គ្រោះជាតិ និងសាលារាជធានីភ្នំពេញឡើយ ស្តីពីចំនួននៃអ្នកចូលរួមហែញត្តិ ឬស្នាមមេដៃទៅបណ្តាស្ថានទូត ក្នុងរយៈពេល៣ថ្ងៃនៃមហាបាតុកម្មរបស់គណបក្សសង្គ្រោះជាតិ។
ភាគីទាំងពីរបានប្រើប្រាស់តួលេខរៀងៗខ្លួន។ នៅល្ងាចថ្ងៃអង្គារទី២២តុលានេះ អភិបាលសាលារាជធានីភ្នំពេញបានសរសេរប្រាប់ប្រធានគណបក្សសង្គ្រោះជាតិថា ការដង្ហែញត្តិ ឬស្នាមមេដៃទៅស្ថានទូតនានានោះ មិនត្រូវអោយមានមនុស្សលើសពី១០០០នាក់ឡើយ។ ប៉ុន្តែបើតាមការបញ្ជាក់របស់លោកហូ វ៉ាន់ ដែលជាតំណាងរាស្ត្រគណបក្សសង្គ្រោះជាតិ គណបក្សនេះបានយល់ព្រមទំលាក់ចំនួនអ្នកចូលរួមដង្ហែញត្តិ ដែលត្រូវបានគ្រោងសម្រាប់មនុស្ស១ម៉ឺននាក់នោះ មកនៅត្រឹម៥ពាន់នាក់វិញ។ តែមិនមែន១ពាន់នាក់តាមការណែនាំរបស់សាលារាជធានីឡើយ។
ក្រៅពីនេះ អភិបាលសាលារាជធានីក៏បានបង្ហាញតម្រាយផ្លូវមួយចំនួនសម្រាប់ការដង្ហែញត្តិនេះទៅតាមបណ្តាស្ថានទូត ដែលគណបក្សសង្គ្រោះជាតិបានគ្រោងរួចហើយនោះដែរ។
លោកហូ វ៉ាន់បានប្រាប់វិទ្យុបារាំងអោយដឹងនៅល្ងាចថ្ងៃអង្គារនេះថា ការជួបជុំជាផ្លូវការនៅប្រព្រឹត្តិទៅព្រឹកថ្ងៃពុធទី២៣តុលាមែន ប៉ុន្តែការដង្ហែញត្តិ ឬស្នាមមេដៃនឹងត្រូវរៀបចំធ្វើនៅពេលរសៀល ដែលដឹកនាំដោយលោកសម រង្ស៊ី និងលោក កឹម សុខា។ នៅថ្ងៃដំបូងនោះ ញត្តិនឹងត្រូវដង្ហែទៅការិយាល័យឧត្តមស្នងការសិទ្ធិមនុស្សនៃអង្គការសហប្រជាជាតិ។ នៅព្រឹកថ្ងៃទី២៤ គណបក្សនេះនឹងដង្ហែស្នាមមេដៃទៅស្ថានទូត បារាំង អង់គ្លេស និងសហរដ្ឋអាមេរិក។ រីឯព្រឹកថ្ងៃទី២៥វិញ គណបក្សនេះនឹងដង្ហែស្នាមមេដៃទៅស្ថានទូត អូស្ត្រាលី រុស្ស៊ី ជប៉ុន ឥណ្ឌូនេស៊ី និងស្ថានទូតចិន។
គួរបញ្ជាក់ថា បើទោះជារដ្ឋមន្ត្រី ក្រសួងមហាផ្ទៃបានបដិសេធមិនអោយមានការស្នាក់ពេលយប់លើទីលានប្រជាធិបតេយ្យក៏ដោយ ប៉ុន្តែរោងដ៏វែងត្រូវបានសាងសង់រួចហើយ នៅព្រលប់ថ្ងៃអង្គារនេះ ដើម្បីទទួលបាតុកររបស់គណបក្សសង្គ្រោះជាតិមកពីបណ្តាខេត្ត៕
1 comment:
៥៥ យកមិនយក?៥៥ យកមិនយក?៥៥ យកមិនយក?
ទោះជាពួកអាអស់ឯងខំប្រឹងស្រែក ធ្វើមហាតបាតុកម្ម ឬ មហាតបាតុកម្មសូត្រធម៌,,,,, មហាតបាតុកម្មស្មូត្រ, មហាតបាតុកម្មភាវនា, មហាតបាតុកម្មសមាធិ, លុតជង្គុង ក្រាបទូល
ក្រោមល្អងធូលីព្រះបាទ, ប្តឹងទៅតុលាការ ឬ ចង់ប្តឹងទៅអង្គការសហប្រជាជាតិជាមួយស្នាមមេដៃ ឲ្យបែកមេឃ រញ្ជួយផែនដីទៀត
ក៍ផែនដីនេះមិនទាន់ដល់វេនពួកអាអស់ឯងដែរ នៅមានឯកឧត្ដមបណ្ឌិត
ហ៊ុន ម៉ាណែត ហ៊ុន ម៉ានិត ទៀត ។ល។ និង។ល។
ផែនដីនេះមិនអាចមាន ព្រះអាទិត្យពីររះលើផែនដីតែមួយបានឡើយ។
ចេះច្បាប់បោះឆ្នោតទេ? ចេះគណិតសាស្ដ្រទេ? ៥០+១ = ១២៣/២=៦១.៥+១=៦២.៥
លេខចេញយ៉ាងច្បាស់ចាញ់ហើយ មិនព្រមចាញ់ទៀត
ត្រូវចាំណា សមេ្តចបណ្ឌិតអគ្គមហាសេនាបតីតេជោ ហ៊ុន សែន វរ្ម័នទី១ មិនមែនជាមនុស្សលោកទេ សមេ្តចជាព្រះបាទ ហ៊ុន ទៀន ចាប់ជាតិ សមេ្តចជាព្រះបាទធម្មិក សមេ្តចជាព្រះអាទិទេព សមេ្តចជាទេវតារស់មកសង្គ្រោះប្រជាជនកម្ពុជា និងប្រទេសកម្ពុជាឱ្យ សម្បូរសប្បាយ រង់រឿង និងសុខក្សេមក្សាន្ដ!!!
សមេ្តចជាព្រះអាទិត្យតែមួយ រះលើផែនដីនេះ...។
ជយោ! សមេ្តចបណ្ឌិតអគ្គមហាសេនាបតីតេជោ ហ៊ុន សែន វរ្ម័នទី១ ជាទេវតានៃកម្ពុជា!!!
បរាជ័យ! ពួកអាខ្មែរក្បត់ជាតិរត់ចោលស្រុក!
បរាជ័យពួកអាសត្វឆ្កែបរទេស (!!)
បរាជ័យពួកអាកាកសំណល់បាតសង្គម (!!)
ពីអញ
ហ្ការី អ៊ឹង
សមាគមខ្មែរឡុងប៉ិចរដ្ឋកាលីហ្វ័រញ៉ា និងជា
បេក្ខជន ស្ថានកុងស៊ុលខ្មែរប្រចាំឡុងប៉ិចរដ្ឋកាលីហ្វ័រញ៉ា
Post a Comment