Monday, October 14, 2013
លោក កឹម សុខា ឆ្លើយតបរឿងលោក សម រង្ស៊ី ទូរស័ព្ទប្រាប់លោក ស ខេង ឈប់ទាមទារតំណែងប្រធានសភា
មានតែមនុស្ស ឆោតល្ងង់ទេ ដែលជឿសម្តី ចោរខំស្រែកប្រាប់គេឯងថា ម្ចាស់ទ្រព្យឈប់ទាមទាររបស់ ទ្រព្យដែលចោរលួចនោះហើយ។ លោក កឹម សុខា ឆ្លើយតបរឿងលោក សម រង្ស៊ី ទូរស័ព្ទប្រាប់លោក ស ខេង ឈប់ទាមទារតំណែងប្រធានសភា
(ថ្ងៃទី 14 តុលា 2013, ម៉ោង 04:17:PM) | ដោយ: មុនីរាជ CEN
ភ្នំពេញ: ទាក់ទងការលើកឡើងរបស់លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ និងជាមន្ត្រីជាន់ខ្ពស់ គណបក្សប្រជាជនកម្ពុជា ថា លោក សម រង្ស៊ី បានទូរស័ព្ទមកលោកថា ឈប់ទាមទារតំណែងប្រធានរដ្ឋសភានោះ ត្រូវបានលោក កឹម សុខា ប្រធានស្តីទីគណបក្សសង្គ្រោះជាតិ បានអះអាងថា ខាងគណបក្ស សង្គ្រោះជាតិ ឥតមានអ្វីភ្ញាក់ផ្អើលទេ។
ការបញ្ជាក់នេះបានធ្វើឡើងកាលពីព្រឹកថ្ងៃទី១៤ ខែតុលា ឆ្នាំ២០១៣ នៅក្នុងពិធីបង្សុកូលព្រះវិញ្ញាណក្ខ័ន្ធ ព្រះបាទសម្តេចព្រះនរោត្តម សីហនុ ព្រះបរមរតនកោដ្ឋ នៅទីស្នាក់ការ គណបក្សសង្គ្រោះជាតិ នៅផ្លូវត្រឡោកបែក។
ទាក់ទងករណីលោក សម រង្ស៊ី ទូរស័ព្ទឆ្លើយឆ្លងជាមួយលោកឧបនាយករដ្ឋមន្ត្រី ស ខេង ឈប់ទាមទារតំណែងប្រធានរដ្ឋសភានោះ ត្រូវបាន លោកបានបញ្ជាក់ថា “ ខ្ញុំមិនទាន់បានទទួល ព័ត៌មានពិតទេ ហើយយើងអត់មានការចរចាណាមួយ ជាផ្លូវការទេ បើយើងចាប់យកពាក្យ មួយកំណាត់ នៅក្នុងការទំនាក់ទំនងទូរស័ព្ទណាមួយ។ អាហ្នឹង មិនអាចយកជាបានការទេ "។
លោក កឹម សុខា បញ្ជាក់ឡើងវិញថា៖ “ក្នុងការចរចាថ្មីណាមួយរវាង គណបក្សប្រជាជន និង គណបក្សសង្គ្រោះជាតិ អត់ទាន់មាននៅឡើយទេ បន្ទាប់ពីចរចា ពីរលើករួចមកអត់ដែលមានទេ។ គណបក្សសង្គ្រោះជាតិ នៅដដែលគឺស្វែងរកការពិត រកយុត្តិធម៌ជូនប្រជាពលរដ្ឋ ហើយការដែលយើងព្រមជជែកគ្នាបានដោយសាមិនទាន់រកការពិតឃើញហេតុនេះដើម្បីកុំឲ្យដំណើរការជាតិជាប់គាំង យើងគិតគូរកដំណោះស្រាយជាបណ្តោះអាសន្នសិន ទម្រាំរកការពិតឃើញ។ ក្នុងការជជែកគ្នា រកដំណោះស្រាយបណ្តោះអាសន្ននោះ ជំហររបស់ គណបក្សសង្គ្រោះជាតិ បានបញ្ជាក់ហើយ គឺឈរលើមូលដ្ឋាន ថា យើងជាអ្នកឈ្នះ។ យើងឈ្នះមានន័យថា ទាល់តែយើងទាមទារឲ្យ មានតុល្យភាព អំណាចតុល្យភាព អំណាចទាល់តែ យើងទាំងអស់គ្នា ឈ្នះទាំងអស់គ្នា។ បើសិនជាអត់មានតុល្យភាព អំណាចគឺយើង មិនអាចទទួលយកបានទេ”។
លោក ស ខេង កន្លងមកបានលាតត្រដាងអំពីការពិតមួយដែលថាលោក សម រង្ស៊ី បានទូរស័ព្ទរកលោក ហើយប្រាប់ថា លែងចង់បាន ប្រធានសភាហើយ បន្ទាប់ពីស្នើសុំមិនបាន។ ប៉ុន្តែលោក សម រង្ស៊ីស្នើសុំសមាសភាពស្មើគ្នានៅក្នុងគណកម្មាធិការអចិន្ត្រៃយ៍។
ភាពទាល់ច្រកក្នុងការចរចាកន្លងមកត្រូវបានគណបក្សប្រជាជនចាត់ទុកថាដោយសារតែគណបក្សសង្គ្រោះជាតិចង់បានតំណែងប្រធាននិងសមាសភាពស្មើគ្នានៅក្នុងអចិន្ត្រៃយ៍។ គណបក្សប្រជាជនកម្ពុជាចាត់ទុកថា នេះមិនអាចទៅរួចទេ ព្រោះ គណបក្សប្រជាជន ជាគណបក្ស ឈ្នះឆ្នោត៕
Subscribe to:
Post Comments (Atom)
4 comments:
No doubt, that is the dirty lied strategy of the communist regime and the East block has always used where many people have a low education like Cambodia today. This lied strategy will never operated in former East Block anymore because their people have high education more more Cambodian peole.
ពួកអាចោរលួចឆ្នោតប្លន់ឆន្ទះរាស្រ្តគង់តែរន្ទះបាញ់ងាប់ទាំងពូជរបស់វាទាំងមេទាំងកូននោះទេ។
ត្រូវហើយ ៗ សុំគំាទ្រយោបល់ទាំងពីរខាងលើ ពួកបនកុម្មុយនិស្ត ក្រៅពីនិយាយត្រឡប់ត្រឡិន និងមួលបង្កាច់ បង្ខូចអ្នកផ្សេង តើនៅមានអ្វីដែល
ពួកវាចេះធ្វើធ្វើ ចេះនិយាយទៀត ? ។ នៅក្នុង
លោកនេះ គ្មានអ្វីដែលកំសាកជាងពួកអាកុម្មុយ
និស្តទៀតទេ ។ ការប្រព្រឹត្តរបស់ពួកវាតែងតែ
ទម្លាក់ទោស ឬ កំហុសទៅលើអ្នកផ្សេងទាំង
អស់ ។ ពួកវាគង់តែស្លាប់តៃហោងទាំងពូជមិន
ក្នុងពេលឆាប់ ៗ នេះខាន ។
អាចោររន្ទះបាញ់តៃហោងកឹម សុខា លួចឆន្ទះរាស្រ្ត
ទៅចូលដៃជាមួយ អាចោរយួនរន្ទះបាញ់ហ៊ុន សែន!
Post a Comment