Tuesday, October 22, 2013

អាជ្ញាធរ​នៅ​កំពង់ចាម​រង​ការ​ចោទ​ថា​ហាម​ពលរដ្ឋ​ចូល​រួម​បាតុកម្ម​របស់​បក្ស​ប្រឆាំង


គណបក្ស​សង្គ្រោះ​ជាតិ គ្រោង​ធ្វើ​បាតុកម្ម​នៅ​ថ្ងៃ​ទី​២៣ ដល់​ថ្ងៃ​ទី​២៥ តុលា ដោយ​មាន​មនុស្ស​ចូល​រួម​ជាច្រើន​ម៉ឺន​នាក់។ ប៉ុន្តែ នៅ​តាម​មូលដ្ឋាន​ដែល​ប្រជាពលរដ្ឋ​រស់​នៅ មាន​ការ​ហាម​ឃាត់​ជា​បណ្ដើរៗ​ពី​សំណាក់​អាជ្ញាធរ​ភូមិ ដោយ​មិន​ចង់​ឱ្យ​ប្រជាពលរដ្ឋ​ទាំង​នោះ​មក​ចូល​រួម​មហា​បាតុកម្ម ដោយ​អះអាង​ថា ជា​ការ​បង្ក​ភាព​ចលាចល​ដល់​សង្គម។

ទិដ្ឋភាព​អ្នក​ចូល​រួម​ធ្វើ​មហា​បាតុកម្ម​អហិង្សា​របស់​គណបក្ស​សង្គ្រោះ​ជាតិ​នៅ​ទីលាន​ប្រជាធិបតេយ្យ នៅ​ព្រឹក​ថ្ងៃ​ទី​៧ កញ្ញា ឆ្នាំ​២០១៣។ RFA

ដោយ សូត សុខប្រាថ្នា 2013-10-22 

សកម្មភាព​នេះ ត្រូវ​បាន​ប្រធាន​ស៊ើប​អង្កេត​សមាគម​ការពារ​សិទ្ធិ​មនុស្ស យល់​ថា ជា​ការ​រំលោភ​សិទ្ធិ​សេរីភាព​របស់​ប្រជាពលរដ្ឋ​ក្នុង​ការ​សម្ដែង​ឆន្ទៈ​របស់​ពួក​គាត់។

អាជ្ញាធរ​ភូមិ​នៅ​ស្រុក​តំបែរ ខេត្ត​កំពង់ចាម បាន​ប្រកាស​ជា​សាធារណៈ មិន​ឱ្យ​ប្រជាពលរដ្ឋ​នៅ​ក្នុង​តំបន់​ដែល​ខ្លួន​រស់​នៅ ទៅ​ចូល​រួម​ធ្វើ​មហា​បាតុកម្ម​របស់​បក្ស​សង្គ្រោះ​ជាតិ ដែល​នឹង​ចាប់​ផ្ដើម​នៅ​ថ្ងៃ​ទី​២៣ តុលា នោះ។

សកម្មជន​គណបក្ស​សង្គ្រោះ​ជាតិ នៅ​ឃុំ​ទឹកជ្រៅ ស្រុក​តំបែរ លោក ឃុត ខា បាន​ឱ្យ​ដឹង​ថា កាល​ពី​ថ្ងៃ​ទី​២០ តុលា មេ​ភូមិ​ផ្អាវ បាន​ថ្លែង​នៅ​ក្នុង​ពិធី​បុណ្យ​សព​មួយ​នៅ​ក្នុង​ភូមិ មិន​ឱ្យ​ប្រជាពលរដ្ឋ​ណា​ទៅ​ចូល​រួម​ធ្វើ​មហា​បាតុកម្ម និង​មិន​ឱ្យ​ផ្ដិត​មេដៃ​គាំទ្រ​គណបក្ស​សង្គ្រោះ​ជាតិ នោះ​ឡើយ។



លោក ឃុត ខា៖ «បាទ! គាត់​បាន​ធ្វើ​សកម្មភាព​ហ្នឹង​ហើយ គាត់​របៀប​ឃោសនា ហើយ​គាត់​មាន​ប្រើ​ពាក្យ​អសុរោះ​ផ្សេងៗ​ទៅ​ដល់​ប្រធាន សម រង្ស៊ី មេ​បក្ស​ប្រឆាំង គាត់​ថា​ប្រធាន សម រង្ស៊ី ហ្នឹង ក្បត់​ជាតិ អា​ហ្នឹង​ទី​មួយ។ ហើយ​ទី​ពីរ​ទៀត គាត់​បាន​ប្រាប់​ប្រជាពលរដ្ឋ​មិន​ឱ្យ​ទៅ​ផ្ដិត​មេដៃ​ជូន​គណបក្ស​សង្គ្រោះ​ជាតិ ទេ ហើយ​មិន​ឱ្យ​ទៅ​ចូល​រួម​ធ្វើ​មហា​បាតុកម្ម ហើយ​ចំណែក​អ្នក​មាន​ឡាន ក៏​កុំ​ទៅ​ដឹក​មនុស្ស​ធ្វើ​បាតុកម្ម​ប្រយ័ត្ន​ប៉ូលិស​ចាប់​យក​ឡាន»។

លោក​បន្ត​ទៀត​ថា ទង្វើ​របស់​មេ​ភូមិ​នេះ​ជា​ការ​បំបិទ​សិទ្ធិ​សេរីភាព​របស់​ប្រជាពលរដ្ឋ មិន​ឱ្យ​មាន​សកម្មភាព​ក្នុង​រឿង​នយោបាយ។ លោក​បន្ថែម​ទៀត​ថា អ្វី​ដែល​លោក​មើល​ឃើញ​ថា ការ​ធ្លាក់​ចុះ​នៃ​សំឡេង​ឆ្នោត​គាំទ្រ​គណបក្ស​ប្រជាជន​កម្ពុជា នោះ ក៏​ដោយសារ​តែ​មាន​អាជ្ញាធរ​តាម​មូលដ្ឋាន ដែល​មិន​បាន​បម្រើ​ផល​ប្រយោជន៍​ប្រជាពលរដ្ឋ​នោះ៖ «ប្រសិន​ណា​តែ​គ្មាន​ការ​ផ្លាស់​ប្ដូរ គ្មាន​ការ​ណែនាំ​ទេ មេ​ភូមិ​អស់​ហ្នឹង​ធ្វើ​ឱ្យ​សំឡេង​គណបក្ស​ប្រជាជន ធ្លាក់​កាន់​តែ​ខ្លាំង​ឡើងៗ​ហើយ​បាទ! អស់​មួយ​ចំហៀង​ប្រទេស​ហើយ​ដែល​ប្រជាជន​បោះ​ឆ្នោត​ទម្លាក់​គណបក្ស​ប្រជាជន ហើយ​បាទ! ហើយ​គាត់​នៅ​តែ​ស្រែក​ធ្វើ​ឱ្យ​ប្រជាពលរដ្ឋ​មាន​ការ​ភ័យ​ខ្លាច មាន​ការ​ចាប់​អារម្មណ៍​ខ្លាំង ចំពោះ​អា​បញ្ហា​ដែល​ធ្វើ​នយោបាយ​ហ្នឹង​បាទ! គាត់​និយាយ​គំរាម​ប្រជាពលរដ្ឋ​អ៊ីចឹង​ហ្មង​បាទ!»។

ឆ្លើយ​តប​ទៅ​នឹង​ការ​ចោទ​ប្រកាន់​ពី​សំណាក់​សកម្មជន​គណបក្ស​សង្គ្រោះ​ជាតិ ថា​មេ​ភូមិ​បំបិទ​សេរីភាព​ប្រជាពលរដ្ឋ​នោះ មេ​ភូមិ​ផ្អាវ លោក ធូ ចាន់ថន បាន​បដិសេធ​ថា លោក​មិន​បាន​បំបិទ​សិទ្ធិ​សេរីភាព​របស់​ប្រជាពលរដ្ឋ​ដែល​ចង់​ចូល​រួម​ក្នុង​សកម្មភាព​នយោបាយ​នោះ​ឡើយ។ ប៉ុន្តែ លោក​គ្រាន់​តែ​ណែនាំ​ប្រជាពលរដ្ឋ​ថា ត្រូវ​ធ្វើ​អ្វី​ដែល​មាន​ប្រយោជន៍ ហើយ​កុំ​ធ្វើ​រឿង​ណា​ដែល​នាំ​ឱ្យ​ប៉ះពាល់​ដល់​សន្តិសុខ​ក្នុង​សង្គម។ លោក​បន្ត​ថា អ្វី​ដែល​លោក​បាន​ប្រកាស​នោះ មិន​បាន​ធ្វើ​ឱ្យ​ប្រជាពលរដ្ឋ​ខ្លាច​រអា​នោះ​ទេ ប៉ុន្តែ​មាន​តែ​ក្រុម​បក្ស​ប្រឆាំង​តែ​ប៉ុណ្ណោះ ដែល​ចេះ​តែ​មាន​ការ​បារម្ភ។

លោក ធូ ចាន់ថន៖ «ប្រជាពលរដ្ឋ​មួយ​ណា? ព្រោះ​ខ្ញុំ​ប្រកាសៗ​ទូទៅ មាន​ប្រជាពលរដ្ឋ​ខ្លះ​ពួក​ក្រុម​ប្រឆាំង​ទេ​ដែល​វា​ភ័យ។ បើ​សិន​គេ​ដែល​ត្រឹមត្រូវ គ្មាន​សតិ​អារម្មណ៍​ភ័យ​អី​ទេ! នេះ​ជា​ការ​ផ្សាយ​ជូន​ដំណឹង​ឱ្យ​ប្រជាពលរដ្ឋ​បាន​ដឹង​ពី​ផល​ប្រយោជន៍​នៃ​ការ​ចូល​រួម​ធ្វើ​បាតុកម្ម តើ​វា​ផ្តល់​ផល​ប្រយោជន៍​បាន​ប៉ុន្មាន? និយាយ​ពី​ការ​បោះ​ឆ្នោត យើង​បាន​ចប់​សព្វ​គ្រប់​អស់​ហើយ»។

ចំណែក​ឯ​រឿង​ដើរ​ផ្ដិត​មេដៃ​របស់​បក្ស​សង្គ្រោះ​ជាតិ នោះ មេ​ភូមិ​ផ្អាវ ក៏​បាន​ចាត់​ទុក​ថា​ជា​រឿង​ខុស​ច្បាប់​ទាំង​ស្រុង៖ «អា​ហ្នឹង​ថា​កើត​ឡើង​ពិត​ដូច​ខ្ញុំ​ជម្រាប​លោកគ្រូ​អ៊ីចឹង! វា​អត់​មាន​ដែល​គេ​ហៅ​ថា ប្រកាស​ជា​សាធារណៈ ខ្ញុំ​ប្រាប់​ប៉ុន្មាន​សា​ហើយ ថា​បើ​ចង់​ធ្វើ​អី! ប្រជាពលរដ្ឋ​ខ្ញុំៗ​ពី​ដើម​មក ប្រកាស​ហើយ​ថា​ការងារ​ដែល​មាន​មុខ​ខ្ញុំៗ​ដើរ​ធ្វើ​អា​ហ្នឹង ជា​ការងារ​ស្រប​ច្បាប់។ បើ​ថា​ខុស​ពី​មុខ​មេ​ភូមិ ខុស​អាជ្ញាធរ​ភូមិ វា​ជា​រឿង​ខុស​ច្បាប់ ហើយ​មិន​ដឹង​ថា​រដ្ឋ​អំណាច​ចាត់​តាំង​ពី​ច្រក​ណា​ទេ?»។

ប្រសិន​ផ្អែក​ទៅ​លើ​មូលដ្ឋាន​ច្បាប់​វិញ ប្រធាន​ផ្នែក​ស៊ើប​អង្កេត​ខាង​សិទ្ធិ​មនុស្ស​របស់​សមាគម​អាដហុក (ADHOC) លោក នី ចរិយា បាន​មាន​ប្រសាសន៍​ថា សកម្មភាព​របស់​ប្រជាពលរដ្ឋ​ដែល​ចូល​រួម​មហា​បាតុកម្ម​ដោយ​គ្មាន​ការ​បង្ខិតបង្ខំ ដើម្បី​សម្ដែង​មតិ​របស់​ខ្លួន​នោះ មិន​មាន​អ្វី​ខុស​ច្បាប់​នោះ​ឡើយ។ លោក​បន្ត​ថា រីឯ​ការ​ផ្ដិត​មេដៃ​ទៀត​សោត ប្រសិន​បើ​សកម្មជន​គណបក្ស​សង្គ្រោះ​ជាតិ ធ្វើ​ឡើង​ដោយ​គ្មាន​ការ​បង្ខិតបង្ខំ​ប្រជាពលរដ្ឋ ពោល​គឺ​ប្រជាពលរដ្ឋ​ស្ម័គ្រចិត្ត​នោះ ក៏​មិន​មាន​អ្វី​ខុស​ច្បាប់​នោះ​ដែរ ប៉ុន្តែ​អ្នក​ដែល​ខុស​ច្បាប់​វិញ គឺ​អាជ្ញាធរ​ដែល​ចេះ​តែ​រារាំង ចេះ​តែ​គំរាម​កំហែង​ពួក​គាត់។

លោក នី ចរិយា បញ្ជាក់​ទម្ងន់​ទោស​នៃ​ការ​រារាំង និង​គំរាម​កំហែង​ប្រជាពលរដ្ឋ មិន​ឱ្យ​សម្ដែង​មតិ​នោះ ជា​បទ​ល្មើស​ផ្នែក​ព្រហ្មទណ្ឌ។ លោក​ក៏​បាន​បញ្ជាក់​ទៀត​ថា គ្មាន​ច្បាប់​ណា​មួយ​ចែង​ថា សិទ្ធិ​សេរីភាព​នៃ​ការ​បញ្ចេញ​មតិ​របស់​ពលរដ្ឋ ត្រូវ​មាន​ការ​ចូល​រួម​ពី​សំណាក់​អាជ្ញាធរ​នោះ​ដែរ។ ហើយ​អ្វី​ដែល​អាជ្ញាធរ​លើក​ឡើង​ថា សកម្មភាព​ណា​ដែល​ស្រប​ច្បាប់ ទាល់​តែ​មាន​ការ​ចូល​រួម​ពី​សំណាក់​អាជ្ញាធរ​នោះ គឺ​អាជ្ញាធរ​ទាំង​នោះ​មិន​បាន​ឈរ​នៅ​លើ​គោលការណ៍​ច្បាប់​នោះ​ឡើយ ប៉ុន្តែ​បែរ​ជា​ឈរ​លើ​គោលការណ៍​ទម្លាប់​ដឹក​នាំ​តាម​របប ប៉ុល ពត តែ​ប៉ុណ្ណោះ៕

4 comments:

Anonymous said...

៥៥ យកមិនយក?៥៥ យកមិនយក?៥៥ យកមិនយក?

ទោះជាពួកអាអស់ឯងខំប្រឹងស្រែក ធ្វើមហាតបាតុកម្ម ឬ មហាតបាតុកម្មសូត្រធម៌,,,,, មហាតបាតុកម្មស្មូត្រ, មហាតបាតុកម្មភាវនា, មហាតបាតុកម្មសមាធិ, លុតជង្គុង ក្រាបទូល
ក្រោមល្អងធូលីព្រះបាទ, ប្តឹងទៅតុលាការ ឬ ចង់ប្តឹងទៅអង្គការសហប្រជាជាតិជាមួយស្នាមមេដៃ ឲ្យបែកមេឃ រញ្ជួយផែនដីទៀត
ក៍ផែនដីនេះមិនទាន់ដល់វេនពួកអាអស់ឯងដែរ នៅមានឯកឧត្ដមបណ្ឌិត
ហ៊ុន ម៉ាណែត ហ៊ុន ម៉ានិត ទៀត ។ល។ និង។ល។
ផែនដីនេះមិនអាចមាន ព្រះអាទិត្យពីររះលើផែនដីតែមួយបានឡើយ។
ចេះច្បាប់បោះឆ្នោតទេ? ចេះគណិតសាស្ដ្រទេ? ៥០+១ = ១២៣/២=៦១.៥+១=៦២.៥
លេខចេញយ៉ាងច្បាស់ចាញ់ហើយ មិនព្រមចាញ់ទៀត
ត្រូវចាំណា សមេ្តចបណ្ឌិតអគ្គមហាសេនាបតីតេជោ ហ៊ុន សែន វរ្ម័នទី១ មិនមែនជាមនុស្សលោកទេ សមេ្តចជាព្រះបាទ ហ៊ុន ទៀន ចាប់ជាតិ សមេ្តចជាព្រះបាទធម្មិក សមេ្តចជាព្រះអាទិទេព សមេ្តចជាទេវតារស់មកសង្គ្រោះប្រជាជនកម្ពុជា និងប្រទេសកម្ពុជាឱ្យ សម្បូរសប្បាយ រង់រឿង និងសុខក្សេមក្សាន្ដ!!!

សមេ្តចជាព្រះអាទិត្យតែមួយ រះលើផែនដីនេះ...។
ជយោ! សមេ្តចបណ្ឌិតអគ្គមហាសេនាបតីតេជោ ហ៊ុន សែន វរ្ម័នទី១ ជាទេវតានៃកម្ពុជា!!!


បរាជ័យ! ពួកអាខ្មែរក្បត់ជាតិរត់ចោលស្រុក!

បរាជ័យពួកអាសត្វឆ្កែបរទេស (!!)

បរាជ័យពួកអាកាកសំណល់បាតសង្គម (!!)

ពីអញ

ហ្ការី អ៊ឹង
សមាគមខ្មែរឡុងប៉ិចរដ្ឋកាលីហ្វ័រញ៉ា និងជា
បេក្ខជន ស្ថានកុងស៊ុលខ្មែរប្រចាំឡុងប៉ិចរដ្ឋកាលីហ្វ័រញ៉ា

Anonymous said...

បើគេទាំងឡាយជាឆ្កែ អាចំកួតឯងក៏ជាឆ្កែដែលឆ្កួត
បំផុតដែរ

Anonymous said...

បរាជ័យ! ពួកអាខ្មែរក្បត់ជាតិរត់ចោលស្រុក!

បរាជ័យពួកអាសត្វឆ្កែបរទេស (!!)

បរាជ័យពួកអាកាកសំណល់បាតសង្គម (!!)

ពីអញ

ហ្ការី អ៊ឹង
សមាគមខ្មែរឡុងប៉ិចរដ្ឋកាលីហ្វ័រញ៉ា និងជា
តប៖ ចុះខ្លួននៅឡុងប៊ិចហ្នឹង មិនមែនរត់ចោលស្រុកមកទេឬ?
ចំជាឆ្កួតគ្មានលេខដាក់មែន។

Anonymous said...

ឱ! អនិច្ចំ-ទុក្ខំ-អនត្តា វាសនាបាតុកម្មបង្រ្គប់កិច្ច!

របស់ក្រុមហ៊ុនឯកជន CNRP
របស់អាបុកគល់អន្តរកាប់ សំរាប់​ ស៊ី ,កឹម ទុក្ខា

* ដើម្បីឡេមឡឺម តែអំណាចផ្ទាល់ខ្លួន
មានកម្រិត តែ(៣ថ្ងៃគត់)ប៉ុណ្ណោះ
ហើយក៏ដាច់ខ្យល់ ស្លាប់តៃហោង....ត-ម៉ង!
បាតុកម្មមែនទែនគឺ
-គេធ្វើ​ទូទាំង​ប្រទេសគា្មនកំណត់ពេល
ត្រាតែបានជោគជ័យ!
- អ្នកស្រីទេព វន្នី អ្នកបឹងកក់គេធ្វើបាតុកម្មដើរ!
- បាតុកម្មអ្នកប្រុសសម រង្ស៊ី អង្គុយអេះក្ដលេង។