 |
| រូបថត ហេង ជីវ័ន |
ភ្នំពេញៈ ក្រោយពីបានទទួលញាត្តិ និងពិភាក្សាជាមួយលោក សម រង្ស៊ី នៅក្នុងស្ថានទូតកាលពីព្រឹកមិញ ពេលដែលថ្នាក់ដឹកនាំគណបក្សសង្គ្រោះជាតិយកញាត្តិមកដាក់ ស្ថានទូតអូស្ត្រាលីបានចេញសេចក្តីប្រកាសព័ត៌មានមួយ នៅរសៀលថ្ងៃសុក្រនេះថា ប្រទេសអូស្ត្រាលី ជម្រុញឲ្យគណបក្សជាប់ឆ្នោតទាំងពីរ បន្តពិភាក្សា ចរចាគ្នាបន្តទៀត រួមទាំង ការពិភាក្សាធ្វើកំណែទម្រង់ការបោះឆ្នោត។
លោកស្រី Alison Burrows អគ្គរាជទូតអូស្ត្រាលីប្រចាំកម្ពុជាបាននិយាយនៅក្នុងសេចក្តីប្រកាសព័ត៌មាន នោះថា លោកស្រីបានទទួលញាត្តិពីគណៈប្រតិភូគណបក្សសង្គ្រោះជាតិ ដឹកនាំដោយលោក សម រង្ស៊ីហើយ។ គឺញាត្តិដែលសុំឲ្យអូស្រ្តាលី ជួយដោះស្រាយបញ្ហាជាប់គាំងនយោបាយនៅកម្ពុជា ដោយធានាឲ្យមានការគោរព និងអនុវត្តឲ្យបានពេញលេញនៃសន្ធិសញ្ញាសន្តិភាពទីក្រុង ប៉ារីស ឆ្នាំ ១៩៩១។
នៅក្នុងជំនួបជាមួយមេបក្សប្រឆាំង លោកស្រី អគ្គរាជទូត បានមានប្រសាសន៍ថា ប្រទេសអូស្ត្រាលីជម្រុញឲ្យគណបក្សជាប់ឆ្នោតទាំងពីរ បន្តពិភាក្សា ចរចាបន្តទៀត រួមទាំង ការធ្វើកំណែទម្រង់ការបោះឆ្នោត ដោយថ្លែងថា «វាសំខាន់ គណបក្សសង្គ្រោះជាតិ ដែលទើបតែប្រកាសរំសាយបិទបញ្ចប់ មហាបាតុកម្មអហិង្សាចំនួន ៣ ថ្ងៃ នៅរសៀលថ្ងៃនេះ បានដើរដង្ហែរក្បួនយកញាត្តិ និងស្នាមមេដៃជាង ២លាននាក់ ទៅដាក់ជូន អង្គការសហប្រជាជាតិ និងតំណាងស្ថានទូតចំនួន ៨ ទៀតដែលជាម្ចាស់ហត្ថលេខីនៃកិច្ចព្រមព្រៀងទីក្រុង ប៉ារីស រួមមាន ស្ថានទូត អាមេរិក អង់គ្លេស បារាំង អូស្ត្រាលី រុស្ស៊ី ជប៉ុន ឥណ្ឌូនេស៊ី និងចិន ដើម្បីទាមទារឲ្យស្ថាប័នអន្តរជាតិទាំងនេះ ជួយអន្តរាគមន៍ឲ្យមានការស៊ើបអង្កេតឯករាជ្យ អំពីភាពមិនប្រក្រតីក្នុងការបោះឆ្នោត និងជំរុញឲ្យមានការអនុវត្តឲ្យបានពេញលេញនូវកិច្ចព្រមព្រៀង ទីក្រុង ប៉ារីស ថ្ងៃទី ២៣ តុលា ឆ្នាំ ១៩៩១។
លោកស្រី អគ្គរាជទូត បានបន្តថា ប្រទេសអូស្ត្រាលីមានគណៈកម្មាការអចិន្ត្រៃយ៍ដ៏រឹងមាំ ក្នុងការជួយធ្វើឲ្យដំណើរការលទ្ធិប្រជាធិបតេយ្យនៅកម្ពុជា។ លោកស្រីថ្លែងថា «យើងនឹងបន្តជួយនិងជម្រុញឲ្យមានការគោរព និងអង្កេតផ្នែកសិទ្ធិមនុស្ស និងសិទ្ធិសេរីភាពជាមូលដ្ឋាននៅកម្ពុជា ហើយនឹងបន្តធ្វើការជាដៃគូរ ជាមួយកម្ពុជាក្នុងនាមជាមិត្ត ក្នុងការជួយស្តារ និងអភិវឌ្ឍន៍កម្ពុជាជាបន្តទៀត»។
សូមបញ្ជាក់ថា ស្ថានទូតអូស្ត្រាលី គឺជាស្ថានទូតទីមួយហើយ ដែលបានបញ្ជាក់ជំហររបស់ខ្លួន ក្រោយពីទទួលយកញាត្តិរបស់គណបក្សសង្គ្រោះជាតិ ខណៈពេលដែលស្ថានទូតផ្សេងទៀតកំពុងធ្វើការពិចារណា ចំពោះការស្នើសុំឲ្យមានកិច្ចអន្តរាគមន៍ និងដាក់សម្ពាធទៅលើរាជរដ្ឋាភិបាលរបស់លោកនាយករដ្ឋមន្ត្រី ហ៊ុន សែន ដែលកើតចេញពីសភាឯកបក្ស ដែលគណបក្សប្រឆាំងនេះ បដិសេធមិនទទួលស្គាល់ រាប់ទាំងលទ្ធផលបោះឆ្នោតកាលពីថ្ងៃទី ២៨ កក្កដា។
2 comments:
WELL THIS VICTORY FOR CNRP PARTY! I GUEST THIS CAME AFTER THE CNRP PARTY DILVER 2.3 MILLION FINGER PRINT DURING DEMONSTRATE LATELY IT TURN TO OUR VICTORY KEEP ON FIGHTING CNRP! WE WILL WIN! WE WILL WIN! WE WILL WIN! KEEP ON FIGHTING CNRP VICTORY IS IMMINENT. LOVE YOU CNRP! YOU ARE BRAVE, YOU STRONG.
សូមសហគមអន្តរៈជាតិ ជាពិសេសទាំងប៉ុន្មាន
ដែលបានទទួលញត្តិហើយនោះ ជួយជម្រុញ
ឲគណៈបក្សកាន់អំណាចផ្តាច់ការ ដែលជារដ្ឋាភិ
បាលខុសច្បាប់បច្ចុប្បន្ននេះឲយល់ព្រមបង្កើត
គណៈការចម្រុះឯករាជ្យមួយសិន មុននឹងឈាន
ទៅដល់កិច្ចការផ្សេងទៀត ។ កុំចេះតែប្រើពាក្យ
ថា ឲគណៈបក្សឈ្នះឆ្នោតទាំងពីរបន្តការពិភាគ្សា និយាយគ្នា ឬ ចរចារគ្នាទៀតវាគ្មានបានប្រយោជន៍
អ្វីទេ ។ បើមិនរកការពិត និង យុត្តិធម៌ឲឃើញ
ទេ វានឹងនៅតែជាប់គាំងជារៀងរហូត មិនអាច
មុខបាន គ្មានផ្លូវដោះស្រាយអ្វីចេញបានឡើយ ។
សូមសហគមអន្តរៈជាតិ ជាពិសេសប្រទេសហត្ថ
លេខី និង អង្គការសហប្រជាជាតិ មេត្តាជួយ
ជម្រុញ ពួកគណៈប្រជាជនឲត្រូវតែព្រមបង្កើត
គណៈកម្មការឯករាជ្យមួយជាបន្ទាន់ កុំឲពន្យាពេល
តទៅទៀត ។ គាគីដែលពន្យាពេលមិនព្រមបង្កើត
គណៈកម្មការដើម្បីរកយុត្តិធម៌ក្នុងរឿងនេះ សន្មត
ថាជាអ្នកចាញ់ឆ្នោតទៅហើយ ។
សូមជាតិ និង អន្តរៈជាតិវិនិច្ឆួ័យតាមហ្នឹងចុះ ព្រោះ
មានតែអ្នកចាញ់ទេដែលខ្លាចមានការសើុបអង្កេត ។ គ្រាន់តែចំណុចមួយហ្នឹងអាចពញ្ជាក់ការពិត
ហើយ មិនចាំបាច់ធ្វើអ្វីផ្សេងទៀតឡើយ ។
Post a Comment