 |
| កម្មកររោងចក្រ អែស.អិល (SL) តវ៉ាបិទផ្លូវលេខ២១៧ នៅផ្តុំ ស្ពានដែក ភូមិឫស្សី សង្កាត់ស្ទឹងមានជ័យ រាជធានីភ្នំពេញ នៅថ្ងៃទី២៤ ខែសីហា ឆ្នាំ២០១៣។ Photo: RFA |
ដោយ ទេព សុរ៉ាវី 2013-11-02
សម្ព័ន្ធសហជីព ស៊ីខាវឌូ ប្រកាសថា កម្មកររោងចក្រ អែស.អិល ប្រមាណ ២ពាន់នាក់ គ្រោងធ្វើបាតុកម្មខាងមុខរោងចក្រនៅថ្ងៃច័ន្ទ សប្ដាហ៍ក្រោយ ហើយព្រមានថាបាតុកម្មនោះនឹងរីករាលដាល ក្លាយជាមហាបាតុកម្មទ្រង់ទ្រាយធំទូទាំងប្រទេស ដែលមានកម្មកររាប់ម៉ឺននាក់ចូលរួម ប្រសិនបើរដ្ឋាភិបាលក្រុមហ៊ុន និងស្ថាប័នពាក់ព័ន្ធមិនព្រមដោះស្រាយវិវាទនៅរោងចក្រនេះ។
អនុប្រធានសម្ព័ន្ធសហជីព ស៊ីខាវឌូ លោក គង់ អាទិត្យ មានប្រសាសន៍នៅថ្ងៃទី២ ខែវិច្ឆិកា ថា រយៈពេលចុងក្រោយនេះ អំពើហិង្សាមកលើកម្មករពីសំណាក់ក្រុមបក្ខពួករបស់ លោក មាស សុត្ថា ប្រធានរដ្ឋបាល ឬទីប្រឹក្សារោងចក្រកាត់ដេរ អែស.អិល មានការកើនឡើង ពិសេសមានការជួលក្រុមក្មេងពាលជាច្រើន មានទាំងកាំភ្លើងច្នៃបាញ់ទៅលើកម្មករ។
លោកបញ្ជាក់ថា សម្ព័ន្ធសហជីព ស៊ីខាវឌូ ស៊ើបដឹងថា ថ្នាក់ដឹកនាំរោងចក្រ អែស.អិល មានផែនការមួយច្បាស់លាស់ ដើម្បីរំលាយ និងរំលោភសេរីភាពរបស់សហជីពនៅក្នុងរោងចក្រ ព្យាយាមធ្វើទុក្ខបុកម្នេញទៅលើកម្មករ ដោយមានយកចំពាមកៅស៊ូ និងកាំភ្លើងខ្យល់បាញ់ទៅលើកម្មករ ជាពិសេស បានប្រកាសជាចំហថា ប្រសិនបើកម្មករណាព្រមចាកចេញពីសហជីព ស៊ីខាវឌូ និងផ្តល់ថវិកាលើកទឹកចិត្ត ៥០ដុល្លារ។ តាមផែនការដែលខាងសម្ព័ន្ធសហជីពដឹង គឺភាគីរោងចក្រមានគម្រោងបញ្ឈប់កម្មករ ១៩នាក់ ដែលជាថ្នាក់ដឹកនាំសហជីពប្រចាំរោងចក្រនេះ។
ជាទូទៅ ក្រុមសហជីពកម្មករកាត់ដេរ ដើរតួនាទីឃ្លាំមើល និងទាមទារសិទ្ធិឲ្យកម្មករ ឬប្រាក់អត្ថប្រយោជន៍ផ្សេងៗពីថៅកែរោងចក្រដែលបានរំលោភ ឬមិនអនុវត្តច្បាប់ការងារ។ ថៅកែរោងចក្រមួយចំនួនមិនចង់ឲ្យមានការបង្កើតសហជីពនៅក្នុងរោងចក្រទេ។
វិទ្យុអាស៊ីសេរី មិនអាចសុំការបំភ្លឺពីតំណាងរោងចក្រ អែស.អិល បានទេ នៅថ្ងៃទី២ ខែវិច្ឆិកា។
ក្នុងសេចក្តីថ្លែងការណ៍របស់សហព័ន្ធសហជីព ស៊ីខាវឌូ ស្នើសុំ ៣ចំណុចឲ្យរដ្ឋាភិបាលដោះស្រាយប្រកបដោយប្រសិទ្ធភាព គឺទី១ ត្រូវដកកម្លាំងការពារ និងបញ្ឈប់បន្ទាន់នូវការប្រើហិង្សាលើកម្មករពីសំណាក់ក្រុមបក្ខពួករបស់ លោក មាស សុត្ថា។ ទី២ ត្រូវចាប់ជនដៃដល់ដែលមានចំពាមកៅស៊ូ និងកាំភ្លើងច្នៃ ដែលបានបាញ់មកលើកម្មករ និងជនដែលនៅពីក្រោយខ្នងយកទៅដាក់ទោសតាមច្បាប់។ ទី៣ ត្រូវធ្វើការដោះស្រាយឲ្យមានប្រសិទ្ធភាពទៅតាមចំណុចទាមទាររបស់កម្មករ។
អ្នកនាំពាក្យសាលារាជធានីភ្នំពេញ លោក ឡុង ឌីម៉ង់ មានប្រសាសន៍ថា រដ្ឋាភិបាលបានចេញសេចក្តីជូនដំណឹង ឬ ស.ជ.ណ មួយបញ្ជាក់ថា ឈ្មោះ មាស សុត្ថា បានលាលែងឈប់ពីប្រធានរដ្ឋបាលរោងចក្រ អែស.អិល។ អ្នកនាំពាក្យរូបនេះ បញ្ជាក់ថា ខាងសាលារាជធានីភ្នំពេញ នៅមិនទាន់ដឹងព័ត៌មានពីការប្រើអំពើហិង្សាពីបក្ខពួករបស់ លោក មាស សុត្ថា ទៅលើកម្មករទេ។ តែលោកបញ្ជាក់ថា ការប្រើអំពើហិង្សាទៅលើកម្មករជាការខុសច្បាប់។
កម្មកររោងចក្រ អែស.អិល រាប់ពាន់នាក់ ធ្លាប់ធ្វើបាតុកម្មបិទផ្លូវ និងដង្ហែក្បួនបាតុករទៅមុខក្រសួងសង្គមកិច្ច មុខសាលារាជធានីភ្នំពេញ ជាច្រើនលើក រហូតថ្មីៗនេះ ធ្វើបាតុកម្មដង្ហែទៅមុខផ្ទះនាយករដ្ឋមន្ត្រី ហ៊ុន សែន នៅក្បែរវិមានឯករាជ្យ រហូតមានការវាយបង្ក្រាបជាច្រើនលើកពីសំណាក់ក្រុមសមត្ថកិច្ច ធ្វើឲ្យកម្មកររបួសធ្ងន់ និងស្រាល៕
1 comment:
-អាឆ្កែយួនCPP សម រង្សី!
-អញឥឡូវស្អប់អាសម រង្សី ជាងអាចម៍ទៅទៀត!
-អាយួនមាន់សម្ល សម រង្សី អាមុខអាចម៍រុយ
ល្មមដល់ពេលចុះចេញទៅ ទុកឲ្យ
លោកសួន សេរីរដ្ឋា និង ពលរដ្ឋខ្មែរ គេធ្វើវិញម្តង។
-ប្រទេសខ្មែរ មិនមែនជារបស់ដាច់មុខ
សំរាប់ អាព្នងយួនសម រង្សីឡើយ ។ល។
កុំញ៉ែច្រើនពេក
Post a Comment