ព្រះចៅអធិការវត្ត ព្រះពុទ្ធមានសេរី ត្រូវគេលួចធ្វើឃាត មិនទាន់ដឹងមូលហេតុ

ខេត្តកំពង់ស្ពឺ៖ ព្រះចៅអធិការ វត្តព្រះពុទ្ធមានសេរី ស្ថិតនៅភូមិទឹកថ្លា ឃុំដំបូករូង ស្រុកភ្នំស្រួច ខេត្តកំពង់ស្ពឺ ត្រូវបានជនមិនស្គាល់មុខ លួចធ្វើឃាដ នៅក្នុងកុដិ ហើយត្រូវគេប្រទះឃើញសព របស់ព្រះអង្គ នៅព្រឹកព្រលឹមថ្ងៃទី២៧ ខែវិច្ឆិកា ឆ្នាំ២០១៣នេះ ។

មេបញ្ជាការអាវុធហត្ថ ខេត្តកំពង់ស្ពឺ លោកឧត្តមសេនីយ៍ត្រី ម៉ែន ស៊ីប៊ន បានប្រាប់តាមទូរស័ព្ទថា ការលួចធ្វើឃាត ព្រះចៅអធិការ វត្តព្រះពុទ្ធមានបុណ្យ ខាងលើនេះ នៅមិនទាន់ដឹង មូលហេតុនៅឡើយទេ ។

លោក ម៉ែន ស៊ីប៊ន បានបញ្ជាក់ថា ការភ្ញាក់ផ្អើល ប្រទះឃើញសពព្រះចៅ អធិការវត្ត បានកើតឡើង នៅព្រឹកថ្ងៃទី២៧ ខែវិច្ឆិកា ឆ្នាំ២០១៣នេះ ។ យ៉ាងណាក៏ដោយ លោក ម៉ែន ស៊ីប៊ន បានបញ្ជាក់ថា កម្លាំងសមត្ថកិច្ច របស់លោក និងកម្លាំងនគរបាលជំនាញ បាននិងកំពុងចុះទៅកន្លែងកើតហេតុ ដើម្បីធ្វើការស្រាវជ្រាវ ចំពោះករណីឃាតកម្មនេះ។

ជាមួយគ្នានេះ សេចក្តីរារយការណ៍មួយ បានឲ្យដឹងថា ករណីឃាតកម្ម ព្រះចៅអធិការវត្ត ព្រះពុទ្ធមានសេរីនេះ អាចជាករណីប្លន់ យកទ្រព្យសម្បត្តិ នៅក្នុងវត្ត៕

ផ្តល់សិទ្ធិដោយ៖ ដើមអម្ពិល