Tuesday, November 26, 2013

សង្គម​ស៊ីវិល​ព្រមាន​ប្ដឹង​មន្ត្រី​រដ្ឋាភិបាល​និង​ឈ្មួញ​ជាប់​ពាក់ព័ន្ធ​ការ​កាប់​ឈើ


មន្ត្រី​អង្គការ​សង្គម​ស៊ីវិល​ឃ្លាំមើល​ការ​កាប់​បំផ្លាញ​ព្រៃ​ឈើ ធ្វើ​សន្និសីទ​កាសែត
អំពី​ការ​កាប់​បំផ្លាញ​និង​ដឹក​ជញ្ជូន​ឈើ​ខុស​ច្បាប់​នៅ​កម្ពុជា ​កាល​ពី​ថ្ងៃ
ទី​២៥ វិច្ឆិកា ឆ្នាំ​២០១៣។ RFA/Tep Soravy
អង្គការ​សង្គម​ស៊ីវិល​ចំនួន ៥ ដែល​ឃ្លាំមើល​ការ​បំផ្លាញ​ធនធាន​ធម្មជាតិ ព្រួយ​បារម្ភ​ចំពោះ​ការ​កើន​ឡើង​នៃ​បទល្មើស​ព្រៃ​ឈើ​នៅ​កម្ពុជា និង​ការ​ដឹក​ជញ្ជូន​ឈើ​ប្រណិតៗ យ៉ាង​គគ្រឹកគគ្រេង​ដោយ​ចំហ​ទៅ​លក់​នៅ​ក្រៅ​ប្រទេស​ដោយ​គ្មាន​វិធានការ​ទប់​ស្កាត់។

ដោយ ទេព សុរ៉ាវី RFA 2013-11-26

អង្គការ​ទាំង​នោះ​រក​ឃើញ​ថា ក្រុម​ឈ្មួញ​បាន​ឆក់​ឱកាស​មុន និង​ក្រោយ​ពេល​បោះ​ឆ្នោត និង​ស្ថានភាព​ជាប់​គាំង​ខាង​នយោបាយ​នៅ​ពេល​បច្ចុប្បន្ន​នេះ សម្រុក​កាប់​ឈើ​ដោយ​មិន​ញញើត។

មន្ត្រី​អង្គការ​សង្គម​ស៊ីវិល​ព្រមាន​ថា នឹង​ទម្លាយ​ឈ្មោះ ព្រម​ទាំង​ដាក់​ពាក្យ​បណ្ដឹង​ប្រឆាំង​ឈ្មួញ និង​មន្ត្រី​ក្នុង​ស្ថាប័ន​រដ្ឋ​ជាង ១០០​នាក់ ដែល​ជាប់​ពាក់ព័ន្ធ​នឹង​ការ​កាប់​បំផ្លាញ​ព្រៃ​ឈើ ប្រសិន​បើ​រដ្ឋាភិបាល​មិន​ចាត់​វិធានការ​បន្ទាន់ ទប់ស្កាត់​ការ​បំផ្លាញ និង​ការ​ដឹក​ជញ្ជូន​ឈើ​ខុស​ច្បាប់។

២៨-មីនា-២០១២៖ គំនរ​ឈើ​ដែល​ត្រូវ​គេ​រក​ឃើញ​នៅ​ក្នុង​តំបន់​ព្រៃឡង់
នា​ខេត្ត​កំពង់ធំ។
អង្គការ​សង្គម​ស៊ីវិល​ចំនួន ៥ រួម​មាន​សមាគម​អាដហុក អង្គការ​ប្រឆាំង​អំពើ​ពុករលួយ​ទប់​ស្កាត់​ការ​បំផ្លាញ​ធនធាន​ធម្មជាតិ សម្ព័ន្ធ​សហគមន៍​កសិករ​កម្ពុជា និង​បណ្ដាញ​កសាង​សន្តិភាព​សហគមន៍​ដែល​មាន​សាខា​តាម​ឃ្លាំមើល​សិទ្ធិ​មនុស្ស និង​ធនធាន​ធម្មជាតិ​ចំនួន ២៤​រាជធានី​ខេត្ត​ដែល​ឃ្លាំមើល​ការ​បំផ្លាញ​ធនធាន​ធម្មជាតិ បាន​ដាស់​តឿន​ព្រម​គ្នា​ទៅ​រដ្ឋាភិបាល​ឲ្យ​យក​ចិត្ត​ទុក​ដាក់​ឲ្យ​មែន​ទែន​ចំពោះ​ការ​កាប់​បំផ្លាញ​ព្រៃ​ឈើ ហើយ​ដឹក​ខុស​ច្បាប់​ទៅ​លក់​នៅ​ក្រៅ​ប្រទេស។ អង្គការ​ទាំង​នោះ​ក៏​បាន​ព្រមាន​ថា វិនាសកម្ម​ព្រៃ​ឈើ​អាច​នឹង​កើត​ឡើង​ក្នុង​អំឡុង​ពេល ៣ ទៅ ៦​ខែ​ទៀត ប្រសិន​បើ​គ្មាន​ការ​ទប់​ស្កាត់។

អ្នក​ស្រាវជ្រាវ​ធនធាន​ធម្មជាតិ​របស់​មជ្ឈមណ្ឌល​សិទ្ធិ​មនុស្ស​កម្ពុជា លោក ឈឹម សាវុធ ឲ្យ​ដឹង​ថា របត់​ថ្មី​នៃ​ការ​កាប់​បំផ្លាញ​ព្រៃ​ឈើ​មាន​រូបភាព​ប្លែក ដោយ​ក្រុម​ឈ្មួញ​បាន​បំផុស​ឲ្យ​ពលរដ្ឋ​ក្នុង​សហគមន៍​កាប់​បំផ្លាញ​ព្រៃ​ឈើ​ដោយ​ខ្លួន​ឯង។ សហគមន៍​ដែល​ធ្លាប់​ដើរ​តួនាទី​ការពារ​ព្រៃ​ឈើ បាន​ប្រែ​ក្លាយ​ជា​អ្នក​កាប់​បំផ្លាញ​ព្រៃ​ឈើ​យ៉ាង​សកម្ម និង​បាន​យក​លក់​ទៅ​ឲ្យ​ក្រុម​ឈ្មួញ និង​កង​កម្លាំង​ប្រដាប់​អាវុធ មុន​នឹង​យក​ទៅ​លក់​ឲ្យ​ក្រុមហ៊ុន។
ក្រុម​សហគមន៍​បាន​ផ្លាស់ប្ដូរ​ឥរិយាបថ​ពី​ការពារ​ព្រៃ​ឈើ​ទៅ​កាប់​បំផ្លាញ​ព្រៃ​ឈើ។ លោក ឈឹម សាវុធ ពន្យល់​ថា មូលហេតុ​នៃ​ការ​ផ្លាស់ប្ដូរ​នោះ ដោយសារ​តែ​ពួកគេ​ហាក់​គ្មាន​ជំនឿ​ទៅ​លើ​រដ្ឋាភិបាល ហើយ​គិត​ថា ប្រសិន​បើ​ពួកគេ​មិន​កាប់​ទេ​នោះ ក៏​នៅ​តែ​មាន​ក្រុម​ឈ្លួញ និង​ក្រុមហ៊ុន​កាប់​បំផ្លាញ​ដែរ។

អ្នក​សម្របសម្រួល​អង្គការ​អាដហុក ប្រចាំ​ខេត្ត​រតនគិរី លោក ឆាយ ធី មាន​ប្រសាសន៍​ថា ការ​ផ្តល់​ដី​សម្បទាន​សេដ្ឋកិច្ច​របស់​រដ្ឋាភិបាល​ឲ្យ​ទៅ​ក្រុមហ៊ុន ភាគ​ច្រើន​ស្ថិត​នៅ​ក្នុង​តំបន់​ព្រៃស្រោង​ដែល​ច្បាប់​ហាម​ឃាត់។ លោក​បញ្ជាក់​ថា ការ​កាប់​បំផ្លាញ​ព្រៃ​ឈើ​នៅ​ខេត្ត​រតនគិរី កើត​ឡើង​ដោយសារ​តែ​ការ​ផ្តល់​ដី​សម្បទាន​សេដ្ឋកិច្ច។ ការ​មាន​សិទ្ធិ​ស្រប​ច្បាប់​ប្រមូល​ទិញ​ឈើ​របស់​ក្រុមហ៊ុន ទ្រី ភាព ក៏​មាន​ការ​បន្លំ​ឈើ​ខុស​ច្បាប់​ដឹក​ចេញ​ទៅ​លក់​ឲ្យ​ប្រទេស​វៀតណាម ក្រោម​ស្លាក​សម្បទាន​សេដ្ឋកិច្ច។

អង្គការ​ក្រុម​កិច្ចការ​ពិសេស​សិទ្ធិ​មនុស្ស​កម្ពុជា បាន​ចេញ​របាយការណ៍​មួយ​កាល​ពី​ថ្ងៃ​ទី​២០ ខែ​វិច្ឆិកា បង្ហាញ​ថា ក្រុមហ៊ុន​របស់​លោក ទ្រី ភាព មាន​ទំនាក់​ទំនង​ជិតស្និទ្ធ​ជាមួយ​រដ្ឋាភិបាល និង​មាន​ដី​សម្បទាន​សេដ្ឋកិច្ច​ចំនួន​ជិត ៧​ម៉ឺន​ហិកតារ គ្រប​ដណ្ដប់​លើ​ខេត្ត​ក្រុង​ចំនួន ១២ តាម​រយៈ​ការ​បំបែក​ក្រុមហ៊ុន​តូចៗ​ចំនួន ១៥ កំពុង​ប្រតិបត្តិការ​កាប់​បំផ្លាញ​ព្រៃ​ឈើ​ប្រណិតៗ​ដឹក​លក់​ជា​ចំហ​ទៅ​កាន់​ប្រទេស​វៀតណាម។

លោក ទ្រី ភាព ក៏​ជាប់​ឈ្មោះ​អាស្រូវ​ប្រចាំ​ឆ្នាំ​២០១៣ ក្នុង​របាយការណ៍​អង្គការ​ឃ្លាំមើល​ធនធាន​ធម្មជាតិ​លើ​ពិភពលោក (Global Witness) ដែល​រក​ឃើញ​ថា លោក ទ្រី ភាព បាន​ធ្វើ​ជា​ដៃគូ​ជាមួយ​ក្រុមហ៊ុន​វៀតណាម ហេង ប្រាឌ័រ (Heng Brother) ដែល​ជា​ខ្នែង​របស់​ក្រុមហ៊ុន ហ័ង អាញ យ៉ាឡាយ (Hoang Anh Gia Lai) ដើម្បី​ឲ្យ​កាប់​រាន​ព្រៃ​ឈើ។ ក្រុមហ៊ុន ហ័ង អាញ យ៉ាឡាយ គឺ​ជា​ក្រុមហ៊ុន​មួយ​ក្នុង​ចំណោម​ក្រុមហ៊ុន ២ ដែល​របាយការណ៍ Global Witness រក​ឃើញ​ថា កំពុង​បង្ក​វិនាសកម្ម​ព្រៃ​ឈើ​នៅ​កម្ពុជា។

បណ្ដាញ​កសាង​សន្តិភាព​សហគមន៍ លោក សេង សុខហេង មាន​ប្រសាសន៍​ថា ការ​ផ្លាស់ប្ដូរ​មូលដ្ឋាន​ទ័ព​ញឹកញាប់​នៅ​តាម​ព្រំដែន ក៏​ជា​បុព្វហេតុ​នៃ​ការ​កាប់​បំផ្លាញ​ព្រៃ​ឈើ ដោយសារ​តែ​ការ​ប្ដូរ​ទីតាំង​កងទ័ព​ម្តងៗ ត្រូវ​ការ​ផ្ទៃ​ដី​ច្រើន​ពាន់​ហិកតារ ហើយ​ការ​កាប់​ឈើ​ក្នុង​ព្រៃ​សហគមន៍​បាន​កើត​ឡើង ដើម្បី​រាន​យក​ដី​ធ្វើ​ទី​តាំង​ទ័ព។ មួយ​វិញ​ទៀត ថ្មីៗ​នេះ ឃើញ​មាន​រូបភាព​ថ្មី​ដែល​ក្រុម​ឈ្លួញ និង​អ្នក​មាន​លុយ​កំពុង​ដឹក​ឈើ​ចេញ​តាម​ផ្លូវ​ទឹក​ពី​តំបន់​ព្រៃ​ឡង់ រាប់​សិប​ម៉ែត្រ​គូប​ក្នុង​មួយ​ថ្ងៃៗ។

មាន​មូលហេតុ ៥ ដែល​អង្គការ​សង្គម​ស៊ីវិល​បាន​រក​ឃើញ​ថា នាំ​ឲ្យ​កើត​មាន​ការ​បំផ្លាញ​ព្រៃឈើ​យ៉ាង​គំហុក។ ទី​១ ការ​ផ្តល់​ដី​សម្បទាន​សេដ្ឋកិច្ច ទី​២ ផែនការ​អភិវឌ្ឍន៍​គម្រោង​ថាមពល​វារីអគ្គិសនី ទី​៣ តម្លៃ​ឈើ​នៅ​ក្នុង​ទីផ្សារ​មាន​ហាង​ឆេង​ខ្ពស់ និង​សំបូរ​ដោយ​សិប្បកម្ម​កែច្នៃ​ឈើ ទី​៤ ការ​កាប់​បំផ្លាញ​ព្រៃ​ឈើ​យក​ដី​ធ្វើ​កម្មសិទ្ធិ​ក្នុង​តំបន់​ដែល​មាន​ព្រៃ​ឈើ និង​ទី​៥ ការ​ផ្លាស់ប្ដូរ​និង​ការ​សាងសង់​មូលដ្ឋាន​កង​កម្លាំង​ប្រដាប់​អាវុធ​ថ្មី។

អ្នក​នាំ​ពាក្យ​ទីស្ដីការ​គណៈរដ្ឋមន្ត្រី លោក ផៃ ស៊ីផាន បញ្ជាក់​ថា រដ្ឋាភិបាល​មិន​ដែល​ព្រងើយ​កន្តើយ​ចំពោះ​កិច្ចការ​ការពារ​ការ​កាប់​បំផ្លាញ​ព្រៃ​ឈើ​នោះ​ទេ៖ «រៀបចំ​ការងារ​ជា​ប្រព័ន្ធ​តាម​រយៈ​ច្បាប់ ឬ​តាម​របៀប​គ្រប់គ្រង ដើម្បី​ឲ្យ​មាន​ស្ថិរភាព​រវាង​ធម្មជាតិ​ជាមួយ​មនុស្ស ជាមួយ​នឹង​ការ​រីក​ចំរើន​សេដ្ឋកិច្ច។ ជាមួយ​គ្នា​នេះ​ដែរ ទទួល​បន្ទុក​ក្នុង​ការ​ធ្វើ​ឲ្យ​មាន​តុល្យភាព​រវាង​គម្រប​ព្រៃ​ឈើ​រួម​គ្នា​ជាមួយ​អន្តរជាតិ ប្រឆាំង​ទៅ​នឹង​ការ​ផ្លាស់ប្ដូរ​សីតុណ្ហភាព​លើ​ពិភពលោក​នេះ»។

អង្គការ​សង្គម​ស៊ីវិល​រាយការណ៍​ថា តំបន់​ព្រៃ​ឈើ​ដែល​ត្រូវ​កាប់​បំផ្លាញ​នោះ មាន​នៅ​តំបន់​ព្រៃ​ការពារ តំបន់​ព្រៃ​ឈើ​សម្រាប់​អភិរក្ស​សត្វ​ព្រៃ តំបន់​ព្រៃ​ស្នួល​សម្រាប់​ការពារ​ជីវចម្រុះ និង​តំបន់​ព្រៃ​សួន​ឧទ្យាន​ជាតិ​ជាដើម។

ក្រុម​អង្គការ​និង​សហគមន៍​បាន​រក​ឃើញ​ជន​ប្រព្រឹត្ត​បទល្មើស​ច្រើន​រយ​នាក់ ប៉ុន្តែ​មាន​ជាង ១០០​នាក់​ដែល​ត្រៀម​នឹង​ដាក់​ពាក្យ​បណ្ដឹង​ទៅ​អង្គភាព​ប្រឆាំង​អំពើ​ពុករលួយ និង​ប្ដឹង​ទៅ​តុលាការ ប្រសិន​បើ​រដ្ឋាភិបាល​នៅ​តែ​មិន​ស៊ើប​អង្កេត និង​ចាត់​វិធានការ​ច្បាប់​បន្ទាន់​ទៅ​លើ​ការ​កាប់​បំផ្លាញ និង​ដឹក​ជញ្ជូន​ឈើ​ខុស​ច្បាប់​ទេ​នោះ៕

8 comments:

Anonymous said...

If Khmer people have no courage and don't stand up to find the justice. All interest of Khmer country will destroyed by Hun Sen and his group. The next Khmer generation will be slave or they have no land to stand.

Anonymous said...

It has many Khmer vietcong hiding in the government. They work for destroy Khmer. Just one example CHUM PRASIT,his father is the old vietcong before 1975. Why all Khmer people let all Khmer vietcong lead Khmer country ? All the Khmer vietcong, they just work and complete the plan of Hanoi to destroy Khmer. We need to change.

Anonymous said...

The words change is not,we want and can change right away. We need time, so we must keep patient.We have a difficult in the short moment,but the future is bright.

Anonymous said...

កាប់ទៅ! កាប់ទៅ! កាប់ឲ្យរលាយសូម្បីតែកូនចៅវាក៍គ្មានដើមឈើជ្រកដែរ។

Anonymous said...

Love your slogan Kdamjor!
****
kill Hun sen save your country,kill Pheap Try save your forests!****

Lovin'It

Anonymous said...

I agreed....learn from our Philippians Brother. They have overthrown Marco the Dictator by the people. Come as one Khmer by the million to fight against any land grabber, corrupted official and Deforest in any city or providence

Anonymous said...

To all Khmer people young and old! Don't sit or stand pride of yourself and watch your country is being destroyed by CPP, VC and the Chinese company. Dont wait for Khem and Sam to make your country better. It going take United Khmer People to stop the Traitor!

Anonymous said...

ចាំតែចុះតើ!

ហ៊ុន សែន